رواية انكسار الياسمين الفصل التاسع والعشرون 29 بقلم أمل مهدي
رواية انكسار الياسمين الجزء التاسع والعشرون
رواية انكسار الياسمين البارت التاسع والعشرون
رواية انكسار الياسمين الحلقة التاسعة والعشرون
اتجاهلني بعد وياي ثكل الدم
لا تنطي مجال اصعب وكابر هم
ضبط سوي روحك عود ما مهتم
والله تحبني حب بس الله بي يعلم
تراقب عن بعد كلبك عليه ايلوب
جرأة الـ بالكلب لو تنتقل للفم
جا كلمة احبك جزت ذاك الصوب
____________
_ ياسمين
_ اي ياسمين خاله ام رغد اشلونج
_ هلو حبيبتي وينج مشتاقه اسمع اخبارج
_ والله اني مشتاقه أكثر
مصيطرت على دموعي لان هاي الانسانه بكمية الحنان العدها ذكرتني بأمي
التفتلي الدكتور وحس وجوده يحرجني
د. امجد _ أشر العلاوي
تعال نلعب طوبه يا بطل
ام رغد _ آني آسفه نسيتج مسؤلياتي اشغالي هوايه
ياسمين _ معذوره الله يساعدج
أم رغد _ أاااه يا ابتسام شكد وصتني عليج آني جد آسفه
عن قريب راح نجي للعراق أنساعد النازحين ومناك لازم اشوفج
شخبارج وشخبار رافع
_ عزت عليه نفسي اشكيلها وهيه بعيده
يعني الحمد لله عايشين…
_ احسج تبجين احجيلي محمد مأذيج اني من البداية
ما مرتاحتله….
_ محمد مات من سنتين
_ اه يا حضج شنو هلنحس
انشالله منا لشهر راح ينتقل نشاطنه للعراق وانزل بأربيل
وراح ازورج أمريني شنو محتاجه يا بنتي
_ يعني ما اريد اثگل عليج وانتي مشغوله
_ گولي ياسمين موبس انتي اني شغلي هذا اقدم مساعدات للناس
وانتي أولى بنت بلدي وبنت صديقتي
_ فرحت لان شجعتني احجي
عندي مشروع ومحتاجه فلوس دين يعني… و
_ انتي تشتغلين بي…
_ اي
_شكد تحتاجين…….
_كيفج ثلاثه اربع ملايين
_ انشالله انتظريني شهر احولك المبلغ
تشكرت منها
وسلمت وسديت الخط
ماتوقعت الله يفرجها عليه بعد ما أيست
الفرحه الغمرتني حسيت روحي طايره فوگ الگاع
تشكرت من الدكتور على الموبايل….
اليوم جمعه رحت للبيت دخلت فرحانه بشرت خالتي ورافع هواي فرحولي
رضى _ عمه اني وياج اشتغل اراقب اخاف البنات يبوگون القماش
ياسمين _حضنته محد يبوگنه حبيبي
انت وابوك وياي اكيد
رافع _ مبتسم الله يوفقج ويحقق البالج
ياسمين _ لزمت ايده بستها وكعدت يم الكرسي مالته الله يوفقه كلنه
ويخليك اليه
راجحه _ الله يحفظكم ويديم المحبه البينكم
التفتت ميز وعليه حاسبه تقريبا نفس العند الدكتور
ياسمين _ هاي شنو مطورين
إيمان _ هاي حسن اشتراها النهار كله كاعد على الانترنيت مدري
شيشوف بيها
ياسمين _يعني عدكم انترنيت بالبيت……؟؟؟؟
رضى _ اي حسن سحب من ابو الشبكه
ياسمين _ زين حتى اخابركم على فايبر ليش نصرف رصيد
يله علوش امشي ويايه يله رضى
رافع _ وين
ياسمين _ للسوگ اشوف الحجيه اوصيها على محل مناسب
حتى من تجيني الفلوس اباشر بسرعه
إيمان _ والحجيه ام هاله تعوفيها
ياسمين _ من هسه لازم انطيهم خبر حتى يشوفون غيري
رافع _ آني برأيي لا تستعجلين من تجيج الفلوس عود بلغيهم
ياسمين _ اي صح لعدما احجي..
طلعت للسوگ اشتريت مبايل حديث الرافع اريده شويه يلتهي يشوف العالم شكو بي هواي انقهر على حاله صفى لا صديق ولا رفيق يتونس ويا
وتراكين الرضى والعلاوي
ورحت لام حسين
ياسمين _ اشلونج حجيه
ام حسين _ هله أم علاوي ومية هله اشلونج يمه
ياسمين _ بخير الحمد لله هههه
الحجيه _ اليوم الوجه منور ويضحك
ياسمين _ اي والله حجيه انشالله فرجت عن قريب افتح المحل
الحجيه _ ييا الله حتى اخذج المعميلي حتى ينطيج على التصريف
ياسمين _ يعني اذا ماكفت الفلوس ينطيني بالدين
الحجيه _ كلشي ينطي واني اكفلج
ياسمين _ الله يخليلج ولدج حجيه بس اريد محل إيجار وهنا يمج
الحجيه _ المحل يمي انتي بس أشري واني أأجرلج
ياسمين _ ما اعرف اشلون اجازيج وگفتج ما انساها
الحجيه _ جا شلون الينخاني اعوفه لا والله اخدمه بماي عيوني
ياسمين _ تسلميلي
لعد گصيلي قطعتين قماش لخالتي ومرت اخوي
رجعت من السوگ محمله
ملازم هلشهر ما اوفر اريد افرحهم مثل ما آني فرحانه
انطيت الموبايل الرافع….
رافع _ شسوي بي يابويه الفلوس تفيدج ليش اطشريهن
ياسمين _شوف هنا نخلي الرمز مال النت قصدي الانترنيت حتى
تكلب براحتك اليوتيوب تتونس بي وكلشي تريد تعرفه اكتب ويطلعلك
وهنا نزلتلك فايبر حتى احجي وياك
خلصت الجمعه ورجعت البيت الدكتور
دخلت محد بالبيت بس الحجيه كاعده وحدها منتظرتني
اخذتها للحمام سبحتها وبدلت ملابسها وغيرت فراشها
وريگتها…
ياسمين _ شنو محد بالبيت……؟؟؟؟
الحجيه _باوعتلي وابتسمت قصدج دكتور أمجد…
فوگ بغرفته….
ياسمين_ حتى احسب حسابه على الغده
دخلت المطبخ وسويت برياني دجاج
رتبت ميز الطعام وانتظرت ينزل هو والدكتوره إيناس ما كو
تاخرو
عاد غديت الحجيه ورجعت الاكل المكانه
نامت الحجيه واني كعدت بالمطبخ على التلفزيون
اني وعلاوي
سمعت الدكتور نزل من الدرج واجه فات من المطبخ
بكامل اناقته وبيده مناظره الشمسيه
سلم بدون ما يباعلنه وطلع حسيت وجها ثگيل
حتى علاوي ظل يبا عله وهو ما التفتله
ظلت أبالي منين زعلان معقوله متعارك ويه الدكتوره
والله اشوفها حبابه….
اوي آني شعليه شايله همهم
رجعت اتفرج على التلفزيون
كعدت الحجيه
رحتلها وديتها للحمام ورجعته كعدت ويانه بالصاله
من يوم اجيت الحجيه اخذت راحتها ويايه تحب
الكيك والكعك
واني يوميه اسويلها شغله تأكلها العصر
قدمتلها الجاي والكيك
الحجيه _لزمت ستكان الجاي وسرحت اتگلب بين طيات السنين
جنه كاعدين مثل هيج وقت اني وعبد الكريم (أبو امجد)
أمجد يلعب ابايسكله
وهاله تلعب بلعابتها
جنت احوك بلوز لامجد والتلفزيون طالع بي مسلسل عراقي اسمه أعماق الرغبه
آني هواي احب المسلسلات العراقيه
اذكر گالي
عبد الكريم _ سويلي جاي من ايدج الحلوه سهير
سهير _ تدلل عيني… عفت كوكلة الصوف من أيدي ودخلت
المطبخ خدرت الجاي ورجعت بيدي الصينيه
بيها استكانات الجاي وماعون كعك ابو الدهن جان
كلش يحبه
بعدها الصينيه بيدي ونسمع باب الحوش اندفرت
وفاتو علينه
يمكن سته زلم شكلهم يخوف وجوهم خاليه من الرحمه
لابسين عسكري
واحد منهم جتف عبد الكريم وشد ادي وره ظهره
اني من الهبطه وگعت صينيه الستكانات من ايدي وطشر
الشكر والجاي وركضت على ولدي أمجد وهاله من الخوف
يبجون
حضنتهم وابجي واتوسل بيهم
عوفو شتردون منه ما مسوي شي
اخذو جر يجرونه وهو يباوع علينه
ركضت وراهم وجلبت بقميصه ما ريد ياخذو
واحد لزم أيدي وگال بس يوصل نحجي ويا ويرجع
التفتلي هو وگال ديري بالج على الجهال سهير….
حسيت بنظراته الفراگ
اخذو ولليوم ما رجع كذبو عليه
جد امجد شكد راد يطلعني من البيت ما طلعت جنت
اخاف يجي عبد الكريم ومايلگاني
مشت حياتي يوم ورى يوم وسنه ورى سنه انتظر وهو ما كو
اداوم واصرف على جهالي كاعده ابيتي لحد ما كبرتهم
ووصلتهم مثل ما راد ابوهم
بعدين عرفنه ابو امجد انعدم لويش منعرف….
مات ومات سره ويا
ياسمين _ هيه تحجي واني دموعي تنزل قهرتني تذكرت امي
لحد قبل ما تموت هيه تذكر ابويه وتحجيلي عنه
ورجعت كملت
زوجت هاله والله رزقها باولاد
بس أمجد هو اختار أيناس وهيه ما تخلف يعني راح ينگطع ذكر عبد الكريم وما يستمر
ولتفتت عليه آني كل ضني جايتها حالة الزهايمر بس
من حجت تأكدت هيه بكامل وعيها
آني قررت ازوجه…….!!!!
وختاريتج انتي لان عرفتج بت أوادم راح اسعدي وتريحي
وهذا البيت كله الج محد يشاركج بي ادللج شنواطلبين وتأمرين يجرالج بس اريد احفاد
اريد اشوف ذريته قبل ما اموت
ياسمين _ المفاجأه ذهلتني
الحجيه تتوسل بيه تزوجني للدكتور…
وذكرت…….
من هاي زعلان ووجهه ثگيل عليه يصورني متفقه وياهم
حجيه وايناس حرام هيه مالها ذنب شلون تزوجي عليها
الحجيه _ آني ما كلتله يعوفها
ياخذها بيت غير هذا وهنا انتي تعيشين
صدگي من تخلفيله الا ويعوفها ويظل يمج
ياسمين _ شنو كأنه مخططه للموضوع ومرتبه كلشي
الحجيه _ صار شهر نتفق اني وهاله… وابتسمت ولزمت أيدي تطبطب عليها
واني ختاريتج
حبيتج من اول يوم اجيتي…. طبيتي گلبي
نادره وشاطره وجميله يستاهلج مجودي
ياسمين _ والدكتور يدري…..؟؟؟
الحجيه _ البارحه گلتله اذا ما يقبل الا اتبره منه كافي عمره ٤٥
يمته يخلف مو حتى راسه شيب
ياسمين _خاله آني ما اريد ازوج مستحيل اخرب بيتهم
حرام عليه
دكتوره أيناس حبابه وخطيه اخذ رجلها منها
الحجيه _ انگلب وجها
ما تخلف اشلون بله والله محلل يزوج اربعه لا وحده ولا اثنين
ياسمين _ بكيفج وبكيفه هو بس آني ما أكدر أوافق شوفي غيري
شفتها مثل زعلت
عفتها ورحت بره اشوف علاوي يلعب طوبه
اليوم الدكتور طلع من الصبح ولسه ما رجع اكيد من المستشفى للعياده
جان يحب يتغده ويه امه هسه اطبخ ويظل الاكل على الطباخ محد ياكله حتى ما يراويني وجها
شلون بيج يا ياسمين وين ما تذبيها سوده ومصخمه
هههه الحجيه تحجي بصيغة امر وكانه راح أشكرها لان اختارتني
ما بقه شي يخلص الشهر وابطل
ابقى انتظر ام رغد هيه كالت شهر انشالله توفي بكلامها
گطعت صفنتي الباب من انفتحت ودخلت ست هاله
اكيد الحجيه اتصلت عليها تجي تقنعني
هاله _ هلو ياسمين اشلونج
ياسمين _ اهلا ست بخير الحمد لله
هاله _ تعالي ياسمين عندي حجي وياج
ياسمين _ اعرف علويش اتمنه تقتنعين اني ما فيدكم
هاله _ ليش شنو السبب والله الدكتور حباب ويحب ابنج
خوب اذاجبتيله الطفل الا يدللج
ياسمين _ اعرف بس آني ما اتزوج لا الدكتور ولا غيره
عندي ابني اربي وبس
هاله _ شايفه هذا البيت كله الج وامي تعبانه هلتشوفيها
يعني انتي تأمرين وتنهين بالبيت
وقبل ما ارد رفعت ايدها….. ما اريد تنطيني رايج هسه فكري زين
كلشي تردي يجرالج
اطمنت على امها وراحت…. كل ظنها تغير رأيي
هاله شافت وضعي تعبان اصورت زواجي من أخوها جائزه
تقدمها الي
انتظرت لليل لازم احجي ويه الدكتور
عشيت الحجيه ونومتها وحتى علاوي نام واني كاعده بالمطبخ انتظر
حوالي ساعه وحده أكثر سمعت الباب انفتحت ودخل السياره
جان وجها مبتشر يمشي ويتبسم يمكن جان يم زوجته
دخل للمطبخ تفاجأ بيه
ومن شافني رجع گلب وجها
د. أمجد _ ليش كاعده شعندج
ياسمين _ دكتور اريد احجي وياك
د. امجد _ باوعلي بالبدايه بغضب وبعدين گال
اسمعج…
ياسمين _ دكتور اني راس الشهر راح اترك البيت
د. _ اتغيرت معالم وجها بسرعه والتفت عليه
ليش…….!!!!!
اني ما اريد اسببلك مشاكل ولا اني اريد ازوج والحجيه مصره على البراسها
د. _ جر حسره ورجع خطوتين كعد على الكرسي
يعني فاتحوج بموضوع الزواج……؟؟؟
ياسمين _ اي وست هاله منتظره مني افكر
واردلها جواب….
د. أمجد _ سكت لحظه يفكر ولتفت عليه شافني منتبها انتظر منه جواب
ابتسم آني ما اريد تبطلين انتي بس آلامي ارتاحت وياج
وبصراحه كلنه ارتاحينه الج
ياسمين _ الدكتوره ماكو…..!!!!
د. _ ليش تسالين عنها……؟؟؟
ياسمين _ اخاف زعلانه بسبب هذا الموضوع
د. _ لا ماتدري بتخطيط امي وهاله بس آني بعدتها احسن من مشاكلها ويه امي
انتي شفتي اشلون تعاملها…..
ياسمين_ ولو اخاف تعتبرها تدخل دكتور انتو ليش ما تتبنون طفل من الايتام
د. _ اني وايناس راضين انعيش بدون أطفال بس امي الماراضيه
تريدني ازوج بكل الطرق المهم تشوف احفادها
ياسمين _ من شفته منطلق يسولف تماديت ابأسألتي وبعدين
تندمت لان جفصت بالحجي
اتريد الصراحه دكتور والدتك حقها الأولأد زينة الحياة الدنيا الله سبحانه وتعالى گالها في محكم كتابه
شلون گلبگ ما يريد طفل باجر تكبر تحتاجهم يشيلون اسمك
د. _ التفتلي وبتسم بخبث وتغيرت نظرته بلحظه
يعني رايج ازوج ……؟
ياسمين _ سكتت بس بگلبي لمت نفسي على تدخلي آني شحجاني
د.أمجد _ ها شتگولين ازوج وارضي امي مو
گالها وهو ينتظر جوابي وعيونه تراقب كل ردة فعل مني
ياسمين _ آني آسفه أدخلت بخصوصياتك
الموضوع يخصك انته ووالدتك
آني بالنسبه الي ما أوافق
وراس الشهر شوفو وحده تعتني بالحجيه هاي بلغتك حتى تكون على علم
وترخصت ورحت للغرفه مال الحجيه حضنت ابني وتمددت
ظليت ارزل بروحي يعني نص الليل كاعده ويه رجال الوحدج وتخططين الحياته
هسه شيگول هاي رايدتني
وهو جاي من بره منسم مدري وين وبيا مصيبه جان عدج عقل
شنو هلغباء
وكل ما اتخيل نظرته اليه ارجع اغم روحي
امداج بعدج فطيره وتثقين بالناس يا ياسمين مو شبعتي كفخات من دنياتج
بس حجيت كلمتين عيونه گامت تتگلب
شنو قصده ما فهمت
گوه اخذت عيني نوم
سيد علي….
رجعت ثاني يوم المغرب من الوكاله لگيت مهيمن جاي
سلمت ورحبت وجها ثگيل
مهيمن _ من رخصتك علي راح آخذ زينب ترتاح كم يوم
السيد _ ليش شنو المتعبه…
مهيمن _ رفع ايده بزعل احنه فوتنه ذيج وگلنه لان @من وراك سوت العمليه بس هسه مال تضربها ما نفوتها الك
السيد _ وليش ضربتها ما گالتلك
مهيمن _كل مره تغار على رجله وانته تعرف المشكله وين
السيد _ لا مو على هاي لان اجاوزت على أبويه وامي
مهيمن قاطعني بزعل احنه ماعدنه مره تنضرب ومن الأول
غلط ننطيك مره
السيد _ ليش بلله غلط… مو من نسل الساده
شنو تقصيري ويه اختك
مهيمن _
يله زينب امشي
طلعت زينب مجهزه جنطها ولدها وياها
السيد _ صحت بليث اخذ اخوتك وادخلو جوه
وكلت موجه كلامي الزينب
اذا تطلعين الوحدج ما تاخذين الجهال
زينب _ مو بكيفك ذوله جهالي
مهيمن _ ما لك حق تحرمها من جهاله…..!!!
السيد _ اني ما حارمها تريد تطلع براحتها بس جهالي يبقون
يمي تسع شهور عافتهم وامي المريضه احتارت بيهم
لا تخاف على اختك تتحمل
مهيمن _ امشي زينب تاخرنا
زينب _ ما اطلع الا أخذهم…
مهيمن _ وعد الا اجيبهم الج
وانته ياعلي حسابك ويه سيد باقر
أخذها وطلع….
اميمه _ ليش ياسيد كبرتها جان صالحتها مو تدري عقلها زغير
السيد _ نترت من حرگت گلبي
الا اگلج البارحه صالحتها وحتى نمت وياها شسويلها بعد
وهسه جايبتلي الشفيه اخوها ياخذها
يعني شنو اسوي حتى ارضيها
شوفيني مرتاح وياها …. ولتفتت الصورة ابويه
الله يرحمك سيد حسين مو تدري بيهم شنو ليش
ورطتني وياهم
يمه ذوله يردوني جوه اديهم شايفين نفسهم عليه
يباعولي بعين الزغيره
يعتبروني مو منهم مهجن لان انتي مو علويه فهمتيني
ثاني يوم كاعد بالوكاله اتصل عليه عمي باقر
الو السلام عليك
سيد علي _ عليكم السلام عمي اشلونك
سيدباقر _ انهد بيه انت خليت بيها سلام يوميه مسويلك مكسوره
تضرب زينب تاليتك آني صوجي انطيتك مره وله انته
ابن بغداد حرام انسميك سيد
حجى وغلط
واني اكله اشكرك
على راسي تمون انته ابويه
انطيني مجال افهمك ماكو مصر يسمع طرف بنته
ما يسمعني
سديت الاتصال
مرت ثلاث أشهر جانت تتصل بأولادها كل يوم
تريد ترجع بس
وعمي مصر الا يجي السيد والا مالها رجعه
وامي رزلتها كلتلها انتي الكبرتى الموضوع حلي من
يمج السيد قافل ما يجيج
اليوم اجاني اتصال من آمنه الحگ آلاء
ومصطفى متعاركين البارحه ومخلصها خلاص
السيد _ علويش شمسويه……!!!!
أمنه_ تگول كشفته مزوج عليها مدري شنو ومتعارگين
السيد _ وعمي باقر وينه من ابنه لو مهيمن مو يگولون
بناتنه ما تنضرب لو بنات سيد حسين من ينطبق
عليهن قانونهم
هيه هسه وين
آمنه _ يمي اليوم اجت…
اني جايج خلي تحضر نفسها آخذها
آمنه _ تجي للنجف شيجيبك اخاف مصطفى ميقبل
السيد _ولد عمج يرادلهم لوية اذن حتى يصحون
ياسمين _
اليوم جمعه من الصبح غسلت للحجيه وبدلت ملابسه
وريگتها
وحضرت روحي حتى اروح البيتنه انتظرت هاله تجي بمكاني
هاله _ هلو ياسمين
ياسمين _ اهلا ست
هاله _ همزين لكيتج خفت لا تروحين وما اشوفج
ياسمين _ اذا على موضوع الزواج اني ما موافقه
هاله _ هسه اسمعيني بالأول وبعدين احجي
ياسمين _ اني حتى بلغت د. أمجد برفضي لا تحاولين
هاله _ هاي شوكت حاجيه ويا
ياسمين _ البارحه
واني راس الشهر اترك الشغل يعني شوفو غيري
هاله _ وتهون عليج تعوفين امي شوفيها حتى صحت وردت روحها من يوم الاجيتي انتي
ياسمين _ والله ياريت بيدي بس عندي ضرف ومراح اكمل
هاله _ انتي ليش تبهذ لين روحج وابنج فكري راح تعيشين ملكه وهذا البيت كله الج بس انتي وامي
ياسمين _ ست اخوج مرتاح ويه مرته وراضي بحاله انتو ليش تردون تزوجو بالكوه
هاله _ ولج يا بالگوه غير هو گالي اقنعج
ياسمين _ ………..!!!!!
صفنت متعجبه هاي شبيها الناس بدل ما يقدرون تعبي واهتمامي بامهم فكرو يستفادون مني
هاله _ والله انتي ليش ممصدكه وضربتني على رجلي
هههه والله انتي عاجبته…..
ياسمين _ ويعني شنو ترديني افرح لان عجبته للدكتور تره هو بگد ابويه اكيد وحده مثلي تعجبه
هاله _ لاااا تره هو مو جبير كلش وباجر لو جبتيلنه الطفل راح يشيلج على راسه
وفكري بابنج راح يدخل مدرسه ويهتم بي
والله حبيناج وخصوصا امي ما بعد تتقبل وحده تداريها غيرج
ياسمين _ ست هاله حاصرتني من كل مكان وتحاول تقنع بيه
حتى ما تخسرني
هم ابقى معينه الامها وهم مناسبه لمشروع انجاب الحفيد
وكأنه عوزي هم….
هاله _ مبتسمه سألتني وكانه متأكده راح أوافق
ها نتكل على الله ونگول مبروك اليوم أمجد منتظرني على نار
يريد يعرف قرارج
ياسمين _ ما اكدر زواج ما ازوج اني عايشه الابني وبس
ودكتوره إيناس خوش بنيه واخوج سعيد وياها حرام
يزوج عليها
ست هاله _ يعني انتي على مود إيناس تره الله محلله يزوج
وهيه تبقى زوجته ما يعوفها
ياسمين _ بعد انتي مقتنعه كيفكم هاي حياتكم
بس اني بعد ما أكدر اجي
بكل الاحوال جنت امبلغه الدكتور يشوف معينه غيري
وگفت بوست الحجيه اشوف عيونها دمعت انقهرت عليها
الحجيه _ بعد ما تجيني مو……….؟؟؟؟
ياسمين _ ابتسمتلها لا انشالله اجي اشوفج
سلمت على ست هاله وأخذت ابني وطلعت ما مكمله الشهر
والراتب ينطو ما ينطو بكيفهم بعد…..
امشي وافكر هانت
انشالله اسبوع وام رغد تدزلي المبلغ هم يالله اروح اشوفلي محل
ارتبه
خلص لازم اعتمد على نفسي لازم اكون قويه اريد اكسر هاي السنين الكسرتني
وابدي صح…..
دخلت البيت
ياسمين _ شفتهم كلهم ملتمين وياهم حسن
صباح الخير
كلهم ردو الا إيمان الدموع بعيونها وتبجي
_خير صاير شي
راجحه _ حسن تطوع بالحشد وباجر يروح يحارب
_ اي شكو بيها همزين طلعت عنده غيره على وطنه
رفع راسه يباوعلى بحقد….
إيمان _ ليش اشبي ابني ما عنده غيره
ياسمين _ لعد ليش تبجين عوفي يسوي شغله بيها خير
إيمان _ انتي تعلميني بيج تتمنين من باجر يجيبو شهيد
راجحه _ شنو هلحجي ابتلت حجت جلمه وياج
رافع _ كافي لا دوخونه
وانته اذا اشوف نفسك گدها روح الله وياك هاي حرب وموت لا عبالك لعبه
حسن _ سجلت وخلص باجر التحق البيجي انطوني سلاح
وملابس
إيمان كلبتها مناحه
دخلت بغرفتي جمعت الفلوس الوفرتهن طول هاي الاشهر
طلعت اقل الثلاث ملايين
خلص الشهر وام رغد ماكو واني استحي بعد أخابرها
ظليت انتظرها على نار
من بعد كم يوم اتصل عليه الدكتور…
_اهلا دكتور
د. امجد_ اني اشكرج وممنون منج من رفضتيني
ياسمين _ استغربت من كلامه
شعجب تشكرني المفروض تزعل مني
د. أمجد _ هاي اذا اني رايد ازوج اصلا
انتي شفتي امي تعبانه وكل ما تنقهر يزيد الزهايمر عدها ولهذا اني ما أرفضلها طلب حتى ما اقهرها
وهيه مصره ازوج واني بصراحه مرتاح ويه إيناس
وماشين بكورس علاج يجوز يصير حمل عدها
ياسمين _ لعد اشلون هاله تكول انته الطلبات منها تحجي ويايه
ومنتظر موافقتي
د. امجد _ الصراحه تحت الحاح امي وافقت يحجون وياج لان
جنت متأكد راح ترفضين
ياسمين _ الحمد لله ما صار شي
د. امجد _ انتي تطلبينه راتبج شنو متردي هههه
ياسمين _ لا والله الصراحه محتاجته وانته بكيفك
د. امجد _ لعد باجر مري على الحجيه تلكي عدها
تشكرت منه وسديت الخط
ثاني يوم رحت سلمت على الحجيه تلكتني حضنتني خطيه
جايبيلها خادمه افريقيه هم بنيه تقريبا بكدي كعدت اشويه انطتني راتبي ورجعت للبيت
من دخلت الشارع شفت سيارتين ابابنه
وحده مدنيه
والثانيه عسكريه كاعدين بيها عسكريين اثنين
وواحد صاعد على السلاح الفوگ السياره
رجف كل جسمي
وخفت……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
