رواية انفصام الفصل السابع 7 بقلم إيمان شلبي
رواية انفصام الجزء السابع
رواية انفصام البارت السابع
رواية انفصام الحلقة السابعة
-هل تقبلين الزواج من وائل يابنتي !
قالها المأذون ليا وانا قاعده شارده لابعد حد مش قادره اتخيل اللي بيحصل دلوقتي !
هو انا بتجوز ، ده كتب كتابي انا و وائل ؟!
وائل اعز اصحاب اللي كان حبيبي ويعز عليا اقول كان
بصيت حوليا بتوهان وانا شايفه كل الناس واقفه ماما وبابا واهلي وأهل وائل كل الناس موجوده بيشهدوا جوازي من شخص عمري ما كنت أتوقع اقف اتكلم معاه
معقوله ممكن الحال يتشقلب بالسرعه ديه
الكل كان واقف منتظر ردي اللي هيفرحهم لكن للاسف هيد*مرن*ي
يعني ايه اتجوز شخص غير محمد ،يعني ايه اتخيل واقرر وابني حياتي مع شخص غيره
هو اللي انا بعمله ده صح ؟!
موافقتي ديه في صالحي ،طب انا ليه وافقت علي وائل اكيد مش عشان بحبه اكيد مش عشان بتخيل حياتي معاه هتكون سعيده
انا وافقت عشان اكس”ر محمد بس الظاهر أن موافقتي علي الجوازه ديه مش هت*ك*سر وت*د*مر غيري
جيت اك*سر قلبه ف اتك*س*ر قلبي أضعاف
غمضت عيني واخدت نفس طويل وانا ببص بجمود للمأذون ولوائل اللي كان منتظر ردي بفارغ الصبر
بصيتله وانا بقول بجمود :
– أنا اسفه بس انا مش موافقه
ومع آخر كلمه مهتمتش بعو*اقب*ها مهتمتش بكلام الناس مهتمتش بأي شخص ولا حتي اهلي
قومت جريت علي اوضتي وقفلت الباب عليا وسندت ظهري عليه وانا بتنفس بسرعه وكأني كنت قدام وح*ش وهربت منه !!
قعدت علي الارض وانا بضم ركبتي لصدري وبعيط كنت بعيط بح*رق*ه ،عياط ه*ست*يري
انا ازاي كنت هعمل كده في نفسي؟!
ازاي وافقت علي الجوازه ديه ،ازاي قدر قلبي يطاوعني اقول موافقه ،ازاي كنت هضيع نفسي بالشكل ده ؟!
هو انا ليه لسه بحبه ،ليه مقدرتش اك*سر قلبه زي ما ك*سر قلبي بكل الق*س*وه اللي في الدنيا ،هو انا ليه غ*ب*يه اوي كده ليه قلبي متعلق اوي
غمضت عيني وج*س*مي ب”يتن*فض من العياط ،مكنتش قادره اتخيل اني بعد دقائق اسمي هيتكب علي اسم وائل
مفيش في دماغي شخص غيره افكر فيه مفيش في مستقبلي شخص غيره كنت بفكر فيه
مقدرش اتحمل الواقع اللي كله بيخالف توقعاتي واحلامي الورديه اللي كنت رسماها في خيالي
يامستقبلي يكون فيه قصه حب عائشه ومحمد يا بلاش مستقبل بلاش احلام بلاش حياه من الاساس !
اتنفضت من مكاني لما الباب خبط ومن بعدها سمعت صوت وائل اللي واضح أنه ثاير
– عائشه افتحي ،افتحي وبلاش شغل العيال الصغيره ده يعني ايه مش موافقه والمأذون اللي برا والناس واهلي واهلك يعني ايه مش موافقه عائشه افتحي الباب بدل ما اكس*ره علي دماغك
كنت قاعده بترعش وانا ضامه ركبتي لصدري وبعيط بح*رقه اكبر وبحط ايدي علي ودني
مش قادره اسمع صوته حاسه وكأن صوته كتله نا*ر بت*حرق*لي وداني
ص*رخ*ت بكل قوتي :
– امشيييي امشيييي مش عايزه اتجوز مش عايزاك مش بحبك امشيييي مش عايزه اسمع صوتك امشييييي
– لا مش همشي مش هسيبك مش بعد كل اللي عملته عشان اتجوز امشي لا ياعائشه مش همشي لو فضلت مستني من هنا للسنه اللي جايه مش همشي
– عنده حق ياعائشه ماهو عمل مجهود جبار برضو عشان يتجوزك مش كده ياوائل!
فاتت لحظات من الصمت برا وجوا لما سمعنا صوت محمد واللي معرفش دخل أمتي وايه معني كلامه الغريب ده
قومت وانا مصدومه وفتحت الباب ولسه هنطق برقت بصدمه وانا شايفه محمد بيسحب أماني اللي مكانتش باين لها ملامح من كتر الض*رب
بتلقائية بصيتله وانا بزعق بذهول:
– انت اتج*نن*ت انت ازاي تعمل كده فيها ديه حامل
بصلي وهو بيضحك بسخريه:
– هه وانتي مصدقه انها حامل ؟؟
يابنتي ديه لعبه منها هي وا*لز*باله اللي اتجوزتيه
قال جملته وهو بيبص لوائل اللي بلع ريقه وهو بيقول بتوتر :
– لعبه ايه يابني آدم انت اتج*نن*ت؟!
محمد وهو بيسيب اماني اللي مسكها مكانه واحد من صحابه عشان متهربش
وقرب من وائل وهو بي*شده من قميصه وبي*جز علي أسنانه بع*نف وبيهزه بج*نون:
– لعبه انك ز*بال”ه لعبه انك خ*ا*ين انت والز*ب*اله اماني
لعبه انك بتحب خطيبتي من زمان والز”ب*اله التانيه بتحبني لعبه انكم اتفقتوا مع بعض عشان توقعوا ما بينا وكل واحد فيكم ياخد اللي بيحبه لعبه انك حطيتلي منوم في القهوه اللي بشربها معاك واخدتني علي بيت
الز*ب*اله لعبه انك حطيتلي برشام هل*وس*ه يخليني اقول اي هري في أي هري لعبه انك تاني يوم اخدتني لدكتور زب*اله زيك بشويه فلوس أكد اني عندي انفصام وعايش بشخصيه بتحب أماني والتانيه بتحب عائشه
قد ايه اتخ*دع*ت فيك وفي معاملتك الطيبه ليا قد ايه اتخ*دع*ت فيك ياح*ق*ير ،اتجوزت حبيبتي خلاص اخدتها مني مفكر اني هسيبها لغيري مفكر اني بعد ما ت*عب*ت عشان أوصلها اسيبها لواحد زيك تبقي بتحلم
قال جملته الآخيره وهو بي*هزه بج*نو*ن اكبر والدموع بتلمع في عينه
-طلقها ياز”ب*اله طلقها مش هتاخدها مني
يُتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انفصام)
تعليق واحد