رواية انفصام الفصل الثالث 3 بقلم إيمان شلبي
رواية انفصام الجزء الثالث
رواية انفصام البارت الثالث
رواية انفصام الحلقة الثالثة
وقفنا انا وبابا وماما نوزع نظراتنا لبعض ولمحمد اللي كان باين عليه الصدق وهو بيقول لبابا أنه مش فاهم اي حاجه !!
مسح بابا علي وشه وهو بيستغفر في سره بغ*يظ:
– يابن الناس متخرجنيش عن شعوري زي ما دخلنا بالمعروف نخرج بالمعروف كفايه اوي لحد كده !
نفخ بضيق وهو بيهبد علي الباب :
– وحضرتك بتسمي اللي عملته ده معروف انك تبعتلي الشبكه من غير ما اعرف أسبابك وأسباب بنتك
وهنا ماما انفجرت وهي بتقرب منه وبت*زعق في وشه:
– وانت كنت عايز اسباب ايه اكتر من اللي هببته انت والز*باله اللي زيك
محمد بذهول من رد فعل ماما واللي كانت بتحبه زي ابنها:
– عملت ايه صدقيني انا مش فاكر انا عملت ايه
بابا باستغراب :
– يعني ايه مش فاكر مش فاكر اي حاجه ؟؟؟؟
محمد وهو بيهز رأسه بحيره:
– لا خالص صدقني انا مش فاكر اي حاجه هو انا عملت ايه لكل ده !
وقفنا نبصله بحيره وشفقه نوعا ما بسبب الحيره والتشتت اللي كان باين علي وشه
بصلي بنظراته اللي بتخلي قلبي يدق بأقصي سرعه عنده بتخليني مش علي بعضي
كنت ببص في عيونه ودموعي بتلمع وانا بسأله بعتاب ليه
أما عنه قرب مني وهو بيسألني بهمس وصدق:
– عائشه انا عملت ايه صدقيني انا مش فاكر اي حاجه
انا آخر حاجه فاكرها اني كلمتك امبارح قبل ما انام وكنتي فرحانه ومفيش اي حاجه
غمضت عيني واخدت نفس طويل وانا بقول بجمود :
– بلاش تمثيل يامحمد كل حاجه كانت واضحه زي الشمس
– هو ايه اللي كان وااااضح مش فاهم ايه اللي واضح حد يفهمني !
قال جملته بزع*يق وهو ب*يه*بد الحيطه ورايا بع*ص*بيه وج*نون
بابا بزع*يق وهو بيشده من هدومه:
– انت اتج**ننت ايه اللي انت بتعمله ده انت مش في زر*يب*ه يالا اخرج برا
محمد بعص*بيه وهو بيشد نفسه من بابا :
– انا مش خارج من هنا غير لما اعرف انا عملت ايه
بابا وهو بيشده تاني من هدومه وبي*هزه بع*ص*بيه:
– لا بقولك ايه كفايه استع*باط لحد كده احنا مش عيال صغيره شوفناك كلنا وانت في بيتها وفي اوضتها وعملت نفسك اخوك مؤيد اللي م*ا*ت من سنين وشبع م*وت شغل الاس*ت*عباط ده مش علينا يالا غ*ور من هنا مش عايزين نشوف وشك تاني خلاص معنديش بنات للجواز
محمد وهو بيبص قدامه وبيردد بهمس :
– بيت مين ،مؤيد مين اللي عملت نفسي هو انتوا بتقولوا ايه ا…
وقبل ما يكمل جملته كان بابا سحبه بعزم ق*وته وخرجه برا البيت وقفل الباب في وشه بغ*ض*ب
قربت من بابا بلهفه :
– استني يابابا ده شكله فعلا م…
– ولا كلمه مش عايزه اسمع كلمه تاني عن البني ادم ده انتي فاهمه ؟!
قالها بابا وهو بيبصلي بغ*ض*ب وبي*زع*قلي لاول مره في حياته
بصيتله وانا بتش*ح*تف:
-بس
بابا بزعي*ق :
– قولت ولا كلمه روحي علي اوضتك وحسك عينك ياعائشه اعرف انك كلمتي البني ادم ده تاني
جريت علي اوضتي ودخلت قفلت الباب ورايا وانا بعيط ب*ح*رق*ه ويرمي كل حاجه قدامي بج*نو*ن وهستريه
– ليييييه لييييييه عملت كده
– عائشه انا مش همشي من هنااااا انا مش هسيييبك انتي سامعه انتي مش هتكوني غير ليا
سمعت صوته من تحت وهو بيتكلم بصوت كله غ*ضب وج*نون
قلبي دق بعن*ف وخوف وانا بفتح الشباك بتاع اوضتي وببص تحت كان واقف ورافع رأسه لفوق وهو بيبصلي بعيون حمراء وخصلات شعره نازله علي عينه بعشوائيه ،فاتح كام زرار من قميصه ومشمر دراعاته اللي عروقها كانت بارزه
كانت حالته مش طبيعيه علي الاطلاق لاول مره اشوفه بالشكل المرعب ده
دموعي نزلت وانا بحرك شفايفي من غير صوت:
– امشي
هز رأسه بنفي وهو بي*جز علي أسنانه:
– لا مش همشي قولي لابوكي اني مش هسيبك مهما كان
حطيت ايدي علي بوقي وانا بحاول اكتم صوت عياطي
مكنتش عارفه انطق حرف مكنتش عارفه اصوت في وشه واقوله امشي مش عايزه اشوف وشك
قلبي مش مطاوعني اقولها من الاساس ،كنت حاسه ان في لغز كبير في حاجه غل*ط محمد بيحبني وده واضح من تصرفاته بس لما هو بيحبني ليه عمل كده ؟!
اسئله كتيره هتخلي راسي تن*فج*ر من كتير الحيره
– ادخلي جوا ياعائشه
لفيت راسي لقيت بابا واقف في البلكونه وبيبصلي بغ*ض*ب
دخلت وقفلت الشباك بعن*ف وانا بقعد علي الارض وبضم ركبتي لصدري وبعيط بصوت عالي
فضلت علي الحال ده لحد ما نمت من كتر التعب والعياط
الصبح صحيت علي صوت ماما وهي بته*زني برقه :
-عائشه يالا ياحبيبتي قومي عشان تروحي شغلك
فتحت عيني بوهن وتعب وانا ببصلها بعيوني اللي كانت حمراء و ورا*م*ه من كتر العياط وبهز راسي من غير ما انطق حرف واحد
قومت اخدت شاور واتوضيت وخرجت صليت وبعدها لبست وخرجت من البيت من غير ما انطق حرف مع بابا أو ماما اللي كان باين عليهم الحزن علي حالتي
كنت راكبه تاكسي وسانده راسي علي الازاز وانا ببص علي الطريق والهواء بي*خ*بط في وشي
اخدت نفس طويل وسمحت لدموعي تنزل بصمت وانا بتخيل حياتي مع شخص تاني غير محمد !
مجرد التخيل خنقني خلاني عايزه اص”رخ واع*يط واعا*تبه واض*ربه خلاني عايزه ان*هار وفي الآخر اترمي في حضنه
قد ايه الحب علي قد ماهو حلو لكن مليان بحكايات كلها وج*ع و*قه*ر كلها دموع
– علي فكره انا مش عايز مراتي تكون نكد
برقت بصدمه وانا ببص للسواق واللي ركن في مكان علي البحر وقال جملته !!!!!
– م محمد
هز رأسه بابتسامه :
– عيون محمد
كنت بتنفس بسرعه وانا بقول بتوتر:
– ا انت ا انت بتعمل ايه هنا ؟
بصلي وهو بيغمزلي:
– خا*ط*فك
– ايه انت مج*ن*ون ؟؟
ابتسم ببرود وجمود:
– ومش بس كده انا هتجوزك
-ده بعينك يامحمد بعينك انا هنزل اصلا
بصلي بخبث وهو بيقول بتحدي:
-وريني ياقطتي
وقبل ما استوعب جملته كان طلع بالعربيه وانا مبرقه بصدمه
– وقف العربيه وقف يامحمد بقولك وقف العربيه بدل وأقسم بالله ..
– عندك كيسه مليانه شوكولاته من اللي قلبك يحبها
بصيت للكيسه وبسأله بذهول :
– انت مج*نو*ن ؟؟؟
– بيكي
– وقف العربيه يامحمد وبطل ج*نان اللي بيني وبينك انتهي خلاص
زاد من سرعه العربيه وهو بيقول بغيظ:
– ده عند ام ترتر قال انتهي قال
سألته باستغراب
– مين ام ترتر ديه ؟!
– بقولك ايه انا بعت ماسدج لابوكي وقولتله اني رايح أكتب عليكي عايز يحضر اهلا وسهلا انتي زي بنته برضو مش عايز يحضر براحته
– انت مش طبيعي بجد
شغل اغنيه وهو بيزيد من سرعه العربيه وبيغني بمرح
– كتبوا كتابك يانقاوه عيييييني احلي كلام بينك ياحلوه وبييييني
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انفصام)
