رواية انساني الفصل الرابع 4 بقلم يارا عبدالسلام
رواية انساني البارت الرابع
رواية انساني الجزء الرابع
رواية انساني الحلقة الرابعة
ساره دخلت بكل ثقه وقعدت قدامه وحطت رجل على رجل
_احم جايه ليه يا ساره
_جايه استلم حقي المحامي كلمنى قالي اجي استلم حقي اللي كتبه خالي ليا
زين بصدمه:اي!
انتى عرفتي منين
ساره بثقه:جرا اي يا زين لسه قايلالك المحامى اتخضيت ولا اى يابن خالى
انا عرفت دلوقتي خالى خلاك تتجوزني لي كنت عاوز تضحك عليا وتاخد تعبي وفلوسي انا قولت برضو خالو مش ندل ومش هياكل حقي ولا حق امى ولا اختى انا اشتغلت هنا زيي زيك ويمكن اكتر منك كمان
زين بتوتر:طيب طيب يا سارة أهدى
ساره:اي خوفت يا زين علشان كدا منعتني انى اجى الشركه من بعد موت خالى مكنتش عاوزني اتقابل مع المحامى بس الحمد لله لعبتك انكشفت وكل حاجه بقت عالمكشوف يا ابن خالى
زين:تاخدى كام يا ساره وتتنازلى
ساره بتحدي:تاخد انت كام وتطلع براها خالص
زين بعصبيه:بتتحديني يا ساره
_واتحدى عشره زيك انت مين انت اصلا
اكيد خالى كان عارف بغدرك دا علشان كدا كتب جزء من الشركه باسمي والصراحة دي حاجه فرحتني جدا وكمان فرحت اكتر انك كل يوم هتشوفني هنا ..
زين:طيب اي رايك نرجع..
ساره : هههههههه نرجع دا لما تشوف حلمة ودنك يا زين انت لو اخر واحد في العالم عمري ما اتجوزك
عن اذنك اروح اشوف شغلي ..
ساره خرجت وهى متعصبه من كلامه وطريقه وكمان طلبه انهم يرجعوا هى عارفه انو مش عاوز يرجع علشانها هوا عاوز يرجع علشان الشركه متروحش منه
هوا في بجاحه كدا!!
ساره دخلت مكتبها اللي كانت فيه قبل كدا …
قعدت عالكرسي باريحيه..
_اي دا ساره انتى جيتي تشتغلى تاني
_ازيك يا مراد عامل اي
مراد بحزن واهوا بيبصلها:انا كويس يا ساره وانتى عامله اي وحياتك مع زين!
ساره خدت نفس عميق: الحمد لله اتطلقنا
مراد بفرحه بيحاول يخفيها نعم فهوا يحبها حب من طرف واحد…
_دا بجد ازاي كل دا
ساره:عادي مفيش نصيب يا مراد
مراد :مش احنا كنا صحاب ؟
ساره:طبعا ومازلنا
مراد:خلاص وقت البريك نروح نتغدى سوا وتحكيلي الي حصل اوك
ساره بابتسامه:اوك
ساره بدأت شغل وجه وقت البريك ..
راحت مع مراد مكان يتغدوا فيه
_ها يستي احكيلي بقى
بدأت ساره تحكيله على كل حاجه من اول جوازها من زين لحد طلاقهم وكمان خطوبته من بنت عمها
مراد بصدمه:يااااه كل دا حصل وانتى لسه بالثبات دا دا لو واحده غيرك كانت انهارت
ساره:اي حد مكانى مش انا يا مراد انت اكتر واحد عارف انى بحب اخد حقي حتى لو من مين مش بيهمني اي حد
مراد بسرحان:ودا اللي محببني فيكي
ساره:اي
_قصدي دا اللي مخليني احب شخصيتك يعني
في الوقت دا زين وندى دخلوا المطعم
زين اول لما شاف ساره مع مراد حس بغيره في قلبه حس أنه عاوز يقعد مكان مراد حس أنه الأحق بالحديث دا حس أنه عاوز يمسك مراد يضربه علقه ويخرجه برا
ندى:مالك يا زين
زين:مفيش شوفي هتطلبي اي
وفضل باصص على ساره ومراد وكلامهم وضحكهم وفضل متابع كل حاجه بعيون صقر
ساره ومراد فضلوا يضحكوا جامد ..ويتكلموا.
زين قام من مكانه بدون وعي ووقف قدامهم
_مش كفايه ضحك بقى ومسخره اكتر من كدا
ساره بصتله بتحدي:وانت مالك يخصك في اي
زين اتوتر:يخصني انك بنت عمتى وكنتى مراتى
ساره بلامبالاة:كنت وموضوع بنت عمتك دا انا مش منتظره منك تعلمني الصح من الغلط انا كبيره كفايه انى اعرف نفسي تمام..
وبصت ناحيه ندى وضحكت:اي دا هى ندى معاك طيب روحلها احسن تزعل منك وتنكد عليك
يلا يا مراد..
مراد قام وبص لزين بقلة حيله وبعدين مشي ورا ساره
مراد تتنهد وقرر أنه يصارحها بمشاعره واللي يحصل يحصل
بقاله سنين بيحبها وهي مش شايفاه ممكن لما يعترفلها تشوفه وتحس بيه
خلصوا شغل ومراد استناها وكان زين بيراقبهم من بعيد حس انو ضيعها من ايده وأنه اتسرع لما طلقها
ساره ابتسمت لمراد
_يلا علشان اوصلك وكمان كنت عاوز اقولك حاجه كدا
اي رايك نتمشي شويه..
ساره:ماشي يلا
ركبت معاه العربيه ومشيوا
مراد وقف في مكان هادى واتنهد وحاول يجمع شتات نفسه
وبدأ كلام
انا عارف انك كنتي بتحبي زين وكمان ممكن تكوني مازلتي بتحبيه بس انا كنت عاوز اعترفلك بحاجه وليكي مطلق الحريه توافقي أو ترفضي..
ساره:اي اتكلم
مراد بتوتر:تتجوزيني يا ساره..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انساني)
