رواية انزعي قناعك يا فيروزة الفصل السابع 7 بقلم رنا مصطفى
رواية انزعي قناعك يا فيروزة الجزء السابع
رواية انزعي قناعك يا فيروزة البارت السابع
رواية انزعي قناعك يا فيروزة الحلقة السابعة
‘ مروان … أنا هتنازل عن القضية !
* نعم ؟؟؟
‘ اه زي ما سمعت كده
* إنتي اتجننتي صح ؟
‘ لا متجننتش … أنت عارف لو خرج الحكم الأخير في القضية هتتسجن كام سنة ؟ … هتتسجن 6 سنين يا مروان !! … و بعد ما تقضي الفترة دي هتخرج مش هتلاقي شغل !!
* أنا عارف كل ده مش محتاج اسمعه منك … أنا جيت هنا بإرادتي … و عارف كل حاجة هتحصلي هنا
‘ و مامتك ؟
* مالها ؟
‘ لما تصحى و مش تلاقيك جمبها … هتعمل ايه ؟
* معرفش … فيروزة … أنا غلطت و لازم اتعاقب … أوعي تتنازلي عن القضية !!
‘ مش حرام مامتك فقدت 3 من عيالها … و بعد كده تفقدك أنت !! هي هتستحمل ايه و لا ايه !!
* فيروزة … أرجوكي متعمليش كده … افرض لو خرجتيني من هنا غلطت تاني … و كمان غلط أكبر من الأول !! … لازم اتعاقب و أتعلم و أتوب و ربنا يسامحني عشان اعرف أعيش في باقي السنين اللي جاية … مش هوافق على اللي قولتيه ده
‘ ليه يا مروان ؟؟؟
* فيروزة … بصي عايزة تساعديني بجد … تابعي أخبار ماما … يعني بين وقت و التاني روحي شوفيها اطمنيلي عليها … لو بقيت كويسة متجيش هنا و هفهم إنها بخير … لكن لو حصلها حاجة ابقي تعالي بلغيني
‘ لكن….
* ارجعي بيتك يا فيروزة … سبيني هنا أنا بجد عايز اتعاقب … يمكن لما اقضي فترة العقوبة هنا ابقى إنسان كويس … و أنا آسف على كل حاجة عملتها و ضرتك … يومين كمان و الفيديو و كل الأخبار اللي عنك هتختفي تماماً … بس عايز منك طلب ؟
‘ ايه هو ؟
* إنك تسامحيني
‘ أنا سامحتك أصلا … بس مكنتش عايزة تبقى هنا … كان نفسي تخرج و تقعد جمب مامتك
* خلاص يا فيروزة … ايه احنا هنرجع لأول الكلام تاني ؟ … يلا امشي و أنا هدخل على الحجز
قام مروان رجع للحجز … فيروزة مشيت … ركبت عربيتها بس متحركتش … عيطت و قالت
‘ مقدرتش اساعدك زمان … كان نفسي اساعدك دلوقتي … اووووف أنا هعيش إزاي مع تأنيب الضمير ده بقية حياتي !!
مسحت دموعها و رجعت على بيتها
كنت أنا لسه نايم … بس فاتح عيوني … و حاضن مخدة فيروزة … وحشتني أوي … حتى مش قادر اروحلها … هرفع عيني في عينها إزاي !!
فجأة لقيت ايد بتلمس على شعري بحنان … دي فيروزة … مسكت ايدها و لفيت ناحيتها و قولت بفرحة
” فيروزة … إنتي جيتي !!
لحظة ثواني … دي مش فيروزة … دي إسراء !!
سيبت ايدها ف قولت
” جيتي هنا إزاي ؟
* من الباب عادي … مشيت تاني برضو ؟
” عندها حق المرة دي
* هو أنت ليه مش قادر تصدق إن فيروزة مش عايزاك … أي مشكلة تحصل ما بينكم تجري و تسيبك … و أنت تقعد هنا تعيط لوحدك
” إسراء … مش فايق لكلامك ده !!
* هتفوق يا سيف … هتفوق و تعرف إن فيروزة ما بتصدق تلاقي فرصة عشان تسيبك و اهي عملت كده فعلا
” هو أنا قولتلك يا إسراء تعالي قولي رأيك في اللي بيحصل ده ؟
* بطل كلام فارغ … افهم بقا يا سيف … فيروزة مش بتحبك … لو كانت بتحبك عمرها ما كانت هتفكر تسيبك لثانية !!
” هااا و بعدين ؟ هستفيد ايه من الحصص و الحكم بتاعتك في الآخر ؟ بعدين صح أنالسه معرفتش هو إنتي عرفتي إزاي إنها هتسافر بما إن طلع ملكيش أي علاقة بالحوار ده كله ؟
* سيف أنا مهما كرهت فيروزة و كنت عايزك تطلقها مش هفكر ابداً افبرك فيديو … أنا عرفت حوار السفر ده لما جيت بيت فيروزة … كنت عايزة اتخانق معاها … خبطت على الباب لقيته مكسور ف دخلت دورت على أي حاجة عندها ممكن تدفعها إنها تبعد عنك … ف شوفت التذكرة … و بعد كده عرفت إنها عند مامتك
” برضو مُصرة تتدخلي ما بينا !!
* سيف … أنا لسه بحبك … و مش هبطل أحبك ابداً … أنا هبقى معاك و مش هسيبك ابدا
” مطلبتش منك إنك تحبيني … و لا طلبت منك إنك تبقى معايا … أنا قلبي مفهوش غير بنت وحدة و هي فيروزة … و عمري ما هبطل أحبها و هي بتحبني !!
* طيب لو قولتلك إن أنا لسه شايفة فيروزة و هي خارجة من القسم … سألت حد هناك قالي إنها جات تزور مروان و عايزة تسحب ملف القضية عشان يخرج من غير ما يتسجن ولا يوم … كل ده و لسه مفكر إنها بتحبك ؟
قولت بتفاجىء
” بجد الكلام ده ؟
* اتفضل اسألها بنفسك !!
اتعصبت جدا … مسكت التليفون و اتصلت عليها … بس الرقم مشغول
‘ اه يا دكتورة هي يعني لما تصحى و تاخد العلاج و تستعيد صحتها … كده عملية القلب نقدر نعملها ؟
* آه بس ده محتاج وقت … لما تفوق من الغيبوبة هبلغك
‘ تمام
قفلت فيروزة مع الدكتورة … لقيت سيف بيتصل عليها
‘ مفروض أرد عليك يعني ؟
سابت فيروزة التليفون يرن … و لما اتصدعت قفلت التليفون
( الرقم الذي تطلبه غير متاح حاليا )
” يعني مردتيش على ولا إتصال من اتصالاتي … في الآخر لما تزهقي تقفلي التليفون !! … ماشي يا فيروزة !!
فيروزة كانت قاعدة في البلكونة … بتشرب النسكافيه و فتحت التابلت بتاعها … بحثت على جوجل ( كم تكلفة عملية القلب المفتوح ؟ )
عرفت السعر … كلمت موظف البنك تعرفه
‘ آلو ؟ ازيك يا مصطفى ؟
* تمام يا أستاذة فيروزة … تؤمري بإيه ؟
‘ ممكن تسحب 180 ألف من حسابي في البنك في أسرع وقت ؟
* آه طبعا … حضرتك عيزاهم إمتى بالظبط ؟
‘ يعني مش عارفة امتى بالظبط … بس أنا محتاجهم … بس أنت اسحبهم و خليهم عندك عشان لما أقولك تبعتهم عندي متاخدش وقت
* تمام يا أستاذة فيروزة
‘ سلام
قفلت فيروزة المكالمة و كملت شرب النسكافيه … و لما خلصت رجعت تغسل المج في المطبخ
روحت لبست … نزلت و طلعت على بيت فيروزة … لما وصلت لقيت الباب مقفول
” كويس إن معايا المفتاح !
طلعت المفتاح و جيت افتح الباب … بس مرضيش يفتح !
حاولت تاني و برضو مفتحش !
عرفت إنها غيرت مفتاح الشقة !!
” للدرجة دي عايزة تبعدي عني !!
اتعصبت جدا … و خبطت على الباب بعصبية و فضلت ارن الجرس … و أخيرا فتحت
لما شافتني ظهر على وشها غضب
‘ عايز ايه ؟
” ايه اللي عايز دي ؟ أوعي كده دخليني
دخلت ف قالت
‘ هااا فيه ايه ؟
” الكلام اللي سمعته صح ؟
‘ اللي هو ايه ؟
” إنك عايزة تتنازلي عن القضية ؟
‘ اه صح … ده صح الصح كماان
” ليه يا فيروزة ؟
‘ اهو كده
” مفروض ترجعيلي قبل ما تاخدي أي قرار !
‘ ارجعلك ليه ؟ القضية دي بتاعتي و أنا اللي رفعاها … و أنا حرة في أي قرار أخده
” إنتي نسيتي إنك مراتي !!
‘ لا طبعا إزاي انسى حاجة زي كده ؟ … تعرف أنا أكبر غلط غلطته في حياتي كلها إني قبلت اتجوزك … و الأخطاء مستحيل تتنسي !!
” فيروزة … بطلي تقولي ليا كلام مستفز زي كده
‘ اهو الكلام المستفز ده بيعصبك عشان حقيقة !!
” يعني أنا غلطت لما حبيتك و اتجوزتك ؟
‘ اه غلطت … لما تفرض سلطتك على موظف عادي عشاني يبقى غلطت … لو كنت كلمته بأدب و احترام و إنه بني آدم زيك و مكنتش قللت منه عمره ما كان هيفكر يلجأ للأفكار دي !!
” بس هو شوه صورتك قدام الناس !!
‘ بسببك أنت … بعدين متقلقش هو اصلا ذات نفسه رفض إني اتنازل عن القضية … حابب يتعلم من غلطه … ياريت أنت كمان تعمل زيه … يعني كفاية حُب لنفسك … و كفاية أنانية … لإني بجد اتخنقت منك يا سيف !!
” فيروزة … متقوليش كده … كلامك ده بيجر’حني جدا
‘ طيب كويس أوي كده … كويس إنك بقيت تحس !! … ياريت بقا الخطوة الجاية تحس بغلطك و تعترف بيه !
” فيروزة أنا عملت كده لإني حبيتك !!
‘ مكنتش حبتني … أنا مطلبتش منك تحبني … و إياك تفكر إن طالما مروان رفض إني اتنازل عن القضية يبقى هسيبه كده … أنا جبتله محامي و هخليه يخفض مدة الحبس … و كمان كل تكاليف علاج مامته و العملية بتاعتها كل ده هيبقى على حسابي … على الأقل لما يخرج يلاقي شخص مستنيه … و الشخص ده هيبقى مامته !!
” طيب ماشي … قولي عايزة ايه و اعملهولك ؟
‘ كل اللي عيزاه منك … إنك تسيبني في حالي … امشي يا سيف !!
” أنا مقدرش اعيش من غيرك !!
‘ بس أنا أقدر اعيش من غيرك … و مش هتقدر إنك تجبرني إني ارجع … اطلع بره يا سيف … و متجيش تاني !!
” فيروزة ….
مسكت ايدي و اخدتني بره البيت و دخلت قفلت الباب وراها
قلبي اتكسر في ساعتها … مش عيزاني في حياتها … كفاية نظرة عيونها ليا اللي بتقولي بوضوح إنها مش عيزاني !!
مشيت بس مرجعتش على بيتي … لإني لو روحت هناك هفتكر فيروزة في كل ركن في البيت … روحت عند ماما
دخلت البيت و من غير ما اتكلم مع حد … روحت على أوضتي و قفلت الباب ورايا
° هو ماله يا ماما ؟
* معرفش … بس شكله اتخانق مع فيروزة !!
° ادخل أشوفه ؟
* لا … خليه لوحده شوية … ندخله بعدين
° ماشي
رميت نفسي على السرير و بدأت أكلم مع نفسي
” يعني خلاص كده … مفيش فيروزة ؟؟؟
” مشيتي خلاص كده !!
فضلت أتكلم مع نفسي … و اعيط … لغاية ما روحت في النوم
فجأة صحيت لقيت ماما جمبي … و بتطبطب على ضهري
* مالك يا سيف ؟
” فيروزة مشيت
* مشيت إزاي ؟
” سابتني و مش هترجع !
* ليه ؟
” بتقول إني أناني … هو أنا أناني فعلا ؟
* يعني في بعض الأحيان … بس أنت مش وحش يا سيف !!
” فيروزة شيفاني وحش … ف بعدت عني !
* هي مش مشيت ولا بعدت عنك … هي كده بتتعصب كام يوم و ترجع زي ما كانت
” تفتكري كده ؟
* آه طبعا … فيروزة بتحبك اصلا … بس سيبها لوحدها شوية … و لما تبقى كويسة هترجعلك
” إن شاء الله يكون كلامك صح !
بعد شهر ،،،،،،،،،
عدى شهر كامل … كنت براقب فيروزة من بعيد … كنت مستني بفارغ بالصبر إنها ترجع … بس غيابها عني بقا طويل أوي … صعب جدا أشوفها قدامي و مقدرش اكلمها … لإني كنت شايف في عيونها إنها مش عيزاني … ف مقدرتش اقرب منها … كنت بسأل نفسي دايما … هو أنا وحش لدرجة إنها مش بعدت عني كل ده ؟؟
اللي كان مصبرني بس إنها مطلبتش الطلاق مني … كنت كل ما ازعل من بعدها عني … كنت بقول لنفسي بس الحمد لله إنها لسه مراتي !!
‘ فاقت بجد يا دكتورة !!
* آه … أخدت علاجها و بقيت كويسة … أحسن من الأول بكتير
‘ يعني أقدر ادخلها !
* آه طبعا
فرحت فيروزة جدا و دخلت عند أم مروان
* إنتي مين ؟
‘ إنتي متعرفنيش … أنا فيروزة … بس إنتي أمانة سابها ابنك مروان
* مروان فين ؟
‘ هو مسافر … هيرجع قريب … المهم إنك كويسة
* عايزة أكلمه
‘ هتكلميه … طبعا هتكلميه … بس المهم دلوقتي إنك بقيتي كويسة !
* تسلمي يا بنتي
‘ بصي يا طنط بعد شهر بالظبط هتعملي العملية و تبقى كويسة أكتر !
* بس أنا مش معايا فلوس !
‘ لا لا … سيبك من كده … في حد بيساعدك … و هتعملي العملية !!
* أنا مش عارفة أقولك ايه … بس بجد اشكرك لسؤالك !!
قعدت فيروزة مع أم مروان … مش مشيت غير لما اتأكدت منها هتنتظم على الدواء لغاية معاد العملية … فيروزة كانت مبسوطة لأنها قدرت تساعدها
خرجت من المستشفى و الإبتسامة مرسومة على وشها … جات تركب العربية … وقفت قدام باب العربية
” فيروزة … ممكن نتكلم ؟
‘ في ايه يا سيف ؟
” بصي أنا هسيبك تعملي أي حاجة إنتي عيزاها … حتى لو عيزاني اساعدك هساعدك طبعا
‘ لا … أنا عارفة اتصرف لوحدي
” هنفضل كده لغاية امتى ؟
‘ معرفش
” يعني عاجبك وضعنا ده ؟
‘ أيوة … يكفي إني مرتاحة
” مرتاحة عشان بعيدة عني !!
‘ سيف ابعد من قدام العربية … عايزة امشي
” هتمشي كالعادة ؟ اتعودت على كده منك
‘ سيف … لما أكون عايزة ارجعلك … هرجع … مش هستنى منك تطلب مني كده … و ابعد ما قدامي !!
” ماشي
بعدت من العربية و مشيت … كلامها ليا بيو’جع أوي !!
بعد يومين ،،،،،،،،،،،
كنت نايم في البيت … التليفون رن أكتر من مرة … صحيت على صوته … دي فيروزة بتتصل !!
” آلو ؟؟
‘ سيف ممكن تجيلي ؟
” فيه مشكلة ؟
‘ لا … بس يعني عيزاك في حاجة
” هلبس و جاي
لبست بسرعة … و روحت على بيتها … فتحت الباب … ابتسمت و قالت
‘ اتفضل
دخلت و قعدنا في الصالون … حضنتني و قالت
‘ شوفت اللي حصل … الناس كلها على النت و غيره عرفت إن الفيديو مفبرك !
” آه عرفت لما لقيتك زعلانة مني ف سكت
‘ تعرف … أنا محظوظة جدا لإن عندي زوج مستحمل تقلباتي المزاجية … بعدين أنا آسفة لإني مشيت بس صدقني إني كنت محتاجة ده جدا … كنت محتاجة اقعد مع نفسي و أحاول اعمل اي حاجة تصلح اللي فات ده كله
” يعني هترجعي ؟
‘ أيوة … بس مش دلوقتي
” ليه ؟
مردتش عليا و راحت المطبخ تعمل عصير
” طيب ردي على سؤالي ؟
‘ مش دلوقتي … اشرب العصير الأول
شربته و قولتلها
” شربته اهو … مش هتجاوبي برضو ؟
قربت مني و مسكت ايدي … و فضلت مبتسمة ليا
” فيه ايه يا فيروزة ؟
فجأة داخت و اغمى عليها
” فيروزة !!
شيلتها و دخلتها الأوضة … خوفت جدا و اتصلت على دكتورة أعرفها
جات الدكتورة … دخلت كشفت عليها
و أنا قاعد من بره … بتمشى يمين و شمال و هنا و هناك
فجأة الدكتورة خرجت و قالت
* مبروك … المدام حامل !
” ايه … ايه !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انزعي قناعك يا فيروزة)
