رواية انت مرادي الفصل العاشر 10 بقلم يارا ابراهيم
رواية انت مرادي الجزء العاشر
رواية انت مرادي البارت العاشر
رواية انت مرادي الحلقة العاشرة
و هما ماشيين بالعربيه شافوا عربيه عامله حادثه نزلوا جري وهما بيدعوا انه مش يطلع اللي في بالهم صح قربوا من العربيه وعرفوا انها عربيه يارا ويارا جوه العربيه وعماله تنزف جامد جري مراد وهو بيحاول يطلع يارا وفعلا طلعت وشالها فهد وطلعوا علي المستشفي فورا………
***********************
في مكان في اسكندريه نزل من الطياره شاب انيق واشقر وعينه زرقه وده كان جورج فقال للمراقبين..
جورج:/هل وجدتم صغيرتي.
المراقب:/نعم سيدي اهلها وجدوها وانقذوا وهي قررت زياره المقابر و لكن.
جورج:/بقلق……. ولكن ماذا؟
المراقب:/اهلها كانوا يمشوا ورائها من دون علمها و وجدوها قد فعلت حادث واخذوها للمستشفي.
جورج:/بحزن… هل تعلم اسم المستشفي.
المراقب:/نعم سيدي…. انها مستشفي الالفي.
جورج:/ حسنا جهز لي السياره لكي اذهب.
المراقب:/حسنا سيدي..!
*********************
في فيلا مراد كانوا قاعدين خايفين يكون حصل حاجه فقالت نجلاء لي ياسمين….
نجلاء:/ياسمين هي فين هنا.
ياسمين:/مش عارفه بس ممكن تكون لسه نايمه ومش تعرف حاجه.
نجلاء:/روحي صحيها بسرعه يا بنتي لازم تكون جنب صحبتها لما تيجي.
ياسمين:/ياسمين حاضر يا ماما.
قالت نجلاء لي مها….
نجلاء:/انا خايفه يكون حصلها حاجه.
مها:/هي مش بخير اكيد حصلها حاجه.
نجلاء:/حرام عليكي يا مها فال الله ولا فالك ان شاءلله كويسه.
مها:/اتمني بس قلبي انقبض فجأة.
راحت ياسمين لي فيلا يارا ودخلت تدور علي هنا لاقتها بتلبس قعدت ياسمين تستنها لحد ما طلعت وقالت…….
هنا:/بإبتسامة….. ياسمين منوره بس قاعده هنا ليه كنتي خبطي عليا… ياسمين مالك في ايه؟
ياسمين:/هنا في مصيبه وانتِ مش حاسه.
هنا:/مصيبه ايه بس.
ياسمين:/بتوتر…. يارا.
هنا:/بقلق…. يارا مالها… طمنيني يا ياسمين لانه قلبي مقبوض من ساعه ما صحيت.
ياسمين بدأت تحكي كل حاجه لهنا فهنا انهارت وهي مش مصدقه قعدت ياسمين تهدي فيها خدتها علي الفيلا التانيه……..
*****************
في المستشفى عند يارا دخلت العمليات وفضت ست ساعات وكان مراد قاعد في جنب ومعاه عمر صاحبه فقال…..
عمر:/خلاص يا صحبي اهدي ان شاءلله هتكون كويسه.
مراد:/عمر… يارا لو حصلها حاجه هموت وراها.
عمر:/مراد انت.
قاطعه مراد وقال….
مراد:/اه يا عمر حبيتها اوي مش عارف ازاي وامته بس حبيتها وعندي استعداد احارب اي حد علشانها.
عمر:/ده كله في قلبك ومخبي.
مراد:/كنت ناوي اكلم بابا عشان يكلمها ونتجوز بس شكل القدر ليه راي تاني وانا مكتوب عليا اعيش حزين طول عمري.
عمر:/ماتقولش كده ان شاءلله هتكون كويسه وتتجوزا وتجيبوا دستت عيال يجننوكوا.
مراد:/بحزن….. ان شاءلله.
خرج الدكتور من اوضه العمليات وقالت ممكن حد منكم يجي المكتب لحظه.. كلهم قالوا انا فقالهم مراد انا هروح كان فهد هيتكلم فقاله عمر…..
عمر:/سيبه هو يروح معلش يا فهد.
فهد:/ماشي بس بعدين تفهمني كل حاجه.
هز عمر راسه بحزن علي الحال اللي وصل ليه صاحبه راح مراد ورا الدكتور فقال……
الدكتور:/اتفضل اقعد يا مراد بيه.
مراد:/شكرا… حاله يارا كويسه صح.
الدكتور:/الحقيقه يا مراد بيه انها كويسه ومش كويسه.
مراد:/بإستغراب….. ده ازاي يعني.
الدكتور:/بص هي الحمدلله عدت مرحله الخطر بس في مشكله.
مراد:/ايه هي المشكله.
الدكتور:/المشكله انه هي داخلت في غيبوبه مؤقته بسبب ان عقلها الباطن مستسلم للموت.
مراد:/بخضه…. المعني ايه بردو يعني هي هتقوم ولا لأ.
الدكتور:/هي هتقوم بس الوقت احنا مش عارفينه بس في حاجه مهمه جدا.
مراد:/ايه هيا.
الدكتور:/الآنسه يارا صحيح في غيبوبه بس هي قادره تسمع كل اللي حوليها يعني الغيبوبه متعلقه بالاسباب النفسية مش الجسديه.
مراد:/في أمل انها تقوم تاني.
الدكتور:/طبعا بس مع الوقت وحاولوا تخلوا شخص يجي كل فتره يقعد يتكلم معاها علشان يديها امل للشفاء بإذن الله.
مراد:/شكرا يا دكتور.
طلع مراد وقاللهم كل حاجه فقال خالد……
خالد:/لا حول ولاقوة الابالله العلي العظيم ربنا يقومك بالسلامه يا حبيبتي.
قال عمر طيب يلا نروح نطمنهم زمنهم قلقانين وبكره هنجي بدري اقطنعوا بكلامه لانهم عارفين ان الدكاتره مش هتدخلهم انهارده بس قال مراد……..
مراد:/بصرامه…… روحوا انتم انا قاعد هنا.
عمر:/يلا يا مراد علشان انت تعبت ولازم تروح تاخد شاور وترتاح وبكره والله هنيجي بدري.
مراد:/أنت قلت هفضل هنا يعني هفضل هنا.
فهد:/بحزن علي حالته خلاص يا مراد ماشي بس هقعد معاك.
مراد:/لا لا روح انت.
فهد وهو بيحاول يضحك مراد…. لا طبعا واسيبك تستفرض بيها.
مراد:/خلاص ماشي خليك.
روح خالد وعمر وقالوا للبنات كل اللي حصل انهاروا كلهم بس هنا وقعت مغمي عليها اتخض عمر عليها وكان لسه هيشيلها بس قال خالد لا سيبها هما هيهتموا بيها سابها عمر وقلبه موجوع عليها بس قرر يروح بيته علشان ميصحش يفضل هنا كان لسه هييمشي قال خالد……
خالد:/خليك هنا يابني ونام في اوضه مراد.
عمر:/لا يا عمي ميصحش هروح البيت وهاجي الصبح بدري.
خالد:/كتر خيرك يا بني علي وقفتك جمبنا.
عمر:/ماتقولش كده يا عمي انتم اهلي ولا ايه.
خالد:/طبعا يابني.
مشي عمر وروح بيته وهو قلقان علي هنا بس قال لنفسه…….
عمر:/انت مالك بيها اصلا.
عمر:/لا طبعا تخصك ولازم تطمن عليها.
عمر:/شكلك بتحب ولا ايه.
عمر:/لا طبعا انا احب مستحيل.
خلص عمر كلام مع نفسه واخد شاور ونام من كتر التعب………
*******************
وعند مراد وفهد قال فهد…..
فهد:/هروح اجيب اكل بسرعه وجاي.
مراد:/وهو مش مركز…. ماشي.
راح فهد ودخل جورج المستشفى وبدأ يسأل علي يارا بس محدش كان فاهمه لانه بيتكلم بالايطالي علشان لو شاف اهلها مش يفهموه.
(واد محتال مش سهل بردو 😂)
شاف جورج مراد وقرب منه وبدأ يسأله بس مراد ماكنش مركز ومش بيرد فهزه جورج جامد فركز مراد وقال بعصبيه…….
مراد:/بعصبيه……. انت اطبش ولا ايه.
كان جورج فاهمه لانه بيتكلم باللغه العربيه بس قرب جورج من مراد وقال بهدوء كأنه بيسأله……..
جورج:/أنا اطبش يا حقير يا واطي ماشي يا زباله.
مراد:/ايوه بردو عايز ايه مش فاهم.
جورج قاله كلمه مصريه سمعها قبل كده……
جورج:/طبيعي مش تفهم ما انت بقره بلدي.
مراد:/مش فاهم عايز ايه حل عني علشان مش فايقلك.
جورج فضل يضحك بقوه كان هيموت….
(ليه حق الصراحه 😂)
ايجي فهد وشاف مراد متعصب كان لسه هيتكلم بس قال………
فهد:/بصدمه….. جورج.
جورج:/فهد أنت هنا كيف الحال.
فهد:/ايه ده بتتكلم ايطالي ليه وانت.
حط جورج ايده علي بوق فهد وقاله بالايطالي….
جورج:/تحدث معي فقط بالايطالي حتي لا نموت.
فهد:/حسنا لكن ماذا تقصد بنموت.
حكي جورج كل حاجه لفهد فضل فهد يضحك لدرجه انه مش قادر ياخد نفسه فقال……
فهد:/انه عصبي ولو اكتشف ما قلته سيقطعك ارباً.
جورج:/اتركه وشأنه الآن واخبرني كيف حال صغيرتي.
فهد:/كيف علمت بهذه السرعه.
جورج:/لدي اساليبي.
فهد:/اساليب يعني ما جواسيسك.
جورج:/هيا تحدث كيف حالها.
حكي فهد كل حاجه لجورج فسأله….
جورج:/من هذا وكان بيشاور علي فهد.
فهد:/هذا مراد ابن عمها.
جورج:/لماذا هو حزين لهذه الدرجه.
بص فهد لمراد اللي كان شارد وكانت عينه فيها حاجات كتير مخبيها وهو كان عارف سبب حزنه بس رجع بص تاني لجورج وقال……
فهد:/هو فقط حزين لانها ابنت عمه الوحيد ولا يريد ان يخسرها.
جورج:/حسنا ولكني اعلم انك تكذب.
ابتسم فهد وجورج وقعدوا كلهم وقال فهد لمراد……
فهد:/يلا يا مراد انت ماكلتش وكده هتتعب.
مراد:/معلش بس انا مش عايز.
فهد:/طيب تعالي نروح خد شاور وهنرجع تاني بسرعه بعد مده طويله من الاصرار عليه وافق مراد وركبوا هما الاتنين العربيه وقرر جورج انه هيروح بيته اللي في مصر.
********************
في فيلا مراد كان البيت مهموم جدا وكانت هنا في اوضتها منهاره لانها فاكره ان كل ده حصل بسببها قالت ياسمين……..
ياسمين:/يا هنا افهمي يا حبيبتي انتِ مش السبب ده قدرها وكان هيتنفذ حتي لو انتِ معاها.
هنا هديت شويه ونامت من كتر العياط وكانت ياسمين جمبها بعد شويه سمعت ياسمين صوت حد فنزلت بسرعه وهي ناسيه انها بشعرها لحسن حظها فهد راح لاوضه امه يشوفها بس مراد شافها وقالها غطي شعرك فهد هنا….
طلعت ياسمين تجري زي الهبله علي الاوضه وهي بتحمد ربنا وبتقول الحمدلله انه حذرني 😂😂
لبست حجابها وراحت علي اوضه مراد لاقته بياخد شاور طلعتله الهدوم اللي هيلبسها زي ما تعودت تعمل دايما ونزلت راحت المطبخ ومارضيتش تصحي العاملات وعملت هي الفطار علشان الكل يفطر وفجأه
ايجي فهد من وراها وقال……..
فهد:/السلام عليكم.
ياسمين من غير ما تلف:/وعليكم السلام ورحمة الله وبركاته.
فهد:/انتِ مين؟
ياسمين:/انا ياسمين.
فهد:/تصدقي كده عرفتك.
لفت ياسمين بغيظ وقالت……
ياسمين:/بقول ايه روح اترزع في حته علشان مش ناقصك.
فهد برفعه حاجب:/مش ناقصني اممم.
ياسمين رجعت لفت تكمل اللي بتعمله علشان مش يتأخروا فرجع فهد يقول……..
فهد:/انتِ تقربي ايه لي يارا.
ياسمين:/أنا بنت عمها.
فهد:/يعني أنتِ اخت مراد.
ياسمين:/بالضبط وخلاص بقي علشان كلامنا من غير مِحرم حرام.
طلع فهد من المطبخ واخيرا ياسمين قدرت تتنفس وقالت……
ياسمين:/مش عارفه لما اشوفه بحس قلبي هيقف وبس بشعور عمري ما حسيته.
نزل مراد وكان هيمشي لاكن ايجت ياسمين وقالت ……
ياسمين:/مراد أنتِ كلت ولا لسه.
مراد:/لا لسه ومش عايز.
ياسمين:/مش هتمشي من غير ما تاكل وتاخد الدوا.
مراد:/ياسمين مش لازم مش عايز.
ياسمين:/هتاكل يعني هتاكل يلا يا إما مش هكلمك.
اتنهد مراد وقعد وقعد فهد وهو بيقول في نفسه…..
فهد:/عنيده بس مش مشكله تنفع بردو.
مراد سمعه فكتم ضحكه وقال بجديه……..
مراد:/بتقول حاجه يا فهد.
فهد:/لا هو انا اتكلمت.
مراد:/ لا بس بيتهيالي سمعتك بتتكلم.
فهد:/لا ياخويا هلاوس بس.
مراد:/اه طبعا طبعا.
جابت ياسمين الاكل وطلعت تشوف هنا مراد وفهد وهما بياكلوا قال فهد في نفسه تاني…..
فهد:/لا وكمان بتعرف تطبخ حلو علي بركه الله….. افرحي يما.
هنا مراد شرق لما سمع وفطس ضحك فقال…….
مراد:/هو انا مش قولتلك.
فهد:/لا مش قولتلي.
مراد:/جوزي اختي جاي انهارده من السفر.
فهد:/اخت مين لمؤاخذه.
مراد كتم ضحكه وقال….
مراد:/يابني ركز هو انا ليا ميه اخت ياسمين هيكون مين.
فهد كان بيشرب تف الميه وقال…….
فهد:/ياسمين.!
مراد:/ابو قرفك… اه ياسمين مالك مصدوم.
فهد:/انت كذاب امال هي قاعده هنا ليه وبعدين لو هي متزوج مش المفروض يكون عندها عيال.
مراد:/اولا لم لسانك ثانيا هي قاعده هنا علشان زي ما قولتلك جوزها مسافر اما العيال فهي بنت واحده وعند جدتها ام ابوها.
فهد:/ياخي روح منك لله مش قولتلي ليه.
مراد:/وانت مهتم ليه اصلا 😂.
فهد:/اخرس خلاص مش عايز اسمع صوتك اللي بينقط سكر ده.
مراد:/ماشي ياخويا.
نزل الكل حتي هنا وكانت ياسمين بتسندها وراحوا كلهم المستشفي دخلوا لي يارا و اول ما شافتها هنا كده اغمي عليها………
حطوا هنا في اوضه علشان ترتاح وكان معاها ياسمين وعمر اول ما فتحت عينيها قال عمر بلهفه…..
عمر:/استاذه هنا انتِ كويسه حاسه بحاجه.
هنا وهي بتبص لياسمين:/لا أنا كويسه الحمدلله…. ياسمين اسنديني لاوضه يارا معلش.
ياسمين:/انتِ متأكده يا هنا.
هنا:/اه يلا .
راحت هنا وضلت قاعده جمب يارا حضناها فدخل الدكتور وقال………
الدكتور:/السلام عليكم.
رد الكل السلام فرجع قال الدكتور….
الدكتور:/يا جماعه انا مقدر خوفكم وزعلكم علي يارا.
بص مراد للدكتور من فوق لتحت وقال…..
مراد:/المدام يارا لو سمحت.
بص الكل بإستغراب لمراد وفهموا انها غيره كمل الدكتور كلامه وقال…..
الدكتور:/مش ينفع تفضلوا كلكم هنا هي كويسه بس محتاجه شخص واحد يفضل جمبها علشان نفسيتها عامل مؤثر علي حالتها الصحيه.
مراد:/تمام كلكم روحوا وأنا بعد كده اللي هاجي وهقعد.
هنا:/لا يا استاذ مراد أنا اللي هفضل جمب اختي.
مراد في نفسه:/اللهم طولك يا روح.
مراد:/لا يا هنا.
راح عمر خبط كتفه جامد فقال…..
مراد:/استاذه هنا روحي انتِ وانا اللي هقعد وخلاص مافيش كلام تاني.
فعلا مشي الكل وفضل مراد بس قرب مراد الكرسي من يارا وبدأت يتكلم فقال……
مراد:/أنتِ عارفه انه لما عرفت انك بنت عمي فرحت مش عارف ليه بس انا دلوقتي عارف مش هقولك دلوقتي ليه وعارفه كمان وبدأ يحكي عن طفولته وقد ايه هو كان شقي وكان بيضحك علي نفسه وفضل يتكلم لحد ما الوقت عدي ودخلت الممرضه علشان تركب المحلول وقالته ان موعد الزيارة خلص قام مراد وهمس في ودنها وقال……..
مراد:/لحد دلوقتي ماعرفش لون عينك ايه لانك دايما بتخبيهم مش هتقومي علشان اشوفهم.
مشي مراد وهو مغصوب ماكنش عايز يمشي وقال لنفسه…………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انت مرادي)
