رواية انت مرادي الفصل الخامس 5 بقلم يارا ابراهيم
رواية انت مرادي الجزء الخامس
رواية انت مرادي البارت الخامس
رواية انت مرادي الحلقة الخامسة
في فيلا يارا وهي قاعده بتشتغل على الموبايل فجاه جاتها رساله من جروب الشركه بتاع لندن فتحت الرساله لقيت انه الشركه عايزين يعملوا معاها اجتماع في اقرب وقت ممكن فسالتهم يارا وقالت……..
يارا:/في إيه شباب.
ردت واحده من الجروب اسمها ليلى وقالت….
ليلي:/يا آنسة يارا في حاجه حصلت وكنا حابين نعمل اجتماع وبما إن حضرتك مسافه فهنعمل الاجتماع أون لاين و كمان ان حضرتك وحشتيني.
يارا:/تمام يا ليلي… حددوا المعاد وعرفوني.
ليلي:/تمام يا يويو.
يارا:/ اخيرا يا اختي اتعدلتي والله كنت لسه هبهدل كرامتك دلوقتي.
ليلي:/هههههه…. اه حسيت انك مضايقه من الالقاب فقولت اتلم.😂
يارا:/يا بنتي قولتلكم 100 مره انتم مش مجرد بنات بتشتغلوا معايا احنا اصحاب ولا حضرتك عندك مانع.
ليلي:/ لا يا كوتش هو انا اقدر وبعدين قوليلي عامله ايه في مصر وشفتي منصور الكلب.
يارا:/هههههه مش فاهمه ليه كله بيشتموا بالكلب والله الكلب محترم عنه…. على العموم يا ستي لا مش شفتك وده لمصلحته عشان لو شفته مش هرحمه.
ليلي:/ لا يا اختي مش تستعجلي اوي كده احنا اتفقنا انك مش هتموتي حد صح يا يارا.
يارا:/ هو حد قال لك عليا قتاله قتله.
ليلي:/هههههه خلاص يا اختي محموقه اوي كده ليه.
يارا:/ وربنا انت ما يمشي معاكِ الا الخصم عشان تحترمي نفسك.
ليلي:/خلاص يا باشا أنا عندي عيال عايزه اربيهم.
يارا:/هههههههه جبتيهم امتى دول اشتريتيهم اون لاين.
ليلي:/ لا يا اختي بس ربنا يوعدنا بقى.
يارا:/ يا اختي مستعجله على الهم بدري بدري ليه.
ليلي:/ يا ست انا مستعجله انتم مالكم انتم حشريين ليه كلكم كده.
يارا:/ خلاص يا اختي انت حره ان شاء الله تولعي.
ليلي:/ تصدقي بالله انا غلطانه اني بكلمك .
يارا:/هههههه احسن 😂.
قفلت يارا الاتصال و بدات تفكر……
*********************
في مكان تاني في مصر في فيلا كبيره اتكلم واحد وقال………..
الشخص الغريب:/بتوتر…. يا باشا.!
الباشا:/امم.. عاوزه ايه.
الشخص الغريب:/ شكلنا غلطنا لما افتكرنا بنت فراس ماتت كان المفروض نتاكد بنفسنا.
الباشا:/بصدمه… يعني ايه الكلام ده.
الشخص الغريب:/ احنا اكتشفنا ان البنت طلعت عايشه ورجعت مصر قاعده مع عمها.
الباشا:/ بزعيق….. انتوا اتاكدتوا ممكن تكون واحده شبها عرفت ازاي ان هي اصلا.
الشخص الغريب:/ يا باشا انت وكلتنا من فتره اننا نراقب مراد فشوفنا البنت دي وهي طالعه وهي داخله في فيلا وسمعنا مراد وصاحبه بيتكلموا عنها واللي فهمناه من كلامهم انها بنت عمه ولسه راجعه من السفر.
الباشا:/بعصبيه…… اه يا عامر الكلب خلانا افتكرنا البنت ماتت طلع بيضحك علينا.
الشخص الغريب:/ هدي نفسك يا باشا واحنا هنعرف نجيب البت دي.
*******************
عند مراد وعمر في الفيلا قال عمر لي مراد بصدمه……..
عمر:/ هو انت كنت تعرف اني يارا دي بنت عمك.
مراد:/ يا ابني هو انا لو كنت اعرف مش كنت قلت لك.
عمر:/اممم طب وهنتصرف ازاي دلوقتي.
مراد:/ نتصرف في ايه بالضبط.
عمر:/ يا برودك يا اخي هنعمل ايه في الصفقة اللي عقدناها معاهم.
مراد:/ هنعمل ايه يعني هنفضل زي ما احنا.
عمر:/ يعني مش هنلغي الصفقه.
مراد:/ يا ابني انت اهبل نلغي الصفقه ليه كون انها بنت عمي ده مش هيغير حاجه.
عمر:/ طيب يا عم اعمل اللي تعملهم انا همشي دلوقتي عشان ابويا بيرن.
********************
وعند يارا والبنات هنا وياسمين كانوا كلهم قاعدين وحاطين ماسكات على وشهم وقاعدين بيتصوروا وهم بياكلوا اندومي فقالت يارا…….
يارا:/ انا حاسه ان احنا عبط اوي باللي احنا بنعمله ده.
هنا:/ يا اختي سيبينا نفك شويه بدل الشغل والمرمطة.
يارا:/ اه صح جروب الشركه عايز يعمل اجتماع مفاجئ.
هنا:/ غريبه اول مره يعملوها ممكن عشان وحشتيهم بس وبيقولوا كده وخلاص عشان ترضي تعملي الاجتماع.
يارا:/ مش عارفه هم قالولي انهم عايزيني في حاجه مهمه واني وحشتهم وبعدين اصلا هم لو قالولي انهم عايزين يشوفوني ما كنتش هقول لا.
هنا:/ طيب هم مش قالولك الاجتماع امتى.
يارا:/لا لسه انا قلتلهم حددوا المعاد وعرفوني.
*****************
عدت الليله دي بسلام على ابطالنا وتاني يوم الصبح صحيوا البنات ولبسوا وراحوا لفيلا مراد اول ما دخلوا لقوا نجلاء وخالد قاعدين بيتكلموا وهما متوترين جدا فقالت يارا….
يارا:/ ايه ده مالكم في ايه.
ياسمين وهي بتجري تشوف ابوها وامها مالهم قالت…
ياسمين:/ في ايه يا بابا في ايه يا ماما مالكم متوترين ليه كده.
نجلاء ردت وهي عماله تعيط بقوه ……..
نجلاء:/ البجحه ما كفهاش اللي عملته لا وجايه تعزمنا على فرحها النهارده.
ياسمين:/ هي ايجت هنا.
نجلاء:/ اه…. البجحه وليها عين تيجي كمان.
قالت يارا وهي مش فاهمه هم بيتكلموا على مين ولا بيتكلموا عليها بالطريقه دي ليه…..
يارا:/ هو في ايه انا مش فاهمه حاجه.
نجلاء:/ تعالي اوضه المكتب واحنا هنفهمكم كل حاجه عشان بس مراد مش يسمعنا.
بالفعل قاموا كلهم ودخلوا اوضه المكتب وقفلوا الباب فاتكلمت نجلاء وقالت…..
نجلاء:/ بصي يا بنتي انا هحكيلك كل حاجه من الاول خالص في يوم من الايام كان في واحده بتشتغل مع مراد اسمها ريماس…. ريماس دي يا ستي كانت بتشتغل سكرتيره قبل نهى فمراد حبها وجه طلب مني انا وابوه ان احنا نروح نخطبها له فانا وابوه قلنا له هنسال عليها الاول وبعدين نروح نطلب ايديها ليك بس مراد طبعا قاعد يقول ان هو عارفها وان هي بنت محترمه جدا ومتربيه ده غير انه كان واضح عليه جدا ان هو بيحبها وبالفعل ما رضيناش نكسر بخاطره لانه ده كان اول حب في حياته وبالفعل رحنا وطلبنا ايديها وهما وافقوا وعملنا خطوبه وعدى على الخطوبه سنه ونص وجه معاد الفرح كان مراد بيجهز للفرح بفرحه عمري ما شفتها في عينه وكان مبسوط جدا وعلى كلامه انها كمان مبسوطه جدا وقبل الفرح بيوم نزل مراد وريماس عشان يجيبوا شويه حاجات كانت ناقصاهم ورجعوا ومراد قال انه حاسس انها متغيره شويه بس طبعا انا من يوم ما خطبتها له وانا قلبي مش مرتاح وزي ما اعتقدت احساسي طلع صح وان هي ما كانتش الاختيار الصح ليه.
يارا:/ ليه هي عملت ايه.
نجلاء:/ هقولك وفي يوم الفرح كل المعازيم ايجت الفرح وكل حاجه كانت ماشيه تمام لحد ما خلاص المفروض يبدأ الفرح راح مراد علشان يجيب عروسته بس تفاجأ انها مش موجوده انها سايبه له جواب.
**محتوي الجواب**
مراد حبيبي انا آسفه اني مشيت بس انا مش بحبك واهلي كانوا غاصبين عليا اني اتجوزك وقالولي حتى لو مش بتحبيه العبي عليه لعبه وخدي منه شويه فلوس واهربي مع اللي بتحبيه واتجوزوا وبيني وبينك العرض كان مغري اوي بصراحه وما قدرتش ما وافقش بحب اشكرك على 2 مليون اللي كانوا مهري
وبس تشاو.
نجلاء:/ ومن وقتها مراد ما فتحش قلبه لحد تاني ابدا وحلف انه هينتقم منها وتفاجئنا النهارده انها جت برجليها وعزمتنا على فرحها.
يارا:/وانتوا عملتوا ايه.
نجلاء:/ طردناها طبعا.
يارا:/ بشك…… هو فين مراد.
نجلاء:/ المفروض انه ما راحش الشغل النهارده وفي اوضته فوق بس غريبه انه لسه ما نزلش لحد دلوقتي.
يارا:/ طالما ايجت لحد هنا وعرفتكم يبقى اكيد هتوصل لمراد وتقول له.
نجلاء:/بعياط… لا لا حرام اللي بيحصل في ابني ده هو ما عملش حاجه عشان تعمل ده كله.
يارا وهي بتبوس راس نجلاء وبتحاول تهديها…
يارا:/ اهدي يا امي ما تخافيش والله هجيبلك البت دي لحد عندك وهخليكِ تنتقمي منها بس اهدي.
نجلاء:/ انا مش عايزه انتقم من حد انا عايزاها تبعد عن ابني بس.
يارا:/ انا بقى هنتقم علشان تعرف تلعب مع حد من عيلتي تاني.
يارا وهي بتكلم ياسمين وبتقول….
يارا:/ياسمين ممكن تطلعي تشوفي مراد فوق ولا لأ.
كان خالد قاعد ساكت وبيفكر فقالت يارا….
يارا:/مالك يا بابا في ايه وازاي هادي كده.
خالد:/بفكر هعمل ايه علشان مستحيل اسامح البت دي المره دي كمان.
يارا:/ انا عايزاك تقعد وانت معاك فشار واتفرج على اللي هيحصل.
خالد:/هههههه دايما فهماني.
نزلت ياسمين من فوق وقالت!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انت مرادي)
