رواية انت مرادي الفصل الثاني 2 بقلم يارا ابراهيم
رواية انت مرادي الجزء الثاني
رواية انت مرادي البارت الثاني
رواية انت مرادي الحلقة الثانية
في لندن عند يارا كانت بتزعق جامد وبتقول…
يارا:/لا مش هنسي يا هنا مش هنسي في يوم اللي حرمني من أهلي ولا وكمان مستنيني ارجع علشان يقتلني وبعدين انتِ مين اداكي الحق تتهميني اتهام زي ده وانتِ عارفة إني مليش ذنب.
#هنا كانت لسه هتتكلم بس يارا قالت.
يارا:/هنا مش عايزة اسمع حاجه ولو عايزة نفضل صحاب مش تتكلمي في الموضوع ده تاني وبعد اذنك اطلعي بره دلوقتي.
هنا:/بصدمه… أنا يا يارا… أنا!
هنا طلعت ويارا فضلت تفكر وبعد مده صغيره لبست يارا وراحت لشقه صغيره في لندن وفضلت تخبط فتح الباب وقال…
الشخص الغريب :/يارا..! ايه اللي جابك دلوقتي هنا ومالك في ايه شكلك معيطه.
يارا قالت وهي بتدخل الشقه وبتعيط..
يارا:/الدنيا كلها ضدي مش عارفة اعمل ايه انا جايه لاني مليش غيرك هنا حتي هنا صحبتي شايفة إني غلط بجد انا تعبت من الدنيا دي كلها نفسي ارحلهم.
الشخص الغريب:/ متقوليش كده تاني يا قلبي انتِ يارا الالفي محدش يقدر يكلمك و حتي الناس تسمع عن يارا الالفي احسن امرأه اعمال وبرغم صغر سنك اللي انك ماهرة جدا والناس نفسها تشوفك انتِ شخصيه جميله اوى والله انتِ بس مش عارفة قيمة نفسك.
يارا:/وهي بتاخد نفس عميق.. هيفيد بأيه اني غنيه ومشهوره وأنا المفروض هربانه من اللي مستنيني.
الشخص الغريب:/لو قصدك منصور فمتخافيش يا روحي منصور نهايته قربت وهيقع في شر أعماله.
الشخص الغريب وهو بيحاول يغير الموضوع..
الشخص الغريب:/انما قوليلي انتِ حلوه ليه كده.
يارا:/وهي بتضحك… امم ممكن طلعالك.
الشخص الغريب:/بضحك وهو بيمسح دموعها.. الدموع دي غالية مش تنزل علي الرخيص و كمل بضحك فعلاً انا مز اصلا عشان كده انتِ طلعالي.
يارا:/بضحك.. امم يا سيدي علي التواضع.
الشخص الغريب:/طبعا يا بنتي أنا مش أي حد بردو.
يارا بضحك وهي بتقوم عشان تمشي..
يارا:/طيب سلام دلوقتي عشان امشي قبل ما حد يلاحظ اني مش موجوده.
الشخص الغريب:/ماشي يا حبيبتي.. ومش عايزك تفكري كتير قريب هنرجع وهناخد حقك امك وابوكي وهتشوفي.
يارا مشيت وراحت الفيلا وطلعت ونامت عشان هتصحي بدري عشان تسافر.
**********************
في مصر وبالتحديد في شركه الالفي دخل مراد بهيبه كالعاده وكل عيون الموظفين عليه وخصوصاً البنات اللي دايما بيحاولوا يوقعوه وهو دايما بيصدهم مراد دخل مكتبه وقعد وبعدين خبط باب المكتب
مراد:/اتفضلي يا نهي.
نهي:/بدلع…. مستر مراد جالنا خبر ان الوفد البريطاني هيوصل على بليل ف بالتالي الصفقه هتبقى تاني يوم الصبح.
مراد:/ماشي.
نهي وهي واقفه مبحلقه في مراد..
مراد:/ في حاجه يا آنسه نهي.. قولتلك ماشي.
نهي:/هاها.. اه حاضر.
مراد:/ايه البلاوي اللي بتتحدف علينا دي يارب.
عمر وهو بيدخل علي مراد فجأه….
مراد:/لا اله الا الله يا ابني انت مش بتحرم قولتلك للمره الكام خبط قبل ماتدخل.
عمر:/لا بصراحه مش عارف للمره الكام من كترهم بس اي يسطا البدله هتاخد منه حته.
مراد:/خدها لحسن اولع.
عمر:/ماشي… يعني هو أنا هحسدك…. اخص عليك بس بردو انا مش بحس وهاخدها بردو. 😂
مراد:/غريبه يعني ايه اللي جابك انت مش قايل امبارح وراك مشوار.
عمر:/اه يا سيدي بس اتأجل وماكنتش هاجي بس لاقيت نفسي فاضي قولت ارخم عليك.
مراد:/يعني مالقتش غيري ترخم عليه ولا هو الوطيان عالي عنك.
عمر:/اه.. ايوه أنا كده مش عاجبك يا واطي ده انا حامل منك وطب وابنك اللي في بطني اوديه فيه واقولوا ايه ابوك عرة الرجاله. 😂😂
بص مراد لعمر بصه ناريه فقال عمر …
عمر:/احم… مالك يسطا بفرفش اله.
مراد:/طب بص عشان أنت حبيبي وانا ميرضنيش بردو وهفرفشك روح مكتبك وهخلي السكرتيره تجيب الملفات واشتغل عليها.
عمر:/اه يا واطي كده… ماشي يا مراد وربنا لهخليك تلبس في حيطه بس ماشي.
مراد:/غور من وشي الله ينكد عليك زي مانكدت عليا.
******************
في فيلا الالفي في مصر كان خالد بيكلم يارا فقال…
خالد:/الوا يا يويو عامله ايه يا حبيبتي ركبتي ولا لسه.
يارا:/الوا يا بابا أنا الحمدلله يا حبيبي واه ركبت بس مش تيجي تأخدني عشان هروح اشوف حد الاول وبعدين اروح.
خالد:/بحزن…. هتروحي تزوريهم صح..؟
يارا:/اه يا عمي هما اول حد لازم ازورهم.
خالد:/خلاص يا روحي ماشي وأحنا هنستناكي.
يارا:/ماشي يا حبيبي وسلملي علي نوجا اصلها وحشاني اويي.
خالد:/بضحك.. حاضر يا حبيبتي.
قفلت يارا مع خالد وبصت من شباك الطياره بحزن ولا بتفتكر اللي حصل مع اهلها.
flash back.
كانوا اهل يارا راكبين العربيه وفجأة حد ضرب عليهم نار
فراس والد يارا:/منى انزلي انتِ ويارا تحت علشان مش تتأذوا.
مني:/فراس هو ايه اللي بيحصل.
فراس:/مش عارف بس فيه حد عايز يقتلنا.
وفجأة قبل ما يخلص كلامه العربيه اتقلبت بيهم وابتدت تولع… فراس شاف منصور وقال…..
فراس:/منصور…. الحمدلله انك جيت حاول تطلعنا يا منصور قبل اما نولع.
منصور:/بغل وحقد مالي قلبه.. لا يا فراس أنت عيشت كتير كفايه عليك كده.
فراس مش قدر ياخد نفسه واغمي عليه ومشي منصور يارا كانت شايفه كل ده وغمضت عنيها مستسلمه للامر الواقع وفجأة لاقت حد بيسحبها من ايديها وانقذها وبعد مافتحت عنيها وافتكرت اللي حصل وفضلت تعيط وفجأة.
Buck.
يارا:/بصويت.. لاا اهلي لاا وفضلت تعيط.
هنا:/بخضه… يارا حبيبتي مالك في ايه أنتِ حلمتي نفس الحلم تاني.
يارا:/بعياط… اه… انتِ عارفه يا هنا أهلي مش يستاهلوا اللي حصلهم ده كانوا ناس طيبه وبيساعدوا اي حد بس والله لهدفع منصور التمن و هخليه يتحسر علي نفسه.
هنا:/خلاص يا حبيبتي مش تضايقي نفسك علشان واحد مالوش لازمه ويلا امسحي دموعك دي انتِ مش ضعيفه ابدا وبعدين بقولك ايه احنا عاوزين نفرفش الله يرضي عنك ياختي.
يارا:طيب ياختي جهزي الشنط علشان خلاص هنوصل.
*********************
وعند مراد في الشركه قال..
مراد:/نهي نادي عمر ويلا عشان معاد الاجتماع قرب و خليه مش يتأخر عشان الإجتماع ده غير اي اجتماع عقدناه قبل كده.
نهي:/بدلع يفقع المراره…. حاضر يا مستر مراد.
وأخيرا نهي طلعت ومراد قال…….
مراد:/بقرف… يا شيخه اللهي يولع مستر مراد عشان ترتاحي.
عمر ودخل كالعاده من غير ما يخبط….
عمر:/مالك ياخويا بتدعي علي نفسك ليه يا بيضه 😂
مراد:/ياخي هي ناقصاك مش كفايه نهي عليا.
عمر:/يابني وانت مستحمل ليه اطردها.
مراد:/نفسي والله بس انا عارف ان حالتها الماديه وحشه وهي بتصرف علي أمها المريضه.
عمر:/طيب سيبك منها خلينا في الاجتماع اللي اتأجل مليون مره ده… ها جهزت الاوراق والعقود.
مراد:/اه ياخويا ومستنيين الاستاذ حسن هو كلمني وقال قرب علي الوصول.
عمر:/علي بركه الله…. يلا هشوف حاجه اكلها كده قبل ما نبدأ.
مراد:/يا بني انت مش راحم لا اخضر ولا يابس وتقول عايز تاكل…. ولا اقولك تعالي خد دراعي كله أحسن.. يا رب أنا كده هموت مجلوط.
عمر:/بضحك…. هههههه اهدي علي نفسك يابو الصحاب ليجيلك الضغط.
وبس يا حلوين لحد هنا part 2خلص واشكركم علي دعمكم ❤❤
***************************
**نصيحه **
ربـنا مـخلقـش حـد وحـش ڪُـلنا جُـمال بـِ اشـڪال مُـختلِـفَه ، ڪُـل واحـد عـنده مـيزه مـش فـِ غِـيره ، بـيڪون مـمُيـز بـيها ، انت جـميل بـشڪلا مـا ، مـتسبش حـد يـقلل مـنك لـمجـرد انـه عـنده نـقص وعـقده فـِ حـياته ، انـت مـش مـضـطر بـِ اي شڪل مــن الاشـڪال انـك تـستحمـل سـخافـه ونـقص الـشخـص اللـي قـدامـك ، وفـِ الـنهايـه انـتَ جمـيل بـقلبـك ، جـميـل بـِ جـوهـرڪ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️💌•♡))
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انت مرادي)
