رواية انت مرادي الفصل الثالث 3 بقلم يارا ابراهيم

رواية انت مرادي الجزء الثالث

رواية انت مرادي البارت الثالث

رواية انت مرادي الحلقة الثالثة

في مطار اسكندريه خرجت يارا وهنا و ركبوا العربية يارا وهي بتكلم عمها خالد وبتقول…..
يارا:/الوا يا خّلود انا ركبت العربيه هعمل كام مشوار الاول وبعدين كده هرجع البيت.
خالد:/ ماشي يا يويو خلي بالك على نفسك وتوصلي بالسلامه ان شاء الله يا حبيبتي.
قفلت يارا مع خالد فبصتلها هنا وهي بتقول….
هنا:/ انتِ ليه قلتِ لحسن انك هتحضري الاجتماع مع انك في العاده مش بتحضري الاجتماعات.
يارا:/ لان الشركه دي غير دي شركه من مجموعه شركات الالفي يعني بمعنى اصح دي من شركات جدي وعمي ف بالتالي هحضر الاجتماع.
هنا:/ طيب رؤساء الشركه عارفين انك الوفد البريطاني ولا لأ.
يارا:/ يا بنتي هم مفكرين ان الوفد البريطاني راجل مش ست.
هنا:/اممم… طيب ياختي موعد الاجتماع قرب فاضل ساعه ومش عايزين نتأخر كفايه ان احنا اجلناه كتير.
يارا:/ ما تخافيش هنوصل في المعاد بالظبط.
********************
وعند مراد في الشركه قال…..
نهي:/حضرتك كده كل الاوراق والعقود جاهزه.
مراد:/تمام.. وياريت تستعجلي الآنسه نوره عشان موعد الاجتماع قرب.
نهي:/حضرتك عايز نوره ليه دي مش اول مره نعقد صفقه مع الوفد ده…… ده غير إن الرئيس التنفيذي مصري يبقي مش هنحتاج نوره.
مراد:/لا المره دي غير لان الوفد نفسه اللي جاي واللي أنا اعرفه انه مش مصري وعايش هناك من زمان وانا بعرف اتكلم انجليزي بس مش ايطالي والوفد مع انه في لندن بس بيتكلم ايطالي فهمتي.
نهي:/تمام يا فندم.
مراد بيكلم والده في الموبايل وبيقول…….
مراد:/الوا يا بابا في ايه..
خالد:/الوا يا مراد.. أنا اتصلت عشان اقولك إن بنت عمك وراها كام مشوار وبعدين هتيجي ف بالتالي مش تروحلها.
مراد:/الي كان نسي اصلا…. طيب ماشي توصل بالسلامة سلام بقي دلوقتي عشان مشغول.
مراد بيكلم نفسه وفجأة دخل عمر وقال….
مراد:/ياخي روح منك لله قلبي كان هيقف منك يا زفت انت كبرت المفروض تعقل.
عمر:/ياعم انت مش زهقت من كتر ما بتقول الكلام ده.
مراد:/خلاص دلوقتي عشان مش فاضي استني بس اخلص وهوريك.
عمر:/بجديه… طيب يلا عشان الاستاذ حسن وصل ومستني في قاعه الاجتماع.
مراد:/بعصبية… يعني قاعد عمال تتكلم معايا وجاي تقولي كده دلوقتي ياخي روح منك لله.
عمر وهو بيشد مراد عشان يمشوا….
عمر:/اخلص أنت لسه هتدعي.
مراد:/استغفر الله العظيم واتوب اليه.
ووصل مراد وعمر قاعه الاجتماع ودخلوا سلموا وبعدين قال مراد يلا نبدأ……
الاستاذ حسن:/آسف لحضرتك بس الوفد زمنه قرب ممكن اتكلم في الموبايل.
مراد:/اه اكيد اتفضل.
حسن كلم هنا بعد ما وقف في جنب وكلم هنا…..
حسن:/آنسة هنا حضرتك انتِ والآنسه يارا اتأخرتوا اوى والاجتماع المفروض يبدأ.
هنا:/أستاذ حسن أحنا آسفين خلاص وصلنا اهه.
حسن:/تمام يا فندم.
حسن كلم مراد بعد ما قفل مع هنا…
حسن:/الوفد وصل وخلال دقايق هيكون هنا.
مراد:/تمام مافيش مشكله.
وصلت يارا وهنا ودخلوا بكل هيبه وعيون كل اللي في الشركه عليهم وهما جايين يدخلوا قاعه الاجتماع وقفتهم نهي وهي بتقول…
نهي:/ايه…. الهوانم رايحين فين ولا هي وكالة من غير بواب.
يارا بصتلها من فوق لتحت وقال وهي بتمشي مكمله طريقها….
يارا:/يارا الالفي بتدخل المكان اللي يعجبها في الوقت اللي يعجبها.
مسكت نهي ايد يارا جامد لما الحراس شافوا كده كانوا هيتدخلوا بس يارا شاورتهم بأيديها انهم يقفوا
…
يارا:/بصي يا بتاعه أنتِ أنا من عادتي بحترم كل الناس بس الجرابيع اللي زيك بعاملهم نفس معامله الحيوان والله الحيوان محترم اكتر منك.
نهي:/أنا… أنا بتشبهيني بالحيوان تصدقي بالله إنك ملقتيش اب ولا ام يربوكي.
يارا اول ما سمعت كده فقدت أعصابها وراحت جايبه نهي من شعرها وكل اللي يحاول يقرب حراس يارا يمنعوه واحد من الحراس قال لصحابه…
الحارس 1:/وربنا الآنسه يارا عملت الصح البت دي هي اللي مش محترمه لان الآنسه يارا لي أمانه الله بتعامل كل اللي بيشتغلوا عندها كانهم بيشتغلوا معاها وعمرها ما عملتنا وحش من يوم ما اشتغلنا معاها..
الحارس 2:/ معاك حق الصراحه فاكر لما كانت امي تعبانه وكنت مضطر انزل مصر لا والمشكله ما كانش معايا فلوس ان انا اجيب لها العلاج روحت طلبت من الآنسه يارا إجازه ولما عرفت إن امي تعبانه ادتني فلوس من غير ما اقولها ولما رفضت قالتي اعتبرها مكافأة علي شغلك.
الحارس 1:/اه والله ربنا يبارك فيها يارب ويزدها كمان وكمان.
مراد وعمر وحسن خرجوا علي صوت الموظفين وصوت نهي اللي بتصوت زي الهبله مراد اول ما شاف كده قرب ناحيه يارا ولسه هيمسكها واحد من الحراس شده وقال احسنلك لما هي تكون متعصبه مش تكلمها وكمان اوعي تلمسها عشان هي مش بتحب اي راجل غريب يلمسها.
مراد:/امال اسيبها تموت البت.
رد واحد من الحراس وقال…
الحارس:/البت دي هي اللي غلطت في الآنسه يارا الاول وهي تستاهل.
مراد بفرحه وهو بيقول في نفسه أنا مش خايف عليها هي تستاهل والله عشان حرقت الدم اللي كانت بتجيبهالي كل يوم 🙂😂😂😂..
هنا وهي بتكلم يارا..
هنا:/خلاص يا يارا عشان خاطري انا خلاص سبيها هي مش تستاهل.
يارا:/يعني البت الجربوعه دي تجيب سيره أهلي و عايزاني اسكت.
هنا:/خلاص انتِ عملتي معاها الصح خلاص بقي.
يارا بعد ما سابت نهي قالت…..
يارا:/يلا يا هنا عشان مش نتأخر علي الاجتماع.
هناوهي مش قادره تمسك نفسها من الضحك 😂
هنا:/اه طبعا الاجتماع يلا… باااي نهي 😂😂
يارا دخلت قاعه الاجتماع وقعدت وجمبها هنا من ناحيه وحسن من الناحيه التانيه….
الاستاذ حسن:/آنسة يارا دي العقود والاوراق حضرتك اقرئيها عشان نوقع.
يارا:/تمام وريني.
مراد دخل وقعد وهو مش فاهم مين دي وازاي ليها هيبه كده وكمان لبسها اللي كان الشركه كلها مستغرباه هو كان شيك جدا بس محتشم جدا.
مراد:/أستاذ حسن هو انت مش قولت الوفد قرب علي الوصول.
حسن وهو بيبص لي يارا وبعدين بص لي هنا اللي كانت ماسكه ضحكتها….
حسن:/أستاذ مراد وشاور علي يارا وهو بيكتم ضحكته الوفد اهه دي الآنسه يارا وهي الوفد البريطاني…
مراد:/بصدمه…. بس انا عملت معاكم صفقات كتير وهي ولا مره حضرتك.
حسن ولسه هيتكلم اديته يارا الاوراق وهي كانت سامعه كل كلمه مش قالت حاجه لحد دلوقتي.
يارا:/أستاذ حسن يلا أحنا مش فاضين تقدر تبدأ الاجتماع.
حسن:/احم.. تمام يا فندم.
كانوا بيتكلموا واللي كان مضايق مراد هو ان يارا طول الاجتماع مش بصتله اصلا ولما كان يكلمها كانت بترد ببرود ومن غير ما تبصله.
مراد:/شرفت يا أستاذ حسن وإن شاءلله يكون بينا صفقات اكتر.
حسن:/إن شاءلله.
مراد وهو بيمد إيده لي يارا عشان يسلم وهو بيقول…
مراد:/صفقه سعيده إن شاءلله يا يارا.
يارا:/أنا مش بسلم علي رجاله….. وياريت حضرتك ماترفعش الالقاب أسمي الآنسه يارا.
مراد وهو بيشيل أيده بإحراج…….
مراد:/بغيظ….. تمام يا آنسة يارا.
هنا وهي بتكلم يارا…….
هنا:/يابنتِ ليه احرجتِ الراجل كده.
يارا:/هنا أنتِ هبله عشان مش احرجه أسلم عليه واعصي ربي.
هنا:/لا أكيد بس انتِ مش شفتي نفسك بتتكلمي ازاي.
يارا:/هنا بما إني مش عملت حاجه تضايق ربنا يبقي خلاص محدش ليه حاجه عندي… وبعدين كفايه كلام دلوقتي ولما نروح نكمل هناك.
**********************
وخلاص يا حلوين لحد هناpart 3اتمني يكون عجبكم ❤❤
************************
**نصيحه **
خليك فاهم إن مفيش نجاح بدون تعب ، ومفيش راحه بدون مشقه ، وعمرك ما هتوصل لحلمك غير وانت عندك يقين بالله ثم نفسك انك هتنجح ، حاول مره والف ومتيأسش وثق في نفسك انك هتوصل لكل ال بتحلم بيه مع الوقت وسيبك من كلام الناس لأن محدش هيتمني ليك النجاح غير اهلك….!🤍