رواية وحوش الأرض الفصل الثاني والعشرون 22 بقلم منة ضياء
رواية وحوش الأرض الجزء الثاني والعشرون
رواية وحوش الأرض البارت الثاني والعشرون
رواية وحوش الأرض الحلقة الثانية والعشرون
بسم الله..
ف الفيلا عند احلام..
احلام شايله معاذ و راحه جايه بيه علشان يسكت لكن هو بيعيط..
احلام : خلاص بقا ي حبيبي مانا ح
جايه اهي.. وجعت قلبي بعياطك ده والله
قرب منها عماد : هاتي عنك انا هخرج بيه برا و اقعدي انتِ.. هنوقف برا نشوف مالك اكيد قرب يجي
عماد اخد معاذ و خرج برا : ما خلاص بقا ياض متبقاش رخم شبه عمك هاني كده دايما مكشر و نكدي.. ملقتش حاجه تشبهُ فيها غير النكد!!
معاذ مش مبطل عياط و رفع ايده ضرب عماد ع عينه..
عماد : يا ابن ال** و كمان ايدك عاميه.. ده احنا نخاف منك بعد كده يا ابن مالك..
ف الوقت ده وصلوا مالك و همس و مليكه..
همس راحت بسرعه ع عماد : ازيك يا بابا
عماد: الحمدلله ي بنتي.. خدي ابنك اهو
همس شالته و طبطبت ع ضهره : معلش يا بابا تعبتك معايا انت و ماما احلام..
عماد بحنيه: والله كلمة بابا منك بتهون عليا تعب الدنيا و ما فيها..
مليكه بمرح: احم.. ازيك ي حج
عماد لهمس : شوفتِ.. اهي بتقولك حج.. حلوفه بتتكلم
مليكه : حلوفه؟!! مش عارفه والله الشُهره عايزه مني اي
مالك : هتكون عايزه منك اي يعني هو انتِ حيلتك حاجه
مليكه : متشكرين ي رجوله.
مالك ضحك.. و قرب من همس و شاف معاذ ساكت نايم ع كتفها و ايده ف بوقه..
مالك : والله؟! مانا قاعد ساعه شايلك و رايح جاي و اطبطب و ادلع مفيش فايده.. طب تعالى ف حضن بابا و انت ساكت و قمر كده..
معاذ رفع راسه من ع كتف امه و فتح ايديه الاتنين..
مالك ابتسم بحب و قرب منه علشان يشتاله لكن معاذ ضرب مالك بايديه الاتنين ع وشه.. الكل اتصدم
مالك : ف اي يالا..
همس ضحكت بصوت عالي ع شكل مالك و صدمته و بعدها الكل ضحك
مالك بغيظ: لا معاذ قلب بابا.. صح ي حبيبي تعالي لبابا بقا علشان يشوفوا اننا بنحب بعض.
لسه هيقرب منه معاذ تف عليه..
مالك بغيظ: تصدق بالله ان انتَ تربية ناقصه اه والله شبه عمك هاني بالظبط..
هاني خرج من جوا الفيلا و راح عليهم : ف اي انتَ و الحج ماشاء الله مش محتاجين توصية اي شتيمه تلزقوا فيها اسمي..
عماد حط ايده ع كتف هاني : علشان انتَ متربي بزياده
الكل ضحك و هاني سابهم و خرج من الفيلا خالص : مفيش فايده
مليكه : طب يلا ندخل جوا بدل ما احنا واقفين كده
الكل دخل… احلام قربت من همس : حمدلله ع السلامه.. الحمدلله انه سكت متعرفيش كان بيعيط ازاي قلبي كان واجعني عليه…
همس طبعت بوسه ع راسها : سلامه قلبك من الوجع ي ست الكل، احم.. معلش هطلع بس اوضة مالك فوق هاكل معاذ و بعد كده هنزل اقولكم انا اتاخرت ليه..
احلام : ماشي ي حبيبتي براحتك..
همس طلعت و مالك طلع وراها و مليكه واحلام دخلوا يجهزوا الاكل.
__________
عند البنات..
وعد : انا عايزه امشي مش هينفع اقعد هنا اكتر من كده انتم ليه مش فاهمني..
مروة : احنا اللي مش فهمينك ولا انتِ اللي مش فاهمه انتِ بتقولي اي
وعد بحيره: طب اعمل اي يعني هفضل طول عمري كده؟!
مروة بمرح : لا مش هتفضلي كده ي فقريه.. هانت و تتجوزي الواد ايهاب اخويا و هتبقي مراته و ابقي وريني مش هتسمعي كلامي ازاي.. انا بقولك من اولها اهو انا عمتو الحربايه..
مروة بصتلها و ابتسمت ابتسامه هاديه..
مروة : احنا قعدين مع بعض اهو لحد ما ايهاب يجي ياخدني و نوصلك ف طريقنا..
ياسمين : ايوه علشان خاطري مش تمشوا غير لما ياسين يجي.
مروة : نمشي فين انتِ عبيطه احنا هنا ع قلبك..
____________
عند ايهاب و ياسين..
الكل كان واقف مصدوم من اللي حصل ازاي بالسهوله دي مو،تت نفسها الكل جرى بسرعه و قربوا من شاهي و كان وشها و جسمها كله د،م..
طارق قرب منها و مسك ايدها و سابها و اترمت جنبها : خلاص هي ما،تت قفلوا القاضيه ع كده..
ياسين و ايهاب واقفين و مش قدرين ينطقوا حرف من صعوبة المنظر و كأن الكلام كله اتبخر..
ياسين اتكلمت بصوت مهزوز: احم.. هو المفروض نعمل اي الوقتي..
طارق : خلاص انتم دوركم خلص.. احنا هناخدها ع المستشفى علشان تصريح الدفن و شهادة الوفاة و اهلها هما اللي هيستلموها..
الست اللي كانت معاهم و ف ايديها الكلبشات صرخت بكل صوتها : شـــــــآهِي.. و قربت منها بلهفه.. شاهي ب.. بنتي شاهي قومي ردي عليا..
الكل اتصدم ايهاب اتكلم بهمس : معقول.. امها؟!
طارق طلب الاسعاف.. و قرب من منيره: خلاص عياطك الوقتي مش هيفيدك ف حاجه.. ياريتك كنتِ نصحتيها من الاول تبعد عن السكه اللي كانت فيها دي.. لكن الظاهر انك كنتِ بتدعميها..
منيرة قعدة ع الارض بتعيط.. بعد شوية اجى الاسعاف علشان ياخدوا شاهي
منيرة وقفت : شاهي.. لا هتاخدوها فين؟ مش كفايه عصام اللي اخدها مني سنين و لا انتم اخدتوها مني ف السجن و لما اخدها ف حضني يوم تاخدوها مني للابد
ياسين : كلامك مبقاش ليه لازمه.. بنتك ساعدة عصام ف السر،قه و الظلم و القت،ل.. و الظالم نهايته وحشه.. و اهي ف الاخر ظلمت نفسها..
بعد دقايق الكل مشى و ايهاب ركب عربيته و ياسين كمان ركب عربيته و راحوا عند فيلا ياسين..
ايهاب ركن و ياسين وراه..
ايهاب : هتقول لوعد اي؟!
ياسين : هنقولها الحقيقه هنقولها اي يعني
ايهاب حرك راسه بالموافقه : ربنا يستر
البنات اخدوا بالهم من دخول الشباب..
ياسمين راحت ع ياسين : كنت فين كده طول اليوم
ياسين : معلش كنت ف مشوار مهم..
مروة : يلا ي ايهاب علشان نمشي ده المغرب هياذن خلاص اهو
ايهاب : تمام..
وعد كانت قعدة بتفرك ف ايديها باحراج..
ياسين : اقعدوا ي بنات جنب وعد علشان عندي كلام عايزه اقوله انا وايهاب.. اقعد ي ايهاب
ياسين و ايهاب قعدوا قدام البنات..
وعد بتوتر : خير..
ايهاب : متقلقيش هو فعلا خير.. علشان اي حاحه ربنا بيكتبها علينا بتبقا خير حتى لو مش بتبقا شايفين ان ده خير لينا بس رب الخير لا ياتي الا بالخير..
وعد : و نعم بالله العلي العظيم
ياسين : احم.. بصي ي وعد انا عايز اقولك ان احنا قدرنا نوصل للشخص اللي خطف،ك
وعد بصلهم بترقب
ياسين : بصي اللي خطفت،ك هي شاهي..
وعد و ياسمين شهقوا بصدمه لكن مروة كانت قعده مش عارفه مين شاهي اصلا
ياسمين : طب و بعدين
ايهاب : انا هقولكم كل حاجه… و بدا يحكي كل حاجه بالتفصيل و شايف علامات الصدمه ع وش البنات..
ايهاب : انتِ مسامحه شاهي ي وعد لوجه الله.. عي خلاص الوقتي ما،تت
وعد دموعها نازله بوجع كبير هي الوقتي هتسامح ف حقها و قهرتها.. و حرمانها من امها و ابوها.. غمضت عيونها بوجع الدنيا
ايهاب : وعد انتِ بتعيطي ليه
وعد بعياط: انا سامحتها.. سامحتها ي ايهاب..
حضنتها مروة و ياسمين..
ايهاب و ياسين خرجوا برا ف الجنينه..
__________
بقلمي /منة ضياء ♡
عند همس..
معاذ نام همس حطته ع السرير و قعدة قدام مالك : بجد يا مالك قلبي زعل علشانها اوي.. بجد هي شافت كتير اوي..
مالك مسك ايدها : بصي ي همس مفيش حد مش بيمر بمواقف صعبه و انا معاكِ انها شافت كتير جدا.. بس ربنا هيعوضها و اكيد اللي ظلمها و عذبها كده هيدوق من العذاب بس عذاب الاخره اكبر
همس : معاك حق..
مالك مسح دموعها : طب يلا بقا علشان نرجع شقتنا عايزك ف موضوع مهم اوي يعني و غمزلها بطرف عينه
همس ابتسمت : والله انتَ دماغك مش فيك بقالي ساعه بعيط و اشكيلك و انتَ ف عالم تاني..
مالك : مكذبتيش.. فعلا انا ف عالم تاني.. انتي عالمي ي همس
همس : طب يلا اشتال معاذ و تعالي..
مالك بمعاكسه : وراكِ لاخر الدنيا ي جمر
همس نزلت و هي بتضحك..
احلام : الاكل جاهز مفيش خروج غير لما تاكلوا
مالك : لا احنا هنرجع البيت علشان شغل بكرا بدري..
احلام : لسه بدري.. شوية بس و بعدين امشوا و بالمره مراتك تقول كان ف اي اخرها و الله بالي مشغول..
مالك وافق و قعدوا كلهم ياكلوا.. و همس قالت ع خط،ف وعد و الكل ملامحه اتبدلت لحزن..
احلام بحزن : عين العقل والله يا بنتي كويس انك مسبتهاش تمشي لوحدها
همس : ربنا يريح بالها.. انا هحاول ابقا معاها لحد ما تتجوزو يبقا حوزها معاها احسن ما هي عايشه بطولها كده..
احلام : ربنا يجبر بخاطرك ي بنتي و يصلح حالك..
الكل : امين
و بعد شوية وقت مالك اخد همس و معاذ و راحوا شقتهم
_____
مروة : يلا ي وعد علشان ترجعي البيت و ترتاحي و ياريت زي ما اتفقنا تنسي كل حاجه و تبداي من جديد و انتِ حُره مش مُقيده
وعد هزت راسها بموافقه ع كلامها..
مروة : طب يلا قومي معايا هنوصلك و احنا ماشين..
خرجوا لايهاب و هو اخدهم معاه هما الاتنين ف المقعد اللي ف الخلف و لما وعد نزلت مروة ركبت جنب ايهاب و وصلوا هما كمان..
مروة طلعت اوضتها ع طول لكن ايهاب طلع فونه و كانه كان ناسي حاجه مهمه و افتكرها..
ايهاب اتصل بياسين : الوو..
ايهاب : بقولك هو الواد اللي ف المخزن ده هنهبب فيه اي
ياسين : لا متشغلش بالك الظابط طارق اخده و قال هيتصرف
ايهاب نفخ براحه : طب كويس.. يلا سلام
ياسين : سلام..
كده انتهى اليوم ع الكل.. و كان كل واحد ف دوامة افكار غير التاني..
الايام عدت ورا بعضها..
كانوا البنات دايما مع وعد و مش بيسبوها غير ع النوم بياخدوها و يخرجوا و يحيبوا الحاجات اللي هتلزمهم ف كتب كتاب وعد و ايهاب
و ايهاب بيروح الشركه بس كان ف لخبطه كبيرة ف المصنع و كان ايهاب بيحاول يصلح اللخبطه طول الفتره دي
لكن ياسين كان شغله كويس جدا و المصنع كويس و قرب يبقا جاهز للعمل فيه.
ياسين كان ليل و نهار ف الشركه و كان جاسر بيسد الاوقات اللي مش بيكون ياسين فيها..
احلام بقت مقربه من وعد جدا و بتعاملها زي ما كانت هالة بتعاملها بالظبط..
نيجي بقا ليوم كتب الكتاب..
وعد واقفه قدام المرايا : حرام عليكِ ي مروة اي الهيل اللي انتِ عاملاه ف وشي ده.. اي كل الالوان الميكب دي احمر و اخضر و اصفر و بني.. اصفر و اخضر؟! اعاااااا حرام عليكِ
مروة : تصدقي انا غلطانه اني كنت بعملك ميكب علشان تبقي مزه..
وعد : مزه في عينك.. ده انا بقيت جث،ه بسببك..
همس كتمت ضحكتها : تعالي معايا اغسلي وشك من طبق السلطه اللي ف وشك ده
مروة : عليا النعمه دول ناس ما بيفهموا ف الميكب 😒
بعد شوية وقت كانت وعد غسلت وشها و مفيش اي اثر للميكب..
همس : تعالي انا هعملك ميكب خفيف
وعد : لا متشكره
همس : لا متخافيش والله ع ضمانتي.. اللي يخربيت معرفتك ي مروة البت خايفه مني..
الكل ضحك.
دخلت ياسمين : معلش بقا ياسين لسه موصلني الوقتي اصل هو كان ف الشركه من بدري..
همس : حصل خير المهم انك اجيتي.. كل البنات جهزت و كانوا بيزغرطوا و عاملين للبيت بهجه..
وبعد شوية وقت اجت احلام و عماد و هاني..
وبعدها اجى ياسين و مالك..
الكل جهز و ايهاب وصل هو وخالد و الماذون ..
اتجمعوا كلهم و كانوا مستعدين لكتب الكتاب و وعد من لمة الكل حواليها غصب عنها كانت فرحانه و الضحكه ع وشها و الفرحه ف عيونها..
قعد ايهاب و حط ايده ف ايد جاسر اللي قال انه هيبقا مكان ابو وعد لانها ملهاش حد..
الماذون : بارك الله لكما و بارك عليكما و جمع بينكما ف خير..
ايهاب قام وقف و دقات قلبه مسموعه للكل مروة زغرطت بفرحه كبيرة وعد من فرحتها دموعها نزلت ع خدها..
احلام راحت حضنتها : الف مبارك ي حبيبتي.
وعد : الله يباركلي فيكِ يارب
الكل بدا يبارك ليهم..
قرب ايهاب من وعد و مد ايده ليها : مبارك عليا وجودك ف حياتي..
وعد حطت ايدها ف ايده و اكتفت بابتسامه.
مروة قربت منهم و نفخت بزهق : هو انا اللي هقول ع كل حاجه و بعدين اي ده انتم بتسلموا ع بعض ليه فكرين نفسكم خارجين من صلاة العيد..
الكل بصولها بتعجب..
مروة : اشتلها يا عم ايهاب دي مراتك..
الكل ضحك عليها و وعد برقت بصدمه..
ايهاب ضحك و قرب من وعد و قالها بصوت اشبه بالهمس : لا هشتالك بقا.. ده انتِ شمتي فينا اللي ميسواش..
وعد ابتسمت باحراج.. و هو قرب منها وشالها و لف بيها و مروة زغرطت و الكل سقف بحماس..
عماد : اعبالك يا ياسين.
ياسين رفع عيونه : قريب باذن الله..
_______..
-فيها اي اما اسافر.. انا هسافر فترة و ارجع تاتي ليه محسسني اني هسيبكم و انساكم؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وحوش الأرض)