رواية انت قدري الفصل الأول 1 بقلم شيماء ناصر
رواية انت قدري الجزء الأول
رواية انت قدري البارت الأول
رواية انت قدري الحلقة الأولى
رحت بسرعه ووقفت قدامة وقولت وانا بنهج من الجري…
انت انت ظابط صح
رد ببرود: لا
استغربت: بس اللبس ده بتاع ظابط
رد: ايوا يعني عاوزة اي اخلصي
اتنرفزت من طرقتة: بتكلمني كده لي… يعني انت ظابط ولا لا
رد: انتي شايفه اي
ابو تقل دمك ياجدع
-نعم؟ قولتي حاجه
=لا ااها الحقني والنبي في حد سرق شنطتي
-ايوا يعني اعملك اي
رفعت حاجب وحطيت ايدي في وسطي بعصبية: روح وامسكه مش انت ظابط
-روحي ياحجه بلغي في القسم
=علي فكره انا انسة شكلك محتاج نظارة
-لمي نفسك واعرفي بتتكلمي مع مين عشان مزعلكيش
=انا مش عاوزة اعرف بكلم مين وابن مين انت ظابط وده المهم وشنطتي اتسرقت والمفروض تتصرف
-قولتلك روحي وبلغي متوجعيش دماغي
=ما اصل انا بخاف اروح القسم
-تحبي اشيلك واوديكي
=ما تلم نفسك…. لقيته حط ايده في جيبة انا كشيت وخوفت وبقيت بصرخ
لا لا والنبي متموتنيش انا معملتش حاجه الحقونيي
رد باستغراب: مجنونة انتي ولا اي
لقيتة بيديني كرت وقولت… افتكرتك طلعت المسد*س وعايز تموت*ني
-امسكي ياهبلة ادي الكرت بتاعي اسمي ورقمي عندك روحي واسالي عني وانا هسعدك في البلاغ
=اها تمام شكرا اتفضل ياسعات الباشا… اي ياجماعه بتتفرجوا علي اي كل واحد يمشي يلا
تاني يوم
رحت للقسم ولحد دلوقتي مقولتش لي حد من اهلي اني اتسرقت
=لو سمحت عاوزة اقابل الظابط خالد
مكتب الظابط هناك اهو وشورلي عليه بس الغباء غباء برضو ورحت مكتب تاني والعسكري دخلني و لما شوفت واحد بيضرب في واحد والظابط قاعد وده خد حتت قلم حسيته ضربني انا ورحت مصوته الكل بصلي وبقوا بيضحكوا خرجت بسرعه وسالت المخبر فين مكتب الظابط خالد قالي المكتب اهو ودخلني عنده
خالد: اها يااهلا بالمجنونه
مكنتش مركزه هو بيقول اي من كتر ما انا خايفه وقولتله: في واحد بيضرب الناحية التانيه
خالد: عادي
ازااااي وبقيت بعيط حرام عليكو
رد علي: في اي يابت ده واحد بالطجي ومتحرش
سما: اهاااا فههههههمت يستاهل….. وخدت شفطه من عصير القصب الي كنت جيباه معايا
بصلي باستغراب: انجزي واعملي محضر واحكيلي عشان اسعدك
سما: اصبر اخلص العصير….
خالد: طلع مسد*سه وحطه قدامي
خوفت وحطيت العصير علي المكتب وقولت شنطتي فيها حاجات مهمه
خالد: ايوا اي هيا
بدات احكيلة انا كنت فين وكنت بجري وراهم في شارع اي وقولتله رقم لوحه العربيه ولونها وورته شكل العيال عشان انا صورتهم
خالد: برافو اي رايك تيجي تشتغلي بدالي
حطيت رجل علي رجل وقولت: والله ياريت بس معنديش وقت للكلام ده
خالد بنرفزه: اقعدي عدل يابت تمام انا هتصرف
سما: والله يخليك هتلي شنطتي تاني
خالد: حاضر
سما: وبراحه علي شنطتي وانتوا بتجبوها
بعصبيه: ما تسكتي بق
بدات اعيط وهو اتاثر او تقريبا مفهمتش راكشنات وشه وفتح محضر وعمل بلاغ وسجل كل حاجه
قالي: اتفضلي ولو في جديد هنكلمك
سما: هتكلموني امتا و…
قطع كلامي ونده علي حد يجي يخدني لي بره
سما: ياساتر عليك قليل ذوق مفيش تشربي اي او هدي اعصابك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انت قدري)
