رواية انت عوضي الفصل الثالث 3 بقلم الكاتبة الصغيرة
رواية انت عوضي الجزء الثالث
رواية انت عوضي البارت الثالث
رواية انت عوضي الحلقة الثالثة
اسفة علي التاخير بس كان غصب عني لاني كنت تعبانة ونزلته لما اتحسنت شوية
الشاب : كنت ايه ي انسة
اميرة : كنت مسافرة ولسة راجعة قريب
الشاب : طب تمام انتي اتقبلتي معانا في الشغل
اميرة بفرحة : شكرا ليك ي فندم
الشاب : بس اهم حاجة انك تكوني قد المسئولية
اميرة : باذن الله ي فندم بس هو انا هشتغل ايه
الشاب بضحكة : انتي جاية تشتغلي ومش عارفة هتشتغلي ايه
اميرة بحرج : ما انا كنت مستعجلة عشان الشغل ومقرأتش الاعلان كويس
الشاب : تمام انتي هتبقي السكرتيرة بتاعتي يعني هتظبطيلي المواعيد وهتساعديني في الشغل وبردوا السكرتيرة اللي قبلك هتساعدك
اميرة : تمام شكرا ليك ي فندم
الشاب : طب دلوقتي تقدري تتفضلي
خرجت برة المكتب قابلت السكرتيرة اللي انا هاخد مكانها كانت شابة جميلة مش عارفة ايه اللي خلاها تسيب الشغل بس قولت مسيري هعرف
السكرتيرة : انتي السكرتيرة الجديدة
اميرة : ايوة انا المدير قاللي ان اجيلك وانتي هتعلميني الشغل
السكرتيرة : طب تعالي وانا هفهمك
بدات تشرحلي طريقة الشغل وانا كنت بستجيب بسرعة واتعرفت عليها كانت طيبة اوي وبالمناسبة اسمها ايمان واخيرا جاتلي الشجاعة اني اسالها عن السبب
اميرة : تسمحيلي اسالك سؤال
ايمان : اتفضلي
اميرة : هو ايه السبب اللي خلاكي تسيبي الشغل وانتي باين عليكي انك بتحبيه اوي
ايمان : اصل انا حامل ولازم ارتاح واياد بيه كتر خيره ادالي اجازة لحد ما اولد وهيصرفلي المرتب بتاعي
اميرة : باين عليكي بتحبيه اوي
ايمان : مش انا بس كلنا هنا بنحبه لانه شخصية طيبة ومحبوبة بيساعد الكل من غير ما يطلبوا حتي احنا نعتبر عيلته التانية دا حتي عامل استراحة هنا للصلاة عشان ميفوتش الفروض وهو بيكون الامام وبيصلي بالموظفين وبعد كل دا هو بيعمل خير كتير اوي
اميرة : ياه كل دا
ايمان : واكتر كمان اول ما هتشتغلي معاه هتحبيه
اميرة بهمس : هو انا لسة هحبه دا انا حبيته خلاص
ايمان : بتقولي ايه
اميرة : بقول ان شاء الله
ايمان : انا همشي دلوقتي وانتي هتبدئي الشغل فهمتي هتعملي ايه
اميرة : فهمت مع السلامة انتي وانا باذن الله هعرف اشتغل
ايمان : مع السلامة
مشيت ايمان وانا قعدت علي المكتب وبدات اشوف جدول مواعيده ولقيت فعلا زي ما ايمان قالتلي ان عند كل صلاة في بريك بدات اعجب بيه فعلا اكيد مستغربين ازي ازاي لحقت اعجب بحد واحبه وانا لية متطلقتش انا هقولكم انا حياتي مع تامر كانت جحيم واكيد انتو عرفتو السبب وغير كل دا هو اساسا مكنش عايش معايا هو له بيت تاني عايش فيه فانا كنت عايشة كاني عازبة والطلاق هخليه يطلقني يعني هيطلقني
كملت بقيت اليوم في الشغل واتصاحبت هناك علي ناس كتيرة كانو كلهم طيبين روحت وانا مبسوطة لقيت بابا قاعد بعد ما جيه من الشغل
اميرة : السلام عليكم
الاب بحنية : وعليكم السلام ي حبيبتي تعالي اقعدي واحكيلي عملتي ايه
قعدت جمبه وقولت : اخد نفسي الاول وبعدين نسهر مع بعض واقولك علي اللي انت عاوزه
الاب : روحي غيري هدومك وتعالي عشان امك بتجهز العشاء
اميرة : فوريرة ثانية واكون عندك
دخلت غيرت هدومي وطلعت لقيت ماما جهزت الاكل وحطته علي السفرة قعدت معاهم وبدات اكل بسرعة انا من النوع اللي بياكل كتييير اوي ومبيبنش عليه حاجة 😂
الام : بالراحة ي بنتي الاكل مش هيهرب
الاب : سبيها براحتها ي ام اميرة
اميرة : حبيبي والله ي بابا
الام : ابلعي الاكل الاول ي اختي دا انتي ناقص تكلينا احنا كمان
اميرة : هو انتي مش امي واللا انتي لاقياني علي باب جامع
الام : ازاي تقولي كدة طبعا لاقيينك علي باب جامع اكيد انا مخلفتش وحدة بتاكل الاخضر واليابس
اميرة : مقبولة منك ي ماما وبعدين انتي سديتي نفسي معنتش عاوزة اكل
الام بصدمة : سديت نفسك دا انتي خلصتي الاكل كله ناقص تكلي الاطباق كمان
اميرة : في ايه انتي بتبصيلي في اكلي
الام : بالهنا والشفا ي حبيبتي
فضلت انا وماما نتكلم وبابا بيتفرج علينا وهو بيضحك انا عارفة انهم بيعملوا كدة عشان ينسوني اللي حصل معايا ودا اللي مخليني قوية اكتر لاني عارفة ومتاكدة انهم جمبي ومش هيسيبوني خلصنا اكل وشيلته انا وماما وروحت قعدت جمب عشان نتكلم
الاب : ها احكيلي ي اميرة انبسطتي في الشغل
اميرة : اووي ي بابا كلهم طيبين وخصوصا المدير مفيش اطيب منه كلهم بيحبوه وبيحترموه هو شكله حلو اوي ومع انه صاحب الشركة لكن مبيتكبرش علي حد وبيساعدهم
الاب : حيلك حيلك ايه دا كله دا انتي ناقص تقولي فيه شعر باين عليه عجبك اووي
اميرة : ……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انت عوضي)
