رواية انتي دمي ودموعي وابتسامتي الفصل الرابع والثلاثون 34 بقلم منة محمد
رواية انتي دمي ودموعي وابتسامتي الجزء الرابع والثلاثون
رواية انتي دمي ودموعي وابتسامتي البارت الرابع والثلاثون
رواية انتي دمي ودموعي وابتسامتي الحلقة الرابعة والثلاثون
في السجن
سوسن: جيالك بصفتي ام عيسي نطلب ايد لوسين للجواز حسب التقاليد
عيسي: انا وعدتها اخدها منك وبموافقتك ارجوك وافق اشهر زواجنا
سراج عيونه فيها لمعه بحزن: بنتي جميله ومتعلمه برا في امريكا ياتري هتقدر تدفع مهرها
عيسي بصلوا وسكت لانها فعلا زي ماقال ومهرها هيبقي غالي اوي
سوسن: مش مهم المهر الي هتطلبه هي مش اغلي من قلب ابني
سراج ابتسم: انا زمان اخدت القرار الغلط ودلوقت موافق تبقي زوج بنتي
عيسي بفرحه :الف شكرا يا بابا عن اذنكم امي هستناكي برا
سوسن ببتسامه صغيره: ربنا معاك لحد ما تخرج وانا هستناك
سراج عيونه رغرغت بالدموع: بجد يا سوسن يعني سامحتيني
سوسن :كلنا بشر وبنغلط وسامحتك عشان لوسين وعيسي مش عايزه حاجه تعكر حبهم الكبير
سراج: وانا عارف انك اصيله يا احلي زوجه
……قصص منه محمد كاتب………
شفيق انتظر لما الممرضه دخلت تديلو الحقنه وكتفها وطلع مسدس وحطه ع دماغها وسحبها لحد برا والممرضه خافت لحد ما سحبها قرب البوابه وشافها فرد من الامن وطلع مسدسه ووجهه لشفيق الي هدد انه هيقتلها لو الامن ضرب عليه طلقه
الممرضه برجاء: مش عايزه اموت
شفيق لفرد الامن: قلت نزل سلاحك و الا الممرضه هتموت
الامن: وانا بقولك سلم نفسك حالا انت لسه عندك فرصه تفضل عايش
الممرضه ببكاء:ابوس ايدك عندي عيال
شفيق لمح حد جاي من وراه بيفتح باب عربيه ضرب طلقه في فرد الامن ولف بسرعه البرق ضرب التاني طلقه في دماغه الممرضه طلعت تجري برا ع الشارع تستنجد بالناس شفيق ضربها طلقه في ضهرها ومشي يعرج ونخ اخد مفتاح العربيه وحركها ومشي
……….قصص منه محمد كاتب……..
لوسين نفخت بزهق: شوفوا بقي اليومين الي فاتوا كل الي في البيت بيتصرفوا تصرفات غريبه
امل: غريبه ازاي
لوسين: يعني بيتكلموا بشكل غريب وعيسي ومامي بيختفوا كتير وانا حاسه انهم بيرتبوا لحاجه
امل: ياريت متفكريش كتير لان عيسي شخصيه مغلقه
نجوان: اه كدا وبعدين يعني هيكون مخبي عنك ايه
لوسين: مش عارفه
امل: سيبك من تفكيرك وركزي ع تفصيل فستان فرح احسن للزبون
لوسين: ايوه انا معرفش هو طالب يكون شكله ايه
نجوان: شوفي هو واثق في ذوقك وياستي تخيلي انك هتلبسيه يوم فرحك مثلا نفذي الاوامر
لوسين: حاضر يا ريسه
نجوان: وانا وظفتك خلاص عايزينه فستان بسيط مش متكلف ده طلب العريس
لوسين: الله ده ذوقي الي بحبه عايزه اشوف الزبون ده
امل: مش لازم شغلك تصميميه وبس يله ابدئي
نجوان: ايوه يله
لوسين: امرك يا ريسه
نجوان بصت لـ امل: رغايه
لوسين بدئت ترسم وتبصلهم بخبث وهما عملوا نفسهم مشغولين في التاب
………..قصص منه محمد كاتب…………
يوم الفرح الي معمول في الجنينه عند خليل
سماح راحت أأعدت ع جنب تعيط ابراهيم شافها راح عليها
ابراهيم: عيسي بيحب لوسين ومش بيحبها وبس ده بيعشقها وانتي انسي عشان تعرفي تكملي حياتك وفي يوم هتقابلي الراجل الي يحبك وبلاش تبقي حزينه قدامهم
سماح جففت دموعها: انا مش حزينه
ابراهيم: امال ليه اتخبيتي وبتعيطي
سماح: انا مبسوطه عشانه هو قاسي كتير في حياته وعارفه ان لوسين بتحبه يمكن اكتر منه
ابراهيم حط ايده ع كتافها: وانا مبسوط انك بتفكري كدا الحب عمره ما كان امتلاك فاهمه
سماح هزت دماغها وابراهيم اخدها في حضنه وباس دماغها
علاء وعمار قربوا وبيرقصوا رقص عبيط يضحكها
علاء شاور ع نفسه: ايه رايك تاخدي واحد نفس صفاتي
عمار زقه وشاور ع نفسه بغرور: لاء بصي هنا وخديه نفس مواصفاتي انا
سماح: لو هختار بابا هو الي هيختارلي
ابراهيم قام بخبث: تحبي اختار صفات مين فيهم
عمار: انا قيمه وسيما وملاكم
علاء: لاء انا قمور ودمي خفيف وملاكم
ابراهيم قرب عليهم : انت ولا هو هاه (وضربهم بالشلوط)
عمار بيجري ويصرخ بمرح: النجده ابويا هيموتنا
سماح بتضحك جامد: بابا خلاص دول برضو اخواتي
ابراهيم رفع بنطلونه: دول عفاريت
سماح بتلف لمحته تايهه راحت عليه بسؤال: حسن بتدور عن مين؟؟!!
حسن: مستني ست الحسن والجمال تطلع
نوسه بتجري عليه وفارده ديل الفستان: ست الحسن جات
حسن بصلها وبلع ريقه والكل تنح
نوسه كشرت: عارفه الفستان مش حلو هروح اغيره
حسن مسك ايدها: مين قال ده جميل جدا عليكي ياعروستي
علاء وعمار صفروا بأعجاب وسماح ضربتهم بكوعها في بطنهم
عمار : اه يا وحشه مش هديكي الورده
سماح بضحكه: وانا لو تموت مش هاخدها
………..قصص منه محمد كاتب…………
لوسين: انا عايزه اعرف ليه قفلتوا الباب عليا؟؟
نجوان: ابدا الزبون قال اننا نلبسك الفستان وهو هيفتح الكام ويشوفه عليكي
لوسين: الزبون بتاعك ده طلباته غريبه
امل: هترغي كتير( بتمشيها من ضهرها) يله روحي البسي وجبنالك واحده من البيوتي سنتر اجهزي كئنك عروسه والزبون هيشوفك في الكام ويدفعلنا
لوسين: ثانيه ممكن اتكلم الاول مع الزبون
نجوان نفخت بزهق: يوه يا لوسي هتقبليه لما يجي يستلمك بالفستان
لوسين بأصرار: وانا مش هلبس غير لما اكلمه في الكام
عيسي دخل لابس بدله بيضه وشوز ابيض : ولو ملبستيش ازاي هبدء الفرح
امل: العريس فجر المفاجاه
لوسين: بقي انت
عيسي: كنتي عارفه ولا ايه ده انا كنت هفاجئك
لوسين قرصت خده: ياحبيبي انا حبيبتك بفهمك من نظره عينك وبصراحه مشيت مع التيار واخدتهم ع اد عقولهم مرضتش اخيب امالهم
امل :يعني اموتك يوم فرحك
لوسين ببساطه: مكنش ليه لزوم يوم فرح مصاريف ع الفاضي واحنا عملنا فرح قبل كدا
عيسي مسك ايدها: الفرح الي فات كان مجرد لعبه لكن النهارده فرح بجد وده الي عيزه قلبي(ركع قدامها) عاوزك وبحبك موافقه تتجوزيني
الكل دخلوا وعملوا حواليهم دايره كبيره ولوسين نزلت دموعها وهزت له دماغها بمعني موافقه
عيسي فتح العلبه اخد الخاتم منها وبقي مش عارف يحط العلبه فين سوسن ضحكت واخدتها منه وهو لبسها الخاتم وباس ايدها وقام وقف وجاي يبوسها
علاء وعمار سحبوه من ضهره
امل: انت ليه بتنط الخطوات
نجوان: عيسي اتفضل اطلع برا
عيسي بسعاده ومرح: ليه ما لبستها الخاتم وكاتب عليها وممكن اخدها ابوسها في اي حته
لوسين بتضحك ومخبيه وشها بأيديها
امل بتزق فيه: امشي بقي هنلبس عروستك الفستان
سوسن شدته: يله يابني الصبر حلو
امل: نوجا اقفلي الباب بالترباس ليدخل
نجوان: عارفه
امل: يله ياعروسه تجهزي
لوسين مسحت دموعها ومشت معاهم تلبس لليله عمرها
………..قصص منه محمد كاتب………….
الكل بعد ما خرج سماح اخدتلهم كذا صوره عائليه شويه وخرجت امل ونجوان
امل: العريس جاهز
عيسي: جاهز فين القمر بتاعي
امل: لبست وجهزت ومستنيه حبيبها ياخدها ونبدء الفرح
نوسه: عيسي بوكيه الورد للوسي
عيسي اخد البوكيه وراحلها ولوسين واقفه منتظراه جوه لقت خطوات بتبص لقته شفيق جايه تجري ع برا شفيق لحقها وشدها لي بغل وغيره وحقد ولف ايده حوالين رقبتها وكتم نفسها وفضل يشتم ويتوعد وهي بتعافر الطرحه وقعت في دخول عيسي لقاه طرحتها وفرده شوز ليها
عيسي نداها: لوسي انتي فين لوسي
رماه البوكيه وطلع يصرخ بأسمها
حسن: فيه ايه يا عيسي
عيسي وشه مخطوف: لوسين مش موجوده
عمار : اتصلوا بينا من القسم يبلغونا ان شفيق هرب من المستشفي واكيد جاي ينتقم
عيسي كمل مش مصدق : يعني لوسين اخدها شفيق
عيسي طلع يجري ع برا ومبقاش عارف يروح فين لحد ما شاف عربيه قدام بيت مهجور خلع جاكت البدله ودخل للبيت المهجور سمع صوتها
عيسي: لوسي
شفيق هزها بقوه : كويس انه جه لاني هقتله ومستحيل اخسر قدامه ابدا
شفيق ضرب عليه نار ولوسين طلبت من عيسي يهرب وتمسك ايد شفيق بالمسدس وهو يضربها لحد ما عيسي قدر يطلع السلالم كلها في خطوه واحده واتخبا
شفيق صرخ بحقد: اظهر يا جبان يئما هي هتموت
لوسين حاولت تسحب نفسها منه : اياك تقتلوا
شفيق: قلت اظهر وتعال
عيسي ظهر وعايز يقرب منه وشفيق بصله بشراسة
شفيق: قلت لك مش هسيبك تتهنا بيها طول منا عايش عايز تاخدها مني وتتسعد بيها وانا الي كنت عبد عند ابوها مبصتليش وانت الكحيان فضلتك عليا وبسببها بقيت اعرج مشلول ومسجون وعشان كل دول قولت اقدملك هديه الفرح جثه البسكوته ويبقي لا انا ولا انت
عيسي اتك ع سنانه بحقد: هقتلك
شفيق ضربه بالنار وعيسي اتخبا ولوسين فضلت تصرخ ان عيسي يهرب
شفيق: هغير يوم فرحك هيبقي يوم جنازتك وع حسابي
عيسي شاور للوسين بعيونه ع حركه وهي فهمته وراحت ضاغطه بقوه ع الجرح الي في رجله شفيق صرخ وحدفها وعيسي هجم عليه وبيحاول يخطف منه المسدس وقدر يضغط ع الزناد لحد ما فرغ كل الطلقات الي فيه في الهواء وعيسي اخد ايد شفيق وفضل يهبدها في الحيط ووقع المسدس ورفسه برجله لبعيد ولوسين اخدته وحدفته من السطح شفيق اتجنن ودخل في عيسي وضربه بالبوكس بكل قوته وعيسي نص جسمه تقريبا بقي برا السور لوسين رمت كل جسمها عليه تمنعه وشدته في نفس اللحظه الي شفيق بيجري بكل قوته يحدفه لكن اتحدف هو ووقع من فوق السطح دماغه اتفتحت والدم سال علارض لوسين شهقت لما لقت نافوره نازله من دماغه وعيسي اخدها في حضنه من بشاعه المنظر
………..قصص منه محمد كاتب……………..
الشرطه وصلت مع حسن وعلاء وعمار
حسن جري عليهم: انتم بخير حد جراله حاجه
عيسي ابتسم: لي عمر يظهر صعب اموت
عمار: ايوه لان الاشرار بس هي الي بتموت
علاء بضحكه : زيك كدا
عمار: هديك حته بوكس
عيسي لف ع لوسين الي وشها مصفر : حبيبتي انتي كويسه
لوسين بدون كلمه هزت له دماغها تطمنه
عيسي: ايه لسه عندنا وقت
عمار: وقت فين الناس جات وخافت ومشت نعمل ايه يومكم نحس
عيسي مسك كتفها وقربها منه وقال: انا اسف يا لوسي
لوسين ببتسامه رغم عيونها كلها حزن: حبيبي فرحتي بيك اهم عندي من الف فرح
عيسي ابتسم وشدها يبوسها
عمارضربه في ضهره بخفه: اهدي ياعم احنا واقفين
لوسين اتجرحت واخدت الخوذه تلبسها معرفتش وكالعاده لبستها مشقلب
عيسي حب يضحكها: لسه غبيه حتي يوم فرحك(لبسهالها وطبل عليها) يله ع فرحنا
حسن: يله نعمل زفه وراهم
علاء: يله زمر كتير
عمار زمر: وسعوا من وش العقلاء اربط فرمل ياسواق
………….قصص منه محمد كاتب…………….
لوسين رجعت وسوسن جريت عليها : انتم بخير
عيسي: ايوه احنا تمام
صباح ضمت عيسي وتعيط وهو بقي يضمها ويبوس دماغها ويطمنها
عيسي: خلاص ياجماعه الحمد لله رجعنا بالعروسه بالسلامه
صباح بقت تعيط وتطبطب عليه وع لوسين
عيسي دخل جبلها الطوق الي عملو مع امه سوسن وانجشها وهما عملوا صفين وسوسن ونوسه بقوا يرشوا الورد عليهم وعيسي اخدها في الكوشه باس جبينها بوسة طويلة ورقص معاها تحت زغاريت سوسن وصباح والكل فرحان وسعيد من قلبه حتي سماح ولوسين طول ما هما بيرقصوا نايمه ع صدره وهو بيقولها اجمل الكلمات زي الليله اول ليله خاصه بيهم وهيخليها اسعد ست في العالم شويه جات فقره العروسه تحدف البوكيه
لوسين لفت بضهرها ووشها قدام عيسي ورفعت ايدها وعدت:ون تو ثري
الكل اتحمس حتي الشباب ولوسين رفضت ترميه ونجوان تشخط فيها حتي عمار
عمار شخط بكوميديا: خالي بالك انا عصبي
عيسي: ع نفسك
لوسين ضحكت: 123 (حدفته)
نوسه وحسن لقطوه الاتنين سوي والكل ضحك عليهم ونجوان خطفته منهم وفضلت تعمل اصوات غريبه والكل فطس ضحك على شكلها وامل راحت وقفت جنب عمار وابتسمتلوا
………….قصص منه محمد كاتب………….
عيسي تاني يوم فرحهم اخدها هي وسوسن زياره لسراج الي بقي يعلم المساجين امور الدين والاصلاح وهما راجعين سوسن طلبت منهم ينزلوها السوق وعيسي اخد لوسين يرجعوا ع البيت لانها وحشته نزلوا قدام البيت وعيسي حط ايده وري ضهره
لوسين: خبيت ايه؟!
عيسي شاكسها: ولا حاجه
لوسين بتحاول تلفه: خاليني اشوف وبطل مناقره
عيسي طلع يجري منها لوسين اتغاظت منه وقرصته من بطنه وهو صرخ
لوسين: قولي مخبي ايه
عيسي: هخبي عنك ايه( طلع ايده وعمل قلب) خدي قلبي
لوسين ضربته ع ايده: غلس
عيسي ابستم وأأعد ع المرجحيه وشدها قعدها فوق رجله ومسكها من وسطها :عارفه الحلم ده حلمته كتير معاكي
لوسين: يباي وانا كنت بكرهك بس النهارده بحبك وبعشقك
عيسي باس رقبتها: وانا متشكر انك شجعتني احبك رغم كنت بخاف اكلمك واتعلق بيكي
لوسين: وانا كنت بتمناك تحبني وتتعلق بيا
عيسي مسك صوابعها الناعمه يداعبهم : وانا مرتاح وانا بسمع منك التصريح ده
لوسين: ع فكره قريب هنتج فيلم وهسميه انتي دمي ودموعي وابتسامتي حلو
عيسي ميل ع شفايفها وسرق منها بوسة بسرعة وضحك: حلو ده حلو اوي
لوسين كرمشت وشها: مأفور اوي
عيسي مال وجاي يبوسها تاني قامت من ع رجله وطلعت تجري لكنه لحقها و مسك رقبتها وقربها منه وباسها بحنيه ورقه
لوسين لفت ايدها حوالين رقبته: شكرا لانك خلتيني اسعد بنت في العالم
عيسي حط جبينه ع جبينها : انا الي بشكرك لانك خلتيني اسعد راجل في العالم
تمت اتمني تكون عجبتكم ولو حبين اشوفكم تاني مع كل هذا الحب
لقراءة الرواية كاملة اضغط على : (رواية انتي دمي ودموعي وابتسامتي)
