رواية انتقام مشترك الفصل الثامن 8 بقلم نيرة عبدالله ونسمة حامد
رواية انتقام مشترك الجزء الثامن
رواية انتقام مشترك البارت الثامن
رواية انتقام مشترك الحلقة الثامنة
البارت التامن👇
نور بعصبية: مستحيل الجوازة دي تكمل
جاسر بص لنور بصدمة؛ وندي بصتلها بحزن والدموع اتجمعت في عيونها وقالت: عن إذنكم أنا همشي
جاسر: إستني ي ندي متمشيش
ندي: أظن حضرتك دلوقتي إتأكدت إني مليش مكان بينكم عن إذنكم؛ وسابتهم ومشت
جاسر بغضب: ممكن أعرف إي اللي إنتي عملتيه ده ليه تخديها بذنب أخوها
نور بعصبية: والله المفروض الكلام ده تقولوا لنفسك
جاسر: قصدك إي
نور: انا رافضة الجوازه دي عشان خايفة علي ندي منك فهمت
جاسر بعصبية: خايفه عليها مني لي هو أنا هقتلها
فهد: لا هتعمل فيها زي ما أسد عمل زمان
جاسر بزعيق: لا إنتوا الاتنين إتجننتوا رسمي إنتوا إزاي تحطوني في مقارنة مع الحي”وان ده أنا اتجوزت ندي عشان أحميها منه ومتكنش في حاجة لأسد خاصه بعد اللي عملوا في أمها
نور: عمل إي في أمها
جاسر بهدوء: هقولكم؛ وحكي لهم إن أسد رفض يديها الفلوس عشان عمليه والدتها
نور بغضب: ده إنسان مريض؛ وبصت لجاسر ومسكت إيده وقالت: أنا أسفه ي جاسر أسفة إني شكيت فيك
جاسر بحزن: إزاي ظنيتي فيا الظن ده انا زعلان منك
نور بمرح: بقولك اي ما انت شكيت فيا وانا كمان شكيت فيك يبقي خالصين يمعلم
جاسر بضحك: معلم؟! ماشي يا أوزعة أما وريتك بس لما تطلعي من هنا
فهد: هتعمل إي مع ندي
جاسر: هروح أصالحها وأفهمها اللي حصل كله وصحيح أعمل حسابك قريب هعمل حفلة وهعلن فيها جوازي من ندي
فهد: بلاش ي جاسر دلوقتي متنساش والده ندي لسه متوفيه أجلها شوية تكون علي الاقل نور خرجت من المستشفي وتعمل حفله مره واحده
نور: فهد معاه حق وحتي يكون ولادي معايا
جاسر وهو بيحضنها: تحت أمرك يست نور
**عند إسد كان قاعد مضايق ومش طايق نفسه وفي الوقت ده دخل سيف وقاله: أسد محتاجين توقيعك علي الورق ده
أسد بعصبية: قولتك مية مرة إسمي أسد باشا
سيف بغيظ: إتفضل ي أسد باشا إمضي الورق
أسد أخد منه الورق بعصبية وقبل ما يمضي راجع عليه بس لاقي فيه غلطة بص لسيف بغضب ورمي الورق في وشه وقاله بعصبية: إنت غبي ومش بتفهم
سيف بغضب حاول يخفيه: أسد باشا لاحظ انت بتقول اي وبعدين حصل اي عشان تقول كده
أسد بغضب: ي سيف باشا ورق المناقصة فيه غلطة في الحسابات عارف الغلطة دي كانت ممكن تكلفنا قد إي؛ إتفضل قدامك ساعة والورق يكون جاهز ولو مش هتعرف تشوف شغلك عدل يبقي تغور من الشركة دي
سيف بصله بغضب وكره وسابه ومشي؛ وأسد قعد علي الكرسي بتعب وقال بكره: حسابك معايا لسه مخلصش ي جاسر واللي جاي هيبقي دمار ليك
**عند ندي كانت بتلم هدومها فهي قررت انها هتسيب الشقة وتعيش عند خالتها في الصعيد؛ ولسه هتفتح الباب لاقت جاسر قدامها وقالها بإستغراب: راحة فين
ندي ببرود: زي ما إنت شايف ماشية
جاسر بسخرية: ما أنا شايف إنك ماشيه السؤال بقي ماشية راحة فين؟
ندي: مظنش إنها حاجة تخصك عن إذنك
ولسه هتمشي جاسر مسك إيديها وقالها بعصبية: لا تخصني ي ندي وتخصني أوي كمان إنتي ناسية إننا متجوزين ولا إي
ندي والدموع في عينها:أظن رد أخت حضرتك وصلك بشأن موضوع جوازنا ده وهي معاها حق أنا وانت مننفعش لبعض وبالنسبة لموضوع إنتقامنا من أسد فأنا وكلت ربنا يجيبلي حقي منه؛ ولو إنت عاوز تكمل إنتقامك منه كمله أنا مش همنعك ومتخافش مش هقوله حاجه
جاسر بضحك: خلصتي جو الدراما بتاعك
ندي بعصبية: إنت بتتريق عليا ولا إي
جاسر بضحك: صراحة أه وبعدين يهبله نور رفضت الجوازه عشان خايفة عليكي مني
ندي بعدم فهم: إزاي يعني فهمني
جاسر خدها من إيديها وقعدها علي الكرسي وقعد قدامها وحكي ليها اللي حصل
ندي بكسوف: إحم إحم انا أسفة
جاسر بإبتسامة: بتتأسفي لي
ندي: عشان ظلمت نور كنت فاكره انها أخدتني بذنب أسد مكنتش أعرف إنها خايفه عليا
جاسر: لما أروح لنور هبقي اوصل ليها إعتذازك ي ستي ودلوقتي بقي يلا عشان هتيجي تعيشي معايا في الفيلا بتاعتي مينفعش تقعدي بعيد عني خاصة إننا خلاص هنبدأ ننفذ خطتنا
ندي بهدوء: حاضر ي جاسر زي ما تحب؛ وخدها ومشوا
**عند سيف دخل فيلته وهو في قمه غضبه؛ وقال الخدامة بصوت عالي: غوري حضري ليا قهوه يلا؛ وجات علي صوته العالي مامته هدي وقالتله: مالك ي حبييي فيه إي
سيف بغضب: فيه إني زهقت من تحكمات وغرور وتكبر اللي إسمه أسد ده فاكر عشان هو صاحب الاسهم الاكتر يبقي هو اللي مأسسها لوحده ناسي إن إنتي وأبويا الله يرحمه لكم أسهم فيها وانا المفروض أتعامل زي زيه بالضبط مش كأني خدام عنده
هدي قربت منه وحضنته: وقالتله إستحمل ي حبيبي إستحمل خلاص هانت إهدي
سيف بعصبية: معتش قادر أستحمل ي ماما نفسي أخلص عليه وإرتاح
هدي:أوعي تعمل كده ي سيف فاهم لو عملت كده هيبقي كل اللي عملته عشانك زمانك هيضيع في ثانية إصبر عشاني وعشان هدفنا ولا نسيته
سيف بتعب: هو ده اللي مخليني مستحمل وباس إيديها وطلع
وهدي بصت لاثره وإتنهدت وقال بكره: هيجي اليوم اللي هتدفع فيه تمن حرقة قلب إبني يا أسد
🌼🌼🌼🌼🌼🌼🌼🌼🌼🌼🌼🌼🌼🌼🌼🌼
تفتكروا هدي وسيف إي هدفهم؟ وإي اللي عملته هدي عشان سيف زمان؟وليه بتكره أسد كده؟
ألغاز كتيرة أوي لسه هتنكشف في البارتات الجايه
نفسي تتفاعلوا بكومنت ولايك
#انتقام مشترك
بقلم نيرة عبدالله ونسمة حامد
يتبع…
لقراءة الفصل التالي : اضغط هنا
الرواية كاملة اضغط على : (رواية انتقام مشترك)
