رواية انتقام مشترك الفصل التاسع 9 بقلم نيرة عبدالله ونسمة حامد
رواية انتقام مشترك الجزء التاسع
رواية انتقام مشترك البارت التاسع
رواية انتقام مشترك الحلقة التاسعة
ندي كانت قاعدة سرحانة وجاسر دخل عليها ولاحظ ده وراح قعد جنبها وقالها: مالك ي ندي فيكي إي
ندي بحزن: مفيش ي جاسر
جاسر رفع رأسها وقالها: لا فيه ي ندي شكلك زعلان إتكلمي
ندي: تفتكر اللي بعمله ده صح
جاسر بسخرية: بعد اللي عمله معاكي أسد لسه بتسألي السؤال ده
ندي بدموع: أسد أخويا ي جاسر فاهم يعني إي أخويا أنا جوايا صراع بين إنتي أوجعه زي ما وجعني وبين إني أتراجع ومعملش كده
جاسر بعصبية: إسمعي ي ندي لاخر مره هقولك انا مضربتكيش علي إيدك عاوزه تمشي إمشي أنا مش هجبرك علي حاجة
ندي بزعيق: مش هتجبرني علي حاجة إذا كان إنتي إجوزتني غصب عشان تضمن سكوتي ومرحش أقول لأسد إنك عاوز تنتقم منه
جاسر بصدمة: شيفاني وحش أوي كده؛وأكمل بغضب: أنا إجوزتك ي هانم عشان أحميكي من أخوكي عشان ميستغلش وضعك ويضغط عليكي تعملي حاجات مش شبهك لاني عارف قد إي هو زبالة وقذر مش زي ما إنتي فاكرة؛ وقرب منها وقال بهدوء لاخر مره هقولك فكري وشوفي إنتي عاوزه إي ولو عاوزه تتطلقي هطلقك وأنا هعرف إزاي أحميكي من أسد وسابها ومشي وهي فضلت تعيط
**أسد وصل فيلا عمته ودخل وقال بإبتسامة: عامله إي ي عمتو
هدي بحزن: انا كويسه ي حبيبي
أسد: مالك زعلانة ليه
هدي: بسبب اللي عملته مع سيف إنهارده
أسد باس إيديها وقال: متزعليش ي حبيبتي وانا هطلع أصالحه
هدي: تمام ي حبيبي؛ وسابها وطلع وهدي بصت لاثره بكره
في أوضة سيف؛ كان قاعد متعصب والباب خبط
سيف بعصبية: مش عاوز أشوف حد
أسد بضحك: حد ولا سبت
سيف بغضب: إسمع ي أسد أنا مش طايق نفسي غور من خلقتي وأظن إننا مش في الشركه فأصرف براحتي
أسد بهدوء: إهدي ي سيف وأقعد عارف إني غلطت في حقك بس صدقيني مكنتش طايق نفسي إنت متعرفش اللي حصل
سيف: هيكون إي اللي حصل
أسد: جاسر لسه عايش
سيف بصدمة: إنت بتقول إي ي أسد مش إنت قتلته
أسد بعصبية: وده اللي هيجنني إزاي مامتش بسبب الرصاصتين وحريق البيت
سيف بتوتر: رجوعه دلوقتي وراه حاجة
أسد: أكيد عاوز ينتقم من اللي حصل زمان
سيف: وإنت ناوي علي إي
أسد بغموض: هقلب الترابيزة عليه؛ صحيح متنساش بكرة حفله تكريمي هستناك انت وعمتو
سيف بضحك: حاضر ي سيدي؛ أسد إبتسم وحضنه ومشي
سيف بخوف:لو جاسر إتكلم وقتها أسد مش هيرحمنا
**تاني يوم
جاسر وصل لفيلا فهد اللي كان قاعد في الجنينه بيشرب قهوته وسمع صوت جاسر وهو بيقول: فايق ورايق والله
فهد بضحك: بقالي 3 سنين بنام وبصحي في مشاكل فقولت أروق علي نفسي شويه
جاسر: مش عارف أشكرك إزاي لو مكنتش لحقتني انا ونور وقتها كنا زمانا ميتين واللي عملته مع نور وولادها ووقفتك معاها مستحيل أنساه أبدا
فهد:إنت أخويا ي متخلف ونور في مقام أختي انا عملت اللي المفروض يتعمل ولو موقفتش معاك في شدتك هقف إمتي؛ بس قولي كده مالك شكلك مضايق
جاسر: ندي مش مطمنه ليا فكراني متجوزها عشان أمنعها تروح تقول لاسد إني هنتقم منه
فهد: ندي معزوره ي جاسر أي واحده مكانها هتفكر كده خاصة بعد ما عرفت اللي عمله أسد فيك
جاسر بتنهيدة: معتش عارف هعمل إي
فهد: حاول تحتويها ي جاسر وعاملها براحة؛ وبما إنك هنا مش عاوز تشوف ولاد نور
جاسر بإبتسامة: هما صاحيين؟
فهد هز رأسه وقاله تعالي يلا شوفهم
**فهد أخد جاسر وراحوا لاوضة ولاد نور
فهد: إستني هدخل لهم الأول وبعدين إنت
جاسر: تمام
فهد خبط علي الباب ودخل؛ والولاد أول ما شافوه جروا عليه أما جاسر فكان بيبص لهم بفرحة
فهد: حبايب قلبي وحشتوني أوي
ملاك: وانت كمان وحشتنا أوي؛ كنت فين الايام اللي فاتت
فهد وهو بيبوس خدها: غصب عني والله كان عندي شغل كتير
جاسر الصغير: شغل برضوا ولا حاجة تانيه
فهد: قصدك إي ي مفعوص إنت
جاسر الصغير بغمزة: يعني أكيد المزه شغلتك عننا
ملاك بدلع: موزه غيري ي فهودي
فهد بصدمة: دول لا يمكن يكونوا أطفال أبدا ومسكهم من التيشرتات بتاعتهم وقال:إنتوا عرفتوا الكلام ده منين ي مفاعيص إنتوا
ملاك: من التليفزيون ي بيبي
فهد نزلهم ووجه كلامه لجاسر: شوفت شقاوه ولاد أختك
جاسر بصله وقال بضحك: ولاد نور يتشاقوا براحتهم
ملاك: هو إنت تعرف ماما؛ جاسر هز رأسه بأه
ملاك بدموع: طب هي هترجع إمتي هي وحشتني أوي
جاسر خدها في حضنه وقال: هترجع قريب صدقيني
جاسر الصغير شد أخته ومسح دموعها وقال: مش قولتك متعيطيش طول ما أنا موجود
جاسر بص لفهد وإبتسموا؛ وجاسر الصغير قال: وإنت بقي مين وتعرف ماما منين
جاسر: أنا ي سيدي إسمي جاسر وأبقى خالك
جاسر الصغير مد إيده وقال بثقة: وأنا جاسر الشرقاوي تشرفنا
جاسر بصله ومد إيده وسلم عليه وقال: تشرفنا ي جاسر باشا
جاسر الصغير قرب منه وقاله في ودنه: متأكد إن ماما هتيجي قريب
جاسر إبتسم وحضنه وقاله بهمس: أيوه متأكد وهترجع قريب
فهد: إي رأيكم نتغدي كلنا سوا
ملاك بإبتسامة: إي رأيك ي خالو
جاسر وهو بيبوس خدها: موافق ي قلب خالو
**عند أسد كان بيجهز عشان حفلة تكريمه ولبس بدله سوده مع قميص أبيض وكرفاته سوده مع ساعته الثمينه وسرح شعره بطريقة جذابه ورش عطره المفضل
نزل تحت ولاقي هدي وسيف مستنيه؛سيف أول ما شافه قال بضحك: يبني هتعمل إي في البنات تاني قولي؛ دي البنات هتجري وراك بالشياكة دي
هدي: وهما يطولوا يجروا ورا أسد الشرقاوي
أسد بضحك: والله الواحد خايف الرجاله هي اللي تجري وراكي وانتي بالحلاوة دي
هدي بضحك: تصدق إنك واد بكاش يلا عشان منتأخرش
أسد بغمزة: يلا ي قمر إنت
**أسد وصل الحفلة وكالعاده لفت انظار الكل بشياكته وفضل يتكلم مع شركائه لحد ما جه ميعاد إنه يستلم الجايزة بتاعته
المذيعة: نقدم جايزه رجل العام لرجل الاعمال: أسد الشرقاوي؛ وطلع أسد للمنصة وسط تصفيق الكل
وإستلم جايزته ولسه هيتكلم النور قطع والشاشة إشتغلت وإتصدم لما شاف………
🌼🌼🌼🌼🌼🌼🌼🌼🌼🌼🌼🌼🌼🌼🌼🌼
تفتكروا أسد شاف إي؟ توقعاتكم؟!
#إنتقام مشترك
نفسي تتفاعلوا بكومنت ولايك
بقلم نيرة عبدالله
يتبع…
لقراءة الفصل التالي : اضغط هنا
الرواية كاملة اضغط على : (رواية انتقام مشترك)
كملى و خلصى الروايه بليز