رواية انتقام متبادل الفصل الأول 1 بقلم آلاء محمد

رواية انتقام متبادل الجزء الأول

رواية انتقام متبادل البارت الأول

رواية انتقام متبادل الحلقة الأولى

اوضه كبيره كان قاعد فيها راجل اسمه حمدي معروف عنه انه قاسي جدا وصعب في التفاهم معاه وبيحب الفلوس جدا .. في الخمسينات من عمره …
كان بيزعق لبنت نورهان اللي عندها 20 سنه .. جميله وقلبها طيب ..
حمدي / بقي انتي يا بت بتعرضيني ليه انا اللي اقوله يتنفذ من غير مناقشه انتي فاهمه .
نورهان / يا بابا ايه اللي حضرتك بتقوله ده بس ازاي اتجوز واحد ارمل وعنده بنتين ..
حمدي قرب منها وامسكها جامد من شعرها وفضل يضربها ..
حمدي / هو ده اللي عندي انتي فاهمه هتشوفي العريس وهتتخطبي لبه غصب عنك الراجل محترم ومعاه فلوس قد كده ايه عايزه تطيريه من ايدك انتي فاكره نفسك مين …
نورهان بعياط / يا بابا حرام عليك .. انا لسه صغيرة و ممكن معرفش اشيل المسؤلية دي ..
حمدي / مليش فيه .. هتتحطبي غصب عنك انتي فاهمه .. يلا غوري علي اوضتك ..
نورهان راحت علي اوضتها و هي بتعيط .. و بعد شوية دخلت عليها اختها رحمه ..
رحمه عندها ١٨ سنه جميله جدا وهاديه وقلبها طيب بس شخصيتها كانت ضعيفه جدا ..
رحمه بقلق / حقك عليا يا حبيبتي .. متزعليش نفسك .. ما انتي عارفه بابا بيعمل ايه وبيتحول ازاي في موضوع العرسان ده ..
نورهان / انا مفيش في ايدي اي حاجه اعملها يا رحمه .. هتجنن من اللي بيحصل ..
رحمه / معلش يا حبيبتي .. حقك عليا ..
رحمه فضلت تواسي اختها و تحاول تهديها .. وبعد كذا يوم اتخطبت فعلا غصب عنها كان شاب اسمه عمار عنده ٣٠ سنه ..
💦💦💦💦💦💦💦💦💦💦💦
بعدها بيوم كانت رحمه واقفه قدام المرايه بتظبط لبسها وبتتكلم مع اختها اللي كانت معاها في نفس الاوضه بس سرحانه ..
رحمه / نورهان يا بنتي بقالي ساعه بكلمك ..
نورهان فاقت من سرحانها وبصيت لاختها …
نورهان / ايوه يا رحمه في ايه ..
رحمه / كنت بقولك الدنيا فرحانه قوي عشان خارجه مع خطيبي لاول مره وكده انتي عارفه بابا كان مضيق علينا ازاي ..
نورهان ابتسمت وطبطبت عليها / ايوه طبعا يا حبيبتي عارفه بس معلش بكره تتجوزي و تعملي كل اللي انتي عايزاه …
رحمه / ياريت يا نورهان انا في حاجات كتيره قوي كان نفسي اعملها وما عرفتش اعملها بسبب بابا كان نفسي اكمل تعليمي واشتغل واسافر واعمل حاجات كتير قوي …
نورهان طبطبت عليها / عارفه وانا كمان زيك بس اديكي شايفه بابا كنا كل ما نكلمه يقول معنديش بنات تكمل تعليم وقعدنا من قبل حتى ما ناخد الثانويه العامه عشان مصاريف الدروس بس معلش بكره نتجوز ونعمل كل اللي احنا عايزينه ….
رحمه / ان شاء الله بس انتي ليه شكلك كده مش فرحانه ..
نورهان / لا يا حبيبتي انا فرحانه يلا بقى روحي خلصي عشان زمان خطيبك قرب يوصل
رحمه فعلا قامت جري تكمل لبسها ….
💦💦💦💦💦💦💦💦💦💦💦
اما في بيت تاني خالص كان سليم خطيب رحمه عنده 25 سنه بيشتغل محاسب .. خارج من اوضته وامه قاعده في الصاله كانت اسمها عزه في الاربعينات من عمرها ..
عزه / ايه يا سليم رايح لخطيبتك ..
سليم / ايوه يا ماما ابوها اخيرا وافق ان انا اخرجها شويه بدل ما هو راجل قفيل كده ..
عزه / ما قلتلك بلاش من الناس دي انت اللي صممت ..
سليم / اعمل ايه يا ماما ما هو بعد اللي حصل كان لازم اروح اخد واحده من بعيد لا تعرف اي حاجه ولا ليها في اي حاجه خصوصا بعد اللي حصل زمان ..
عزه / تفتكر اهل البنت لسه بيدوروا عليك ..
سليم / لا لا يا ماما مستحيل ده انا سافرت خمس سنين مخصوص عقبال ما الموضوع ده يتنسي وكل حاجه ترجع زي الاول …
عزه / ماشي على الله بس كل حاجه تعدي على خير…
سليم / اكيد المره دي هتعدي على خير يلا انا نازل بقى سلام
💦💦💦💦💦💦💦💦💦💦💦
بعد شوية سليم كان قاعد مع والد رحمه في الصاله ..
حمدي / قولي يا سليم عملت ايه في شقتك عايزين نخلص بقى الخطوبه لما بتطول بتبقى رخمه
سليم / ما تقلقش يا عمي كل حاجه تمام وبتتظبط وبعدين احنا ما طولناش يعني ده احنا يا دوبك بقى لنا ٣ شهور بس مخطوبين
حمدي / ماشي بس انا عايز بقى اسمع اخبار حلوه كده قريب ها ..
سليم / ان شاء الله يا عمي بعد اذنك بقى نادي على رحمه عشان ما نتاخرش ..
💦💦💦💦💦💦💦💦💦
بعد شويه كان سليم ورحمه في عربيه سليم وهو سايق
.
سليم / قوليلي يا رحمه انتي بقى بتحبي تسمعي اغاني وكده ولا لا ..
رحمه بحماس / ايوه بصراحه بحب اسمع وبحب اخرج واتفسح واعمل كل حاجه بس للاسف بابا في الموضوع ده صعب شويه ..
سليم ابتسم قوي / دي احلى حاجه وبعدين لما انت تعملي كل الحاجات دي وانت لسه في بيت ابوكي امال بقى هتعملي ايه مع جوزك .
رحمه / ايه ده يعني انت هتخرجني وكده …
سليم لسه هيرد اتفاجئ ان في عربيات ماشيه وراه اتوتر جدا واتخض وفضل يحاول يسوق بسرعه و يروح لمكان في ناس ..
رحمه بخوف / في ايه يا سليم انت ليه بقيت بتسوق بسرعه كده انا بخاف ..
سليم مردش عليها وفجاه وقف بالعربيه لما لقى عربيه تانيه وقفت قدامه …
اترعب لما شاف شاب طويل بيقرب منه ونزله من العربيه بقوه وهو بيضحك بشر .. الشاب كان اسمه قاسم عنده ٢٧ سنه
قاسم / ايه يا سليم كنت فاكر اني نسيتك كنت فاكر اني هسيبك تبقى عبيط وغبي الحقيقه انا ما نسيتش اي حاجه ودلوقتي حالا هنتقم منك واللي عملته في اختي هعمله في اختك ..
سليم لسه هيتكلم اتفاجئ بقاسم مسكه جامد وما ادالوش فرصه يتكلم ودخله عربيه وحبسه فيها
قاسم راح تاني ناحيه عربيه سليم فتح الباب واخد رحمه اللي كانت بتصرخ ومرعوبه …