رواية انتقام ليل الفصل السادس 6 بقلم فاطمة عادل

رواية انتقام ليل الجزء السادس

رواية انتقام ليل البارت السادس

رواية انتقام ليل الحلقة السادسة

فتح ليل الباب واتفاجئ بلين مرميه على الأرض جنب السرير والكرسي واقع جنبها
دخل يجرى عليها يشوف فى ايه ،وطى جنبها على الأرض ورفع رأسها لفوق ،شاف د*م نازل من راسها ،حاول يفوقها وطبطب على وشها براحه
ليل. لين فوقى لين اصحى معايا وقرب خده من وشها وهو مرعوب عليها لاقها لسه بتتنفس ،شالها حطها على السرير وجرى على اوضته جاب برفان وبدأ يرش على أيده ويشممها لحد مافاقت وبدأت تفتح واحده واحده ،هنا هو بدأ يتنفس ويرتاح
لين بضعف.انا فين
ليل.متخافيش انت بخير،هو ايه اللى حصل
لين .كنت بحاول اجيب الكرسى جنب السرير علشان اقعد عليه وادخل الحمام ،بس وقعت والظاهر اتخبط جامد فى السرير واتعورت واغمى عليا
ليل بارتياح نوعا ما.متقلقيش انت بخير ،ثوانى هجيب الاسعافات الاوليه واعالج جرحك
خرج من الاوضه وراح جاب الاسعافات ودخل عندها وكل مايبص عليها وعلى دموعها بيحاول ويجاهد أنه ميقربش منها أو ياخدها فى ح*ضنه
لين رفعت وشها وعنيهم اتقابلت سوا وبقت مستغربه هو واقف ليه
اتحمحم ودخل قرب منها وقالها معلش انا عارف انها هتوجعك شويه بس لازم نغير عليها
لين بحرج وصوت واطى. تمام بس ارجوك براحه
هو تايه فى صوتها الرقيق ولما قرب من شعرها تاه اكتر فى ريحته وحب اوى طوله وكان نفسه يلفها ليه وياخدها فى حض*نه ويدخل أيده فى شعرها الطويل
قرب شويه وبدأ يحاول يكشف الجرح مابين شعرها وبدأ يطهره ويحط عليه لاصق الجروح
هى بصوت واطى.اه حاسب
هو شال أيده بسرعه وقالها.اسف،وجعتك اوى
لين .لا مش اوى
ليل.انا خلاص خلصت ،وقام شال الحجات وخرجها برة ودخل تانى وشالها مرة واحدة وهى اتخضت
لين.انت بتعمل ايه
ليل.هدخلك الحمام تغسلى وشك من الد*م ولو حابه اسيبك جوه شويه ولما تخلصي أندهى عليا
لين.احم انا متشكرة اوى
ليل.مفيش داعى للشكر قولتلك انك مطوله هنا معانا ولازم تكونى مرتاحه،ولا ايه
لين بصت لتحت وهزت رأسها بمعنى تمام
دخلها الحمام وسابها شويه وهى اتاخرت اوى جوة
هو برة مش عايز ينده ومحرج
وهى جوه مكسوفه تنده عليه تقوله أنها خلاص وعايزة تخرج
بعد شويه وقت خبط على الباب خبطه خفيفه وهى ردت
ليل.اممم خلاص ولا اسيبك شويه
لين .لا خلاص
ليل.يعنى ادخل
لين.اه ممكن
ليل فتح الباب براحه ودخل شالها وخرج بيها حاطها على السرير وجاى يمشى مسكت أيده وهو وقف بيبص على أيدها وبص عليها
لين.لو سمحت انا بجد زهقانه جدا وطول الوقت قاعده لوحدى ممكن تقعد معايا شويه أو تنزلنى تحت وصدقنى مش هعمل اى صوت ومش هدايقك
ليل وهو سرحان فى لمسة أيدها وبيحاول يجمع صوته .احم تمام هنزلك نص ساعة بس واطلعك
لين بفرحه.تمام
شالها ليل من على السرير ونده على الحارس اللى طلع جرى يشوفه
ليل.هات الكرسى ونزله فى الجنينه اللى ورا بسرعه ،ونزل هو على السلم بلين
حاطها ليل على الكرسى وبدأت تتكلم معاه
لين.هو انت خاطفنى ليه
ليل بيبص عليها ببرود.هو انت مش بتزهفى من السؤال ده قولتلك عايز حقى من ابوكى
لين.انا فهمت انك عايز حقك بس ايه هو حقك ،ايه اللى حصل خلاك عايز تنتقم بالشكل ده من بابا
ليل.بيفتكر وكل الذكريات بقت تهاجمه فى الوقت ده
فلاش باك
نزل عمار يدور على على زى المجنون لما مردش على تلفونه وراح عند صاحبه ابراهيم اللى لحسن حظه كان إجازة اليوم ده
خبط على الباب وإبراهيم فتحله
ابراهيم.اهلا ياعمار اتفضل
عمار.لا اهلا ولا سهلا اخويا فين
ابراهيم.وانا ايش عرفنى انا هو حد قالك انى الحارس الشخصي بتاعه
عمار .قسما بالله لو مقلتش على فين لكون داخل عند ابوك وقايله….قبل مايكمل كان إبراهيم زقه على برة وقافل الباب
ابراهيم.جرى ايه يا عمار انت جاى تتخانق معايا ولا ايه
عمار.لو مقلتش اخويا فين هنفذ وادخل اقول لابوك انك شغال فى كبا*ريه وأنك بتشرب وأنك ملموم على شلة ص*يع وأنك…..
ابراهيم.ايييه حيلك ياعم ،انا معرفش اخوك فين انا
عمار .طب وسع كده ولسه هيحط أيده يخبط ابراهيم مسك أيده
ابراهيم.فى الملهى بيشتغل هناك ،وانا مليش دعوه بحد
عمار .ادينى العنوان
ابراهيم اداله العنوان ونزل عمار يجرى يشوف اخوه
فى الملهى
بعد ماعلى س*كر على الآخر وماشى يطوح
راح يقدم طلبات على ترابيزة صفوت وتوفيق وكان قاعد ناس تانيه بيتفقو معاهم على صفقات مشبوهه وعلى بيقدم الطلبات بايد مهزوزه وقع الكاس فوق بدلة صفوت
قام من مكانه واتعصب جدا وزعق
صفوت .انت يابه*يم ازاى تعمل كده ياحي*وان ،البدله اللى انت بهدلتها دى ثمنها بعيلتك كله
على سكران ومش حاسس بيقول ايه.انت ياعنى زعلان على بدله وانت تقدر تشترى عشرة زيها بفلوسك الح*رام
صفوت ض*ربه بالق*لم هزه من مكانه وكان هيقع بس مسك فى الكرسى وبقه جاب د*م
على.بتض*ربنى يابن الك*لب مفيش غيرك أنت وأمثالك اللى خربوها وقعدو على تلها ،انت وأمثالك اللى خليتوا واحد زى خايف من بكرة وسايب دراسته وقاعد بيخدم على وس…زيك
صفوت هنا مقدرش يستحمل اكتر من كده وطلع سلا*حه وحطه فى وش على
على دخلة عمار اللى اتسمر مكانه ولسه هيقرب يلحق اخوه،صفوت ضر*به بالنا*ر ،وقع على وبين*زف جامد وعمار صرخ بكل ما فيه
عمار.عليييي ،وجرى عليه شاله وحط رأسه على رجله وعلى بيبتسم لعمار ويقوله
سامحنى ياعمار (بيكح وبيتنفس بالعافيه وسط كلامه) مقدرتش ابقى زيك يا اخويا ،قول لابويا يسامحنى ،وبوسلى توحه
عمار.لا ياعلى انت هتفوق ومش هتمو*ت،فتح عينك ياعلى اوعى تغمض
كل ده وتوفيق بيتفرج بهدوء وبرود
على.حقى ياعمار اوعى تسيب حقى ياخويا،وهنا أيده رخت من ايد اخوه وعمار صرخ بعزم مافيه
علييييييييي
فاق ليل من ذكرياته لين وهى بتقوله ،ايه روحت فين كل ده علشان بقولك ايه سبب الانتقام
حاول ليل يكون طبيعى ويمنع اى دموع تنزل منه أو يظهر حتى أنه متأثر
ليل.لا عادى بس سرحت شويه
لين.بقالك ربع ساعة مش معايا وتقولى شويه
ليل بزعيق.وانت مالك انت اسرح ولا حتى انام انت قولتى عايزة تشمى هوا ونزلتك يبقى تبطلى كلام
لين رجعت بجسمها ورا واتخضت ودموعها ظهرت فى عيونها .انا…انا اسفه مش قصدى وبدأت تعيط
هو بدأ يشتم نفسه فى سره ويلوم نفسه على عياطها ،هو مش بيحب يشوفها بتعيط بس برضو لما افتكر مو*ت اخوه ده خلاه مش واعى للى بيقوله
ليل بصوت هادى وحاطط أيده فى شعره من ورا .انا اسف مكنتش اقصد ازعق
لين بعياط.لو سمحت انا عايزة منك طلب
ليل بهدوء.طلب ايه
لين .بس لو سمحت قبل ماتاخد قرار فكر الاول فكر شويه
ليل.مش لما اعرف عايزة ايه الاول
لين بصوت واطى وباصه فى الارض.عايزة اكلم بابى
ليل بصوت عالى ونرفزة.نعم ياختى بابا ايه ده اللى عايزة تكلميه ،انت فاكرة نفسك فى رحله ولا ايه ،انا اصلا غلطان انى بحاول اعمل اللى يريحك لانك ملكيش ذنب لكن قسما بالله هتسوقى فيها اوريكى وش عمرك ماشوفتيه
لين بخضه ودموع . والله العظيم انا بس هسمع صوته واطمن عليه ،ومش هقوله اى حاجه تخصك ولا هقوله حاجه اصلا،انا بس هطمن عليه واطمن نفسى أنه كويس
ليل بيحاول يهدى نفسه ويستوعب كلامها ومش قادر يستحمل دموعها
ليل.هخليكى تكلميه بس متفرحيش اوى كده ،انت هتكلميه وانا فاتح الاسبيكر ولو نطقتى حرف واحد عنى أو عن اى حاجه شوفتيها هنا مش هتعرفى هيحصلك ايه
لين.طب أقوله ايه
ليل.هما كلمتين عامل ايه وانا بكلمك من تلفون حارس من الحراس اللى موجودين ،طلع طيب وادانى تلفونه وقصرى فى الكلام
لين.اتفقنا
ليل اخد تلفون من تلفونات الحراس بتوعه وطلب صفوت وحط التليفون على الاسبيكر
صفوت بصوت تعبان.الو
لين بعياط.بابى
صفوت بفزع.لين حبيبتى وروح قلبى ،انت بتكلمينى منين
لين وهى باصه لليل وبتتكلم زى ماهو قلها.انا بكلمك من تلفون حارس من الحراس طلع طيب وصعبت عليه وادانى الفون اكلمك
صفوت.طب ايدهولى
ليل برق للين وشاور بدماغه لا
لين.مينفعش علشان هو خرج يراقب الجو برة
صفوت.طب حاولى تعرفى انت فين
لين .يابابى مش عارفه والحارس استحاله يقولى هو اه انا صعب عليه وادانى موبايله لكن استحاله يا*ذى نفسه
صفوت.طب طمنينى عليكى يا بنتى ،صدقينى انا مش ساكت وقالب الدنيا كلها عليكى
ليل بس للين وبيشاور بايده أنه كفايه كده
لين.بابا انا مش بخير انا مخطو*فه بس حاول توصلى ولازم اقفل دلوقتى علشان الحارس بيشاورلي
لين أدت لليل الفون بتاعه وقالتله شكرا
ليل.مفيش داعى للشكر بس متطلبيش الطلب ده تانى ،لانك لو طلبتيه ابوكى هو اللى هيتاذ*ى
شالها وطالعها اوضتها ونزل جابلها اكل وحاحطه ادامها
ليل.ودلوقتى اتفضلى كلى علشان تنامى وانا خارج
خرج ليل من اوضتها وهو مخنوق أنه سمحلها انها تكلم ابوها وأن ازاى يريح قلبه كان لازم ميشفوش راحه ابدا ،كان لازم يفضل قلبه متعذب كده على طول وميطمنش ابدا
بعد فى البار وفضل يشرب ويسكر ويفتكر اهله وأخوه وهو سايح فى د*مه
مرة واحده قام طلع على فوق ورزع الباب بكل قوة ولين كانت يدوب هتنام واول مالباب اترزع اتنفضت مكانها
ليل دخل عليها وقرب منها وهو سكر*ان
حط أيده على شعرها وقرب من وشها وبدأ يقرب من شاف*يفها وبيقرب اوى و……..