رواية انتقام خاطئ الفصل الثاني 2 بقلم نيفين بكر
رواية انتقام خاطئ الجزء الثاني
رواية انتقام خاطئ البارت الثاني
رواية انتقام خاطئ الحلقة الثانية
في عيادة الدكتور ..
الدكتور ..بصي ي مدام روجيدة مبدائيآ كدا حضرتك معندكيش اي موانع للحمل وللاطمئنان هنعمل شوية تحليل وبأذن الله كله خير
مامة روجيدة.. طيب خير ي دكتور هنعمل التحاليل وهنجيبجالك شكرا لحضرتك
ويهموا بالخروج من العيادة
مامة روجيدة سيدة في بدايه عقدها الخامس سيدة من سيدات المجتمع الراقي
……………………………………….
في فيلا الجد سليم المهدي
في غرفة جني..
جني تجلس مع صحباتها المقربين
الاء وهايدي في نفس سنهها ويدرسون في نفس كليتها
الاء ل جني ..انتي ي بنتي انتي افردي بوظك داا
جني …سيبيني ف حالي مش دا كان رايك
الاء …انا قولتلك ي غبية ماتبينيش انك مدلوقة مش تتجهاهليه بالغباء دا انتي كدا هطفشيه انتي مش بتشوفي البنات بتبصلوا ازي
جني …ماتفكرنيش كل ما افتكر ازاي كان بيتكلم مع البت المسهوكة في النادي عفاريت الدنيا بتتنطط ف وشي
هايدي ..سيبك منها البت دي هتغرقك انتي اتعاملي معاه بطبيعتك وماتعنديش فيه كل ما تشوفيه عمر مش بيحب العند اسمعي كلامي
الاء..اسكتي ي هابلة انتي و هي دا كل ما تتقل حبه تزيد محبة انتي ما بتشوفيش في الرويات البطلة بتفضل تعاند في البطل وهو بيموت فيها
هايدي ..والنبي ماموديكي في داهيه غير الرويات ال بتقريها دي
جني …باااااااااس انتي وهي فكروا معايا اخليه ازاي يشوفني زي البنات ال بيعرفهم مش كل ما يتكلم معايا يحسسني اني لسة عيلة صغيرة
الاء …عندي فكرة احنا نوهمه ان في واحد بيحبك وبتكلميه في الفون فهو يغير عليكي ويعترف بحبه
جني …اها ي صلاة النبي دا كان هو وفهد قتلوني
هايدي …اسكتي ي بت بافكارك المهببه دي
انا راي انها تلفت نظرة باهتمامها بيه انها تسمع كلامة مش العند والعبط دا
جني …مهو انا بعمل كدا وبردو زي مايكون مش شايفني
الاء.. حيرتينا معاكي قومي انا جوعت اوي
يلا بينا نروح نقعد شويه في النادي بدل جو الخنيق داااا وناكل لينا لقمه
جني وهايدي ..اوك يلا بينا
…………………………………………..
في غرفة المكتب
الجد سليم ….يعني كله تمام ي دكتور اومال التاخير من ايه
الدكتور… هي مساله وقت مش اكتر وانا كتبتلها علي شويه تحليل بس بردو لازم فهد باشا يعمل تحليل هو كمان عشان ممكن يكون عنده مشاكل هي ال ماخرة الحمل
الجد سليم ….يعني هو كمان لازم يكشف
الدكتور .. ضروري طبعا عشان لو في مشكله لاقدر الله نبداء بالعلاج كل ما كان التدخل اسرع كل ما كانت النتيجة احسن
الجدسليم..باذن الله شكرا ليك ي دكتور هكلم حضرتك في ااقرب وقت
يقفل الجد الهاتف وهو في حيرة كيف سيقنع فهد بالذهاب لعمل الكشف والتحليل ..
الجد سليم..لازم يروح انا نفسي اطمن عليه قبل مااموت
……………………………………
في بيت ام سارة
ها ي بنتي رنيتي عليها
سارة..ايوة ي ماما اتصلت عليها وبردو مغلق
ام سارة بقلق…انا قلبي واكلني عليها ماكنش لازم تنزل لواحدها كنتي روحتي انتي ولا انا معاها
ياعالم ي بنتي ايه ال حصل
يرن جرس الباب فتجري سارة
تفتح الباب بسرعة لتدخل ملك بارهاق
ملك ..السلام عليكم
ام سارة وسارة ..وعليكم السلام
ام سارة كدا ي بنتي قلقتيني عليكي
ملك.. معلش ي طنط سرقني الوقت وانا ماشية
سارة ..هاا احكيلنا عملتي ايه
ملك ..بصوت باكي اتنصب عليا اخد الفلوس وصفي الشركة وسافر
ام سارة وهي تلطم علي صدرها ..ي حبيبتي ي بنتي عوضك علي الله
سارة .. منه لله الحرامي حبيبتي ماتزعليش نفسك الزعل مش هيرجعلك الفلوس
ملك …حسبي الله ونعم الوكيل مش عارفة هعمل ايه في الايام الجايه الكليه عل الابواب وعوزة ادفع المصاريف واجيب الكتب وكمان لبس للكليه
ام سارة.. قومي ي حبيبتي اغسلي وشك وكوليلك لقمه وان شاء الله كله هيتدبر
لا انا هقوم ادخل انام مش قادرة
ام سارة ..كدا غلط ي حبيبتي هتقعي من طولك
قومي ي سارة جهزي الاكل يلا
سارة حاضر ي ماما
تجلس ملك بحزن وهي تدعي ربها بحل مشكلتها
………………………………………
في احدي الشركات التابعة ل عائله سالم المهدي
في مكتب فهد …
فهد ل شريف ..كدا كل الورق الخاص بالمشروع جاهز علي الامضا تمام
شريف ..ايوة ي بوص كدا كله تمام
فهد طيب في حاجة تاني عوزها مني
شريف ..انت هتروح دلوقت
فهد… ايوة ي سيدي لازم جدي يشوف الورق النهاردة عشان يقول رايه النهائي
شريف …طيب وراك حاجة بالليل
فهد …مش عارف لسة هبقي اكلمك لو مفيش حاجة هتصل بيك نسهر مع بعض
شريف ..تمام اها م الحق منيرة السكرتيرة عوزة اجازة وضع ٣شهور ولازم نشوف واحدة مكانها
فهد ..طيب اعمل الازم بس اختار واحدة صح مش زي الاشكال ال بتجبهالنا
شريف ببراءة..انا ي بوص الله يسامحك
فهد ..وهو ينهض يلا سلام عشان مااتخرش
شريف ..سلام ي بوص
شريف احمد الهواري 30سنه صديق فهد المقرب وزراعة اليمين محل ثقة ل فهد وكاتم اسراره من اصول صعيديه
يعشق السهر وبرغم الكثير من علاقاته النسائيه
الا انه لم يجد حتي الان من تمتلك قلبه المتمرد
…………………………………………..
في عربيه ام روجيدة
ام روجيدة…كدا بقي مالهومش حجة ومفيش حد فيهم هيضايقك تاني
روجيدة …والله مفيش حد بيضايقني غير جده هو ال نازل زن عاوز حفيد لكن فهد بحس انه مكبر دماغه ودا ال مطمني
ام روجيدة …بالعكس ي هبله معني انه مش فارق معاه الخلفه منك يبقي لازم تقلقي كدا تبقي عايشة معاه عل كف عفريت
بتقولي ايه ي مامي قالتها روجيدة بترقب
ام روجيدة طبعا الرجل لما بيحب الست بيحب حاجة تربطوا بيها ومفيش اجمل من الاطفال
روجيدة بحزن طيب وانا بايدي ايه اعمله وماعملتوش
ام روجيدة .ما تقلقيش كل مشكله وليها حل باذن الله سيبي كل حاجة عليا واطمني
بصت لها روجيدة بقلق وقالت ربنا يستر
………………………………………………
في فيلا الجد سليم المهدي
في غرفة المكتب فهد ..دا كل حاجة عن المشروع
في اي ملاحظات
الجد سليم …لا ي ابني مفيش …
فهد…في حاجة ي جدي مالك انت تعبان صوتك مش عجبني!!
الجد سليم…الدكتور كلمني وقالي روجيدة تمام وتقدر تخلف ومفيش عندها موانع ولازم انت كمان تروح تكشف وتعمل تحليل عشان يشوف التاخير من ايه
لينتفض فهد من مكانه قائلا بعصبيه
انا مش عارف في اي احنا مابقلناش كتير متجوزين ليه الصربعة دي
صربعة اي ي فهد انا نفسي اطمن عليك نفسي اشوفلك حته عيل قبل ما اموت
فهد .. ما تقولش كدا .بعد الشر عنك ي جدي ربنا يبارك في عمرك ويخليك لينا
ي ابني دي سنه الحياه انا نفسي اشوف عيالك انت وعمر انتوا ال فضلني بعد ما ابوك الله يرحمه اتوفي وعمك ال سافر وحتي لا بيسال عليا ولا علي ابنه
فهد ..بتهأفأف حاضر ي جدي ال تشوفوا
الجد سليم ..بجد ي فهد يعني احجزلك
فهد مش وقته نخلص من المشروع دا واوعدك هعمل ال انت عوزة
ليجمع اوراقة ويضعها في الشنطة المخصصه للعمل ويتركه ويصعد لغرفته
الجد سليم …ربنا يهديك ي ابني يارب..
يتبع….
لقراءة الفصل التالي : اضغط هنا
لقراءة لرواية كاملة اضغط على : (رواية انتقام خاطئ)
