رواية انتقام خاطئ الفصل الثالث 3 بقلم نيفين بكر
رواية انتقام خاطئ الجزء الثالث
رواية انتقام خاطئ البارت الثالث
رواية انتقام خاطئ الحلقة الثالثة
في مكان جديد اول مرة نزوره
في شركة فايز الجيار اكبر منافسين لشركات فهد
فايز الجيار ..52سنه رجل لعوب يعمل في كل ماهو ممنوع شعاره في الحياه الغايه تبرر الوسيله
فايز الجيار يهاتف شخص ما …انا قولتلك كلمه واحده المناقصة الجديدة انا ال هاخدها ومعنديش حل تاني
انت اخدت مني فلوس كتير المرة دي ،وإلا بقي هوصل الملفات ال تحت ايدي ل فهد باشا وهو يشوف شغله معاك
الشخص …لا لا ارجوك ي فايز بيه ان شاء الله هعمل ال انت عوزه
فايز ..لما اشوف ،الا قولي البنت ال قولتلي عليها اسمها اي
الشخص…اسمها عبير ي باشا
فايز ..طيب في ااقرب وقت عوزك تعرفني عليها
الشخص ..حاضر ي فايز باشا انت تأمر
فايز بعد ما انهي المكالمه بابتسامة شيطانيه…
والله وجه اليوم ال هشفي غليلي منك وهخلص القديم والجديد ي ابن المهدي
..،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،..
في يوم جديد تشرق فيه الشمس عل ابطالنا
عند ملك
استيقظت ملك ودخلت الي الحمام وتوضأت وارتدت اسدالها ثم صلت وهي عل سجادة الصلاة
رافعة يدها دعت ربها بان ييسر امرها
انتهت ملك وابدلت ملابسها وهمت بالذهب ل سارة صديقتها
رنت جرس الباب فتحت لها سارة
صباح الخير ي سوسو
صباحوو فل ي لوكا
ناويه علي ايه النهاردة
ملك… هنزل ادور علي شغل مفيش حل غير كدا قدامي
سارة… فعلا حبيبتي ربنا يسهلك امرك يارب وان شاء الله انتي قدها
اهااا ي سوسو ياا رافعة معنوياتي قالتها وهي تحتضنها
مالك ي سارة فيكي حاجة ؟؟
سارة…والله ماعارفة ااقولك ايه
ملك ..هو الموضوع خاص ب دكتور عصام
سارة..ايوة ي ملك مش عارفة ساعات بحس انه بيبادلني نفس احساسي بيه وساعات بحس ان انا ولا عل باله
ملك …ي سارة ي حبيبتي دكتور عصام راجل عملي تقريبا مش بيعرف يعبر عن احساسه
سارة.. يعني تقصودي ايه تقصودي اني اصارحة باللي ف قلبي
ملك ..لا طبعا مش داا قصدي انا قصدي انك تركزي في مزكرتك انتي في طب يعني مزاكرة ليل ونهار
وسيبك من الحكايه دي مؤقتا، الوقت هو ال هيحلها
وعلي فكرة انا حاسة ان دكتور عصام مهتم بيكي
انتي ناسية فرح ازي لما جبتي مجموع كبير وهو ال شجعك عل دخولك طب ..
بجد ي ملك تفتكري قالتها سارة بسعادة
ملك. ..طبعا ي بنتي هو انتي شويه دا انتي القمر بتاعنا
هو يطول
ياريت يا ملك اصلك ماتعرفيش انا بحبه قد ايه اهااا دا هو العشق ي بنتي💘💘
ملك ضاحكة …ي بت اتقلي مش كدا
يلا اسيبك بقي سلام قالتها ملك وهمت بالذهاب لايجاد عمل…
……………………………………….
في فيلا الجد سليم المهدي
ف غرفه فهد
يوووه احنا مش هنخلص من الزن داا قولتلك لما اخلص من المشروع ال في ايدي وكمان في حفلة رجال الاعمال السنويه كل دا وانتي بتتكلمي ف تفهات
تفهات !!
انتي بتسمي الخلفة تفهات ي فهد
وتظاهرت بالبكاء،،يبقي انت مش بتحبني زي ما ماما بتقول
لو بتحبني كنت سعيت للخلفة بنفسك..
ي فهد انا بحبك ونفسي في حتته طفل منك يكبر جوايا
وكمان جدك ال مستلمني كل يوم في الرايحة والجاية
واديني عملت زي ما قال والدكتور قالي كله تمام
فهد بضيق .خلاص ي ستي هعملك ال انتي عوزاه بس اخلص من الشغل ال عندي
روجيدة…حبيبي ي فهود هتيجي عل الغدا النهاردة
فهد… لا اتغدوا انتوا انا هتاخر
ماشي ي حبيبي انا هتغدي مع مامي وهقعد معاها وانت راجع عدي عليا خدني
ماشي يلا سلام قالها فهد وتركها وذهب
…………………………………
ف غرفة الالعاب الرياضية الخلفيه للفيلا
وهو يرتدي بدله التمرينات الرياضيه ويلبس الكفازات الخاصة برياضة الملاكمة وهو ويضرب ال كيس الرملي
تدخل عليه جني
جني وهي هائمة بشكله فكان كالابطال المحاربين بكتاب الاساطير بشعرة الغير مرتب وقطرات العرق المتصببه عل جبينه وعضلاته النافرة من المجهود..
عمر اول ماانتبه لها بابتسامة جانبيه ذادته وسامة عل وسامته
خير ي جني في حاجة
جني.. ها اه لا ابدا اصل اصل جدو بعتني ليك عوزك
عمر.. طيب روحي قوليلو هخلص تمرين وهاخود شاور وجايله
احم .هو انت مش رايح الشغل النهاردة
لا انا مسافر كمان ٣ ساعات ورايا مأموريه ف اسوان هقعد اسبوع
جني بحزن..اسبوع ،يعني مش هتحضر الحفله
لا ان شاء الله هحضرها هرجع عل عصر يوم الحفله
طب تحب اجهزلك شنطتك ولا حاجة
لا شكرا انا محضر كل حاجة قالها بأقتضاب
جني هو انت زعلان مني
وهو انتي بتعملي حاجة تزعل ؟؟
عمر من فضلك كلمني عل طول لوفي حاجة مزعلاك عرفني مش هتفضل متجاهلني كدا عل طول
عمر وبعد ان ضرب كيس الرمل بغيظ جعلها تنتفض من الخضه
عمر..انا قولتلك كام مرة ماتتاخريش برة لحد الساعة 9
جني ..انا مااتخرتش والله انا كنت مع صحباتي مش معقول همشي واسيبهم
عمر.. اها تمام تكسري كلمتي ولا انك تزعلي صحباتك ماشي ي جني براحتك وهم بمتابعة رياضته
الا انها قالت له
خلاص اخر مرة مش هتاخر تاني بس عشان خاطري ماتمشيش وانت زعلان مني
نظر لها عمر بدون ولا كلمه
جني وهي ب عيون دامعة وشفاه مرتعشه خلاص انا عرفت اني ماليش خاطر عندك عن اذنك
ال ان صوته اوقفها
جني …
التفتت له جني وهي ناظرة للارض كي لا يري دموعها
قرب منها وبان فرق الطول والجحم بينهم
بوصيلي ..قالها عمر
جني وهي تهز راسها يمين ويسار ومازالت تنظر للارض
قرب منها اكثر ورفع ذقنها بيده
عمر..جني
اجهشت جني بالبكاء وارتمت في حضنه
عمر .. وهي يمسد عل شعرها جني خلاص بلاش عياط انا مش زعلان
جني بصوت باكي ومازالت في حضنه انت زعلان ومتجاهلني
بس والله مش هزعلك تعاني
ليه ي جني ؟؟ قالها عمر
رفعت عيونها الباكيه له كانها لم تفهم سؤاله
بقولك ليه مش هتزعليني تاني
عشان .عشان .عشان انت ابن عمي ومااحبش ازعلك
بس كدا ؟؟سالها عمر
عضت جني عل شفاها وكد اكتسي وجهها بحمرة الخجل لا مش بس كد
عمر وقد قرب وجه ومن وجها اكثر
هااا اومال ايه قالها بصوت هامس
جني ااانا اانا هروح لجدو اكيد بينادي عليا
وفرت من امامه هاربه
نظر عمر في اثارها وردد في خفوت ..
هتجننيني ي بنت عمي
……… ……………. ……………
في شركه فهد
شريف …وهو يهاتف المنسق الاعلامي للشركة
ادي كل المواصفات ال قولتهالك اعمل الاعلان فورا عوزين سكرتيرة لمكتب فهد باشا في اسرع وقت
المنسق …تمام ي فندم
يفتح باب المكتب ويدخل بعصبيه
فهد ..ها لقيت سكيرتيرة
شريف ..لسة بنعمل الاعلان
فهد ..انت لسة هتعمل اعلان دا ولا اسبوع عل ماتلاقي واحدة مناسبة كدا الشغل هيتعطل قالها بصوت عالي
شريف …مالك ي صاحبي فيك اي
فهد.. مفيش انا عامل عل الشغل
شريف.. مفيش شغل متعطل ولا حاجة حتي منيرة لسة بتيجي مااجزتش
فهد …….
شريف ..طيب تمام هسيبك لما تهدا خالص عشان تحكيلي
ولا ااقولك تعالي النهاردة هسهرك حتة سهرة هتنسيك اسمك في كام بنت جداد انما ايييييييه صاااااروخ ارض جووو
فهد وهو ينظر له نظرة يعرفها هو
شريف ..احم طب انا رايح المكتب وهشوف كام حاجة كدا وراجعلك تاني تكون هديت
فهد بعد ماخرج شريف وهو يقول في نفسه بألم
ليه ي جدي ديما بتعمل معايا كدا ليه بتمسكني من ايدي ال بتوجعني ليه بتجبرني اعمل حجات انا مش عوزها ليييييه
يتبع….
لقراءة الفصل التالي : اضغط هنا
لقراءة لرواية كاملة اضغط على : (رواية انتقام خاطئ)
