رواية انتقام أنثى الفصل الرابع عشر 14 بقلم رشا منصور
رواية انتقام أنثى الجزء الرابع عشر
رواية انتقام أنثى البارت الرابع عشر
رواية انتقام أنثى الحلقة الرابعة عشر
عبدالرحمن. ..
خصلت كلام معاهم وخدتهم فى حضني الاتنين وقولت لهم أهو أنا دلوقتى حاسس كأنى سلطان. زمانى وبوست رأسهم وقولت لهم يلا نتعشي ومش عاوز حد يعرف كلمه من اللى قولتها ولسه خارجين وهنقعد نتعشي
قولت لهم اومال الرجاله فين لقيت عمتي قالت باعت لهم عبدالله قالوا تعبانين والطباخ جهز لهم الأكل وبيتعشوا هناك
قولت لها تمام ويا دوب لسه بنبدأ أكل لقيت جيلان بتبصلي وبتقولى عبدالرحمن أنا عاوزة اسألك ع مروان أصله وقع من الحصان وأنا قلقانه عليه أوى وعماله تبص ع لمياء وكأنها قاصده تغيظها’
وتقولي أصل جوزى حبيبي مش وش بهد’له والحاجات اللى بتحصل دى كلها جديدة عليه
بصيت ل سناء وانجي ولقيت لمياء قالت لها آة فعلا هو مش واخد ع الحاجات دى لأنها حاجات اتعملت للرجاله
ولقيت سناء غمزت ل أنجي من غير ما حد ياخد باله راحت أنجي قالت
أنجي. ..
عمرك شوفتي يا سناء واحدة قلقانه ع جوزها اللى واقع من تلات ساعات وجايه تسألنا إحنا عليه وقاعدة تاكل ومفكرتش حتى تتصل عليه تطمن ده واضح ان القلق واخد حقه اوى
جيلان ..
أنا موجهتش كلام لكي أنا كلامي مع عبدالرحمن انتي ايه اللي دخلك فى الكلام 😏 هو أنتي عبدالرحمن
سناء…
سبوهالي هو أنتي يابت هبله’ ولا بتستعبطي’ هى تتكلم زى ما هى عاوزة أنتي كلامك مع عبدالرحمن يعني معانا إحنا وهى ترد انارشامنصورأرد كلنا هنا واحد وكمان ياختى بتسالي عبدالرحمن ع أساس هو هيروح يشوفهولك ولا يكنش مروان عيل صغير هيجهز له الرضعه ما تلمي. نفسك والله لولا ان بكره الفرح كنت خليتك تباتي متكسحه’ بس محدش فينا هيبقي فضيلك يناولك حتى شويه ميه
ما إحنا عندنا فى الزريبه لما بنجيب البهايم لازم نشيل هم أكلها وشربها أصبري عليا لما يخلص الفرح وأنا هروقك
عبدالرحمن. …
كنت قاعد اكل وماسك نفسي من الضحك ولمياء بقت هى اللى تبصلها وتضحك وجيلان هى اللى اتحر’ق دمها’
عمتى إحسان…
بقولك ايه يا دكتورة إحنا تعبانين ومحدش فينا فاضيلك خلصي اكلك ولا خديه معاكي وروحى ل جوزك اللى انتي قلقانه عليه واشبعي منه لأن بكرة هيبقي عريس وأحنا هنا العريس مش بيخرج من اوضته ألا بعد أسبوع
جيلان….
هو أنا قولت إيه غلط علشان كلكم تكلمونى كدا يرضيك يا عبدالرحمن اتهان قدامك ومدفعشي. عني
سناء….
يابت هجيبك من شعرك اقوم أقعد عليكي اخليكي زى قرص الجله وانتو نفس الشبه بالظبط فوله واتقسمت نصين
عبدالرحمن. ..
لمؤاخذه ادافع عنك بتاع إيه انتي ولا أختى ولا مرتي عندك جوزك وحماتك قاعدة اشتكي لها هو حد فينا غلطان تقول هى كبيرتنا وكلامها فوق راسنا كلنا
سعديه ام مروان …
كتر خيرك يا ولدى سيد الرجاله والله اسمعي يا جيلان لو كنتى قلقانه ع جوزك كنتى فى ساعتها جيتي وقولتيلي باعت حد له يندهلوا او يدخلك البيت واطلعك تطمني عليه لكن الكلام وحركات النسوان دى ولا لها لازمه
واللي ردت عليكي تبقي اخت جوزك يعني يهمها أمره واللى بتساليه يبقي جوزها يعني انتي اللى بتجيبي الغلط لنفسك محدش فيهم داسلك. ع طرف أنتي اللى عماله تنخورى. وتدوري ع النكد بمنكاش. روحى ع جوزك زى ما قالت إحسان اشبعي منه علشان ميقدرش يخالف. كلامنا ويخرج من اوضته ويسيب عروسته الحلوة ويجيلك قومى يلا
امي حمديه. …
أول ما جيلان خرجت وقفلنا الباب وراها قولت ل سعديه البت دى ابتلاء أبنك ابتلانا’ بها امتي تغور من هنا دى بتنكش ع اى نكد ومشاكل. كويس ان بنتي هتقعد عندنا
عبدالرحمن. ..
وهي تقدر تعمل ل لمياء حاجه حد يقدر قريب ولا غريب يمس أختى بطرفة عين
لمياء….
ربنا يحفظك ليا يارب ويحميك من عنيها دى حسودة مشالتش عينها من عليك لازم نبخرك ونرقيك
سناء. مش لو كنتوا ساعدتونى وحدفناها كان أحسن
لمياء…
كنا دخلنا فى سين وجيم وصورتنا تتهز فى البلد علشان واحدة متسواش وتروحى فى دا’هيه بسببها
سناء…
ع رأيك دى فردة شبشب👡 آخرها ادوس.عليها هشوفلها حاجه تانيه تزيحها. من هنا
عمتي إحسان. …
بقولكم إيه إحنا ورانا فرح وسهر لازم نلحق ننام شويه وانتى يا سعديه خدى بالك بدل ما البت دى تكون مستنيه عبدالرحمن هناك إحنا مش زى بتوع بلاد بره وابنك ياختى معندوش د’م ولا نخوة’ متزعليش مني
أنجي. ..
بصيت ل سناء وقولت لها روحى معاه وباتي هناك بدل ما تستفرض به قالتلي والله لو لمحتها لاخلي صوتها يسمعك هنا
عبدالرحمن. …
بصيت ل انجي وقولت ده إسمه قلة ثقه فيا ولا شيفاني مش هقدر عليها لقيتها قالت
إحنا واثقين فيك لكن مش واثقين فى الشيطا’نه اللى هناك
قولت لهم خليكم مع بعض والصبح يا سناء تعالى خدى فستانك وحاجتك وطلعي لبس العيال علشان امك تجهزهم متسبيش أنجي ولا لمياء وخلي بالك هى هتحاول تستفزوكم’ بكره وبالذات لمياء اتصرفوا كأنى موجود بالظبط ومحدش يمسك عليكم غلطه😄مفهوم طبعا يلا تصبحوا ع خير
وخدت أمي ومرت عمي وروحنا البيت وما صدقت وصلت أوضتي ونمت من كتر التعب
جيلان …
روحت وأنا متعصبه’ ولقيت مروان فى الاوضه ومشغل التليفزيون وقاعد ياكل قولت له يعني قاعد ولاهمك أنا قولت هلاقيك مضا’يق علشان كسفتك لما وقعت فى وسط الناس
مروان….
اضا’يق من إيه دى عادات قديمه الرجاله متعودين عليها من زمان وكلهم هنا عارفين إنى كنت قاعد بره بقالي سنين يعني طبيعي أنسي الحاجات الغريبه دى لقيتها قالت
جيلان….
فعلا لها حق لمياء لما قالت أنك مالكش فى الحاجات دى لأنها حاجات رجاله
المهم أنا عرفت ان العريس هنا مش بيخرج من اوضه عروسته لمدة أسبوع وأنا زهقت ولازمنى فلوس أتصرف أظن أنا نفذت كلمتى وسكت خالص وباركت لهم رغم إنى اتهز’قت واضر’بت منهم فين المقابل أنا سكوتى ده مش ببلاش لقيته قالي
هتحجج لهم أنك تنزلى القاهرة ولازم فلوس تأجري شقه وتقعدى فيها لحد لما أعمل لنا بيت هناك
قولت له أتصرف المهم يكون مبلغ محترم اومال هعيش أنا وابنك ازاى ولا يكنش منتظر إنى هصرف عليه من فلوسي
وسيبته وقعدت فى البلكونه وأنا مش قادرة أنسي شكل عبدالرحمن لما كان ع الحصان ولا لما خرج من الاوضه وسناء و انجي فى حضنه اتمنيت اكون أنا مكانهم
أول ما اخد الفلوس هشوف اى حاجة تخليني اوقع عبدالرحمن فى حبي وقتها هخلص. من مروان واخد عبدالرحمن واسافر وابقي اسيبلهم الولد ما هو ابنهم يربوا ويصرفوا عليه مينفعشي انا يبقي جوزى مروان وواحدة جاهله زى سناء يبقي معاها عبدالرحمن والفلوس والعزوة
عمتي إحسان. ..
كنت ملاحظه تغيير سناء وعارفه انه بسبب السحر لكن لما لقيت أنجي بتتفق وتتكلم مع سناء كأنهم أصحاب خو’فت ليكون حد عمل لبتي حاجه وبعد ما الكل مشي والبنات دخلوا يباتوا مع بعض فى اوضه واحدة
دخلت لهم وقولتلها تعالي يا أنجي شوفيلي المرهم فين رجلي تعباني من كتر الواقفه ومش لقياه وأول ما دخلنا الاوضه قفلت الباب وكلمتها بصوت واطي علشان أفهم الحكايه ولقيتها قالت ليا
أنجي. .
كنت عارفه ان أمي نادت عليا علشان تفهم وتعرف عبدالرحمن قال لنا إيه وأول ما سألتني كنت محتارة ما بين احكي لها وبين ان عبدالرحمن مأكد ان محدش يعرف حاجه بس لما لقيتها شا’كه ان حد عملي سحر قولت لها لا
عبدالرحمن قال لنا ان لما نبقي كويسين مع بعض هيخلينا كبرات العيله والفلوس تبقي لعيالنا لكن لو عملنا مشا’كل هيطلقنا’ ويتجوز علينا علشان كدا اتفقنا أنا وسناء نبقي أيد واحدة وكمان نطفش. جيلان من هنا
عمتي إحسان. …
ومالوا لما تطفشوا جيلان بس بردو لازم اضمن ان سناء متعملشي لكي حاجه نا’ر الغيرة يابتي بتاكل العقل وممكن تتجنن’ وتعمل فيكي حاجه والعمل اللى معمول لها هينتهي بعد الفرح ع طول لقيتها قالت
اعملي اللى إنتي شيفاه صح أنا أهم حاجه عندى إنى أعيش مع عبدالرحمن مش عاوزة حاجه تانيه
لمياء….
أول ما أنجي خرجت مع عمتى قولت ل سناء مش غريبه أنك انهاردة دفعتي عن أنجي ورديتي ع جيلان الحب ده ظهر فجاة كدا امتى ولا عملتي زى المثل اللى بيقول أنا واخويا ع ابن عمي وأنا وابن عمي ع الغريب بصت ليا وضحكت وقالت
سناء….
جواز اخوكى من أنجي كان هيتم سواء برضايا او غصب. عني أنتي عارفه عبدالرحمن مش بيرجع فى كلمه قالها يبقي اسكت أحسن ويبقالي مكان أحسن ما اخوكى يبعد عني خالص وكمان ما أنتي مضطر’ة تتجوزى مروان وأنا عارفه إنك مش عوزاه وعندك حق أخويا ده مافيش ست عاقله تقبله الست تحب الراجل اللى يهتم بها ويغيير عليها ويهتم بتفاصيل يومها لكن ده أهو انتي شايفه مرته بتضر’ب وبيسيبها طول الوقت تعمل اللى هى عوزاه ومش فى دماغه بارد
بس أنا متوكدة أنك هتقدرى تغيريه ولأول مرة اقولها لكي أنا هساعدك ومش علشان سواد عيونك بس أنا مش طا’يقه جيلان وحساها مش سهله وهفضل وراء بوي لحد ما يخلي مروان يقعد هنا ع الأقل تلات شهور يكون فيهم اتربي من جديد ويرجع راجل صعيدي صح
لمياء….
قولت لها صدقيني أنا نفسي انه يتغير بس اللى بفكر فيه إزاي من بكره هعيش مع واحد وأنا عارفه أنه بيحب غيري ولقيتها قالت زى ما أنا عيشت وخلفت وعارفه ان اخوكى عمره ما حبني هو صحيح فى فرق أنا أخويا لو لقي مصلحته مع كلب سعر’ان هيسيب الكل وهيروح يرمي نفسه فى حضن الكلب🐺 علشان كدا مروان مش لازم يسافر إلا لما يسترجل حتى لو حكمت’ إنى اكسر’ له رجله
مش عارفه ليه فجأة خو’فت اللى قادرة أنها تعمل كدا فى أخوها ممكن تعمل فيا أنا ايه 😔
ولقيت أنجي جت وقالت الفرح بكره أنا مش عارفه هنام إزاي ولقيت سناء قالت لها 😲
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انتقام أنثى)
