رواية انتقام أنثى الفصل الثامن 8 بقلم رشا منصور

رواية انتقام أنثى الجزء الثامن

رواية انتقام أنثى البارت الثامن

رواية انتقام أنثى الحلقة الثامنة

عبدالرحمن. ….
أول ما رجعت البيت لقيت الكل مبسوط لكن أمي عينها بتقول ان فيها حاجه وببص لقيت احمد بن مروان بيلعب مع عيالي فهمت وقتها ايه سبب زعل امى وبصيت ل عمي وقولت له أفرح بحفيدك ياعمي بس حاول المرة دى تربيه ومتخلهوش يطلع زى عيالك وسألت امى ع لمياء عرفت أنها عند عمتي
روحت لهم وأول ما دخلت لقيتهم باصولى فجأة كأنهم شافوا عفريت قدامهم قولت لهم
فى إيه يا جماعه مالكم اتخضيتوا كدا ليه هو فى حاجه
لمياء….
نورت يا خويا إحنا بس كنا بنكلم ع حاجات بنات كدا يعني وبصراحه اتخضينا أحسن تكون سمعتنا
هو انت واقف هنا من امتي يعني قصدى سمعت ايه
لقيته ضحك وقالي اطمني أنا لسه داخل ومسمعتش حاجه كبرتي يا لمياء وبقيتي تكسفي من اخوكى ده انتي بنتي يابت ع العموم أنا جيت اطمن عليكي وإذا كان ناقصلك اى حاجه
صحيح هو فى حاجه ضيقتك فى البيت عندنا أصل شوفت الواد الصغير بيلعب مع عيالي
قولتله وأنا هضايق من عيل صغير هو مالوش ذنب فى حاجه ده أنا حتى طلبت من عمتي وأحنا بنشتري الشيكولاتات نعمل حساب العيال معانا وغيرت الكلام بسرعه وقولتله
ع فكرة ده إحنا اشترينا حاجات تجنن وغمزت له وبصيت ع أنجي اللى اكسفت وجريت ع فوق
عمتي إحسان. …
كدا يا لمياء كسفتي البت بس بصراحه طول يوم وأحنا فى سيرتك كل ما نشوف حاجه تقول عبدالرحمن بيحب اللون ده وبلاش ده وهاتي ده ههههههه شكلي كدا هسيب لكم البيت واخد عبدالله وابات عند اخواتى فى الدار
أنا محبش ابقي عزول ولا ايه يا لمياء وفضلنا نضحك لحد ما عبدالرحمن خرج وخدنا نفسنا أنه مسمعش حاجه من كلامنا
لمياء….
أنا ارتعبت خو’فت ليكون سمع حاجه ولقيت عمتي قالت ليا شاطرة اتصرفتي صح وع فكرة أنا عارفه الشيخ درويش ناوى ع إيه مافيش حاجه تخلصك من الواد ده إلا السحر الأسود بس أكيد هيطلب كتير
قولت لها ياخد اللى هو عاوزة المهم نار’ي تبرد أنا بعد ما كنت راجعه فرحانه أول ما شوفتها وشوفت أبنها نسيت فرحتي يا عمتي كسر’تني
وهدان …..
دخلت البيت شوفت عثمان قاعد والعيال بتلعب قدامه وشوفت الولد الصغير بصيت ل عثمان وطلعت السلم لقيته بينادى عليا وقالي تعالي يا خوي
عاوز ايه يا عثمان انا جي تعبان سيبني فى حالي
عثمان….
يا خوي أنا لسه عند كلمتي وانهاردة سمحت للواد أنه ينزل بعد ما امه اعتذرت ل لمياء وللكل وقولت يبقي هنا معانا علشان لو ابني فكر بس يغد’ر ويرجع فى كلامه أنا مش هخليه يشوفه تاني يا ولد بوي اوعى تفتكر إنى فى يوم هنصر ابني عليك ولقيته قالي ربنا يديم المعروف بينا ولا يجي اليوم حد يفرق بينا ابداااا
عمتي إحسان. …
يلا يا بنات ننام أنا تعبت من كتر اللف طول النهار اهم حاجه عاوزين نفكر ازاى نخلي سناء تشرب من النقط دى هى عمرها ما هتثق فى حد فينا
وكلها كام يوم ع الفرح وكلنا هننشغل فى الفرش والتجهيزات
لمياء….
مكنتش قادرة أفكر كنت تعبانه جدا من كتر اللف ع المحلات ونمت ع طول
وتاني يوم صحينا ع صوت خبط ع الباب قومت فتحت لقيت عبدالرحمن وقالي ادخلي جوه وافتحي الاوضه فوق ومتخليش حد يخرج إلا لما اقولكم معايا رجاله بره
طلعت جري صحيت أنجي وعمتي ونزلنا وقفلنا ع نفسنا فى اوضه الانتريه وبعد حوالى ساعه لقيت عبدالرحمن بينادى علينا وبيقولنا خلاص أخرجوا
عمتي إحسان. ..
خير يا حبيبي ايه اللى صحاك بدري كدا ومين الرجاله دول لقيته قالي
بدري إيه يا عمتي إحنا بقينا الظهر نوم العوافي أنا حجزت اوضه نوم أمبارح والمعرض جابها والشيالين طلعوها فوق واترصت خلاص مفضلش غير أنها تتفرش وعروستنا تحط حاجتها فيها روحت قولت له وحاجتك انت فين ولا مش ناوى يبقالك هدوم هنا يابن أخويا
عبدالرحمن. …
فهمت تلميح عمتى ولقيت أنجي بصتلي ونزلت رأسها زعلانه قولت لهم أنا نازل انهاردة اجيب هدوم جديدة اومال ايه ده انا عريس لاحلي عروسه وشوفت الفرحه فى عنيها
ولقيت عمتى قالت مبارك عليك يا جوز بتي لووووولوووولي
تبقي جوازة السعد والهنا يارب وتملولي البيت بعيالكم
لمياء….
أيوة ياعم يابخت اللى حماته تكون راضيه عليه وجهزنا الفطار وبعد ما خلصنا أكل جه أتصال ل عبدالرحمن وبعدها قالنا تعالوا بقي اتفرجوا ع اوضه لمياء بعد ما اتفرشت امك ومرات عمك وضبوها فرحت أوى
يمكن انارشامنصور مش طايقه’ مروان ولا الجوازة كلها بس كنت فرحانه وأنا حاسه ان أخويا ضهري وسندى وكلهم بيحاولوا يفرحونى
وروحنا البيت ولقيت أغاني وزغاريط والاوضه جميله أوى ولقيت عمي بيقولى مبروك يا عروسه ابني اعملي حسابك الفرح يوم الخميس يعني بعد أربع أيام جهزى حالك وشوفي كل طلباتك تكون عندك
ومرات عمي حضنتني وأمي كانت عماله تبخر الاوضه ولقينا جيلان قدامنا مسكتني وتحضن فيا وتقولى مبروك الاوضه جميله ذوقك حلو أوى
لقيت عبدالرحمن قالها منورة يا دكتورة بس بلاش أحضان وسلامات أصل إحنا ناس ملناش فى النفاق أنتي عمرك ما هتحبيها ولا هى كمان هتحبك بس ده ميمنعش ان الاحترام واجب أحنا بنفهم فى الاوصول بردو
وببص لقيت أحمد واقف ع جنب وشكله خايف. روحت وشيلته وكنت مجهزة شيكولاته وقولت له أنا جيبهالك معايا وكل ما تلعب معايا هديك شيكولاتة
عمتي إحسان. …
والله ما لقيت فى طيبه قلبك يابنت أخويا اومال زينه البنات بصحيح ولقيت عثمان اخوي باس ع رأس لمياء وقالها بكره تملي الدارعيال يابنت الغالي
وأنت يا عبدالرحمن إحنا جبنا امبارح شيكولاته علشان العرايس وعارفه ان سناء بتحب الشيكولاته بالكراميل اقسم بالله اما روحت جبتها دلوقتي تشوف وتبارك الاوضه واكلتها الشيكولاته دى بأيدك والله ل أزعل منك
لما اشوف ليا خاطر عندك ولا تكسفني يا إبن خوي
امي حمديه …
عبدالرحمن أسمع كلام عمتك إحنا دخلين ع فرح يابني وبلاش زعل إحنا أهل يا حبيبي
عبدالرحمن….
بصيت ل عمي وقولت لعمتي مقدرش اكسر’لك كلمه يا حماتي وروحت جبت سناء من اوضتها وهى مش فاهمه فى ايه ودخلتها الاوضه قدامهم وقولت لها مش تباركي أوضة أختى دى ذوقي وفتحت الشيكولاته ولسه هتنطق روحت مدخلها فى بوقها وقولت لها دى حلاوة الاوضه
تبقى جهزى فستان حلو للفرح ولا مش ناويه تحضري وسيبتها ونزلت لولا اصرار عمتي مكنتش عبرتها أصلا
سناء….
هو فى إيه أنا مش فاهمه حاجه ولقيت مرات عمي وهدان بتقولى يابت بيصالحك وعاوزك تفرحي معانا
ولقيت عمتى بتقولى ياختى هو حد لاقي اللى يأكلوا شيكولاته ولا حته مخلل فرفشي يابت وبلاش نكد’
الشيكولاته كانت طعمها حلو أوى وبعد ما بلعتها قولت لهم مبروك ع الاوضه وبصيت لقيت جيلان واقفه قولت لها اوعى تقوليلي أنهم جابوكى علشان تشوفي اوضه ضر’تك
وانك هتباركي لجوزك
جيلان. …
لآ طبعا أنا اللى جيت ابارك مستغربه ليه ما إحنا زى بعض وجوزك بردو هيتجوز عليكي 😂😂
لقيتها اتعصبت وخرجت من الاوضه ولقيت عمتهم قالت ليا أنتي شكلك مش سهله سبحان الله الطيورع اشكالها تقع
دلوقتي بس عرفت مروان اتجوزك ليه وضحكت وخرجت
بصيت لهم وضحكت واستأذنت وروحت أوضتي وأنا د’مى محر’وق بس سكت قولت الصبر حلو ومجرد ما اخد الفلوس هسافر ويبقي مروان يشبع بأهله ما أنا مطلعش خسر’انه بعد كل ده لازم احر’ق د’مه هو كمان
عمتي إحسان. …
أول ما نزلت تحت خدت لمياء ع جنب كانت بتلعب أحمد وقولت لها يلا بينا نروح عندى
مروان….
مش عارف ليه فجأة بقيت حاسس بلا مبالاه مش فارق معايا إذا كنت هتجوز ولا لآ حتى جيلان بقيت مش طايق. أتكلم معاها عاوز أفضل ساكت ع طول وطلعت البلكونه وشوفت لمياء خارجه مع عمتى وبتضحك ياااااه ازاى مخدتش بالي من جمالها وفجأة لقيت 😲