رواية انا الشريره الفصل العاشر 10 بقلم نوران أحمد
رواية انا الشريره الجزء العاشر
رواية انا الشريره البارت العاشر
رواية انا الشريره الحلقة العاشرة
جميله : انتي يا زفته قومي قدامي خلينا نخلص من حوار القريه دي النهار ده
رانيا : يا بنتي ما تفكك منهم ومن انتقامك ده وخلينا ننام شويه تعبت
جميله : تمام هو اه بدات القريه كلها تترعب ويحسو بالذنب من اللي عملوه في الراجل الطيب ده وحاسه سبب سوء حظ القريه بسبب ظلمهم للراجل الطيب ده بس انا قررت افضحهم كلهم انا ماشيه
جريت رانيا وراها وفضلو ماشيين
رانيا : افهم بقا هتفضحيهم أزاي هتقولي انهم كانو السبب في موت شخص بري قدام عيالهم وكدة
جميله : لا بس بعد ما راقبت الكل وعرفت أسرارهم هقدر افضحهم بالحاجات دي قربت من راجل ومراته وقالت
جميله : انتي بجد مصدقاه ده واحد كذاب اساليه كان مع مين في الشاليه امبارح وسهر معاها طول الليل وفهمك أنه في الشغل
قربت من بنت وشاب
جميله : انتي يا هبله هو مش هيتجوزك القاريه كلها عارفه الكلام ده أمه عايزه تجوزه بنت خالته وراح خطبها كمان
ضربته البنت بالقلم وجريت بتعيط
كملت جميله علي اماكن الكابلز
جميله : مبيحبكيش حتي الورد اللي في ايدك ده مسروق اي ده هو انتي متعرفيش أنه حرامي ولا اي ده سرق كل بيوت الناس اللي هنا وهما ميعرفوش
اتجمع عليه الناس وضربوه
نقلت علي اللي بعده
جميله : بطلي تكوني غبيه بقا متجوز عليكي اتنين وبيصرف عليهم من فلوسك انتي فوقي
نص ستات القريه سابت بيوتهم
رانيا : يخربيتك يا شيخه ده انتي ابليس يتعلم منك صحيح أعوذ بالله من الإنسان الرجيم ده انتي عملتي اللي الدجل والشعوذه والجن معملوش في دقيقه فرقتي كل الناس عن بعضها مش حاسه بالذنب
جميله : اي علاقه بتتبني لازم تكون علي وضوح وصراحه غير كدا تبقا نفاق وكذب ومش هتكمل كتير ما بني علي باطل ف هو باطل انا ساعدتهم ده اللي المفروض تشوفيه اكتر يلا نجهز نفسنا هننزل القاهره
اتجمعو الرجاله لبيتها وهما عايزين يخلصو من جميله
وائل : احنا لازم نخلص منك دلوقتي يا ساحره يا خرابه البيت
رانيا : احيه احيه هنتشلوح يا عمو سامي ياريتني كنت سبتك وروحت اي داهيه بتضحكي علي اي يا بارده انتي معندكيش دم خالص كدا
جميله : بصي كويس انا هعمل اي شغلت الهلجرام علي شكل كائن اسطوري مخيف وطلعت ليهم
اول ما الرجاله قربو منها شغلته وظهر وحش كبير رعب الناس كلها وخلاهم يبعدو بسرعه
وائل : أجروا يا رجاله دي طلعت ساحره بصحيح انفدا بجلدك يا مصلحي يا روح ما بعدك روح يا بلد
جميله : كنت عايزاكم بس تدوقو طعم الوحده والظلم والوجع حسو باللي انتم عملتوه في صاحب البيت حرمتوه من كل اللي بيحبوه وانتم كمان دلوقتي متستاهلوش يبقا في حياتكم حد بيحبكم صلحو اخطائكم الدنيا مش مستاهله وهتقفو قدام ربنا واللي هيفكر يقرب من البيت ده تاني انا ممكن ااذيه اللي عايز خير هساعد غير كدا لا مش عايزه اشوف حد قدامي
امشو حالا
رانيا بخوف : هو انتي طلعتي ساحره بصحيح اي المنظر المرعب ده اللي شوفته
جميله : يا عبيطه دي هيلجرام جهاز كدة بيصورلك اي شمل انتي عايزاه ويظهر كأنه حقيقه وشايفك الدول المتقدمه بتستخدمه وبيقولوا انهم عايزين يقنعو الجهله اللي زي صحاب القريه ان ده حقيقه ف يقتنعو بنزول الملائكه الارض ووجود فضائيين وظهور البدع اللي تخلي الناس تفقد ايمانها بربنا واحده واحده
رانيا : يخربيتك ده انتي موسوعه متنقله شويه من ذكائك وهكوون في حته تانيه خالص
جميله : الحمدلله ده نعمه من ربنا يلا يا اختي ورانا سفر هنقعد في القاهره فتره
رانيا : ليه احكيلي خططك بالله عليكي انتي مش بتعملي حاجه كدا عملتي مصيبه اي ها ولا لسه ناويه تعملي مصيبه اي
جميله بابتسامه : كنت سبب في ان شخص عزيز عليا اتخطف ف لازم اروح واحل مكانه
رانيا : انا مش فاهمه حاجه احكيلي اكتر بالله عليكي
جميله : لما تكبري هبقا افهمك ويلا خلينا نخلص
رانيا : طب وسيف انتي بجد مش شايفه اهتمامه بيكي واصل لحد فين نظره عيونه ليكي كلها اهتمام وحب باين اوي علي فكره
جميله : انتي بتتوهمي بس مستحيل حد يحبني زمان كنت وحشه اوي وجوايا نضيف بس مكنش حد قادر يشوف ده دلوقتي انا جميله جدا بس جوايا وحش أوي وسيف من الشخصيات اللي بتحب معدن الناس وبتبص علي اللي جواهم واخر حاجه بيهتم بيها الشكل لو المكان والزمان مختلفين كان ممكن يكون بينا حاجه بس دلوقتي مستحيل متخلينيش اتوهم واحط امل كذاب في حياتي انا مبسوطه كدا
رانيا : ربنا بيعوض وممكن يكون هو الأمل والنور اللي هينور حياتك ويرجعك زي زمان ادي لنفسك فرصه وحبي وتحبي وانسي اللي حصل زمان وربنا المنتقم هيجيبلك حقك
جميله : كلامك جميل بس خلاص فات الأوان علي كل ده لازم اكمل المشوار قربي من اهلك هروبك كتير ده مش حل ابدا صلحي أخطائك وارجعي عشان تعرفي تعيشي يلا في عربيه مستنيانا هتودينا القاهره
في مول كبير
سيف : تعرف تخرس شويه ارحم امي تعبت كل شويه بنعيد وبنزيد في نفس الكلام انت مبتزهقش
مازن : مش عارف بجد انا مستغرب نفسي اتغيرت انا مكنتش كدا تفتكر هو الحب اللي بيعمل كدا حالي كله متلخبط ومش عارف اتكلم غير عليها انا زيك زهقت بس مش قادر اعمل اي انت كمان بتفكر فيها بس الفرق إن طريقه حبي غير طريقتك وانا صريح وانت بتداري وبتخبي
سيف : ايوه ايوه خرف اكتر كمان في كلام ملوش اي تلاته لازمه الجو حر بجد ومش ناقص خلينا نجيب الحاجات الناقصه بسرعه
مازن : بتحبها يا سيف والا مكنتش سبت بيتك واجرت وبتملي البيت كله خير ليها يا ابني انت بجد مشوفتش نظرتك ليها عامله اواي فيها لمعه عمري ما شوفتها فيك قبل كدا
سيف : بقولك اي ما تروح وجودك ملوش اي لازمه موترني ومزهقني علي الفاضي
مازن : انا اصلا سايبهالك وماشي احمد ربنا اني معاك مفيش صحاب كدا في الزمن ده
سيف : احلف اخيرة هتغور من وشي مش مصدق أبقا طمني عليك سلام
مازن : رايح فين يا عم انت انا سايبهالك وماشي شويه بس داخل الحمام هترتاح مني شويه استناني علي باب الحمام بس عشان بخاف
سيف : الله يخربيتك يا شيخ زهقتني قدامي
فضل سيف مستني مازن لحد ما لمح جميله قاعده في كافيه قدامه ساب كل اللي في ايده بعصبيه وراح لعندها
اول ما شافتني اتخضت طبعا مصدومه سحبتها من ايدها بعصبيه وكلي غضب ودخلتها العربيه وسوقت بكل سرعه
سيف بعصبية : هو انا مش قايل ليكي متتزفتيش تروحي اي مكان لحد ما اجيلك صح ولالا مش قولتلك اوعي تروحي اي مكان ومفيش مرواح القاهره
جميله بخوف وهي بتترعش : انا
سيف بغضب : أنتي تخرسي خالص مش عايز اسمع صوتك لحد ما نوصل حسابنا بعدين
عدي الوقت واخيرا وصل للقريه وبيت أبوه ونزل بعصبيه وسحبها من ايدها نزلها ودخل بيها البيت ووقف مصدوم
سيف بصدمه : انتي ازاي هنا امال مين اللي معايا دي ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انا الشريره)
