رواية انا الشريره الفصل السادس 6 بقلم نوران أحمد

رواية انا الشريره الجزء السادس

رواية انا الشريره البارت السادس

رواية انا الشريره الحلقة السادسة

رهف بتعب : احنا بنجري ليه انا تعبت كفايه كدا مبقاش في حد بيجري ورانا خلاص سيب ايدي واقف شويه بقا
فارس بغضب : وانتي اي علاقتك بالناس دول يا هانم واي الحوار بالضبط بسببك انتي كان ممكن حد يحصله حاجه تحت ايدي من الضرب
رهف : يا عم اقعد بقا اصلا انت اللي مضروب ولما لقيت فرصه مسكت ايدي وطلعت تجري
فارس : احم ما طبعا الكتره تغلب الشجاعه معروفه في كل حته عادي ده بدل ما تشكريني ياريتني كنت سبتك ليهم
رهف : انت بتتشطر عليا انا كنت اتشطرت علي اللي نفخوك وخلو وشك متشلفط كدا
فارس : متشلفط كدا … طب قدامي يا بت من هنا اخلصي خلينا اروحك ده اي البلوه دي
رهف : اهو انت ومتزقش كدا مكنش حوار ساعدتني فيه احم هو هو ممكن اسال سؤال
فارس بغضب : لا وعرفيني فين ام بيتك اوصلك وامشي كل ده ذنب الواد هشام
رهف بإعجاب : هو هو انت اسمك اي يعني بصراحه اول مره اشوف حمشنه كدا واول مره اشوف شخص بيتضرب بالشكل ده
فارس : احنا في اي ولا في اي ده وقته يا اختي تعارف وزفت فين بيتك خليني اوصلك واخلص من أم اليوم ده
بصت قدامها وكشرت ولسه هتقع مسكها وقربها منه
بدأت خدودها تحمر وقتها بس سرح في ملامحها وعيونها قد اي البنت دي جميله اوي ازاي مخدتش بالي من جمالها ده
فارس : معقول ده الحب من اول نظره ولا اي انتي حقيقية بجد
رهف بخجل : ممكن تبعد بقا شويه وتسيب ايدي خلاص قربنا علي البيت اهو اللي هناك ده
استوعب فارس وبعد عنها بسرعه : ما شاء الله انتي عايشه في قصر مش بيت
محسش الا بقلم نزل علي وشه من وقته وقع
رهف بقلق : ااه بابا انت عملت اي هو ملوش ذنب في اي حاجه ارجوك ابعد … اااه ايدي انت بتوجعني انا انا مش عملت حاجه انا
ايهاب : شكلي دلعت اوي بس ملحوقه انا هربيكي من اول وجديد يا رهف علي اخر الزمن تكوني سبب في تلويث اسم العيله
رهف بدموع : بابا والله انت فاهم غلط انا كنت في مشكله كبيره والاستاذ ده ساعدني و و وبس
قرب ايهاب من فارس ولسه هيضربه وهو بيقول : بقا بتضحك عليها ده انا هربيك بتغوي بنتي البريئه وبتخليها تعصي اومري وتخرج من غير اذني كمان
فارس : عمي حضرتك فاهم الموضوع كله غلط ممكن تسمحلي اشرحلك
وقبل ما يضربه ايهاب وقفت رهف في وشه
رهف بدموع : بابا انا بحبه كفايه كدا ارجوك هو ملوش ذنب في اي حاجه سيبه يمشي
ضربها ايهاب بقوه وسحبها وهو بيقول : انتي اتجننتي يا رهف ايد شكلي دلعت زياده ده مش من مستوانا ازاي تفكري كدا مفيش خروج من البيت تاني
فارس لهشام : ابوها قال الكلام ده وسحبها ومشي بيها البت كانت بتقع كل شويه وبتحاول تقوم وتجري ودموعها على خدها مصدومه شكلها اول مره ابوها يضربها منظرها وشكلها وكلمه بابا انا بحبه مش قادر مش قادره تطلع من دماغي ابدا عايز اوصل ليها باي طريقه بس ده كل اللي حصل
هشام : شكلك حبيت بس اي السرعه دي لو بتحبها لازم تحاول توصل ليها مهما حصل وانا هساعدك يا صاحبي
أما عند جميله كانت رانيا ومازن متأثرين بكلام اخوها ليها
جميله : اعيش ليه ولمين طول عمري لوحدي وعمري ما شوفت الحب من اقرب الناس ليا
سيف : عيشي لنفسك ده مش مبرر ابدا لافعالك في حاجات كتير اوي حلوه في الحياه كي ده ممكن تعيشيها بس انتي قافله دماغك ومش عايزه تجربي انتي اللي حطيتي نفسك في الدايره والدوامه دي
جميله بضيق : الحياه اللي بتتكلم عنها دي مش عايزها متلزمنيش مفيش اي حاجه ليها معني ولا طعم ولا لون كله رمادي وده لون مقرف
سيف : صدقيني انا فاهمك وعارف انتي حاسه بايه وشايف بعيونك كويس
جميله : انت بتقول كدا بس عشان صعبت عليك عمرك ما هتشوف الدنيا بعيني ولا هتشوف اللي شوفته
سيف : انا شايف ان الوجع ممكن يعمل اكتر من كدا
جميله بدموع : بس انا مبقتش حاسه بحاجه حتي الوجع مبقتش حاسه بيه
سيف : اللي بتعمليه ده عمره ما هيعالج اللي كان بيحصلك زمان ولا اهلك كانو بيعاملوكي ازاي مفيش مبرر لقسوتهم ليه مبتتكلميش
جميله : متعودتش افتح قلبي بسهوله لاي حد مفيش حد يستاهل ده ولا حد هيعملي حاجه اي لازمتها
سيف : اهدي انا معاكي وفاهم كل اللي بتقوليه ده ومريت بيه قبل كدا بس حاسيت اني مش هقدر اكمل حياتي كدا لازم أواجه
جميله بسخريه : تواجه اي تعرف اي انت عن الوجع وزرقان الجسم من كتر الضرب وكان في ايدك اب مفيش احن ولا اطيب منه انا كمان كنت طيبه زمان
رانيا بحزن : كنت بحسب مفيش اسوء من حياتي ومن عائلتي صحيح اللي يشوف بلاوي الناس كملي حصل اي بعد كلامه معاكي بالطريقه دي
سرحت جميله فلاش باك
عدت الايام ودخل عليا في يوم وهو بيقول
ايهاب : امك مريضه يعني مفيش حد يقدر يحميكي مني دلوقتي بنتي بدأت تتعلق بيكي وانا مبقتش شايف اي لازمه لوجودك هنا
جميله : انت ليه عايز تبعدني عن كل حاجه انا شاطره فيها وبحبها انا بحب رهف وبحب ماما ومش عايزه ابعد عن كل الناس اللي بحبها دي انت قولت ليا اعيش زي الفار ومحدش يحس بيا وانا هعمل كدا بس متبعدنيش عن اللي بحبهم انا عرفت الكلام اللي الناس تعرفه عني اني جلابه مصايب ولما بطلع بتحصل مصيبه عشان كدا انت حابسني هو انت اي مصيبه تحصل تقول إنه بسببي واني بجيب النحس للناس واي مكان انا فيه
ضربها ايهاب بقوه ومسك أيدها بعنف وهو بيقول : انتي اي اللي عرفك الكلام ده الا لو كنتي خرجتي بره القصر
جميله بدموع : الحمد لله اني طلعت عشان اكتشف اللي بتعمله في سمعتي ليه بتعمل كدا عملت فيك اي يخليك تكرهني كل ده
ايهاب : بسبب وشك انتي مش شبهنا خالص الناس هتشك أن امك كانت علي علاقه بحد تاني والاشاعات مش هتسكت والأسهم هتنزل وسمعتنا هتدمر بسببك انتي ابشع بنت شوفتها في حياتي الناس بتخاف منك مش هسمح لحد يتكلم عن عيلتي كدا بسببك
جرجرها ايهاب بعنف لحد ما نزل لمكان تحت الارض أشبه بسجن ورماها فيه
جميله بدموع : ارجوك متسيبنيش هنا لوحدي هسمع الكلام مش هشوف امي ولا رهف تاني بس ابقا طمني عليها هفضل في اوضتي مش هطلع بس بلاش المكان ده ضلمه وبيخوف ومفيش سرير ولا تسريحه مفيش حمام مفيش اي حاجه ازاي هقدر اعيش هنا
ايهاب : ميخصنيش اتصرفي
عدت الايام وانا محبوسه والأكل كان وجبه واحده بس في اليوم كنت بتمني اني اروح للي خلقني وارجع استغفر لحد ما دخل في يوم
ايهاب بحزن : اللي كانت مخلياني اقعدك هنا معانا خلاص راحت ودلوقتي مبقاش ليكي مكان هنا اظن بكدا ماذتكيش هتطلعي تشوفي النور بس بعيد عن البلد دي
اطردت بره القصر وانا حيرانه وماشيه بلا هدف لحد ما قرب مني حد فجاه وو