رواية امي لبستني لبس ولاد الفصل الأول 1 بقلم رحاب القاضي
رواية امي لبستني لبس ولاد الجزء الأول
رواية امي لبستني لبس ولاد البارت الأول
رواية امي لبستني لبس ولاد الحلقة الأولى
ـــــــــــــــــــ
عبد الرحيم _
لا طبعا مش هوافق اجوز بنتي لواحد اغني مننا بكتير، ده لو حصلت حاجه بينهم او زعلها احنا مش هنقدر نقف قدامها…
ناديه _
معاك حق يا اخويا بس سايقه عليك النبي اوعي توافق بمحمود ابن اخوك، انا لا بطيقه ولا بطيق امه وهي مش بتحبني انا وعيالي..
قام عبد الرحيم وزعل فيها وقال _
جرا ايه يا وليه انتي طيب يمين تلاته بنتي ما هي متجوزه الا محمود ابن اخويا…
على صوته ونده علي بنته وقال _
بت يا هناا انتي ياا بت…
طلعت بنته هنا وقالت _
نعم يا بابا خير في ايه؟…
عبد الرحيم بحده _
محمود ابن عمك اتقدملك وانا وافقت..
بصتله هنا بحزن وقالت _
بس محمود كان قايل للكل انه عايز يتجوز منال جارتنا..
زعق فيها عبد الرحيم وقال _
ما لكيش دعوه انتي تسمعي كلامي وبس…
ــــــــــــــــــــــــــــــــــــــــــــــ
_وقبل ما نبدا حكايتنا اعرفكم علي بطلتنا النهارده واللي اسمها هنا وعمرها 20 سنه حلوه جدا وكل اللي يشوفها بينبهر بجمالها بس..
في يوم طلعت من اوضتها وكانت لابسه بجامه بيتي، واول ما شتفتها ناديه امها قالت بحده..
ناديه بعصبيه _
انتي يا بت انتي ايه اللي لابسااه ده…
اتنهدت هنا بضيق وقالت _
يا ماما هكون لابسه ايه بجامه…
ناديه _
انا مش قولت مليون مره الهدوم دي مو تتلبسش غير لما تتجوزي، ودلوقتي تلبسي من هدوم ابراهيم اخوكي..
اتملت عيون هنا دموع وردت عليها وقالت _
يا ماما حرام عليكم انا قاعده في البيت وما حدش شايفني البس ليه هدوم ابراهيم…
ناديه ردت عليها وقالت _
افرض حد. دخل عندنا فجأه او الشباك اتفتح اغزي الشيطان وروحي غيري هدومك دي احنا خايفين عليكي انتي مش شايفه شكلك عامل ازاي..
بكت هنا وقالت _
انا بجد كرهت اني حلوه، مش عايزه ابقي حلوه بس سيبوني اعيش سني واحس اني بنت…
زعقت فيها ناديه وقالت_
يوووه بطلي زن بقي وادخلي شوفي حاجه من هدوم اخوكي القديمه البسيها…
_دخلت هنا اوضة اخوها وطلعت هدوم من بتاعته ولبستها وبصت في المرايه لقيت ان شكلها بنت واحلي بنت ممكن تشوفها العين كمان بس المنظر يسد نفس اي حد. منها..
_وبعد شويه كانت هنا قاعده عند. التلفزيون فجات مامتها وقالت ليها..
ناديه _
بت يا هنا خدي الفلوس دي وانزلي هاتي الطلبات اللي هقولك عليها من تحت..
هنا بضيق قالت _
يا ماما عايزه اسمع المسلسل الاول..
زعقت فيها ناديه وقالت_
وبعدين معاكي يا هنا بقي كل حاجه بتتعبيني فيها عشان تسمعي الكلام، ابوكي واخوكي قربو يجو وعايزه اجهز ليهم الغدا…
قامت هنا وقالت _
حاضر يا ماما نازله اهو..
_اخدت هنا الفلوس من مامتها وقالت ليها مامتها علي الطلبات ونزلت، واول ما طلعت من بيتهم شافت محمود ابن عمها واقف مع منال جارتهم ، فادايقت ومشيت بس قالت ليها منال بسخريه..
منال _
يا خبر ابيض هو انتي دي يا هنا، ده انا افتكرتك ابراهيم هو مش ده التيشرت بتاعه لا وكمان البنطلون..
محمود بضيق قال لمنال _
مناااال ملكيش دعوه بيها، وانتي رايحه فين يا هنا؟..
ردت عليه هنا وقالت _
رايحه اجيب طلبات للبيت…
وبعدين بصتلهم بسخريه وقالت _
لو كنت اعرف انكم موجودين ما كنتش نزلت وازعجتكم..
اتعصبت منال وقالت _
شايف يا محمود بنت عمك بتتكلم ازاي؟..
محمود _
ما قولتلك سيبك منها يا منال، ما بقاش غير هنا اللي هتاخدي عليها، واطلعي فوق يلاا…
_كتمت منال ضحكتها وطلعت فوق بيتهم، ومحمود قرب من هنا وقال ليها..
محمود بهدوء _
عايزك تبقي جدعه معايا يا هنا وما تقوليش لحد علي انك شوفتيني واقف مع منال هنا علي السلم..
اتنهدت هنا بضيق وردت عليه وقالت _
حاجه ما تخصنيش اصلا، بعد اذنك..
_مشيت هنا ودموعها نزلت بحزن، هي بتحب محمود جدا من وهي صغيره بس هو عمره ما شافها وديما بيكلم بنات غيرها واخرهم منال اللي بيقول للكل انه عايز يتجوزها..
_راحت وجابت الحاجه بتاعت البيت اللي قالت ليها عليها مامتها، وهي وراجعه كانت لسه هتوقف تاكسي بس عدت عربيه بسرعه وهي خافت فالحاجه وقعت منها علي الارض، فنزلت تلمها وهي خايفه عشان مامتها هتزعقلها اكيد، وبعدين قرب منها ولد اللي نزل من العربيه وقعد علي الارض وفضل يلم معاها الحاجه وقال…
الولد _
انا اسف جدا يا استاذ والله..
بصتله هنا بحزن وقالت _
لا حصل خير…
ابتسم الولد وقال_
ايه القمر ده..
وقفت هنا وزعقت فيه وقالت_
لا ده ايه قلة الادب دي، متحترم نفسك…
وقف هو كمان وقال _
انا اسف مش قصدي، بس انتي بجد حلوه اووي..
اتوترت جدا، بس ما ردتش عليه واخدت حاجاتها ومشيت، فمشي هو وراها وقالها..
الولد _
انا عامر مندور رجل اعمال ممكن اعرف انتي ساكنه فين؟..
قلقت هنا منن وقالت _
وانت مالك ساكنه فين، ابعد عن طريقي احسنلك…
عامر بجديه _
والله انا مش قصدي حاجه وحشه اديني بس عنوانك وانا هسال عليكي كويس واتقدملك..
زعقت فيه هنا وقالت بعصبيه _
هو انت اصلا تعرفني يا جدع انت عشان تتجوزني؟..
رد عليها عامر بهدوء وقال _
انا فعلا ما اعرفكيش بس اهو بقولك بسالك علي العموان عشان اعرفك، وبصراحه مش هضيع الجمال ده كله من ايدي، حقهم اهلك يلبسوكي هدوم ولاد…
هنا بحده زعقت فيه وقالت_
اقسم بالله لو ما مشيت من جنبي لاصوت والم عليك الشارع كله، ده ايه البلاوي دي..
_قالت كلامها وسابته ومشيت ووقفت تاكسي وطلعت فيه وراحت بيتهم، بس ما اخدتش بالها ان عامر مشي وراها بالعربيه…
ــــــــــــــــــــــــــــــــــــــــــــــ
_بعد شويه في ورشة ميكانيكا كان عبد الرحيم والد هنا بيشتغل هناك وجنب منه ابنه الكبير ابراهيم، وفجاه وقف عامر بعربيته قدام الورشه واول ما شافه عبد الرحيم قال..
عبد الرحيم _
واد يا ابراهيم روح شوف الزبون ده شكله متريش..
رد ابراهيم علي باباه وقال _
حاضر يا حج من عينيا..
طلع ابراهيم وسال عامر وقال ليه _
خير يا بيه اي خدمه؟..
بص عامر للمكان بهدوء وبعدين قال _
ااا لا شكرا، هو انا بس كنت عايز الحج عبد الرحيم هو موجود..
قلق ابراهيم وبعدين نده لباباه وقال بصوت عالي _
يا اباااا يا حج عبد الرحيم كلم في واحد هنا عايزك..
طلع عبد الرحيم وقال _
خير يا بيه حكومه ولا زبون حضرتك لامؤخذه….
رد عليه عامر وقال _
لا انا مش حكومه ولا زبون انا عامر..
قاله عبد الرحيم _
ربنا يجعله عامر علي طول عليك يا بيه،خير ان شاء تؤمرني بايه؟…
رد عليه عامر وقال _
متشكر جدا يا عمي، انا كنت عايز بس اتكلم مع حضرتك شويه علي انفراد…
_جه في الوقت ده صلاح اخو عبد الرحيم وساله اخوه وقال…
صلاح _
خير يا عبد الرحيم يا اخويا في ايه؟…
رد عليه عبد الرحبم وقال _
خير ان شاء الله يا اخوية ده بس البيه جاي وعايزني في كلمتين لوحدنا..
وبعدين بص عبد الرحيم لعامر وسأله وقال _
ده شيخ الجامع بتاع المنطقه الشيخ صلاح اخويا، عندك مانع انه يقعد معانا في الكلمتين اللي انت عايزهم مني..
رد عليه وقال عامر بهدوء _
لا ابدا يا حج ده يزيدني شرف…
عبد الرحيم _
طيب اتفضل يا بيه، وانت يا ابراهيم خلي بالك من الشغل هنا وابعت حد يجيب شاي ويبعتلي الشيشه بتاعتي..
ابراهيم _
حاضر يا حج من عينيا…
_دخل عامر وقعد مع عبد الرحيم وصلاح وقالهم انه سأل علي هنا وعايز يخطبها، فادايق طلاح جدا وعبد الرحيم فرح اووي وقال..
عبد الرحيم _
وانت شوفت بنتي فين طيب؟…
عامر _
انا كنت معدي بالعربيه وكنت هخبط فيها بس حصل خير ولما شوفتها وحاولت اكلمها هي بسم الله ماشاء الله متربيه جدا ومرضيتش ترد عليا فانا مشيت ورا التاكسي بعربيتي لحد ما عرفت عنوانها وسألت وعرفت مكانك وجاي اهو في النور اتقدم يا عمي،واتمني اسمع ردك دلوقتي عشان ابلغ اهلي ونيجي نشرب الشاي مع حضرتك في البيت…..
ـ كان لسه عبد الرحيم هيرد ويقوله موافق بس قال صلاح بحده ورد علي عامر..
صلاح _
هو ايه اصله الكلام ده، تشوفها وتمشي وراها وتيجي تخطبها وكمان الرد في وقتها، لاا الاصول اصول احنا ناخد وقتنا ونفكر علي مهلنا ونسال برضو..
طلع عامر كارت من جيبه وقال ووقف وقال _
حقكم طبعا وانا ما اقدرش اقول حاجه، وده الكارت بتاعي وقت ما حضرتك تفكر وتسأل انا في انتظار الرد، مع السلامه..
_طلع عامر بره الورشه واخد. عربيته ومشي، ودخل ابراهيم عشان يسأل باباه ويعرف الراجل ده كان عايز ايه بس سمع عمه بيقول..
صلاح _
ما تبقاش غبي يا حج عبد الرحيم ده راجل واصل ومن الجماعه اللي فوق واحنا ناس علي قد حالنا، نقوم نرمي ليه بنتنا اللي الله واعلم نيته ايه انا مدخلش عليا الفيلم الهندي اللي عملو ده….
ابراهيم بقلق سال باباه وقال _
في ايه بس يا بابا رسيني علي الموضوع؟..
رد عليه عبد الرحيم وقال _
الجدع ده كان شااف اختك في الشارع وعجبته وجه يخطبها مني بس عمك معاه حق هو من حته واحنا من حته تانيه خالص عشان كده ما ينفعش…
صلاح بهدوء قال ليه _
عين العقل يا عبد الرحيم يا اخويا، وانا اصلا كنت جايلك وعايز اطلب ايد هنا لمحمود ابني وخد وقتك وفكر براحتك…
ضحك عبد الرحيم وقال _
افكر ايه بس يا جدع ده بنتي هنا بنتك ومحمود ابني وهتطلع من عند بيت ابوها تروح بيت ابوها التاني..
فرح صلاح وقال _
يبقي علي بركة الله، بكره بالليل هنيجي انا والعيال وام محمود ونقرا الفاتحه…
عبد الرحيم _
علي بركة الله يا غالي تنورنا…
مشي صلاح وقال إبراهيم لابوه بضيق _
ليه كده بس يا بابا كنت اسأل هنا الاول علي رئيها..
عبد الرحيم بحده _
لا والنبي وهي هتلاقي احسن من محمود ابن اخويا فين بقي…
ابراهيم بسخريه _
اللي انت هترفضه احسن من محمود ميت مره..
وقف عبد الرحيم وقال _
يووه انا مش هوافق. لبنتي علي عريس اعلي مننا ابدا وتحس انها قليله قدامه،انت لسه يا ابني شباب ما تعرفش الدنيا والناس عامله ازاي …
اتنهد ابراهيم بضيق وقال _
براحتك يا حج بس ابقي اقنع امي انت عارف هي ومرات عمي مش هيوافقو…
ــــــــــــــــــــــــــــــــــــــــــــــ
_بالليل رجع عبد الرحيم بيته وكانت هنا بتعمل شاي وسمعته لما قال لمامتها علي عامر وانه كلمه ورفضه، هي ادايقت لانه كان عريس مناسب وبعدين وقفت جنب الباب وسمعت باباها وهو بيقول…
عبد الرحيم _
لا طبعا مش هوافق اتجوز بنتي لواحد اغني مننا بكتير، ده لو حصلت حاجه بينهم او زعلها احنا مش هنقدر نقف قدامها…
ناديه _
معاك حق يا اخويا بس سايقه عليك النبي اوعي توافق بمحمود ابن اخوك، انا لا بطيقه ولا بطيق امه وهي مش بتحبني انا وعيالي..
قام عبد الرحيم وزعل فيها وقال _
جرا ايه يا وليه انتي طيب يمين تلاته بنتي ما هي متجوزه الا محمود ابن اخويا…
على صوته ونده علي بنته وقال _
بت يا هناا انتي ياا بت…
طلعت بنته هنا وقالت _
نعم يا بابا خير في ايه؟…
عبد الرحيم بحده _
محمود ابن عمك اتقدملك وانا وافقت..
بصتله هنا بحزن وقالت _
بس محمود كان قايل للكل انه عايز يتجوز منال بنت جيرانا..
زعق فيها عبد الرحيم وقال _
ما لكيش دعوه انتي تسمعي كلامي وبس…
ناديه بحده _
طيب يا عبد الرحيم براحتك، بس لما هما يقلولك مش عايزين بنتك ابقي وقتها شوف هترد كرامة بنتك ازاي…
عبد الرحيم _
وايه بس اللي هيخليهم يقولو كده، ده صلاح اخويا هو اللي جه وطلبها..
ناديه _
مرات اخوك يا اخويا هي اللي هتقول كده، وادينا انا وانت قاعدين وهتشوف..
عبد الرحيم _
طيب اطلعي انتي منها وسبيني انا اجوز بنتي علي مزاجي انتي بس شوفي الجهاز وشوفي محتاجين اين وبس، انما الجوازه هتم يعني هتم..
ــــــــــــــــــــــــــــــــــــــــــــــ
_تاني يوم كانت هنا بتنضف في البيت وفجاه الباب خبط، راحت وفتحت ولقيت فايزه مرات عمها وواقفه وباين عليها انها متعصبه اووي وقالت..
فايزه _
غوري يا بت انتي اندهي امك من جوه..
طلعت ام هنا وقالت بحده _
انتي بتكلميها كده ليه يا فايزه هي شغاله عندك يا اختي ولا شغاله عندك؟..
اتعصبت فايزه وقالت بحده _
هي كلمه وما لهاش تاني، بنتك مش هتاخد ابني..
_اتملت عيون هنا دموع و؟؟…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امي لبستني لبس ولاد)
