رواية اميره الليل الفصل الحادي والعشرون 21 بقلم دينا قدري
رواية اميره الليل الجزء الحادي والعشرون
رواية اميره الليل البارت الحادي والعشرون
رواية اميره الليل الحلقة الحادية والعشرون
زين :ازاي بالصدفه يعني
شهد :عادي ي زين بقا متدققش
زين :طيب عموما ماتلدا دي تبقي واحده كانت في عمليه تبع شغلي انا وانا الا خليت زياد يكلمها
شهد :انت بتقول كدا عشان تداري عليه
زين :انتي عارفه اني مش بداري عليكي
شهد :يعني اي ي زين يعني انا كل دا ظالمه زياد
زين :شوفتي بقا مانتي لو جيتي وحكتيلي من البدايه كنتي عرفتي
شهد :انا سيبت البلد وسافرت اكمل شغل في الشركه الا برا بسبب الموضوع دا انا كدا كنت هدمر كل حاجه وانا مش حاسه
زين :وطبعا عشان كدا كنتي متغيره مع الكل ومش بتحكيلي حاجه
شهد :مكنش بايدي انا حبي ليه عماني اول ماعرفت انه بيكلم واحده وبيحبها حاولت ابعد
زين :عشان تنسي طبعا بس سافرتي وحبك ليه زاد اكتر بدل ما تنسيه
شهد :انا غبيه غبيه اوي ياريتني كنت قولتلك من زمان وغير كدا كمان جرحته ومشيته زعلان من البيت
زين : طبعا غلطانه بس هو مستني ردك دلوقتي وانتي في ايدك تصلحي كل دا
شهد :هحاول علي قد ماقدر اني اصلح كل دا بس برضه عايزه اغلبه شويه
زين :تاني ي شهد يبنتي الواد خلاص تعب
شهد :لا لسه هو مش هياخد اي حد دا انا شهد المنشاوي
زين :طبعا طبعا
شهد :وانت هتساعدني اني اغلبه
زين :لا خليني انا برا الموضوع دا
شهد :لا يزين هتساعدني
زين :يبنتي بلاش انا
شهد عملت زعلانه :ماشي ي زين مش عايزه منك مساعده
زين :خلاص ي قموصه تعالي هنا هساعدك بس مش هنغلبه كتير
شهد بابتسامه خبيثه :ربنا يسهل بقا سيبها للتساهيل
زين :حاسس انك ناويه علي شر
شهد :انا برضه دا انا ملاك
زين :ايوه ايوه انتي هتقوليلي ي ملاك انتي
شهد :امال اي دا انا نسمه حتي
زين :وانا شااااهد علي كدا
شهد :ايوه طبعا
زين :يلا يبت انتي من هنا عايز انام يلا علي اوضتك
شهد :بقا كدا بتكرشني طيب ادي قاعده ومش قايمه
زين :ي بنتي امشي بقا انا بكرشك يلا امشي من هنا
شهد :لا مش ماشيه
زين :ماشي ي شهد خليكي وراح طفي النور مره واحده
شهد :زين شغل النور متهزرش انت عارف اني بخاف
زين :لا عايز انام مش هشغله
شهد بعياط :شغله طيب وانا هطلع
زين : شغل النور اي دا مقصدش انك تزعلي كدا خلاص تعالي واخدها في حضنه طيب تيجي ننزل نتموشوا في الجنينه
شهد:ايوا يلا هعمل ايس كوفي ونتمشيوا تحت
زين :طيب يلا بينا
ولسه نازلين لقوا فتحيه بتفتح الباب والمقدم امجد داخل
امجد :حمد الله علي سلامتك ي بطل
زين :الله يسلمك ي فندم تعبت نفسك ليه بس انا كنت هرجع بكرا تاني الشغل
امجد :شغل اي انت معاك اجازه لحد ماتقوم بالسلامه كدا
زين :لا لا يفندم انا هرجع بكرا انا بقيت كويس
امجد :زين العمليه كبيره وخطيره وانت طلعت منها بمعجزه ومش عشان الشغل تضحي بحياتك ولا انت عايز رعد بيه يخليك تسيب المخابرات خالص
رعد دخل علي الكلام :اهلا امجد بيه
امجد :اهلا رعد باشا نسر المخابرات السابق
رعد :ولسه لو عايز ارجع تاني مكاني موجود
امجد :طبعا يفندم انت معلمنا الاول والا اتعلمنا منه كل حاجه في المخابرات والله فريقك مشتاق لوجودك
رعد :يلا بقا كبرنا ومبقاش ينفع مخاطره زي زمان
امجد :لا لا انت لسه شباب والله وصحتك تمم
رعد :لا خلاص شويه الصحه الا فاضلين يدوب علي قد اني اجوز عيالي و اشوف احفادي
امجد :ربنا يديك طوله العمر ي فندم وتشوف احفاد احفادك كمان
رعد :ان شاء الله
امجد :تعالي شوف بقا زين عايز ينزل الشغل بكرا وهو لسه طالع من المستشفي
رعد :لا طبعا مش هيرجع غير لما يكون تمم والقلب يكون تمام
امجد :قوله بقا الا مش بيسمع الكلام
رعد :اظن هو سامع كلامي وانا كلام اوامر
زين :وانا تحت امرك وعارف انك عايز سلامتي
دخلت شهد بالقهوه وحطتها قدام الكل
امجد :امال مين دي ي زين خطيبتك
زين :لا دي شهد اختي توأمي ي فندم حضرتك ناسي ولا اي
امجد :لا اصل مافيش شبه بينكوا خالص
زين :ايوا فعلا محدش يعرف اننا توأم عشان انا شبه بابا وهي شبه ماما
امجد :ربنا يخليكوا لبعض يارب امال ليل بيه فين
زين : في الشركه بيجي متاخر بس عشان الشغل كتير وعليه لوحده
امجد :ربنا معاه ويوفقه يارب
وفضلوا قاعدين شويه زين وامجد بيتناقشوا في الشغل وشهد ورعد خرجوا برا الاوضه وسابوهم لوحدهم
……….
عند زياد في الشركه قاعد بيشتغل هو وليل وفجاه تلفونه رن
زياد :معلش ي ليل هسيبك شويه عشان وعد بترن
ليل :ماشي تمم روح رد عليها
وخرج زياد من المكتب وراح يرد علي وعد
وعد :اي ي زياد في اي ي حبيبي كل دا مش بتتصل
زياد :معلش ي حبيبتي عارف اني ماسالتش عليكي بقالي كام يوم بس كان في شويه مشاكل كدا
وعد :مالك بس ي حبيبي قولي فيك اي
زياد :ولا حاجه ي حبيبتي ولا تشغلي بالك
وعد :مشغلش بالي ازاي بس
زياد :انا بخير والله ماتشغليش بالك وكمان في الشركه اهه بشتغل
وعد :بجد ي زياد انت كويس
زياد:والله كويس المهم انتي عامله اي وجايه امتي طنط خديجه بتسال عليكي
وعد :انا بخير والله +سلملي عليها هي كمان وحشاني وشهد كمان
…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اميره الليل)
