رواية امل حياتي الفصل الثاني 2 بقلم الكاتبة الصغيرة
رواية امل حياتي الجزء الثاني
رواية امل حياتي البارت الثاني
رواية امل حياتي الحلقة الثانية
في المكتب كان عمرو قاعد قدام امل اللي كانت مصدومة من اللي بتسمعه منه
عمرو : محدش لازم يعرف باللي انا قولته ي امل
امل : ي عمي مينفعش لازم اقول لايهم هو من حقه يعرف حاجة زي دي
عمرو : انتي وعدتيني انك هتوافقي علي الجواز لو عرفتي الحقيقة
امل : بس انا مقدرش احكم علي نفسي وعلي ايهم بالتعاسة
عمرو : هو ابني ي امل وانتي بنت اخويا ولو الموضوع دا كان هيتسبب في اذي لكم ولو نسبة معدومة انا اللي كنت رفضت بس انا عارف انا بعمل اي
امل : بس
عمرو : امل حبيبتي مش انتي بتوثقي في كلام عمك وعارفة اني مستحيل اأذيكي
امل : اكيد ي عمي
عمرو : يبقي تسمعي كلامي وتوافقي وانا معاكي واوعدك ان لو في يوم جيتي منه انا اللي هتصرف معاه
امل : طيب افرض انا وافقت هو بيحب واحدة تانية
عمرو : هي مبتحبهوش ي امل بتعمل دا كله عشان الفلوس وبس
امل : لا ي عمي
عمرو : انا عارف انا بقول اي والدليل علي اللي انا بقوله معايا بس مش هيطلع الا في الوقت المناسب وعلي ما الوقت دا بيجي تكوني انتي اتجوزتي ايهم ومبسوطين مع بعض
امل : انا خايفة ي عمي علي ايهم وانت اكتر واحد عارف انه متهور ومش بيفكر في الحاجة قبل ما يعملها
عمرو : من دلوقتي ايهم هيبقي من مسؤوليتك ي بنتي خلي بالك منه وانا متاكد انك مش هتسيبيه لانك بتحبيه
امل : عمي انا
عمرو : انا عارف انك بتحبيه من زمان ودا السبب اللي شجعني اكتر عشان اجوزكم لاني متاكد ان مفيش حد هيحبه قدك
امل : واخرت الموضوع دا ايه
عمرو : كل خير خليكي جمبه وهو في يوم الغشاوة اللي علي عينيه هتتشال وهيعرف مين اللي بيحبه بجد ومين اللي بيحب فلوسه للوقت دا هتكوني معاه في كل خطوة
امل : حاضر
عمرو : لا انا عاوزك توعديني
امل : اوعدك ي عمي اني مش هسيبه وهفضل جمبه حتي لو هو طلب دا مش هسيبه لوحده ابدا
عمرو : انا كدة اسافر وانا متطمن
°°°°°°°°°°°°°°°°°°°°°°°°°°°
في مكان تاني كان ايهم مع حبيبته علي يخت ملكه وكانت مبسوطة من اللي هي شايفاه لانه كان مزينه بطريقة جميلة وكاتب اسمها (هيام)
ايهم : عجبك
هيام : عحبني بس جميل اوي ي ايهم شكرا شكرا بجد
ايهم : متشكرنيش دي اقل حاجة ممكن اعملها عشانك انتي تستحقي اكتر من كدة بكتير
هيام : بحبك ي ايهم
ايهم : وانا بموت فيكي يلا تعالي نقعد بقي واللا هنفضل واقفين
هيام : يلا
طلعوا علي اليخت وهما مبسوطين وقعدوا وطول الوقت كان ايهم بيتغزل فيها وهي مكسوفة
ايهم : دي افضل الاوقات في حياتي
هيام : بتحبني بجد ي ايهم
ايهم : انا اتخطيت المرحلة دي من زمان انتي بقيتي كل حاجة في حياتي
هيام : بس هتتجوز غيري
ايهم : ومين قال كدة
هيام : انت اللي قولت ان باباك هيجوزك بنت عمك يعني هتسيبني
ايهم : انا مستحيل اعمل كدة والدليل علي كدة اني هتجوزك وهتبقي الزوجة الاولي في حياتي
هيام : اي ازاي
ايهم : هنكتب كتابنا قبل ما اتجوزها بدال هي حابة تبقي زوجتي هحققلها اللي هي عاوزاه بس هتبقي زوجة تانية
هيام : دا بجد ي ايهم
ايهم : بجد ي روح ايهم انتي هتبقي الاولي في حياتي دايما ومستحيل اسيبك حتي لو علي قطع رقبتي
هيام : بعد الشر عليك ي حبيبي
ايهم : طب يلا دلوقتي اروحك عشان متتاخريش والليل بدأ
هيام : يلا ي حبيبي
اخدها ايهم من اليخت وركب عربيته عشان يوصلها لبيتها وصل لبيتها بعربيته
ايهم : مع السلامة ي حبيبتي
هيام : مع السلامة هنشوف بعض امتي تاني
ايهم : عن قريب اوي متخافيش
هيام : تمام انا هنزل بقي عشان محدش يشوفني
نزلت هيام من العربية بعد ما سلمت عليه ودخلت علي بيتها وهو اتاكد الاول انها طلعت وبعدها مشي بالعربية اما هي فطلعت تليفونها وطلبت رقم اول ما اتاكدت انه مشي
هيام : حبيبي عامل اي
الشاب : بخير ي روحي قوليلي حصل جديد
هيام : عيب عليك واقع زي الجردل
الشاب : وقالك هيعمل اي
هيام : هيتجوزني مش قادر يبعد عني خلاص قال انه هيخليني الزوجة الاولي في حياته
الشاب : مسكين اوي ميعرفش ان اللي هيموت عليها دي هي هتكون السبب في دماره
هيام : سيبه كدة علي عماه لحد ما ناخد اللي احنا عاوزينه وبعدها نهرب انا وانت
الشاب : اكيد ي حبيبتي بس انا لازم اشوفك عشان نتفق علي بقيت الخطة
هيام : اوك هجيلك بكرة يلا تصبح علي خير
الشاب : وانتي من اهلي ي حبيبتي
قفلت هيام المكالمة وهي بتبتسم بحب ظاهر وبعدها دخلت بيتها وهي بتفكر في الخطوة الجاية
°°°°°°°°°°°°°°°°°°°°°°°°°°°°°
في القصر كان لسة ايهم داخل ومكنش في حد خالص عرف انهم اكيد ناموا طلع علي اوضته اللي في نفس طابق اوضة امل عدي علي اوضتها بس مهتمش كان لسة هيمشي سمع صوت ضحكة وامل بتتكلم مع حد
امل : وانت كمان وحشتني اوي مش ناوي تيجي واللا اي انا عاوزة اشوفك….لا مش هتطلع بحجة تاني لازم تيجي….هو كل حاجة مشغول يعني معندكش يوم اجازة تقضيه مع امل حبيبتك….خلاص وعد اول ما تيجي تتصل عليا وانا هجيلك….وانت من اهل الخير ي حبيبي
دخل ايهم عليها فجأة وهي انصدمت اول ما شافته واستغربت من طريقة دخوله اوضتها
امل : ايهم انت بتعمل اي هنا
ايهم : انتي بتكلمي مين
امل : وانت مالك اتفضل يلا اطلع برة
ايهم : انطقي وقولي كنتي بتكلمي مين احسنلك
امل : دا حبيبي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية امل حياتي)
