رواية امل حياتي الفصل الثامن 8 بقلم الكاتبة الصغيرة

رواية امل حياتي الجزء الثامن

رواية امل حياتي البارت الثامن

رواية امل حياتي الحلقة الثامنة

خرج الدكتور من القصر اما ايهم اتجه لامل وبصلها بغضب خافت امل منه لانها عمرها ما شافته متعصب للدرجة دي
ايهم بعصبيه : انتي ازاي تخبي عني دا
امل : ايهم اهدي
ايهم : اهدي ازاي هو بعد اللي عرفته دا تقوليلي اهدي
امل : انا عرفت من فترة قريبة اوي
ايهم : حتي لو عرفتي النهاردة ازاي تخبي عليا
امل : عمي والله هو اللي طلب مني متقولش ليك
ايهم : يعني يقولك انتي ومن الواضح ان هيثم كمان عارف وانا اخر من يعلم
امل : ي ايهم والنبي تهدي
ايهم : متنطقيش بكلمة مش عاوز اسمع صوتك انتوا حسستوني اني غبي ومبفهمش انكم كلكم عارفين وشايفين تعبه وانا سايبني علي عمايا
امل : والله كنت هقولك مع اني كنت واعدة عمي بس خوفت من ردة فعلك وقولت اكيد عمي في دماغه حاجة والا كان زمانه قالك
ايهم : انتي عرفتي امتي الكلام دا
امل : يوم ما عمي قالك علي موضوع الجوازة
ايهم : وليه مقالش ليا للدرجة دي مبيثقش فيا
امل : لا انا وانت عارفين اد اي عمي بيثق فيك والدليل انه سايبك انت تدير كل الشركات ومعتمد عليك فيها
ايهم : اومال اي السبب اللي يخليه يخبي عني حاجة زي دي
امل : اكيد عنده اسبابه الكل عارف انه بيفكر كويس قبل ما ياخد اي قرار
ايهم : انا لدلوقتي مش مصدق الكلام دا يعني بابا عنده المرض دا
امل : اهدي ي ايهم هيتحسن ان شاء الله
ايهم : وهيتحسن ازاي وهو رافض العلاج تماما
امل : هنقنعه هنحاول تاني معاه مش هنسيبه الا لما يوافق بس انت اهدي ومتخليهوش يشوفك كدة
ايهم : انا تعبان ي امل بجد
امل : ايهم حبيبي اهدي كدة وادعيله ربنا مش هينساه وباذن الله هيوافق انه يتعالج فاهدي كدة انا جمبك وتعالي يلا ندخله
مسكت امل ايده ودخلت لجوة اول ما دخلوا فتح عمرو عينه وبصلهم وفي ابتسامة فرح علي وشه
عمرو : تعالوا هنا
ايهم : عامل اي دلوقتي
عمرو : انا كويس اهو زي الحصان
امل : عمي ايهم عرف
عمرو : عرف اي
ايهم : ليه خبيت عني حاجة زي دي
عمرو : انا كنت هقولك
ايهم : امتي كنت ناوي تقولي يعني تقول لامل وهيثم كمان وانا لا للدرجة دي انا مستحقش ثقتك
عمرو : اوعي تفهم غلط ي ايهم انا عندي سببي اللي خلاني اخبي عليك
ايهم : واي هو انا عاوز اعرفه
عمرو : جيبيلي كوباية ماية ي امل
فهمت امل انه عاوز يكلمه لوحده فسمعت الكلام وخرجت وسابتهم يتكلموا مع بعض ويتعاتبوا
عمرو : قرب ي ايهم تعالي اقعد جمبي
ايهم : انت ليه خبيت عني الحاجة المهمة دي
عمرو : لانك كنت هتصمم اني اتعالج
ايهم : وهو دا اللي هيحصل فعلا
عمرو : انا رافض العلاج ي ايهم لاني اخدت نصيبي من الدنيا خلاص عيشت حياتي بحلوها ومرها ومبقاش في حاجة تانية تخليني اعيش
ايهم : واحنا
عمرو : بس ي ايهم بعد المرحومة والدتك انا فقدت معني الحياة بس فضلت عايش عشانكم عشان اربيكم واخليكم متحتاجوش لاي حد من بعدي لكن انا عاوز اقابل امك ي ابني ونجتمع مع بعض
ايهم : ي بابا انا مقدرش من غيرك انت عيشت دا كله وكنت ابويا واخويا وصاحبي مكنتش بخبي عنك اي حاجة عشاني انا اتعالج
عمرو : وعشاني انا سيبني علي راحتي ي ابني انا تعبت من الدنيا دي سيبني ارتاح
ايهم : لا مش هيحصل مش هسيبك الا وانت متعالج
عمرو : اسمع كلامي دا ي ايهم انا هوصيك علي امل بنت عمك انا وصتها عليك ووعدتني انها مش هتسيبك عاوزك انت كمان توعدني انك مش هتسيبها
ابدا وتفضل معاها دايما وسندها هي ملهاش غيرنا ي ايهم حافظ عليها وكون لها الراجل اللي تحتمي فيه في وقت الشدة اوعدني ي ايهم انك متزعلهاش ابدا
ايهم : انت بتتكلم كدة ليه زي ما اكون خلاص هسمحلك انك تموت لا انت مش هتسيبني وهتتعالج وهتبقي كويس
عمرو : اوعدني ي ايهم الاول
ايهم : اوعدك ي بابا ووعد الحر دين وانت عارف اني مبخلفش في وعد قطعته ابدا
عمرو : دلوقتي اقابل ربنا وانا مرتاح ومتطمن عليكم مع بعض
ايهم : بابا حبيبي ارتاح دلوقتي وانا خارج اجيبلك اي حاجة تاكلها وراجعلك
خرج ايهم من الاوضة وهو خايف حاسس باحساس وحش اوي وبخنقة في صدره وهو مش عارف مصدرها
••••••••••••••••••••••••••••
في الفيلا كانت هيام قاعدة وهي مش علي بعضها وحاسة ان في حاجة هتحصل اتصلت بايهم علي طول
هيام : ايهم حبيبي انت فين
ايهم : ايوة ي هيام انا في القصر
هيام : طيب انا عاوزة اشوفك
ايهم : مش هقدر دلوقتي ي هيام مشغول
هيام : هو في ي ايهم كل ما اقولك نتقابل تقولي مشغول
ايهم : انا الفترة دي مضغوط اوي في الشغل وياريت تتفهميني
هيام : خلاص ي ايهم انا اسفة علي ازعاجك
قفلت المكالمة وهي هتنفجر من شدة الغضب حاسة ان ايهم بيتهرب منها ومش عارفة السبب اي
هيام : ماشي ي ايهم ي انا ي انت اوعدك اني هرجعك خاتم في صباعي تاني ومش هسيبك لوحدة تانية ابدا
•••••••••••••••••••••••••••••
دخلت امل الاوضة علي عمرو وكان مغمض عينه فكرته نايم راحت تشوفه وتطمن عليه قربت من السرير
امل : عمي ي عمي انت عامل اي دلوقتي
_لا رد……
امل : عمي فوق ي عمي
مردش عليها او حتي مسمعهاش
امل : ايهم ي ايهم
دخل ايهم بسرعة وفي ايده صنية اكل سابها من ايده وقرب منهم بسرعة بخوف
ايهم : في اي
امل : عمي مبيردش عليا مش عارفة في اي
قرب ايهم منه من الناحية التانية وشاف نبضه دموعه نزلت بحزن اول ما اتاكد من اللي في باله
امل : في اي ي ايهم هو ماله
ايهم : البقاء لله
امل : لا متهزرش هو اكيد كويس انتوا اتفقتم عليا ابعد كدة انا هفوقه فوق ي عمي فوق مش انت بتحبني ومبترفضش ليا طلب انا بطلب منك اهو تفوق عمييييي
بعدها ايهم عنه وهو دموعه بتنزل علي خده بصمت وهي بتحاول تبعده عنها عشان توصله كان وفاة عمرو هي الشيئ اللي كسر قلوبهم