رواية امل حياتي الفصل الثالث 3 بقلم الكاتبة الصغيرة
رواية امل حياتي الجزء الثالث
رواية امل حياتي البارت الثالث
رواية امل حياتي الحلقة الثالثة
ايهم : انتي اتجننتي قولي مين اللي كنتي بتكلميه
كان بيتكلم بغضب وهو ماسكها من ذراعها وبيشدها ناحيته اكتر مع كل كلمة بيقولها
امل : سيب ايدي وابعد عني واوعي تتخطي حدودك معايا
ايهم : مش هسيبك الا لما اعرف انتي كنتي بتكلمي مين بالرقة دي والحب دا كله
امل : حبيبي
كانت بتتكلم وبتشد علي كل حرف بيطلع منها وكانها بتقوله مش انت لوحدك اللي مش عاوزني ودي كانت طريقة ترجع بيها كرامتها
ايهم : ولما انتي عندك حبيب وافقتي علي جوازنا ليه من الاول
امل : وانت مالك انت هتحاسبني مزاجي كدة وبعدين انا لما وافقت وافقت عشان عمي مش علشان جمال عيونك
ايهم : امل انتي بتستفزيني وكلامك بيعصبني وانتي عارفة عصبيتي بتكون ازاي فاتقي شري وحاولي تبعدي عني علي قد ما تقدري ومتظهريش قدامي لوقت ما التمثيلية دي تنتهي
امل : والله الكلام دا انا اللي اقوله ولو سمحت متحاولش تقرب مني تاني وسيب ايدي واطلع برة اوضتي
ايهم : ماشي انا هطلع من الاوضة بس وربي ي امل لو سمعتك بتكلمي حد تاني لهندمك علي اليوم اللي اتولدتي فيه
امل : متتدخلش في اي حاجة تخصني اكلم واحد اكلم اتنين دي حياتي انا وانا اللي اقرر اللي اعمله
ايهم : انا بعمل دا عشان اسمي لما سيادتك علي اساس خطيبتي وهتشيلي اسمي وماشية مع كل واحد شوية دا هيأثر علي اسم العيلة
امل : يعني انت شايفني كدة تمام شكرا ليك بجد ودلوقتي لو سمحت اتفضل امشي
ايهم : انا مكنتش
امل : كلامك كله وصلني ومتقلقش ي استاذ ايهم اسم العيلة انا هعرف احافظ عليه ومش مضطر تقولي كدة
خرج ايهم وهو حاسس بالذنب من كلامه لها هو مكنش يقصد يزعلها ويقولها كدة بس لما سمعها بتقول حبيبي اتعصب
امل كانت قاعدة علي السرير ودموعها بتنزل من الحزن والقهر بسبب كلامه وكل اللي بتفكر فيه هو ازاي شايفها كدة للدرجة دي مش واثق فيها وشايفها وحشة هي كانت بتكلم ابن خالتها ودا طفل صغير بس حبت تعصبه شوية ومكنتش تعرف انه بيفكر فيها كدة
••••••••••••••••••••••••••••••
تاني يوم صحيت امل عشان تروح جامعتها و قررت انها تروح من غير ما تفطر ودا لعدم تصادمها مع ايهم باي شكل من الاشكال
كانت لسة هتخرج من القصر بس عمرو شافها وندالها راحت له وهي مبتسمة بس اول ما شافت ايهم ابتسامتها انمحت
عمرو : بتتسحبي وراحة علي فين كدة
امل : انا هروح الجامعة لاني عندي محاضرة بدري
عمرو : طب اقعدي كلي الاول
امل : لا معلش اصل انا مليش نفس وبالشكل دا هتاخر
عمرو : ي حبيبتي مينفعش
امل : متخافش عليا ي عمو ي حبيبي انت انا هبقي اكل اي حاجة في طريقي بس دلوقتي مضطرة امشي
سلمت علي عمرو وخرجت من غير ما تبص لايهم حتي ودا اللي عصبه انها بتتجاهله ومش مدياله اي اهمية
ايهم : الحمدلله انا شبعت
عمرو : هو انت اكلت حاجة
ايهم : ايوة انا شبعت ودلوقتي هروح شغلي لاني اتاخرت
خرج بسرعة قبل ما يسمع كلامه وكل همه انه يلحق امل الاول كان عمرو بيبص حواليه ومكنش في حد الا هو استغرب من الوضع
عمرو : هيثم ي هيثم
راحله بسرعة هيثم وفضل واقف يسمع هو عاوز اي منه
عمرو : انت فطرت ي هيثم
هيثم : لسة ي بيه كنت هفطر بعدكم
عمرو : طب كويس اقعد
هيثم : ها
عمرو : انت هتفضل باصصلي كتير بقولك اقعد
قعد هيثم علي السفرة وفضل قاعد بيبص للاكل وبعدها لعمرو وهو مش فاهم حاجة
عمرو : هتفضل باصصلي كتير انا عاوزك تاكل معايا انا مش متعود اكل لوحدي والولاد خرجوا يلا كل معايا
هيثم : بس ي بيه
عمرو : مفيش بس ي هيثم كل معايا واهو نونس بعض
بدأ عمرو في الاكل هو وهيثم اللي كان متردد في الاول بس في الاخر بدأ ياكل براحته وهو بيتكلم مع عمرو
••••••••••••••••••••••••••••••
برة كان ايهم واقف مع امل اللي كانت متعصبة عليه ومش عاوزة تتكلم معاه لانها لسة زعلانه منه
امل : ايهم ابعد عن طريقي انا اتاخرت علي الجامعة ومش فاضية لشغل العيال دا
ايهم : انتي ليه بتتجاهليني
امل : لا اله الا الله انت مش ي عم انت قايلي امبارح متتكلميش معايا ومتظهريش قدامي عاوز اي مني
ايهم : وانتي علي ما صدقتي اني قولتلك كدة
امل : بقولك اي ي عمنا وسعلي كدة لاني مش طايقة نفسي والبعيد عامل زي الحيطة
ايهم : انا حيطة
امل : عندك شك لو عندك شك بأكدهولك
ايهم : انا مش هحاسبك علي كلمتك دي ويلا
امل : علي فين
ايهم : هوصلك في طريقي
امل : لا شكرا انا معايا عربيتي وبعرف اسوق
ايهم : انا مش هكررها ي امل قدامي والا هتخليني احلف ما تروحي النهاردة الجامعة
امل : دا انت بارد
ايهم : مقبولة منك ويلا دلوقتي
ركبت امل معاه العربية وهي في دماغها سيناريوهات كتيرة وهي بتموته فيها بس مش قادرة تتكلم
•••••••••••••••••••••••••••••••
وصل ايهم للشركة بعد ما وصل امل دخل بس قبل ما يدخل مكتبه اتفاجئ بوجود هيام قدامه وهي بتعيط
ايهم : في اي ي حبيبتي بتعيطي ليه
هيام : مش هنا الكل بيتفرج علينا
ايهم : تمام تعالي ندخل المكتب
اخدها ودخلوا لجوة وهو مش عارف اي اللي اتسبب في زعلها لدرجة انها تعيط
ايهم : تعالي ي حبيبتي جمبي وقوليلي بتعيطي ليه
هيام : انا مبقتش قادرة خلاص ي ايهم
ايهم : ليه في اي اي اللي حصل
هيام : بعد ما انت سيبتني امبارح علي طول طلعت فوق واول ما لقيت ابن عمي واقف وشافني وانا نازلة من العربية ضربني وصمم اني مش اقابلك تاني بس انا جيت من وراه وانا مش عارفة اعمل اي
ايهم : ابن عمك دا متقلقيش منه انا هكلمه وهعرفه اني هتجوزك
هيام : بس انا خايفة انه يرفض
ايهم : متخافيش طول ما انا معاكي انا هتصرف بس انتي متعيطيش
هيام : شكرا ليك بجد
ايهم : وانتي بتشكريني ليه ي هبلة انتي هو في شكر ما بينا
هيام : انا همشي وهسيبك دلوقتي عشان شغلك
ايهم : تمام ي حبيبتي وانا في اول فرصة هتكلم معاه وهقوله
خرجت هيام من المكتب ومن الشركة كلها واتصلت علي الشخص المجهول اللي بتكلمه
هيام : الو ايوة خلاص كدة نتاكد انه هيتجوزني ومش هيرجع في قراره….تمام انا هجيلك في المكان نفسه باي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية امل حياتي)
