رواية امتلكت النمر الفصل السادس عشر 16 بقلم ملك شكري
رواية امتلكت النمر البارت السادس عشر
رواية امتلكت النمر الجزء السادس عشر
رواية امتلكت النمر الحلقة السادسة عشر
اتفتح الباب بهدوء ودخلت بسمه: ومين قالك انك هتاخدي حاجه مش بتاعتك انا اكتشفت اني بحب نمر اه بس حب اخت لأخوها كل ده كان اوهام ابدأي حياتك مع نمر ياحور نمر بيحبك وانا كمان شوفتك من جهه تانيه وحبيتك واتمنى تسامحيني على كل الي عملتوا معاكي وانتي صغيره بس كان الحقد عامي قلبي قبل عيني
حور ابتسمت بصدق: انا مش زعلانه منك يابسمه وبعدين انا نسيت كل حاجه
بسمه قربت خطوتين وكأنها بتستأذنها وفتحت حور دراعها ليها حضنتها بسمه وهي بتعيط بصوت عالي
ابتسم نمر ليهم
بسمه خرجت من حضن حور ومسحت دموعها: خلاص بقا ياحور ميبقاش قلبك اسود نمر بيحبك وعمل كده علشانك كان عايز يتأكد من حبك بس
حور بتفكير مصطنع: ممم هفكر
نمر: نعم يختي مفيش تفكير احنا هنخرج من هنا على البيت نتفق على ميعاد الفرح من غير نقاش
ضحكت بسمه وغمزت ل حور المكسوفه
عند زين لقا فونه رن ب اسم اسيل اتنهد بعشق ورد عليها
زين بحب: الو
اسيل بخجل: الو
زين: عامله اي
اسيل: الحمدالله وانت
زين: انا كويس اخوكي عمال يحب جوا ورميني انا هنا
ضحكت اسيل ضحكه ساحره
اتنهد زين: بحب ضحكتك اوي
اتكسفت اسيل
زين بنفاذ صبر: اسيل هنخرج من هنا وهروح لابوكي واقوله ياعم كريم انا بحب بنتك جوزهالي عشان مخطفهاش منك
اسيل خدودها احمرت بخجل
زين: اسيل ونبي استعملي معايا كلمات انا مش شايفك حاليا
اسيل: احم حاضر
زين ابتسم: اسيل
اسيل:ها
زين: انا بحبك
اسيل اتكسفت جدا من اعترافه الصريح ليها:احم احم شكرا
زين: هو انا بقولك تعالي اعزمك على اتنين شاي هو ايه الي شكرا يا اسيل انا بقولك بحبك وبحبك من زمان بس اخوكي الله يسامحه ممرمطني وكل ما اجي افتح معاه الموضوع تحصل بلوه
ضحكت اسيل عليه
بعد أسبوعين
في قصر النمر في القاهره
الكل كان بيجري ف كل حتى مستعجلين
نمر: ياناس فين مراتي حرام عليكوا
ناهد: اتلم ياواد
نمر بزهق: يا امي بقا ونبي مش هتبطلي كلمه اتلم دي كل ما اقول فين مراتي متحسسنيش اني شاقطها
ناهد بشهقه: شا اي يخويا
نمر بمرح: قطها شاقطها يا امي
ناهد حدفتوا بالمخده ولكن جت ف كريم الي كان معدي من جمبهم
ناهد بحرج:اسفه ياكيمو والله هو الحيوان ده الي جنني
نمر بغمزه: هو يتقالوا كيمو وانا اتحدف بالمخده ماشي ماشي ياناهد
كريم: ياض اتلم شويه ولا يهمك يانودي
نمر بضحك: نودي وكيمو اي جو العشق الممنوع ده المهم فيننن مرااااتي
بسمه جت من وراه بضحك: اولا لسه كتب كتابكوا انهارده يعني متتحسبش مراتك ثانيا متتريقش لاني عارفه الدلع الي حور بتقولهولك ف بلاش اسيحلك بقا
نمر بطريقه مضحكه: استري عليا ربنا يستر عليكي
زين بفضول: قولي ونبي قولي
اسيل بضحك: اه قولي قولي
بسمه بضحك: اقووول
نمر: ورحمه امك وابوكي لا
بسمه بضحك: الله يرحمهم يخويا
بسمه وهي تستعد للجري: بتقولوا يانموري ونيمو اجري يامجدييي
طلع نمر يجري وراها وهو بيخلع الحزام: نهارك اسود يابسمه
بيجري وراها وهي بتلف حوالين الكنب
اما عن باقي العيله ف كلهم مش قادرين يبطلوا ضحك واسيل وقعت ف الارض من الضحك
زين بعيون مدمعه من الضحك: خلاص بقا يانموري قلبك ابيض
عز بضحك هستيري: نمر قلب قطه خالص
نزلت حور من فوق: في ايه ياجماعه
استخبت بسمه وراها: الحقيني بالله
حور بضحك: في ايه يانمر
نمر: حاسبي ياحور وربنا ما هسيبها
حور زعقت بملل: اقف ياض بقا وانتي يازفته اوعي من ورا ضهري
وقف نمر مكانه
اول ما العيله شافت كده فتحت ف الضحك مره تانيه
كريم بضحك: وكمان مسيطره الي يشوفك دلوقتي ميشوفكش من كام سنه
اسيل بهستيريه ضحك: على رأيك ياحجوج ياخساره يانمر
نمر: لا اعذريني ياحور بقا
واتحرك متجهه ل زين وعز واسيل الي طلعوا يجروا وهما بيصرخوا
دخل فارس من باب القصر لما الخدامه فتحتلوا: اي ده هي الحرب العالميه التالته جت تاني ولا ايه
بسمه اول ما شافتوا اتعدلت وفضلت تظبط شعرها
حور بصوت واطي: مظبوط يامنيله اتهدي فضحتينا
بسمه: احم عادي على فكره في ايه
حور: انتوا لسه قاريين فاتحه من تلت ايام ها اتلمي
بسمه: يوووه
بعد وقت طلعوا البنات على فوق بعد ما جيه طقم البيوتي سنتر الي هيعملهم الميكب
خلصوا كل حاجه وجيه المأذون وكان فيه معازيم في الجنينه وكان فيه ديكور جميل معمول ف الجنينه نزل نمر واول ما نزل الكل سقف وهلل
وقف بأنتظار اميرته
نزلت حور بخطوات انيقه بفستانها البيبي بلو الرقيق والميكب الخفيف
نمر كان في عالم تاني اول ما بص ف عيونها الي فيهم سحر بيجذبوا كل مره بيبصلها فيها
مسك ايدها وقعدوا على الترابيزه وابتدا المأذون بكتب الكتاب وانهى بجملته الشهيره
(بارك الله لكم وبارك عليكم وجمع بينكم في خير)
انتشرت الظغاريط والاغاني والتهنيئات
قام نمر وجري على حضن حور حضنها بتملك وعشق كبير جدا باين ف عيونه: مبارك يامراتي
حور ببتسامه: الله يبارك فيك ياحبيبي
زين جري على كريم وقال: ونبي ياحج اكسب فيا ثواب وبدل ما ابقا انا واسيل مخطوبين نبقا كاتبين كتاب ونبي ونبي ونبي
كريم ضحك على تصرفاته وبعد اقناع وافق وتم كتب كتاب اسيل وزين كمان الي قام بسرعه وحضنها واتنهد برتياح: اخيراا
فارس. واقف جمب بسمه وقالها بصوت واطي: عقبالنا
بسمه ابتسمت بخجل: يارب
عدا اليوم بفرح على جميع ابطالنا
في اوضه كريم وناهد
ناهد بسعاده: مش مصدقه اني شوفت ولادي بيكبروا وكمان بيتجوزوا قدام عيوني
كريم باس ايدها بحب رغم كبر سنهم لكنه بيعشقها: ربنا يخليكي لينا يانونا وتفرحي بأحفادهم كبروا وكبرونا معاهم
ناهد: فين ده ده انت لسه شباب ده انا اخاف تتعاكس مني
عدا تلت ايام وجيه يوم فرح حور ونمر اليوم المنتظر
كانت حور في اوضه ف الفندق مع نور صحبتها واسيل وبسمه والبنات الي تبع البيوتي سنتر
كانوا البنات مشغلين اغاني ومندمجين وبيرقصوا بسعاده وبعد وقت خلصت حور الميكب ولبست فستانها الابيض وكانت حوريه بجمالها الخاطف للأنفاس
انبهروا البنات بيها وبجمالها
اسيل: ياشيخه ده انا بنت وبعاكسك
ضحكت حور
بنت من البيوتي سنتر: بسم الله ماشاء الله قمر بجد ربنا يحفظك
حور: شكرا ربنا يخليكي
البنات كمان جهزوا ولبسوا الفساتين الموحده الي كانت باللون النبيتي كانت فساتين بعد الركبه سواريه حلوه جدا وهيلز سيلفر وهيربيز رقيق وميكب خفيف وكانوا البنات شبهه الملايكه
عند الشباب جهزوا كلهم وجيه الوقت ان نمر ياخد حور عشان ينزلوا للقاعه
خرجوا من الاوضه الي كانوا واخدينها ف الفندق وراحوا ل اوضه البنات خبط نمر الباب فتحتلوا اسيل
نمر ببتسامه: قمر ياحبيبه اخوكي
اسيل: روح قلبي انت حور زي القمر يانمر
زين بغمزه: ايه الحلويات الي بتفاجئ الواحد مره واحده دي
اسيل بخجل: احم شكلك حلو بالبدله
زين سند على كتف نمر بهيام: هو في كده ياناس
كان بيبصله نمر وقال: وبالنسبه ل كيس الجوافه البايظ الي انا ساند عليه ده ايه نظاموا
زين: ياعم وربنا مراتي مراااتي
نمر: وسعي يابت انتي وجوزك الملزق ده عايز اشوف مراتي
دخل نمر كانت حور لافه وشها
نمر: لا انا مليش ف الجو ده
راح ناحيه وشها بسرعه ووقف منبهر قصاد كتله الجمال دي: انتي بجد
حور بضحك: لا بلاستيك
نمر: اي القمر ده ياحور انا مش مصدق نفسي
حور بسعاده: ولا انا
نمر بعشق: انا قولتلك انهارده اني بعشقك
حور بتمثيل للزعل:لا مقولتش
باس نمر راسها: بعشقك ياحوري
فاقوا على صوت الشباب والبنات وهما ببصولهم بهيام: هيييح
فارس: اوعدنااا يااارب
نمر بفصلان: يا اخي نفسي ف مره استنفع منكوا ب حاجه بوظتولي ام الحظه يلا يابنتي نروح للناس الي نامت ف القاعه دي
ضحكوا عليه ونزلوا كلهم تحت كانت كل الناس بتباركلهم لحد ما خرجوا برا الفندق وركبوا عربيه متزينه بطريقه حلوه جدا كان زين سايق وجمبوا اسيل وورا نمر وحور الي ف عالم تاني لوحدهم
نمر: تعرفي اني بعشقك
حور بمشاكسه: واعرف منين
نمر: تحبي اثبتلك
حور بضحك: ازاي يعني
نمر:هتشوفي
فتح نمر شباك العربيه وخرج راسه وقال بجنون وبصوت عالي: ياجماعه انا بحب البنت دي الي هتبقا مراتي
بعد كام ساعه وهي مش مصدقه اني بحبها انا بحب حور وبعشقها ياناااس
كان فيه عربيه شباب فضلوا يعملوا كلاكس كتير وشغلوا اغاني وخرج شاب منها قال بمرح: بوظت هيبتنا قدام البنات حرام عليك
ضحك نمر: اعمل اي بحبها بقا عقبالك
الشاب: يااارب دي ممرمطاني
شاب تاني: اوعدناا ياارب
كل ده وحور ميته ضحك وهي بتسمع كلامهم
بعد وقت وصلوا القاعه وقبل ما يدخلوا قال نمر: استني هنا
حور بستغراب: ليه
نمر: استني بس
دخل نمر القاعه الاول واتفق مع الناس الي بتشتغل هناك والمعازيم. مستغربه
كريم بستغراب: في ايه يانمر
نمر: هتعرف دلوقتي
انوار القاعه اتطفت كلها ووقف نمر في نص القاعه ماسك بوكيه ورد خرافي وكان شكله زي الأمراء الي ف ديزني
كانوا البنات بره مع حور ووصلت عربيه شبهه العربيه بتاعه سندريلا
حور بنبهار: واااو تحفه بجد
بسمه: يلا اطلعي ياحور
حور بصدمه: اطلع فين
اسيل وهي بتزقها: يلا باااس
دخلت حور واتحركت العربيه ل داخل القاعه الفخمه
اول ما دخلت النور فتح وباب العربيه اتفتح نزلت حور من العربيه بنبهار من منظر القاعه ومنظر نمر الخاطف للأنفاس
حور بصدمه وانبهار: نمر انا مش مصدقه
نمر بفرحه: ربنا يخليكي لقلبي
حضنته حور بسعاده وبتدعي ربنا تدوم فرحتهم
دخلوا ورقصوا سلو على اغنيه فيروز انا ل حبيبي
(انا ل حبيبي وحبيبي الي ياعصفوره بيضا لا بقا تسألي لا يعتب حدا ولا يزعل حدااا انا ل حبيبي وحبيبي الي..)
خلصت الاغنيه وراحت حور ناحيه الدي چي تحت انظار نمر خدت مايك واتكلمت بفرحه باينه ف نبره صوتها:عايز الكل يركز هنا
بصت ل نمر بمشاكسه: مش لوحدك الي بتعرف تعمل مفاجأت
اشتغلت شاشه عرض كبيره واتحطت صوره حور ونمر وهي عندها عشر سنين وهو خمسه وعشرين سنه اشتغلت ميوزك هاديه واتكلمت حور بعيون مدمعه من الفرحه: ده كان اول يوم مدرسه ليا وانا لسه عشر سنين وكان معايا نمر وكان اليوم ده كان بقالنا شهر مع بعض كان نمر مبسوط اكتر مني وحسيت اني بنته وحتى منه كان مهتم بكل لحظه ف حياتي
اتحطت صوره تانيه يوم عيد ميلادها ال 11
حور: وده كان يوم عيد ميلادي ال 11 كان اول حاجه احتفل بيها مع نمر كان يوم فرحان جدا يمكن اكتر مني كان بيجهز كل تفصيله عشان اليوم يبقا مش ناقص حاجه
اتحطت صوره تانيه يوم عيد ميلاد نمر: والصوره دي كان عيد ميلاد نمر كنت مبسوطه اوي وكنت بحاول اعمله مفاجأه قبل ما يجي وكان يوم حلو جدا وفرحه نمر لحد دلوقتي منسيتهاش
اتحطت صوره تانيه وهي اول يوم ف تالته ثانوي: واخر صوره وهي اول يوم ليا ف تالته ثانوي ساعتها نمر سألني سؤال قالي انتي ليه بتحاولي تسجلي كل لحظه ف حياتنا او ليه بتصوري ف يوم زي ده بالذات معرفتش اجاوبوا لكن دلوقتي اقدر اجاوبوا وبكل جرائه
بصت ل نمر بعيون بتلمع بعشق: انا كنت بصور كل ده عشان كان نفسي اليوم ده يتحقق كنت بحلم باليوم ده كل يوم قبل ما انام وكنت بحلم باللحظه دي الي اجمع فيها كل مراحل حياتنا مع بعض واحطها ف فيديو واحد وانهي الفيديو ده بصورتنا وانا بالفستان الابيض وانت بالبدله وخلاص اتحقق وقدرت اوصل لحبك الي كانت اكتر حاجه بتمناها اسفه طولت عليكوا بس هنهي كلامي بأني بعشقك يانمر
نمر كان واقف في حاله من الذهول والصدمه والانبهار والسعاده قلبه كان هيخرج من مكانه هو كان بيتمنى اليوم ده من سنين واخيرا اتحقق
نمر بعيون مدمعه: انتي كل امنياتي انتي اكبر انجاز ف حياتي بعشقك ياحور انتي طفلتي الي امتلكت قلبي طفله امتلكت النمر
نهى كلامه واشتغلت اغنيه عشانك انا قادر اكمل
(عشانك انا قادر اكمل عشانك قادر اتحمل وكل مره بشوفك بحبك تاني من الاول)
*بعد عشر سنين*
نمر: انا عملت ايهه ف حياتي عشان ربنا يرزقني ب اتنين لا اتنين ايه ب تلاته هبل ومجانين ونص عقلهم ضارب
سيف: والله عيب ياكبير الي بتقولوا ده انا اصلا مش عارف كنتوا عايشين من غيرنا ازاااي
نمر وهو بيخلع الحزام: ممم تعالى يا ابن الجزمه انا هقولك عايشين ازاي
طلع سيف يجري: الحقونااااي نمر عايز يقتلنااااي
روجي: مخلاص بقا ياناااس زهقت من موضوع كل يوم ده اقتلوا يانمر وخلصنا
نمر وقف بصدمه: نمر نمر حاف كده
روجي بتريقه: احطلك عليها مربه
نمر: يابنت الظريفه
وطلع يجري وراها هي كمان وبقا سيف وروجي يجروا ووراهم نمر بالحزام
خرجت حور من المطبخ: ام الحرب العالميه التالته الي مبتخلصش دي اي يانمر في ايه
نمر بأعراض الجلطه: في ان ابنك بيقولي عايز اروح النادي بقولوا احنا معزومين عند عمك زين بيقولي ما انا هاخد بنته اسيل وهنروح النادي سوا ابنك مظبط البت من ورانا ياحوور
حور مسكت سيف من هدومه: حصل الكلام ده ياواد
سيف: يووه ما بنتك هي كمان بتقعد تلعب مع عمر ومش بتتكلموا
حور: ياواد هتجلطني ياولا لو سبتوا عليك مش هيرحمك
نمر بطريقه مضحكه: هو انا كلب ياحور ياحور متجلطنيش انتي كمان
حور: يوه مقصدش يانموري
نمر ببتسامه: قلب نمورك
سيف وروجي: ثبتتك يامعلم
نمر طلع يجري وراهم
حور من جوا: اجروا عند عمكوا عز هيبلعكوا هيبلعكوا
جريوا سيف وروجي على فيلا عز الي جمب فيلتهم على طول فضلوا يخبطوا وهما بينهجوا من الجري
فتحت نور: في ايه ياولاد
سيف وهو بينهج: وسعي يانور وسعي
دخل سيف وبتبصله نور بصدمه لسه هتقفل الباب
روجي: حاسبي يانور كده عزوز انت فين
نور بصدمه: وربنا دول ما عيال
دخلت نور: كالعاده نمر جري وراكوا هو انهارده يومنا عشان تستخبوا عندنا
سيف: اينعم
نزل عز من فوق: بتفكروني ب نفسي وانا صغير كنت بخلي نمر يلف ورايا البيت كلوا جري بالحزام
ضحكوا كلهم عليه وقعدوا مع بعض ونزلوا ولاد عز فيروز ورحيم
جيه اليل وراحوا كلهم فيلا زين واتجمعوا في جو مليان بهجه وفرحه
نيروز بنت بسمه: تعالوا نتصور كلنا
اسيل: اه يلا يلا
فعلا اتجمعوا كلهم ف مكان ووقف نمر ف الاول ماسك الفون وجمبه حور ووراهم باقي العيله
حور بمشاكسه: قولوا تشيييز
كلهم ف وقت واحد: تشييييز
اتصوروا وقعدوا مع بعض ف سعاده
رحيم: تعالوا نلعب لعبه
فيروز: لعبه اي
رحيم: لعبه الازازه صراحه او عقاب
نمر: اه اه عرفناها يلا
لفوا الازازه وجت ان نمر يسأل سيف ابنه بصله بشر: عقاب ولا صراحه انا ك نمر انصحك بالعقاب لان سؤالي مش هيعجبك
سيف: لا لا صراحه
نمر بصلوا وبص ل حور: مين الي كسر الطقم الي جبناه من السعوديه الاسبوع الي فات انت ولا زي ما قولت روجينا
سيف بص ل حور الي بتبصله بترقب: قول العقاب يانمر قول
نمر ضحك بتفشي: قوم نط ف البسين
اسيل: لا يا اونكل حرام الجو برد
نمر بجلطه: لم بنتك يازين ونبي عشان متجلطش قوم ياااض
قام سيف: ربنا ع الظالم والمفتري
نط ف البسين وضحكوا كلهم على منظروا
لفوا الازازه وجت على ان فارس يسأل نمر: صراحه ولا عقاب
نمر: صراحه
فارس: اي اكتر وقت حسيت فيه ان ربنا بيحبك بجد
نمر ببتسامه واسعه وعشق: لما حور سامحتني ورجعتلي بالسلامه عرفت ان ربنا فعلا بيدي للواحد كذا فرصه عشان يروح للطريق الصح وفعلا حور سامحتني واتجوزنا وبقا عندنا قرد وقرده اهم ولسه لحد دلوقتي بموت فيها
حور بحب: ربنا يخليك ليا
وكده انتهت قصه طفله امتلكت النمر اتمنى تعجبكوا ولو عجبتكم النهايه قولولي باااي♥️✨
لقراءة الرواية كاملة اضغط على : (رواية امتلكت النمر)
