رواية امبراطورية بابا الفصل الخامس 5 بقلم هنا محمد
رواية امبراطورية بابا البارت الخامس
رواية امبراطورية بابا الجزء الخامس
رواية امبراطورية بابا الحلقة الخامسة
في فيلا كبيرة كان عبدالله قاعد بيتفرج على الافلام القديمة كالعادة.. ايوا جاب فيلا عشان الامبراطورية كبرت مبقوش مجرد ولاده بقى في احفاد كمان! بس مش عايشين معاه بييجوا زيارات ايام معينة وساعات بيباتوا واللي عايشين معاه هما جميلة وسليم وروان وسليم في الجيش.. ايه ده الجرس رن! عبدالله نده على روان تفتح الباب وراحت فتحته.
روان: سليم!!
سليم: انا خدت حريتي يا سادة الكرام
عبدالله راح لسليم بعكاز لأن رجله بقت وجعاه وكبر السن اتمكن منه: سليم انت جيت
سليم باشتياق: بابا
سليم جه يحضن باباه وعبدالله راحله وضر. به بالقفا وقال: مش كنت تقول يا حيوان انا عامل سبانخ النهاردة
سليم ضحك: هاكلها يابابا هاتولي اي حاجة تتاكل وانا هاكلها بجد
عبدالله: كنت قول كنت عملتلك مكرونة بشاميل اللي بتحبها
سليم: والله يابابا السبانخ بقت اكلتي المفضلة حد لاقي
روان: تلاقيك كنت بتاكل حجر هناك
سليم: انيل والله
روان ضحكت وعبدالله قال: كنت تقول برضو عشان اجيب اخواتك وولادهم
سليم: ما انا عشان كده محبتش اقولك عشان انا عايز انام سنتين لقدام بجد.. هي فين جميلة
روان: في المستشفى زمانها جاية كمان ساعة
سليم: بجد! ماشي ابقوا صحوني بعد بكرا
روان: مش كانت ابقوا صحوني لما تيجي؟
سليم وهو طالع السلم: انا كنت في الجيش يا اختاه
عبدالله قعد على الكرسي وقال ببرود: اعمل حسابك اخواتك جايين بليل
سليم: يوهه
عبدالله: بتقول حاجة؟
سليم: ينوروا يا حج
عبدالله: برافو عليك يا ابني.. محسسني انه الوحيد اللي دخل الجيش والله
روان: طيب يابابا انا رايحة الدرس عايز حاجة
عبدالله: ايوا جيبي معاكي حاجات حلوة لاحفادي
روان: من عنيا يا كبير
عبدالله: واياكي تزوغي مع رامي ها!! فاكراني كبرت ومش عارف
روان باحراج: رامي مين؟
عبدالله بحدة: مش عليا يا روان سامعة حذرتك المرة دي.. المرة الجاية هحرمك من الخروج من اساسه
روان سكتت ومردتش وعبدالله بص على التلفزيون تاني وهي خرجت بسرعة
__________________________
في المستشفى
خرجت جميلة من اوضة مريض لقت خطيبها “فادي” في وشها
– بتعمل ايه هنا؟
فادي: استأذنت من باباكي و جيت عشان اخدك افسحك
جميلة: بجد! هنروح فين
فادي: في مكاننا المفضل يا عزيزتي
جميلة: بس انا لسة عندي شغل
فادي: مش مشكلة هستناكي عقبال ما تخلصي
جميلة بابتسامة: براحتك بس هتزهق
فادي: مستحيل ازهق وانتِ معايا اساسا
جميلة وسعت ابتسامتها ودخلت لاوضة الكشف عشان تكشف على المرضى وفادي كان جنبها بكل خطوة بتخطيها وكانت جميلة سامعة همسات الممرضات على جماله وهي ادايقت جدا
جميلة بضيق: اخرج برا
فادي بعدم فهم: افندم؟
جميلة بصوت عالي وكانت بتبص على الممرضات: هخلص مع الحالات يا حبيبي وخطيبي وكمان شهرين هتبقى جوزي بسرعة وجيالك
وبعدين لفتله وقالت بحدة: يلا
فادي ضحك: تمام يا زوجتي المستقبلية حب حياتي وبعدين همسلها: انتِ دلوقتي غيرتي؟
جميلة: انا؟
فادي: ايوا
جميلة: لا مغيرتش هغير من مين يعني
فادي: تؤ غيرتي عليا
جميلة: لا مغيرتش
فادي: متأكدة
جميلة: مش مصدقني ولا ايه
فادي: مصدقك طبعا اقدر اكدبك؟
جميلة: يلا امشي وجيالك كمان ربعاية
فادي غمزلها وضحك: ماشي يا مسيطرة
____________________هنامحمد___________
بيري: على فكرة ما انت لو كنت بتهتم
طارق: عملت ايه يا بيري تاني اشجيني
بيري: مش هقول اعرف لوحدك
طارق: بيري
بيري: ها؟
طارق: بحبك
بيري بتوتر: ماشي
طارق بمرح: بقالك خمس سنين عايشة معايا ولسة بتتوتري.. فين حورية؟
بيري: مجنناني متفكرنيش بيها
طارق: ليه بس دي كيوته وبسكوتة
بيري: كيوتة وبسكوتة؟ انا مستحمتش بقالي اسبوع انت متخيل مش لاقية وقت بجد مش لاقية وانت في الشغل طول اليوم ولما بترجع بتنام وانا بقعد معاها كل ده وهي مبتنمش مبيجلهاش نعاس والله انا تعبت
طارق: طب اهدي..
كان لسة هيتكلم سمعوا صوت عياطها بيري قعدت على الكرسي بتعب وطارق بص ليها بحب وقعد على الارض قدامها وقال بحنية: خشي استحمي وانا هنيمها يلا
بيري بحزن: لا خش نام انت.. انت جاي تعبان برضو
طارق: يلا يا بيري اسمعي الكلام وحطي ماسكات على وشك براحتك هقعد معاها طول اليوم
بيري: تمام شكرا
طارق باس ايدها وقال: ده اللي لازم اعمله يابيري اساسا اسف ان اتلهيت عن مساعدتك الفترة دي
بيري ابتسمتله بحب ودخلت الحمام وهو راح شال بنته اللي كانت بتعيط وقال:
-ينفع كده مجننة مامتك.. عايزة ايه احكيلك حدوتة ولا العب معاكي.. ممكن ننام بقا
وكان بيهزها في حضنه وجاله اتصال ورد عليه: مين؟
عبدالله: مش تشوف يابني ادم مين اللي بيرن عليك افرض البوليس
طارق: بوليس ايه يابابا اللي هيكلمني
عبدالله: انا كنت هقولك ايه حاسس انها كانت حاجة مهمة
طارق: ايه هي يابابا
عبدالله: استنى افتكر.. روان لا جميلة لا كان مين تاني عايش معايا هنا
طارق بفرحة: سليم رجع!
عبدالله: الله ينور عليك ايوا الواد الرخم ده رجع وكلم اخواتك وقولهم ييجوا عشان الفاصل هيخلص كمان دقيقة ومش هلحق
طارق: فاصل ايه؟
عبدالله: الفيلم ياغبي
طارق: اههه حاضر يابابا هكلمهم و.. ايه ده قفل في وشي مكنش العشم بجد ياحج.. تيجي نكلم خيلانك وخالاتك يلا بينا.. وقفي عياط ونامي ابوس ايدك بيري مستحملاكي ازاي
____________________
بليل كلهم اتجمعوا بالفعل وكان سليم نايم.. اتسحبوا لاوضته ودخلوها وفجأة كلهم فرقعوا بلالين جنب ودنه
سليم بخضة: قايم اهو يا حضرة الظابط..
ولسة هيكمل رشوا عليه تلج
سليم: يا كلاب ومسك مروج اللي بقا عندها 9 سنين وقعد يزغزغ في بطنها وحدف المخدة على زين وملك وقام يجري وراهم وعايز يضر. بهم واحد واحد
طارق وهو بيجري: خلاص بنهزر ياعم مبتهزرش
سليم: لا مبهزرش
روان: يابااااباااااا الحقنااااا
سليم نط عليها ووقعها على السرير وقعد يضربها بالمخدة
سليم: انا متأكد انك صاحبة الفكرة دي يا حلوفة
روان: انتوا بتتفرجوا هيمو. تني
زين: ماهو هيمو. تنا لو اتدخلنا
روان: ياسليم خلاص المسامح كريم
سليم سابها وقال: عندك حق
ومسك قزازة الماية اللي كانت جنبه وفي اقل من ثانية دلقها عليها وقال: بس انا مش كريم يا رورو
روان: منك لله يا اخي
سليم بص ليهم وقال بهدوء وكإنه معملش حاجة: الحج عمل اكل ايه ولا لسة عامل سبانخ
عبدالله جه عليهم في الاوضة: لسة عامل سبانخ
هدير (زوجة زين): متقلقش يا سليم جبت فول وطعمية وانا جاية
سليم: كان نفسي اقول تسلمي يا هدير بس انا كرهت اسمهم من كتر ما انا عمال اطفحهم هناك فمش عارف اقولك ايه بجد!
عبدالله: اختار سبانخ او فول وطعمية
سليم: الاتنين انا جعان
مريم: مفجوع والله
سليم: اومال فين اسلام ويونس مش ظاهرين
عبدالله: اسلام بيجيبه من التمرين وجاي
سليم: ايه ده هو بيلعب كورة
عبدالله ضحك: لا ملاكمة خاف منه
سليم بثقة: انا كنت في الجيش على فكرة هو اللي يخاف مني
عبدالله: خلي ثقتك تنفعك يا اخويا.. يلا غيري هدومك يا روان لاحسن تاخدي برد
روان حركت راسها بمعنى حاضر بهدوء وراحت لاوضتها
سليم: طب وجميلة لسة مجتش هي الساعة كام اصلا
عبدالله: جميلة مع خطيبها مش فايقالك
سليم: الندلة
ملك خبطته بايدها: متقولش على جميلة ندلة متفرحش شوية مع خطيبها يعني مهي قاعدة معاك ليل نهار
سليم بسخرية: دلوقتي بتدافعي عنها؟ الله يرحم لما كنتوا بتقصفوا جبهات بعض
عبدالله تجاهلهم: يلا يا احفادي الجُمال جيبتلكوا حجات حلوة كتير
ستوبب! تعالوا اعرفكوا على احفاد عبدالله
ولاد اسلام
يونس: اكبر حفيد فيهم بقا عنده 13 سنة وعارفينه من الجزء الاول بس الفرق ان شخصيته اختلفت وزي ما بيقولوا عقله اكبر من سنه واكتر حاجة بيحبها مؤخرا الملاكمة
مروج: اخت يونس.. عندها 9 سنين اكتر حاجة بتحبها الرسم وبتحب تقعد مع عبدالله وروان كتير ولو مريم جت بتقعد معاها وتتعلم منها الرسم
قمر: اختهم الصغيرة واسلام ونور (زوجته) انها الاخيرة عندها 5 سنين شبه يونس في الشكل لكن الشخصية مروج وكإنها نسخة منها على هيئة يونس وعندها لدغة بسيطة في حرف الراء
ولاد طارق
عمر: عنده 4 سنين والطفل الهادي الوحيد اللي في العيلة شبه طارق في الشكل الى حد كبير
حورية: بيبي عندها سنتين واخدة ملامح بيري وواضح عليها الشقاوة
بنت ملك
دنيا: عندها 3 سنين واتعلمت مشي من شهرين وبتبدأ تتكلم لسة عاملة ميكس بين ملامح ملك وشادي
نرجع بقا تاني!
عبدالله كان بيخرجلهم الحلويات من الكيس وهما كانوا بياكلوا
مريم جت من وراه وقالت: بابا انت زمان كنت بتقول ان الحجات الحلوة مش مفيدة ومكنتش بتأكلهالنا
عبدالله: اسكتي يابت احفادي ياكلوا اللي عما عايزينه
زين: بيحبهم اكتر مننا والله
عبدالله: دي حقيقة انساكوا ومنساش حبايبي
سليم: ادي الغدر بعينه
والجرس رن
ملك: ياترى اسلام ويونس ولا جميلة
مريم راحت تفتح الباب وفتحته وقالت: جوزك يختي
ملك بفرحة: شادي
وراحت حضنته وهو حضنها بابتسامة وحب
روان جت بعد ما لبست وقالت: لا متبقوش رومانسيين كده عشان خاطر الحج انا كنت بحب خناقتكوا
ملك: لا ان شاءلله ربنا ما يرجع خناقات
سليم: قالوا الحب له علمات؟
شادي: وانا اقول حياتنا مخروبة ليه اتاريكوا باصين لينا بعنيكوا دي
عبدالله: عارف ايه اول خطوات النجاح في جوازك
شادي رح سلم عليه باحترام وقال: ايه ياحج
عبدالله: انك تبعد ملك عن سليم وروان عشان هما لسة سناجل عندهم جفاف عاطفي
شادي: عندك حق
سليم: انا مش عايز اصلا هقعد في ارابيزك ياحج
عبدالله: بس انا بقا عايز جبتلك 5بنات اختار منهم واحدة
سليم: ايه ياحج انا لسة مبدأتش حاجة اصلا عشان اتجوز
شادي بابتسامة: ايوا لسة بدري عليه ده انا اتجوزت وانا عندي 35 سنة بسبب حد كده
ملك: والله وانت عملت ايه بقا للحد كده عشان تتجوز في السن ده
شادي: معملتش حاجة هي اللي كبرت الموضوع
ملك: والله؟ قصدك ان انا بكبر المواضيع والموضوع مكنش يستحق مش انت اللي خلتني مثقش فيه
شادي: عملت المستحيل على فكرة عشان تثقي فيا تاني ونتجوز ده احنا اتجوزنا في نفس يوم فرح مريم وحسام مع ان كان ممكن نتجوز من قبلها
ملك: ومتجوزناش من قبلها ايه اللي حصل يعني مش لازم اتأكد انك بتحبني الاول
عبدالله قلع الشبشب وحدف فردة على سليم وفردة على روان: عجبكوا كده اهم اتحسدوا منك ليها
روان وسليم: وانا مالي يا لمبي
مريم: احسن تستاهلوا
عبدالله: صالح مراتك ياض
شادي بنفاذ صبر: ياستي انا اسف هفضل اتذل لحد امتى بالحوار ده
ملك: لحد ما انسى تمام؟
شادي بهمس: طب ما تيجي نروح وانسيكي بطريقتي
ملك بخجل: احترم نفسك
زين: راعي ان احنا هنا وسامعين على فكرة
كلهم ضحكوا وملك ضر. بت شادي جامد فقالها: ايدك تقيلة بجد
ملك: تستاهل
عبدالله لاحظ شرود حسام وانه متكلمش خالص من ساعة ما دخل وقال: انت كويس يا حسام؟
حسام فاق من شروده وقال بابتسامة: ايوا ياحج بس شوية ضغط شغل
عبدالله: اخبار المعرض بتاعك ايه
حسام: تمام الحمدلله كبر وبقى نسبة البيع والشرا كتيرة وبقينا بنجيب احدث العربيات
عبدالله: ربنا يوفقك يابني ويسعدك
حسام: يارب تسلم ياحج
وقطع كلامهم رنة الجرس اللي مبتخلصش وعمر راح يفتح عشان كان قريب من الباب وقال: يونس!
يونس بفرحة: ازيك يا معلم وحشني
عمر: انت اكتر والله
اسلام: وايه مفيش وحشتني يا عمي
عمر: شوفت يونس الاول
اسلام مسح على شعره برفق: ماشي يا لمض خليه ينفعك.. السلام عليكم
كلهم قالوا: وعليكم السلام
يونس راح باس ايد عبدالله وعبدالله حضنه: عرفت تربي يا اسلام
اسلام بابتسامة: قلدتك مش اكتر يا قدوتي
روان: شاطر يا عمر بجد خدت يونس ومشيت وانا اللي هروح اقفل الباب وجت تقفل لقت جميلة في وشها
جميلة وكانت ماسكة دبدوب كبير: استني يابت
روان خدت منها الدبوب: الله ده ليا
جميلة: اقسم بالله لو خدتيه يا روان هدلق عليكي ماية ساقعة
روان حطته على الارض: يووه خشي يختي اخوكي جه
جميلة: انتوا كلكوا متجمعين ليه
روان: مش هعيد تاني
جميلة: تعيدي ايه يا رخمة ازيكوا يا جماعة.. ايه ده سليم
وراحت حضنته باشتياق وهو ضحك وحضنها هو كمان وهي قالت: مقولتش ليه انك جيت طيب كنت جيتلك بسرعة
سليم: على اساس انك كنتى هتسيبي فادي اللي جبلك دبدوب
جميلة: هسيبه طبعا هو اهم منك يعني
سليم: انتِ عارفة انك الوحيدة اللي استقبلتيني عدل بجد ثم تابع بحزن مصطنع: متعرفيش عملوا فيا ايه؟
جميلة بتأثر: يعيني يا اخويا عملوا فيك ايه
سليم: مخلونيش اتهنى بنومتي خالص بجد ورشوا عليا تلج الالعاب ده عارفاه
جميلة بدراما: ازاي يعملوا كده فيك ازاي
سليم: عمرهم ما حبوني اساسا انا مظلوم جامد وسطهم
جميلة: ادعي يا قلب اختك ادعي دعوة المظلوم لا ترد ولا تسترجع
سليم: ولا تبدل ولا ترجع
عبدالله: انتوا ليه مقدمتوش في مسرح الجامعة كنتوا هتبقوا ممثلين هايلين
طارق: فعليا اتفق كنتوا قدموا على مسرح مصر بظرافة اهلكوا دي
عبدالله ضر. به: ولد احنا اهلهم
طارق: صح راحت مني دي
سليم باستفزاز: انت دماغك كلها رايحة منك يا حبيبي
شادي: ادعي ميمو. تكش
سليم: انا في حماية.. محدش هيحميني صح
بيري: محدش هيحميك من غضب طارق لا
طارق ضحك: مراتي اللي عارفاني
بيري باسته في الهوا وهو بصلها بفخر
روان: تلزيق ليفل الوحش يعني
عبدالله: على اقل تلزيق بالحلال يا روان مش كده ولا ايه
روان بصت في الارض وبلعت ريقها وعبدالله قال:قومي جيبي لاحفادي حاجة ساقعة زمانهم عايزين
روان بصوت يكاد يكون مسموع: حاضر
اسلام بص عليهم باستغراب وكإنه فهم الى حد ما بس معلقش
هدير: اا استني ياروان انا عايزة اقول حاجة مهمة وهتفرحكوا
زين بصلها بعدم فهم والكل انتبهلها
هدير وهي بتبص لزين: انا حامل
زين بصدمة: ايه ده بجد
هدير: ايوا
زين شالها ولف بيها وسط صوت الزغاريط والتصقيف لحد ما عبدالله زعق: اهدى يابن المجنونة هتسقطها منك لله
زين سابها وهدير حست بدوخة ومريم ضحكت: يالهوي عليك يازين بجد براحة عليها
عبدالله: تعالي اقعدي في حضني يا حبيبتي تعالي
وهدير راحتله وقعدت جنبه وزين قال بفرحة: يعني بجد انا هبقى اب؟
طارق بابتسامة: هتبقى احلى اب يا زوز والله
عبدالله: روحي يا روان هاتي الحاجة الساقعة لينا كلنا
روان بهدوء: ماشي
نور: هروح معاكي
روان: اشطا
وراحوا والكل قعد يبارك فيهم ومريم حضنت زين: مبروك يا زين هتبقى اب تحفة وانا هبقى عمة للمرة المليون
ملك: حصل ماتيجي نعيش دور العمة الحربوقة على ابنهم
مريم: لا هحبه زي ولاد اسلام وطارق بالظبط مش هفرق
شادي وحسام: مبروك يا زين
زين: الله يبارك فيكوا عقبالك يا حسام انت ومريم
مريم بابتسامة: ادعيلنا
زين: ربنا يرزقكوا بالذرية الصالحة يا حبايبي
مريم: آمين
عبدالله: ولادي هيبقوا احسن اب او ام في الدنيا كده كده.. تعالي يا هدير اقولك تعملي ايه ونصايح الحمل
اسلام: عبدالله ده احسن من مليون دكتور والله
جميلة: وانا اشهد
شادي: ربنا يعينك يا هدير ده هيتصل بيكي كل يوم عشان يسألك على خطوة عملتيها وحسيتي بايه
ملك ضحكت: عمل معانا كلنا كده بجد
بيري: ايوا لدرجة اني متابعتش مع دكتور
عبدالله بتذمر: الحق عليا يعني
ملك: لا ابدا يابابا ده انت افضل متابع حمل في العالم
كلهم ضحكوا جامد واسلام جاتله رسالة وابتسم
عبدالله ركز معاه وقال: مرتبط بمين من ورايا ياولد
سليم: ارتباط ايه انا سنجل والله ياحج
عبدالله: اومال بتكلم مين
سليم: اتفقت مع نادي اني هغني هناك واكسب فلوس عقبال ما الاقي شغل
عبدالله: هتشتغل في ملهى ليلي يا حيوان
سليم: استغفرالله يابابا بقولك نادي عادي مع فرقة موسيقية وفي بنت هتغني معايا
روان جابت الحاجة الساقعة هي ونور ووزعوها عليهم والاطفال جم خدوها وزين سأل: بنت مين
سليم: معرفهاش بس هنعمل دويتو مع بعض يعني ونغني الليلة دي ب500جنيه
طارق بسخرية: صوتك ب500جنيه
سليم: اسكت يا حيوان صوتي تحفة
روان: ده انت جيبت تلوث سمعي لينا تحفة من انهي ناحية
سليم بسخرية: ماتسمعينا صوتك ياست شادية
روان طلعتله لسانها وهو كمان ومريم قالت: بجد انتوا توم وجيري اوي
سليم: هي اللي بترخم عليا
روان: وهو بيستفزني
جميلة: خلااااص اسكتوا بقا ده انتوا مزعجين
وقعدوا يتناكفوا في بعض ويتكلموا مع بعض كتير تحت لعب الاطفال ودلع عبدالله ليهم واول ما مشيوا سليم نام تاني وراح في غيبوبة حرفيا
________________
حسام دخل شقته هو ومريم
مريم: انا اتبسطت اوي النهاردة بقالنا كتير مروحناش ليهم واتجمعنا كده
حسام كان ساكت ومريم قالت: مالك يا حسومتي في حاجة مدايقاك؟
حسام: انتِ طالق يا مريم
مريم بصدمة: ؟؟
تفتكروا طلقها ليه؟ وايه اللي هيحصل وعبدالله هيعمل معاه ايه؟ وسليم هيعمل ايه في الشغل الجديد؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امبراطورية بابا)
