رواية امبراطورية بابا الفصل الثاني 2 بقلم هنا محمد
رواية امبراطورية بابا البارت الثاني
رواية امبراطورية بابا الجزء الثاني
رواية امبراطورية بابا الحلقة الثانية
مبسوطة اوي ان الرواية عجبتكوا وكلامكم فرحني💗🥹
مش هطول عليكوا يلا نبدأ🌚
__________________________
اسلام: نور والله انا اسف على اللي عملته ارجوكي سامحيني
نور: هو انت دوست على رجلي بالغلط يا اسلام؟ انت اتهمتني بشرفي وقبل ما توجع جسمي وجعت قلبي
اسلام: سلامة قلبك من الوجع.. خلي قلبك ابيض واقسم بالله مش هكررها تاني
نور: طلقني يا اسلام وكل واحد يروح لحاله انا مش هقعد مع واحد بيشك فيا
اسلام: مش هطلقك يا نور عاقبيني ب أي حاجة الا بعدي عنك
والد نور (وليد): وكان فين كلامك ده وانت بتمد ايدك على بنتي يا استاذ
اسلام باحراج: انا اسف والله يا عمي كانت لحظة شيطان
والدة نور (سعاد) قالت بغضب: وهو كل لحظة شيطان هترجع بنتي وشها مليان كدمات بالمنظر ده
نور بدموع: قبل ما تصالحني روح شوف عيالك اللي قاعدين مرعوبين من ابوهم جوا وهما شاهدين على اللي حصل
اسلام راح قعد على ركبته قدامها: عشان خاطري وخاطر عيالنا يا نور متعمليش فينا كده يا قلبي واغزي الشيطان وروحي معايا ونتصافى
سعاد: لو هي وافقت انا مش هوافق
وليد: اصبري يا سعاد احنا بنصالحهم مش بنزود البنزين بس لازم البيه يكون ندمان الاول
اسلام بسرعة: وربنا ندمان ندم كبير .. عشان خاطري يا نوري صالحيني
نور دموعها نزلت وقالت: مش بالكلام يا اسلام.. بس عموما نجوم السما اقربلك بجد ان اسامحك حتى.. لو مطلقتنيش هخلعك
وقامت وسابته واسلام بص لطيفها بحزن
وليد: انا لولا ان بحب ابوك كان زماني لبستك تهمة وحبستك عارف كده؟
اسلام وهو بيبص للارض باحراج: عارف يا عمي.. بس لو سمحتوا حاولوا تصلحوا ما بينا ها يا طنط سعاد مش كنتي دايما بتعتبريني ابنك اللي مخلفتوش عشان خاطر احفادكوا حاولوا تلينوها شوية من ناحيتي
سعاد بضيق: هحاول يا ابني
اسلام وهو مازال بيبص للارض: وممكن اخد العيال معايا بكرا اوديهم لجدهم
وليد: مش هتاخد مننا الاذن عشان تاخد ولادك اكيد
اسلام مشي وكانت نور بتعيط جامد وسعاد دخلت عليها وحضنتها وقالت: اهدي يابنتي كل حاجة هتتحل
مروج اللي عندها 4 سنين جت لنور وقالتلها: مامي متطعييش بزعل لما بتطعيمي
سعاد بضحك: انطقيها الاول صح
نور ابتسمت بحزن وخدت مروج في حضنها
_________________________
جميلة: يلهوي يعني البنت القوزعة دي الملاك البريء تطلع هي سبب البلاوي دي كلها
سليم: نعم انها الافلام الرعب يا سادة
طارق: انتوا بتزيطوا في الزفة وخلاص كان باين اوي
جميلة: لا على فكرة كنت فاكرة امها السبب او بنت عمة ابوها بس متوقعتش انها هي ابدا
سليم: عشان you are stupid
جميلة: بس يا اهطل
روان: قوم شغلنا فيلم تاني عقبال ما اطلب اكل
كلهم قالوا بصوت واحد: روان خشي ذاكري
زين: تذاكر ليه مش هي في اجازة المفروض
روان: لا اصل انا مجتهدة جامد وبحب اذاكر في الاجازة
عبدالله: فين الاجتهاد ده يا ولية
طارق: هذا ما لم نسمع به من قبل
ملك: ايوا بتذاكر ليه برضو
جميلة: ساقطة وبتمتحن في الصيف مبروك لقيتي حاجة تضحكي عليها
ملك ابتسمت باستفزاز وبصت ليها بقرف وجميلة بصت لزين وقالت: شرحتلها يا زين الفيزيا خمستلاف مرة وبرضو سقطت
روان: وده ملفتش نظرك لحاجة يا جميلة النيلة؟
جميلة بصدمة: انا نيلة يا حيوانة شايف يابابا بتقول عليا ايه
عبدالله: متزعليش يا نيلة قصدي يا جميلة
روان ضحكت جامد وجميلة ضربتها في كتفها: بقا كده وربنا ما انا شرحالك تاني
روان: خلاص خلاص اسفة
عبدالله: انتِ قاعدة لسة ليه يا حيوانة قومي ذاكري
روان: يعني مقعدش مع ملوكة وزيني متقولي حاجة يا ملوكة انتِ وزيني
سليم وهو بيرفع حاجبه: وانتِ من امتى بتحبيهم اصلا يابت
ملك بسخرية: انا حسيت اصلا ان الحب ده وراه مصلحة
روان: طول عمرك باردة كده ها يا زنزون مش هتقنع بابيشكو
زين: بعد الدلع الماسخ ده لو اقنعتي ابويا مش هتقنعيني
روان: كلو باعني بقيت لوحدي
عبدالله: غوري ذاكري
روان بزهق وهي بتدب على الارض برجلها: قايمة اهو
عبدالله بحدة: قولت كام مرة متعمليش الحركة دي برجلك بتستفزني بدل ما اقوملك
مريم دخلت وقالت بفرحة: ايه ده زين وملك والله نورتونا
زين: بنورك يا مريم
مريم حضنت ملك وملك بادلتها الحضن بابتسامة وبعدين حضنت زين وقالت: انتوا جايين زيارة ولا هتعيشوا معانا قولوا انكوا هتعيشوا معانا
عبدالله بابتسامة: اطمني يا ميرو بس هيقعدوا في الشقة اللي فوق
سليم: مع اني مش شايف ان الموضوع ليه لازمة الشقة دي كبيرة كنا هنقسم الاوض وخلاص
زين: معلش عشان ناخد راحتنا
مريم: احسن من مفيش والله بس جايين تيجوا ليلة الامتحان بتاع الفيزيا
ملك بصدمة: انتِ كمان ساقطة فيزيا؟
مريم: بعد الشر عليا لا لا تفي من بقك مش ناقصة
طارق وهو بيضحك: مريم 3 ثانوي السنة دي وبكرا اخر امتحان ليها
ملك: اه ربنا يوفقك
مريم: يارب اعذروني مش هعرف اقعد معاكم امتحان بكرا مهم
زين: لا عادي يابنتي شكلنا مطولين في القعدة معاكم اصلا
جميلة: ومالها القعدة يا زيني مش عاجباك
زين: عجباني طبعا يا جميلة مش قصدي حاجة
في نفس الوقت عبدالله جاله اتصال وراح يرد لقاه ابنه “اسلام”: ايه يا اسلام صالحتها
اسلام: لا يابابا دماغها ناشفة
عبدالله: حقها تعمل اكتر من كده كمان يارب تبقى ذكية وتفلسك وتخليك معكش مليم
اسلام: في ايه يابابا انت ابوها ولا ابويا
عبدالله: للاسف ابوك
اسلام: حبيبي تسلم
عبدالله: يعني انت هتروح فين دلوقتي متبتش لوحدك
اسلام: اطمن انا رايح لاخواتي
عبدالله: لا مهو
اسلام بشك: في ايه يابابا؟
عبدالله: انا خدت ولادي وروحت لولادي
اسلام: بتقول ايه مش فاهم يعني ايه
عبدالله: يلا ياض تعالى على بيتي كلنا هنا
اسلام: ازاي ده يابابا
عبدالله وهو بيتصنع الكحة وبيقول: يلا يا حيوان اه قلبي مش قادر اتناقش يلا بموت
اسلام بنفاذ صبر: جاي يابابا مش لازم تعمل الشويتين دول
عبدالله: اخلص وقفل معاه وراحلهم وقال: اسلام جاي هو كمان
ملك: ايه متصالحوش؟
عبدالله: لا شكل الموضوع لازم اتدخل فيه
طارق: هو كبير اوي كده
زين: يعني بس هيتحل نور مراته قلبها ابيض
جميلة: اا تمام هو اسلام بيحب ايه اعملوا على العشا؟
زين: معرفش بالظبط اسألي ملك
ملك حست انه قاصدها واتوعدت له وقالت: اسلام بيحب اي حاجة عادي
جميلة: ايوا عارفة انه بياكل اي حاجة قدامه بس ايه اكتر حاجة مثلا
ملك: اا بيحب البيض المقلي بالجبنة
جميلة: تمام هعملها حالا ربع ساعة بالظبط وهجهز العشا اشطا ياشباب اشطا
ملك: اجي اساعدك؟
كلهم بصوا ليها باستغراب ما عدا عبدالله اللي ابتسم ف ملك دايما لو جت بتعاملهم ببرود ومبتعملش حاجة معاهم ولو شاركت في الكلام يا بتتريق او بتتخانق وجميلة قالت: طبعا تعالي لو تحبي
سليم همس لطارق: هي البت دي سخنة
طارق ضربه في ضهره وقاله: اتلم
________________بقلم /هنا محمد__________
جميلة: هو انتِ بقيتي لطيفة ولا لا
ملك: افندم
جميلة: بسأل يعني قصدي دي اعراض ما قبل الموت مثلا
ملك: بعد الشر عليا يا ولية!!
جميلة: اصلي مستغرباكي
ملك وهي بتقطع الطماطم: لا اصلكوا صعبتوا عليا مش اكتر قولت اديكم وشي اللطيف بدل الخشب
جميلة: تسلمي يختي والله اهو احسن من مفيش
ملك: هو بابا بيكلمكم عننا
جميلة بابتسامة: اكيد طبعا ده في اي حاجة بيجيب سيرتكم لدرجة ان احنا صدقنا انكوا عايشين معانا والله من كتر ما اسمكم بيتذكر في البيت
ملك سكتت ومتكلمتش وحطت الجبنة في طبق صغير بينما جميلة كملت: انتِ عارفة ان انا فرحت اوي لما لقيتكم داخلين علينا والله كإن العيلة اكتملت
ملك: بس واضح ان انتِ مش بتطيقيني اصلا
جميلة بابتسامة: وانتِ كمان على فكرة
ملك باحراج: انا بس
جميلة: انا عارفة انه كان شعور غصب عنك وانا لو مكانك ممكن كنت ابقى زيك بس لو سمحت يا ملك ادينا فرصة وحاولي تحبينا احنا مش بنعض على فكرة
ملك: حاضر بس حاسة اني معرفكمش
جميلة: سهلة اوي لما تقعدي هتعرفينا انا مثلا عندي 22 سنة وsenior على فكرة كمان شهرين وابقى المتخرجة جميلة
ملك بابتسامة: وانا 27 وبشتغل في شركة زين
جميلة: شوفتي سهلة اهو اتعرفنا
وسمعوا الجرس بيرن
جميلة: شكل اسلام وصل يلا يلا نطلع الاطباق بسرعة
وكلهم سلموا على اسلام وقعدوا ياكلوا على السفرة اللي كان زين وملك مستغربين انها 9 كراسي بصوا لبعض وابتسموا وكان عبدالله مراقبهم بابتسامة وفاهم اللي بيدور في بالهم وكانوا بيتكلموا كتير اوي في الاول ال3مكنوش مندمجين معاهم بس ال5 خلوهم مندمجين غصب من كتر كلامهم ومناقرتهم وضحكهم مع بعض
______________هنا محمد_________
جه الليل وطارق اقترح ان الولاد تنام فوق الليلة دي والبنات يناموا في الشقة اللي تحت عشان مريم تعرف تذاكر وكمان يتكلموا براحتهم
اسلام كان واقف سرحان في البلكونة وبيفكر في مراته وازاي يصالحها فجأة سليم نط عليه وقال بمرح:
بما ان اسمنا شبه بعض عارف اللي بيدور في بالك وازاي تصالح الزوجة
طارق وزين راحولهم وهما ماسكين كوبايات الشاي وحطوها على الترابيزة واسلام قال: مش عارف اصالحها ازاي
سليم: واللي يجبلك الحل
طارق: اسكت انت ده هيخليك متطلق
اسلام: طب اصبر ممكن يقول حاجة عدلة
سليم: اسمع بس هتقولها انتِ وتسكت وهي تقعد تعيط وتقول هتطلقني يا سي اسلام وتقولها مش انتِ اللي عايزة وبعدين تروح تنط من الشباك قال كده وكده وهي تقول بدراما خلاص سامحتك يا اسلام يا حبيبي هرجع معاك.. بس من كتر الفرحة تتكعبل بحاجة وتقع بجد وربنا يرحمك بقا
زين: ياريتك سمعت كلام طارق من الاول
كان اسلام بيبص لسليم باشمئزاز: مين الحلوف اللي سماك اسم شبه حروف اسمي
سليم وهو بيضحك: الحلوف وراك
اسلام بص بسرعة وراه: يابابا والله مقصدش
بس ملقاش حد وبص لسليم بغضب لقا ال3 بيضحكوا
اسلام: عجبك كده خضتني
سليم: سلامتك من الخضة يابيبي
اسلام: ايه الواد الملزق ده
طارق: سيبك منه انا هقولك تعمل ايه بس نفذه بالحرف الواحد
_______________________________
تاني يوم الساعة 7 الصبح كان الكل صاحي ما عدا ملك واسلام مستنيين مريم تخلص لبس
جميلة: انا حضرتلها الفطار يابابا
لقوا طارق راجع من برا: انا جيبت من السوبرماركت اللي فاتح حاجات مسكرة وحادقة ليها وماية
عبدالله بتوتر: برافوا عليكوا يا عيال
سليم: يارب وفقها يارب
عبدالله: كمل كمل دعاء يا سليم اياك توقف وانا هصلي ركعتين
روان: استنى يابابا طيب مش لاقية الورنيش اللي هلمع بيه جزمتها
عبدالله: هتلاقيه على الجزامة اخر درج
مريم خرجت وهي متوترة: خلصت
جميلة: يلا اقعدي عشان تفطري لسة على الامتحان ساعة بحالها
روان: لمعتلك الجزمة اي خدمة
مريم: جماعة انا خايفة اوي
عبدالله: اياكي تخافي هيبقى امتحان سهل ان شاءلله وتدخلي فنون جميلة ياميرو انتِ بس وانتِ داخلة تقري الفاتحة وادعي ان ربنا يسهلك الامتحان وقبل ما تبدأي اشربي ماية وسمي الله
مريم: حاضر يابابا والله حفظت اللي بتقوله
طارق: لو وقفتي ف سؤال اياكي ثم اياكي تركزي عليه بزيادة حلي اللي تعرفيه الاول
مريم: حاااضر خلاص حفظت نصايحكوا والله
ملك خرجت من الاوضة: هو في ايه
مريم: تعالي انقذيني انا متوترة هيوتروني اكتر
كلهم قالوا بصوت واحد: اياكي تتوتري
مريم وهي بتاكل: حاضر حاضر
ملك: ربنا معاكي يا مريم
مريم: يارب يلا انا خلصت
زين: استني هوصلك
مريم: ملوش لزوم هاخد تاكسي
زين: تاكسي ايه وانا موجود يلا انجزي
ملك وهي بتتاوب: هخش انام بقا
روان: وانا كمان
جميلة: تناموا ايه انتِ وهي مفيش نوم في تنضيف النهاردة الخميس
روان: جايلك عريس يعني ولا ايه
جميلة: هقهق ظريفة هتنضفي الحمام واوضة طارق ومريم واوضتك وملك هتنضف الصالة واوضة سليم وبابا
روان بصت لعبدالله بصدمة وقالت: بابا على اقل انا عندي امتحان
عبدالله بسخرية: على اساس انك بتذاكري يختي ده انتِ بتحطي الفون ف الكتاب فاكراني مش عارف فشلك
روان: خلاص هذاكر بس متخلونيش انضف بالله عليكوا
عبدالله: بطلي دلع
وجميلة راحت جابت ورقة طويلة عريضة وادتها لطارق وسليم وقالتلهم: وانتوا هتجيبوا الطلبات دي
سليم بص عليها بصدمة: هو احنا في رمضان او العيد وانا معرفش
طارق: متقول حاجة يابابا
عبدالله: اقول ايه جميلة ست البيت مش احسن ما تخليكوا تنضفوا
جميلة: حبيبي يا بابا.. هتجيبلي الميكب امتى
عبدالله: عيد ميلادك الجاي
جميلة: يووه
وراحوا ينضفوا وعبدالله راح يعمل الاكل كالعادة وملك دخلت عليه
ملك: انت بتعرف تطبخ
عبدالله: عيب عليكي والله ده انا شيف.. هتدوقي من اكلي النهاردة
ملك: ده على كده هنتنافس
عبدالله: ومالو نتنافس بس انا اللي هكسب
ملك: لا واثقة على فكرة ان انا اللي هكسب
عبدالله: الثقة حلوة برضو
ملك: طبعا
جميلة: نضفتي اوضة سليم يا ملك
ملك: هنضفها اهو يا جميلة كنت بشرب ماية بس
جميلة: ماشي يلا
ملك راحت لاوضة سليم وهي بتنضف كانت بترتب الحاجة اللي على مكتبه الصغير اللي كان مليان كتب مع انه ميبنش عليه انه مثقف وهي بتوضبهم وقع منها صورة بالغلط بتبص لقتها صورتها معاه وهو عنده 6 سنين استغربت انها لسة معاه ولقت حاجة مكتوبة من ورا الصورة بخط طفولي
” بحب اختي ملك اوي بس هي مش بتحبني مش عارف ليه بس اتمنى تقعد معايا كتييير عشان هي بتوحشني دايما ”
دموع مريم نزلت وهي بتقرا وابتسمت وافتكرت لما كانت بتيجيلهم ايام لما كانت مرات ابوها “نهى” عايشة
قعدت تقلب في مكتب سليم اكتر ولقت صورته مع زين واسلام ضحكت لما كتب على زين انه رخم بس بحبه وكتب على اسلام انه توأم روحه لتشابه الحروف في اسمهم حطت الصور على المكتب ولسة هتلف شافت سليم قدامها
سليم: بتعملي ايه
ملك بتوتر: كنت بمسح مكتبك مش اكتر وبنضف اوضتك بس خلصت اتفضل
سليم: هو انتِ شوفتي حاجة؟
ملك فهمت هو يقصد ايه بس قالت: حاجة زي ايه
سليم: متحوريش يا ملك انا عارف انك شوفتي
ملك: لو معاك نسخة ممكن تجبهالي
سليم سكت ومردش واترمى على السرير وملك حست بالاحراج وكانت لسة هتمشي قالها: بكرا هجيبهملك
ملك ابتسمت وقالت: تمام
طارق دخل عليهم: ازيك يا ملك
ملك: كويسة ومشيت
طارق: يلا يا سليم عشان نروح لاسلام
سليم وهو بيقوم: اشطا اطلع جيبه وانا نازل
____________________________
عند نور (مرات اسلام)
كانت قاعدة بتأكل مروج وبتذاكر ليونس رياضة
نور: يعني ايه يا يونس 4 +2بتساوي 20 جبت الرقم ده منين اصلا
يونس: مهي اللي طلع معايا كده
نور: طلعت معاك كده ازاي نفسي افهم انت موصلتش للعشرينات اصلا.. بص عد معايا على صوابعك زي اعمل كده ادي 4 واعمل كده ادي 2عدهم
يونس: 13
نور: 13 ازاي يا بني ادم انت محتاج تتعلم العد من اول وجديد انا متاكدة ان ابوك كان فاشل في الحساب عشان كده انت طالعله
وفجأة سمعه صوت اغاني جامدة ونور قالت بانزعاج: مين الحيوان المشغل اغاني بالصوت ده ايه الازعاج ده
سعاد جاتلها وهي بتقول بخبث: مش يمكن الحيوان ده تعرفيه
نور: اعرفه منين؟ بعدين استوعبت: اسلام؟!!
سعاد حركت راسها بمعنى اه ونور راحت بسرعة للبلكونة وشافت اسلام وهو بيرقص بطريقة عشوائية مع ناس في الشارع على اغنية «مشمشاية»:
شوفتك قلبي هيس
بعدين ما كان كويس
وانا بقى هديكي صوتي لو كان في الحب ريس
سليم وطارق واللي في الشارع كله: اههههههههه
اسلام: اهه يا مشمشاية يا حتة لوزاية
سليم وطارق: قال
اسلام: مشمشاية حتة لوزاية
كلهم: اههههههه
اسلام: عليها رمش عين
يجيب رجل التخين
عليها رمش عين
يجيب رجل التخين
سليم وطارق خبطوا على العربية: اههههههه
اسلام: العربية غالية يا كلاب
سليم وطارق: اسفين ياباشا
اسلام: نوري بصي فوق في السما
نور بصت باستغراب على السما ولقت قماشة طايرة عن طريق طيارة ورقية مكتوب فيها
” سامحيني يا نور ”
مروج: ثامحيه يا مامي
يونس: سامحيه بقا يا امي اتفضحنا
نور بابتسامة: عايزني اسامحك يا اسلام
اسلام: اكيد يا نوري.. واقسم بالله ما هعمل كده تاني
نور: طب استنى ثواني وجاية
اسلام بابتسامة: ماشي.. تشكروا يا اخواتي نردهالكم في الافراح
طارق بكبر: عد الجمايل ها
اسلام: ده انت حبيب…
ومكملش لقى ماية نازلة عليه
نور: في احلامك يا سيمو
وخدت عيالها ودخلوا جوا
طارق وسليم اتصدموا واول مبصوا لبعض ضحكوا جامد وجريوا قبل م اسلام ينفخهم
اسلام: وربنا ما انا سايبك يا طارق الكلب
_____________هنا محمد_______________
جميلة كانت بتقلب في درج باباها بتدور على مفتاح البدروم اللي تحت عشان كانت عايزة حاجة فيه وبعدين لقت صندوق استغربت انها ملحظتوش قبل كده وفتحته لقت فيه ورقة باين عليها قديمة فتحتها وكانت ورقة DNA ولانها في كلية طب فهمت الموجود في الورقة ولقت اسم اسلام وجمب اسم امه “حورية” وراجل تاني غير عبدالله ونسبة التطابق 99%
جميلة بصدمة: يعني اسلام مش اخونا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امبراطورية بابا)
