رواية اليتيمة الفصل الأول 1 بقلم راندا الشرقاوي
رواية اليتيمة الجزء الأول
رواية اليتيمة البارت الأول
رواية اليتيمة الحلقة الأولى
استيقظ محمود يشعر بالشوق لأبنته الصغيرة، التي رزقه الله بها بعد طول انتظار، لقد عاش مع زوجته سنوات حتى فقد الأمل في الانجاب، ولانه يعرف انه السبب الاساسي في التأخير فعل الكثير وعمل عملاً اضافية كأجير حتى يدخر المال، لكن اليوم يشعر ان كل ذلك من الماضي..
لقد.تعب وجنى ثمار تعبه لديه طفلا تملئ البيت فرح ومرح..
محمود: صباح الخير ملك صباح.الخير طفلتي الجميلة
واقترب يحمل الطفلة حيث كانت تجلس مع امها في الصالة وهو يقول:
_ من الصبح بتلعبي بالعربية
ردت زوجته ملك بتفسير:
_هي من الفجر مش نامت وكمان بتبكي، شكلها عنديها نازلة برد اصلها سخنة..
محمود نظر لها بغضب وهو يقترب يتحسس جبين صغيرته ويقول:
_ لما عندها نازلة وسخنة ما قلتليش ليه من الصبح؟ وهو انا جبتها بالساهل دي جت بعد عذاب، عشان خاطر انت تهملي فيها وتخبي عليا موضوع تعبها..
ملك: اهدى الحكايه مش كده بس هي تعبت فجأة وانت عارف الاطفال بتتعب فجأة، وانا ما لحقتش اقول لك، وبعدين انت قمت من الصبح بدري طلعت الشغل ورجعت دخلت الاوضة نمت شوية قولت اسيبك ترتاح
محمود: ارتاح شكلك نسيتي ان انا قعدت سنين طويلة من عمري، وانا بجمع في فلوس عشان نعمل حقن مجهري، ما انت عارفة اني عندي مشكلة..
ملك: ليه بتقول على نفسك كده انت سيد الرجالة، وبعدين يعني هي اول الاطفال اللي بتتعب، ما هي زي الوردة..
محمود: هي فعلا وردة بس لازم نلحق الوردة ونسقيها المياه قبل ما تدبل، وبعدين تقع من على شجرتها واقع انا وراها..
اسرع ليحملها بين اديه
ملك: رايح بيها فين دلوقتي ما فيش دكاترة في المستوصف اللي جنبا، الدكاتره بتاجي اقل حاجة الساعه 12:00 الظهر..
محمود: مش هستني لو مش في المستوصف، هوديها الصيدلية الدكتوراللي هناك يديها حقنة تخفض الحرارة او اي حاجة المهم تبقى كويسة على ما الدكاترة تيجي المستوصف او اشوف هوديها فين علشان تتعالج..
ملك: تمام أدي ربنا وأدي قسمته، اعمل فيك أيه بتعمل من الحبة الصغيرة حبات، وانا مش عارفة ليه ده كله؟
محمود: معلش يا ملك بدل مش عارفة، ما تسمعنيش حسك خالص لحد ما أروح واجي..
ملك: تمام حاضر يا فندم
محمود: يا فندم منمتها الكلمة دي ان شاء الله؟
ملك: في وقت ما يكون خلقك طالع ومش طايق حد حواليك.
محمود: طب امشي وما تسمعنيش حسك عشان اهمالك دي المرة ثانية اللي يحصل ليها كده وكل اللي عملتيه كمدات..
ملك: حاضر يا محمود بس انا جاية معاك..
نظر لها ولم يرد، طلعوا هم الاتنين بره في الشارع، صدفتهم عربية أجرة ركبوا فيها، عندما وصلوا الى الصيدلية كانت هناك ناس كثيرة جالسة امامها، لأن الصيدلي معروف عنه وصفه العلاج لاهل الحي.. فتأتي اليه النساء حتى تعالج أطفالها
كان لازم عليهم انه يقفوا بالدوار، ودوارهم هيكون بعيد طبعا نظرت ملك لزوجها بقلق وزعل، وهي خايفة على زعله هو، لانه متعلق بابنته فقالت:
_ محمود تعالي نروح اي مكان تاني، لأن كده علشان يجي دورنا هيكون معانا لاكثر من الساعة 2:00 الظهر، وأحنا واقفين وممكن يجي دورنا وممكن لا
نظر لزوجته دون أن يعرف ماذا يقول لها؟ كلامها صحيح ولكنها لا تعرف ما حدث له في الصباح.. لكنه قال
_ حاضر يا ملك حاضر
تحرك معها ولأن الله عالم بحاله وهما يسيران صدفتهم مستشف حكومي..
ملك: تعالي هنا هنلاقي دكتور
كانت تفكر في أن تقطع ورقة ودفعت قيمتها جنية.. وهي تشعر بالخوف من زعل زوجها الغير مبرر فابنتهم تسنن لذا ما يحدث لها طبيعي إلا أن تعلقه بابنته مبالغ فيه لانه عاني من مشكلة في الانجاب فقال
_ عاوزنا ندخل المستشفى دي.
_ممكن نلاقي فيها دكاتره جوه وتدينا حاجة نستفيد بيها
محمود بغضب عليها تعالي لان مش هنلاقي غيرها في الوقت الحالي..
دخلوا هم الاثنين ملقوش ناس كثير غير ثلاثة او اربعة
ملك قطعت الورقة من على الشباك المخصص للورق عيادة الأطفال سالت الموظف عن مكان العيادة دلاها الموظف ان تروح على قسم الاطفال في دكتورة لسه هناك..
ملك: يلا يا محمود علشان نلحق دورنا
محمود: حاضر
وصلوا قسم الاطفال كان فيه حريم كثير جداً واقفة امامهم، جلسوا من قبلهم منتظرين الدكتورة حتى تأتي عندما وصلت الدكتورة ودخلت الى المكتب بقيت ممرضات المستشفى تدخل كل أم بطفلها بالدوار، وبعد جاء دور ملك وزوجها..
ما خلصوا من المستشفى رجعوا على البيت كانت حنان ابنة اخو محمود المتوفي تقابلهم في الصالة وهي تقول
_ عمو عمو انا عايزاك تعمل لي عيد ميلاد في نادي اسمه نادي البسمة كل اصحابي عملوا فيه اعياد ميلادهم
محمود وهو ينظر لها بغضب شديد مما حدث معه اليوم ومما حدث لطفلته قال
_بس بلا كلام فاضي، انا مش هعمل أعياد ميلاد خلاص انت كبرتي على الكلام ده، ما تجيبليش السيرة ده ثاني خالص، ولو جبت السيرة دي هطلعك من بيتي وارميكي في الشارع اللي جبتك منه..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اليتيمة)
