رواية الورث الفصل التاسع عشر 19 بقلم نورا سليمان
رواية الورث البارت التاسع عشر
رواية الورث الجزء التاسع عشر
رواية الورث الحلقة التاسعة عشر
شيماء:هو في ايه يا نور……هو كل ما حد فيكم يعرف بحملي دا يتهمني ب اللي في بطني دا مش ابن خالد……وعلشان تصدقوني روحت وعملتلكم تحليل ال dna علشان تتاكدوا انه ابن خالد…….ولا يكون التحليل هيكدب كمان
نور:شيماء……..صوتك العالي وزعيقك اللي بتزعقيه علشان تداري علي المصيبه بتاعتك دا مش عليا انا…….الكلام دا تعمليه علي كل اللي موجودين تحت يا شيماء لكن انا لا……..لاني فاهمه كل الحركات اللي بتعمليها دي كويس……..يا ريت توفري علي نفسك وتقوليلي مين ابوه يا شيماء
شيماء:وانتي ايه اللي يخليكي متاكده انه مش ابن خالد يا نور
نور:لان الدكتور بتاع خالد جاه وقال لجدو الله يرحمه ان خالد مستحيل يخلف ومفيش امل انه يخلف ولو واحد في الميه حتي……..يعني مستحيل تكوني حامل منه……..احسنلك تقولي مين ابوه يا شيماء
قعدت علي السرير……بصيت للارض وهي ساكته ومش قادره تتكلم ……وقفت قدامها…….ربعت ايديها……..بدات تتكلم وهي باصه عليها
نور:هتفضلي ساكته كتير يا شيماء ؟!
شيماء:اللي في بطني فعلا مش ابن خالد يا نور……..بس بردو هو حفيد عيله الهواري
نور:يعني ايه؟!
شيماء:يعني ابوه يبقي حاتم اخوكي يا نور
نور:كان لازم اتوقع…….انتو الاتنين لايقين علي بعض جدا
شيماء:نور…….ارجوكي سبيني اقعد معاكم هنا……..متنسيش اني حامل في ابن اخوكي ومينفعش ترميني في الشارع انا وهو…….انا عارفه اني خونت خالد واني كدبت عليكم كلكم بس صدقيني انا مش عايزه ابني يعيش نفس اللي انا عيشته ولا يعيش في الفقر اللي عيشته وهو ابن اخوكي وتقدري تعيشيه احسن عيشه
نور:عارفه يا شيماء…….انا كان ممكن ارميكي في الشارع ومسألش فيكي لانك متستهليش اني اسأل فيكي اصلا……بس المشكله في ابنك الغلبان اللي هيجي الدنيا وانتي امه والتاني ابوه……..ذنبه ايه انه يجي ويلاقيكم اهله ويتربي علي ايدك انتي…….انا لو هسمح انك تقعدي معانا في البيت دا ف دا لحد ما تولدي
شيماء:يعني ايه
نور:يعني مجرد ما تولدي انا مش عايزه اشوف وشك في البيت دا تاني يا شيماء…….ابنك مكانه هنا في بيت عمته و انا اللي هربيه…….لكن انتي مش هيبقي ليكي اي وجود في البيت دا بعد ولادتك……..بعد اسبوع من ولادتك هتمشي ومش عايزه اشوف وشك هنا تاني……اعتقد كلامي واضح
خرجت وقفلت باب الاوضه وراها……فضلت باصه علي الباب بصدمه وحزن…….مكنتش عارفه تعمل ايه ولا تتصرف ازاي……كل اللي كانت بتخطط ليه راح في ثانيه ومبقتش عارفه ايه اللي هيحصلها بعد كده
قاعده علي الارض……..جسمها كله بيترعش من الخوف…….قعد جمبها وبدا يتكلم بصوت واطي
جمال:انتي كويسه
داليدا:هبقي كويسه ازاي بعد اللي حصل دا…….لو انت والبوليس مكنتوش وصلتوا في اللحظه دي كان قتلني
جمال:متقلقيش…….هو اتقبض عليه ومش هيقربلك من تاني
داليدا:تفتكر هو ولا حاتم هيسكتوا؟!……..انا بعد اللي حصل دا بقيت خايفه اكتر من الاول
جمال:محدش فيهم هيقدر يعملك حاجه……..كل حاجة عديت خلاص ومفيش حاجه تخليكي تخافي من حاجة بعد كده
داليدا:هو انت عرفت منين اني هنا……..وانه عايز يقتلني
جمال:في مره كنت جاي علشان اجبلك اكل علشان تتغدي……..سمعت صوت حد معاكي في الشقه وكان بيزعق…….وقفت ورا الباب وسمعت الكلام اللي بينكم وعرفت انه متهمك بقتل مراته وعرفت خطتك اللي عملتيها مع علشان تاكديله ان اخوكي هو القاتل مش انتي…….انا مرتحتلهوش وبدات ارقبه وعرفت انه ناوي يقتلك…….سمعتوه وهو قاعد في كافيه امبارح وكان بيتكلم مع حد………اعتقد كان بيتكلم مع حد تبع اخوكي لانه قاله قول ل حاتم اني هخلص كل حاجة بكره وخليه ميقلقش من حاجة …….انهارده جيت بدري وفضلت قاعد تحت البيت لحد ما لقيتك نزلتي وركبتي عربيته……..فضلت ماشي وراكم وبلغت البوليس عليه……..الحمد لله اني وصلت في الوقت المناسب وبعدت المسدس عنك
داليدا:انا مبقتش عارفه اشكرك ازاي يا جمال……..انت كل شويه بتنقذني من مصيبه انا واقعه فيها……..انا مش عارفه من غيرك كنت هعمل ايه حقيقي
جمال:تعملي اللي لازم تعمليه يا داليدا……..انتي لازم تروحي ل نور وتطلبي منها انها تسامحك…….نور حتي لو مش بتبين لكن هي محتاجه ليكي جمبها
داليدا:بس هتقبل اعتذاري يا جمال……انا عارفه نور كويس مش هتسامحني
جمال:جربي…….يمكن تسامحك وتديكي فرصه تصلحي غلطتك دي
بصيت قدامها وفضلت ساكته……اتنهد بتعب……بص قدامه…..رجع راسه ل ورا
علياء:انا بجد فرحانه ان نور رجعت خلاص
زياد:متفرحيش اوي كده……كلها يومين وتطردنا كلنا من هنا
علياء:لا اكيد نور مش هتعمل كده يا زياد…….دا بيت جدو ونور عمرها ما هتمشينا من هنا……نور قلبها طيب انا عارفاها
زياد:انا مش فاهم ايه التحول الغريب اللي حصلك تجاهها دا…….متحوليش تقنعيني انك بين يوم وليله كده بقيتي بتحبيها و بتعتبريها اختك اللي ملكيش غيرها
علياء:وفيها ايه يا زياد اني احبها…….انا كنت فاهمه نور طول الفتره اللي فاتت دي وفهمتها متأخر…….نور فعلا طيبه…….احنا اللي كنا فاهمينها غلط
زياد:والله ما حد غلبان غيرك يا علياء………نور مين اللي طيبه…….هو في واحده طيبه تعمل اللي بنت عمك بتعمله دا……..بنت عمك عايزه تاخد كل حاجة ليها وتذلنا احنا…….ودا اللي حصل وادينا كلنا اهو قاعدين مستنين الست هانم تعطف علينا وتدينا حقنا وكأننا بنطلب منها صدقه…….علي فكره يا علياء انا كنت فاكر زيك كده انها طيبه وانها بتحبنا وخايفه علينا وبتعمل دا لمصلحتنا لدرجه اني اعتقدت اني حبيتها لحد ما عملت التوكيل دا لرحمه هانم وعرفت انها هي والاستاذ كريم بيعملوا كل دا علشان ياخدوا حقوقنا ويتبسطوا هما
علياء:وايه علاقه كريم بالموضوع مش فاهمه
زياد:ليه هو أنتي متعرفيش ان كريم بيه واستاذه نور بيحبوا بعض وكانوا مع بعض في ايطاليا ولا ايه
علياء:ايه؟!
جرس الباب رن……..نزلوا علشان يشوفوا مين……الكل نزل علشان دا كان المعاد اللي المحامي جاي فيه…….فتح الباب…….دخل القصر وهو في ايده الشنطه وباين علي وشه الحزن
نور:اهلا يا متر…….اتفضل ادخل
دخل قعد…….الكل قعد في مكانه……فضلوا قاعدين ساكتين……بدات تتكلم
نور:يلا يا متر…….يا ريت تخلص كل حاجة بسرعه علشان كل واحد ياخد حقه ونخلص من الموضوع دا
صبري :الحقيقة يا انسه نور انا مش عارف اقول لحضرتك ايه بس في كارثه
زياد:كارثه ايه دي يا متر اللي هتخليك مش عارف تدي لكل واحد فينا حقه
صبري:الحقيقة الشركه الفتره اللي فاتت كانت بتمر بظروف اقتصادية صعبه اوي…….انا كنت فاكر ان الوضع هيتحسن مع الوقت والشغل لكن بالعكس دا كان بيسوء اكتر
نور:يعني ايه يا متر…….انا مش فاهمه حاجة
صبري:يعني الوضع بقي صعب اوي لدرجه اننا هنضطر نعلن افلاس الشركة خلال شهر واحد مش اكتر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الورث)
