رواية الهروب إلى المجهول الفصل السابع والثلاثون 37 بقلم أروى عادل

رواية الهروب إلى المجهول الجزء السابع والثلاثون

رواية الهروب إلى المجهول البارت السابع والثلاثون

رواية الهروب إلى المجهول الحلقة السابعة والثلاثون

عمر ٠٠٠ اسمعى يا مرام انتى فضلتى فى الفندق بتاعى لمدة ٤ شهور كنتى مقيمة فيه اقامة كامله يعنى يعنى المفروض تدفعلى ٥٠٠٠٠٠ الف جنيه مع الرأفة كمان وانتى ماضية على شيكات بمبلغ ده وانا عشان خاطر اننا كنا صحاب هديكى مهله أسبوع تدفعى المبلغ المطلوب لانى بعد كده هقدم الشيك للنيابه .. كلام ده كمان ليكى يا مرام
اتصدمت مرام وصرخت وهى تقول
مرام ٠٠٠ عمر انا ماليش دعوة ميار هى و فطين إللى قولولى اعمل كده… ميار عشان ترجعك ليها . و فطين عشان كان حطت عينه على إيلا
عمر ٠٠٠ كان حطت عينة على إيلا بعد ماعرف انها مراتى
هنا قالت رودى لانها أول مره تعرف ان عمر متزوج من إيلا لذلك قالت
رودى ٠٠٠ أنت متجوزها . كده الموضوع اختلف..عمر انا ماليش دعوه باللى عملوا انا أول مره اسمع الكلام ده
هنا قالت ميار و هى مازالت تصرخ مثل المجنونه
ميار ٠٠٠ اخرسى انتى و هى٠انتم خايفين منه ليه.. انا هفض،حك يا عم……..
قبل ما تكمل عبارتها قال عمر قبل ما تقول على الفيديو
عمر ٠٠٠ يلا يا إيلا كفايه قرف لحد كده
ثم مسك أيد إيلا و انصرف
هنا قالت إيلا بضيق
إيلا ٠٠٠ عمر انا عايزه أروح كفايه لحد كده النهاردة أعصابى تعبت
عمر ٠٠٠ تمام حبيبتى هناخد أدم. و طنط نفين و نروح
~~~~~~~~~~~~~~~~~~~
عندما ذهبوا إلى طاولتهم قال عزت
عزت ٠٠٠ عمر عجبك الفضا،يح دى .
عمر ٠٠٠ خلاص يا بابا محصلش حاجة
عزت ٠٠٠ يعنى محصلش حاجة النادى كله كان بيتفرج عليكم . اسمع يا عمر انا معنديش أغلى من سمعتى انت فاهمه
نفين ٠٠٠ خلاص يا عزت حوار و إنتهى
عمر ٠٠٠ أحنا هنروح هتيجى معانا يا طنط
عزت ٠٠٠ لاء نفين هتروح معايا انا و شيرى
عمر ٠٠٠ تمام نشوفكم فى الفيلا
بعد ما غادر عمر مع إيلا و أبنهم قالت نفين
نفين ٠٠٠ ليه يا عزت كلمته بطريقة دى انت مش شايفه مضايق ازاى
عزت ٠٠٠ يعنى انتى عجبك إللى حصل
نفين ٠٠٠ لاء طبعآ مش عجبنى بس عمر مالهوش ذنب البنت إللى اسمها ميار هى إللى عملت الشوشره دى كلها
عزت ٠٠٠ دى بردوا نتيجة أفعاله. ما الزفته ده كانت صاحبته
نفين٠٠٠ ماشى بس عمر اتغير . مبقاش عايز يعرفها تانى عشان كده البنت اتجننت و عملت الهوليلة دى كلها .
شيرى ٠٠٠ طنط نفين عندها حق يا بابا عمر مالهوش ذنب فى إللى حصل
عزت ٠٠٠ أنا عارف بس بردوا انا ياما نصحته يبعد عن الأشكال دى
نفين ٠٠٠ خلاص بقى انسى ..و يلا أعزمنى على فنجان قهوة لأنك صدعتنى انت و أبنك
عزت ٠٠٠ بس كده انتى تأمرينى
شيرى٠٠٠ طيب انا رايح أقعد مع صحابى
بعد انصرفت شيرى لانها أرادت أن تترك عزت مع نفين لوحدهم قال عزت
عزت ٠٠٠ تعرفى احلى حاجة فى شيرى انها طالعه لأبوها بتفهم
◇◇◇◇◇◇◇◇◇◇◇□□□□□□□□□□
فى الفيلا
فى غرفة عمر و إيلا
بعد ما وصل عمر الفيلا قال لإيلا الذى كانت صامته طول الطريق من النادى للفيلا كان واضح عليها الانزعاج
عمر ٠٠٠ ساكته ليه
إيلا ٠٠٠ عادى هقول ايه
عمر ٠٠٠ مضايقه من إللى حصل
إيلا ٠٠٠لا عادى خلاص إللى حصل حصل
عمر ٠٠٠ يبقى مضايقة
هنا جذبها عمر إليه لتجلس على قدميه و قال
عمر ٠٠٠ إيلا انتى عارفه حياتى كانت ازاى قبل ما أعرفك ..
إيلا ٠٠٠ عارفه بس ..
قطع عبارتها وقال
عمر٠٠٠ بس حبك غيرنى . كل ده بقى بالنسبالى ماضى . بس انا لازم اتعب شويه عشان انضف الماضى بتاعى
إيلا ٠٠٠ فاهماك .. على فكره انا كنت متوقعه ان ده يحصل من ميار . بس بردوا حسيت انى مخنوقه و انت قاعد بتتكلم معاها
عمر ٠٠٠ غيرتى
إيلا ٠٠٠ أيه مش من حقى اغير عليك
ضمها إليه بقوه وقال
عمر ٠٠٠ طبعآ حقك .
ثم قبلها و ذهبوا معآ الى عالمهم الخاص
◇◇◇◇◇◇◇◇◇◇◇◇◇□□□□□□□□
فى شركة
~
~~~~~~
يجلس عمر على مكتبة و أمامه عز و مروان
عمر ٠٠٠ مروان عملت إللى انا قولتلك عليه
مروان ٠٠٠ عملتو دلوقتى قانون تقدر تفسخ العقد بينك و بين فطين من غير ما يكون له أي حقوق قانونية
عمر ٠٠٠ تمام . يبقى. عز انت اخطارهم فى القرية ان تم فصل فطين نهائيآ من أدارة القرية السياحية
عز٠٠٠ تمام هبعت فاكس دلوقتى حالآ بقرار الفصل .. عايز حاجة من تانى
عمر ٠٠٠ لاء متشكر
عز ٠٠٠ طيب هروح اشوف شغلى
انصرف عز وقال مروان
مروان ٠٠٠ قرارك مش قاسى شويه يا عمر
عمر ٠٠٠ لازم القرار يكون قاسى عشان يكون عبر لأى حد يفكر يغش عمر القاضى
مروان ٠٠٠ يغش عمر القاضى ولا يبص لمرات عمر القاضى
عمر ٠٠٠ قصدك ايه يعنى
مروان ٠٠٠ قصدى انت إللى مدايقك اوى انك عرفت ان فطين عينه من آيلا
عمر ٠٠٠ و آنا مش ناكر.. بس بردوا الموضوع كان ممكن يأذى بابا
مروان ٠٠٠ بس بصراحة تفكير شياطين. قولى انت عرفت الموضوع ده من امتى
عمر ٠٠٠ من قبل ما أيلا تهرب بس هروب إيلا خلانى نسيت الموضوع ده .. يومها شيرى قالتى ان بشرى هى إللى جات لبابا و قالتو على علاقتى بآيلا بس ماكنتش تعرف ان متجوزها.. انا سألت بشرى قالتلى على طول انا مرام هى قالتلها
مروان ٠٠٠ طبعآ من غير تفكير واضح ان ميار هى إللى قالتها تعمل كده
عمر ٠٠٠ بالظبط بس إللى كان مفجأة بالنسبالى ان فطين كمان كان مشترك معاهم
مروان ٠٠٠ طيب قولى هتعمل ايه فى موضوع الفيديو ده
عمر ٠٠٠ أه…تعرف انى معرفتش انام طول الليل وانا بفكر فى القصة دى
مروان ٠٠٠ لاقيت حل
عمر ٠٠٠ تقريبآ . استنا و اسمع
ثم قامت بأجراء مكالمة هاتفية
( بداية المكالمة )
عمر ٠٠٠ ألووو
مرام ٠٠٠( بخوف قالت) ألووو عمر و واللهى انا ماليش ذنب ميار هى إللى خلتنى اعمل كده . انا قولتلها عمر مش هيسكت لو عرف لكن هى قال………
قطع عمر باقى جملتها وقال
عمر ٠٠٠ مرام .مرام . اسكتى شويه عشان تسمعينى انا عايز منك ايه
مرام ٠٠٠ حاضر . ان مستعده اعمل اي حاجة انت عايزها . بس بلاش تقدم الشيكات للنيابة
عمر ٠٠٠ تمام يبقى تنفذى إللى هقولك عليه
فى فيديو ليا مع ميار على تليفون ميار انا عايزك تمسحى الفيديو من على تليفونها من على الاب توب كمان .. بعد ما ده يحصل انا هنسى قصة الشيكات دى خالص . وعلى فكرة العرض ده سارى لمدة يوم واحد بس .قوليلى تقدرى تعملى كده
من غير تفكير قالت
مرام ٠٠٠ آه اقدر . انا هسمح الفيديو النهاردة
و هتصل عليك
عمر ٠٠٠ تمام .. فى حاجه كمان
مرام ٠٠٠ أيه
عمر٠٠٠ رودى كانت تعرف بالحوار ده
مرام ٠٠٠ تقصد بأتصالى ببشرى .. لاء حرام رودى ولا لؤى ميعرفوش حاجة عن الموضوع ده
عمر ٠٠٠ تمام يبقى هستنا منك تليفون النهاردة
قال جملته ثم أغلق الخط
( إنتهت المكالمه )
~~~~~~~~~~~
مروان ٠٠٠ تفتكر هتعملها و تمسح الفيديو
عمر ٠٠٠ طبعآ هتعملها ماعندهاش حل تانى
انا نفسى افتح عينى و غمضها القينى خلصت من حوار الفيديو ده
مروان ٠٠٠ انت قلقان من ايه ٠٠ميار عمرها ما هتنشر الفيديو اكيد هى مش عبيطه عشان تفض،ح نفسها
عمر ٠٠٠ عارف انه مش هنشرو. بس ممكن تبعتو ل إيلا . ساعتها هيبقى عندى أصعب من انها تنشرو
مروان ٠٠٠ لدرجدى خايف من إيلا
عمر ٠٠٠ مش خوف بس مش هقدر استحمل نظرات إيلا ولا حزنها لما تشوف عنى حاجة زى كده . رغم أنها عارفه بعلاقتى مع ميار قبل جوازنا
مروان ٠٠٠ بتحبها أوى كده
عمر ٠٠٠ بحبها .. انا ساعات بحس كلمة حب دى قليله أوى باللى انا بحسه أتجاها.
زمان كنت بتريق على إللى بيحبوا . كنت بقول على الحب ده شغل هبل يعنى ايه انسان بيقى روحه متعلقه بأنسان تانى .
بس دلوقتى انا بجد روحى متعلقه بروحها
مقدرش اعيش من غيرها
مروان ٠٠٠ هههههه فاكر يا عمر انا قولتلك ايه يوم ما حكيتلى عن إيلا..
عمر ٠٠٠ قولتلى انك خايف عليا من الحب
مروان ٠٠٠ ساعتها قولتلى انت عبيط مافيش حاجة اسمها حب . صدقتنى دلوقتى يا صاحبى
عمر ٠٠٠ و بصمت بالعشرة كمان
هنا رن هاتف عمر عندما رأه عمر هوية المتصل قال
عمر ٠٠٠ فطين بيتصل أكيد الخبر وصل
( بداية المكالمة )
فطين ٠٠٠الو عمر فى حاجة مهمه حصلت
عمر ٠٠٠فطين انا مش فاضى كلمنى وقت تانى
فطين ٠٠٠ بس الموضوع مهم
عمر ٠٠٠ طيب انجز قول بسرعة
فطين ٠٠٠ فى غلطة أكيد حصلت و طلع جواب بفصلى من الشغل
عمر ٠٠٠ ( ببرود قال)طيب فين المشكلة
فطين ٠٠٠ عمر انت مش سمعتنى كويس بقولك جواب بفصلى من أدارة القرية السياحية
عمر ٠٠٠ أه أنا سمعت من أول مره .
فطين ٠٠٠ عمر انتى بتكلمنى ببرود كده ليه
عمر ٠٠٠ آمال المفروض الكلامك ازاى
فطين ٠٠٠ فى ايه يا عمر مالك
عمر ٠٠٠ مافيش. احنا خلاص استغنينا عن خدماتك فى القرية السياحية .و شكرآ
فطين ٠٠٠ عمر انت بتقول ليا انا الكلام ده
انا فطين صاحبك
عمر ٠٠٠صاحبى ايه يا راجل قول كلام غير ده. اه صح افتكرت انت صاحبى الخسيس إللى كان بيطعنى فى دهر مش كده
فطين ٠٠٠ أنا مش فاهم حاجة
عمر٠٠٠ كلم الحربايه إللى أسمها ميار وهى هتقولك. دلوقتى انا مش عايز اشوف وشك تانى ولا حتى اسمع صوتك
قال جملته ثم أغلق الخط
( إنتهت المكالمه )
~~~~~~~~~~~~~
مروان ٠٠٠ كده أرتحت
عمر ٠٠٠ طبعآ . يبقى كده مش فاضل غير إللى اسمه عمار ده .. جمعت المعلومات إللى قولتلك عنها
مروان ٠٠٠ جمعتها . ده طلع داهيه سوده بدايته كان قواد .بعد كده دخل فى تجارة مخدرات وبعدها بقى سلاح
عمر ٠٠٠ غريبه مش باين عليه . إللى يشوفوا . أخرى شمام
مروان ٠٠٠ شكله ده ستاره بيخبى بيها بلاوى
عمر ٠٠٠ هات المعلومات دى وانا هوديها اللواء أحمد جمال الدين صاحب بابا هو بقى يتصرف فيها .. دلوقتى فاضل قضية الحضانة بكره
مروان ٠٠٠ دى هنكسبها أكيد .. عمار عنده قضية تعاطى فى كمان عليه قضية مخدرات صحيح هو طلع منها براءه بس العيار إللى ما يصيبش يدوش ..كده سهل اوى نثبت انه غير أمين على الولاد و نكسب القضية بسهوله
عمر ٠٠٠ كل تمام اوى
◇◇◇◇◇◇◇◇◇◇◇□□□□□□□□□□
اليوم التالى
تحديدآ فى محكمة الأسرة ..بعد ما أخد القاضى بشهادة الطفلين و بعد ما قدم مروان المستندات التى تثبت بأن مروان غير
أمين على الطفلين ان له سوابق . انه كان متهم فى قضية تعاطى و قضية مخدرات حكمت المحكمة بضم الطفلين لحضانة جدتهم نفين إبراهيم
هنا كانت الفرحه تسيطر على الجميع و خصوصآ إيلا.. أخيرآ رجعوا الطفلين لحضنها
◇◇◇◇◇◇◇◇◇◇◇◇◇□□□□□□□□
مستودع أدوات صحية
أما فى الجهة الاخرى عند عمار الذى كان فى حالة هيجان و غضب و يقوم بتكسير كل شئ أمامه و يسب ويلعن عمر .
بينما حاول رجالته معاهم المحامى بمحاولة تهدئته لكن لا حياة لمن تنادي .
كان عمار فى حالة يأس لقد خسر آخر كارت يقدر يبتز إيلا به
بعد ساعة من الغضب الحاد
قال المحامى
المحامى ٠٠٠ أنا قولتلك من الأول لو عرفوا القضايا إللى عليك يبقى قضية الحضانة دى هتبقى خسرانه
عمار ٠٠٠ ماشى انا هوريك يا ابن القاضى اقسم بالله ماهخليك تفرح انك انتصرت عليا
ثم قال عمار للرجالته
عمار ٠٠٠ انتم تنفذوا إللى هقولكم عليه بالحرف الواحد فاهمين
إحدى الرجال قال
الرجل ٠٠٠ انت بس تأمرنا
عمار ٠٠٠ يبقى اسمعوا
بعد ما قال عمار ما يريده
عمار ٠٠٠ فهمتوا كده هتعملوا ايه .مش عايز حد يشوفكم .. فاهمين
◇◇◇◇◇◇◇◇◇◇◇□□□□□□□□□□
فى المساء
فيلا القاضى
الكل فرحان برجوع كريم و كارما
عمر ٠٠٠ أيه رأيك بقى انا طلعت عند وعدى ليكى و الولاد دلوقتى فى حضنك بحكم رسمى من المحكمة
إيلا٠٠٠ انا مش عارفه اقولك ايه ولا اشكرك ازاى .بجد يا عمر انت اكتر حاجة حلوه حصلت ليا فى حياتى.. عمر انا بحبك اوى
شيرى ٠٠٠ ياسيدى على كلام الحلو ..يارب أوعدنا
عمر ٠٠٠ ماهو الأر ده إللى جايبنا ورا
شيرى ٠٠٠ يعنى قصدك ايه انى هحسدكم
آيلا٠٠٠ لأ يا شيرى اكيد عمر مقصدش كده
عمر ٠٠٠ طبعآ دى شيرى حبيبتى
نفين ٠٠٠ ربنا بفرحكم كمان و كمان يا ولاد
عزت ٠٠٠ أيه هو انا كمان ماليش نصيب افرح ولا ايه
نظرت نفين ل عزت هى تعلم ماذا يقصد بكلامه. بينما عمر قال بخبث
عمر ٠٠٠و انت ايه إللى يفرحك يا بابا
عزت ٠٠٠ ان حماتك تحن عليا
آيلا ٠٠٠ ( بأستغراب قالت ) يعنى ايه مش فاهمه
نفين ٠٠٠ ( بأرتباك قالت) مش وقت الكلام ده
عزت ٠٠٠ آمال وقته امتى . انتى قولتى استنا لما الولاد يرجعوا. و اديهم رجعوا استنا ايه بقى تانى
إيلا بأستفسار و عدم فهم قالت
إيلا ٠٠٠ هو فى ايه انا مش فاهمه حاجة
عزت ٠٠٠ بصى يا إيلا انا عايز اتجوز نفين
نفين ٠٠٠ نعم بتقول أيه تتجوز ماما
عمر ٠٠٠ مالك يا إيلا مستغربه ليه أوى كده
إيلا ٠٠٠ هو عادى يعنى ان باباك يتجوز أمى
عزت ٠٠٠ و ايه الغريبة فيها .
إيلا ٠٠٠ طبعآ غريبة دى ماما
عزت ٠٠٠ يعنى مش موافقه
إيلا ٠٠٠ لاء انا ماقولتش كده .انا بس استغربت. مش اكتر
عمر ٠٠٠ طيب بعد ما استغربتى ايه رأيك
إيلا ٠٠٠ أنا ماليش رأى دى حياتها وهى حره فيها
عزت ٠٠٠ يعنى ماعندكيش مانع
إيلا ٠٠٠ لاء طبعآ
نفين ٠٠٠ فى ايه أنتو بتتكلموا و كأنى وافقت
عزت ٠٠٠ ليه هو انتى مش موافقه
نفين ٠٠٠ عزت انا قولتلك قبل كده انا قفلت الصفحة دى من حياتى .
إيلا ٠٠٠ ليه يا ماما ..انا عارفه انتى مش عايزه ترجعى تجربى تتجوزى من تانى بعد إللى حصل مع بابا … بس انتى غلطانه عمو عزت غير بابا .. كمان من حق تعيشى حياتك ماما أدى نفسك فرصه تانى انتى تستاهليها
يمكن عمو عزت عوض ربنا ليكى على عملو معاكى بابا
نفين ٠٠٠ و الناس تقول عليا ايه اتجوزت وهى عندها أحفاد
عمر ٠٠٠ معلش بس الناس فى كل الحالات بتتكلم. وانتى مش هتعملى حاجة عيب ولا حرام.. بعدين حضرتك لسه صغيره ليه عايزه تعيشى باقى حياتك وحيده .. بس عشان خايفه من كلام الناس
شيرى ٠٠٠ صح يا طنط كلام الناس عامل زى المرض لو استسلمنا ليا هياكل فينا لحد ما يمو،تنا.
نفين ٠٠٠ بس هقول لأهلى و ……..
قطع جملتها عزت و قال
عزت ٠٠٠ نفين انا بقالى حوالى ١٥ سنه منفصل عن أم عمر و شيرى . عمرى مافكرت اتجوز .. لانى كنت بقولى انى لما اتجوز هتجوز الست إللى احب يوم ما امو،ت .امو،ت وهى جانبى
ثم أخذ نفس طويل بتنهيدة وقال
عزت ٠٠٠ نفين انا عايز لما امو،ت تكونى انتى إللى جانبى و مسكه ايدى
دمعت نفين من كلام عزت بينما قالت إيلا
ل عمر
إيلا ٠٠٠ شايف الرومانسية اتعلم من ابوك
عمر ٠٠٠ أيه الرومانسية فى انى اقولك عايز امو،ت و انتى جانبى .. مش اعيش الأول
و انتى جانبى بعد كده افكر فى المو،ت
هنا تطلع عزت ل عمر و إيلا وقال بتحذير
عزت ٠٠٠ ممكن تسكتوا انتم الاتنين
هنا قالت إيلا بمكر
إيلا ٠٠٠ أيه ده حضرتك بتزعقلى… اه انت عايز تعملى فيها من دلوقتي جوز أم . . لاء يا عم انا مش موافقه على الجوازه دى
هنا ضحكوا الجميع على أسلوب إيلا فى الحديث إللى كان مثل الاطفال
ثم قالت نفين
نفين ٠٠٠ أنا عندى أهم حاجة رأي إيلا
عزت ٠٠٠ أيلا حبيبتى على فكره انا مش كنت بزعقلك ولا حاجة ده انا كنت اقصد عمر
عمر ٠٠٠ كده يا بابا انت بضحى بيا
عزت ٠٠ أه بضحى بيك عندك مانع
إيلا ٠٠٠ اذا كان كده انا طبعآ موافقه
نفين ٠٠٠ و آنا كمان موافقه
عزت ٠٠٠ معلش انتى قولتى ايه
شعرت نفين بخجل وهى تقول
نفين٠٠٠ فى ايه يا عزت .قولت موافقة
صرخ. عزت من الفرحه
أما عمر جذب إيلا آليه من خصرها و ضمها له
وقال
عمر ٠٠٠مبروك يا بنت مرات أبويا
إيلا٠٠٠ الله يبارك فيك يا ابن جوز أمى
هنا انتفضوا جميعآ على صوت صراخ التى تقف أمامهم و تضع يديها على فمها بدهشه
و الصدمة واضحه على ملامحها وهى تقول
من هى الفتاه التى اقتحمت عليهم سعادتهم
بماذا يخطط عمار لكى ين،تقم منهم