رواية الهروب إلى المجهول الفصل الخامس والثلاثون 35 بقلم أروى عادل

رواية الهروب إلى المجهول الجزء الخامس والثلاثون

رواية الهروب إلى المجهول البارت الخامس والثلاثون

رواية الهروب إلى المجهول الحلقة الخامسة والثلاثون

عمر ٠٠٠ انتى عايزانى اهدى ازاى انا كل ما افتكر ان الحيو،ان ده كان هيمد أيده عليكى ابقى عايز……….
قطعت جملته عندما اقتربت منه ز حضنت وجه بيديها تلتهم شفتيه بقبله قويه و طويله.. لم تتركها إلا عندما شعرت انه هدئه تمامآ . لذلك ابتعدت عنه بأحراج
لكنه عمر جذبها إليه . وتحدث و هو يتأمل شفتيها برغبه و يقول
عمر ٠٠٠ سكتى كملى ..مش بتلعبى بالنا،ر يبقى لازم تنحر قى بيها
ثم التقط شفتيها وظل يقبلها بلا هوادة و كأنه وجد ضالته بعد عناء
هنا قالت إيلا بصعوبه و صوت ضعيف
إيلا ٠٠٠ عمر ٠٠٠ أحنا فى العربية حد .يشوفنا
كان عمر غير قادر على الابتعاد عنها لذلك تجاهل كلامها ..و هو مازال يقبلها بلا توقف
لكن إيلا وضعت يديها الاثنين على صدره مثل الحاجز لكى يبتعد عنها.لذلك شعر عمر و بضيق وقال
عمر ٠٠٠ إيلا شيلى أيدك
إيلا ٠٠٠ عمر افرض حد شافنا احنا فى العربية
عمر٠٠٠ مايشوفنا. ماحدتش ليه عندنا حق
وبعدين متخافيش أزاز متفيم يعنى محدتش بيشوف منه حاجة
إيلا ٠٠٠ طيب ليه شغل المراهقين ده ما احنا لينا بيت
عمر ٠٠٠ مش انتى إللى بدأتى استحملى بقى إيلا ٠٠٠ ( بأرتباك قالت) ما انت كنت متعصب قولت اعمل أى حاجة تخليك تهدى
عمر ٠٠٠ قصدك قولتى تلعبى بأعصابى صح
إيلا ٠٠٠ بصراحه أه .. قولت استغل حبك ليا
عمر ٠٠٠(ابتسم بمكر قال) أه يعنى بتعترفى انك بستغل حبى ليكى .. يبقى استحملى
إيلا ٠٠٠ معناها ايه الضحكه دى
عمر ٠٠٠ لما نروح الفيلا دلوقتى ابقى اقولك
إيلا ٠٠٠ انت مش قولتلى انك هتغدينى بره وانا بقى جعانه
تأملها عمر برغبه و شوق وقال بخبث
عمر ٠٠٠ وانا كمان جعان أوى محتاج أكل منك لحد ما أشبع.. لو أنى متأكد انى عمرى ما هشبع منك
توترت إيلا بخجل حتى إحمر وجهها لذا أقتربه عمر و هو يزيح خصلات شعرها من على وجهها ليرى خجلها الذى طالما كان يسحرو لذلك قال
عمر ٠٠٠ معقوله لسه بتكسفى و وشك بيحمر و ايدك بتترعش من كلامى و لمساتى
شعرت آيلا بحرارة تسرى بجسدها من شدة الخجل وقالت بصوت يكاد يكون مسموع
إيلا ٠٠٠ بس بقى يا عمر.
عمر ٠٠٠ واللهى انتى هتجننى عمر
دفنت إيلا وجهها فى صدر عمر وهى تقول بخجل
إيلا ٠٠٠ اسكت بقى
ضمها عمر أكثر إليه بيده و يد الأخرى على عجلة القيادة . ثم انطلق بالسيارة
هنا قال عمر بأستفسار
عمر ٠٠٠ إيلا
إيلا ٠٠٠٠ أيه
عمر ٠٠٠ هو عمار قالك ايه خلاكى تضر،بيه بالقلم
سكتت إيلا هى بتحاول تخرج من حضن عمر لكن عمر لم يسمح لها بذلك وقال
عمر ٠٠٠ خليكى .. لو الرد هيضايقك بلاش تردى.
إيلا ٠٠٠ قالى اكتر كلمه بكر،ها فى حياتى كلها كلمه فكرتنى بأسوء يوم حياتى
عمر٠٠٠(بضيق قال)ممكن أعرف ايه الكلمة دى
إيلا ٠٠٠ قالى يا برنسيسة..انا بكر،ه كلمه دى كل ما بسمعها بفتكر أسوء لحظات حياتى
.يوم مو،ت إلين وقت ما حاول عمار يع……..
صمتت إيلا فجأة عندما انتبهت ماذا كانت ستقول.. لذلك قال عمر وهو بيحاول يسيطر على غضبه
عمر ٠٠٠ اليوم إللى حاول عمار يعت،دى عليكى مش كده
خرجت إيلا من حضن عمر بسرعة و قالت بأستغراب
إيلا ٠٠٠ انت عرفت الموضوع ده ازاى
عمر ٠٠٠ أنا عارف كل حاجه حصلت اليوم ده
هنا بدأت الدموع تنزل من إيلا غصب عنى رغم محاولاتها انها تسيطر عليها
لذلك رجع عمر يضمها إليه مره أخرى بصمت
هنا قالت إيلا بصوت موجوع ممزوج بقهر
إيلا ٠٠٠ عمار ق،تلها عشان كانت بدافع عنى
.يمكن صح مش هو إللى رماها من البلكونة بس هو فضل يضر،ب فيها لحد ما رمت نفسها عشان تهرب من أذاه و تعذيبه ليها
عمر ٠٠٠ إيلا . انا اوعدك .. انى هخدلك حقك من عمار .أقسم بالله ما هسيبه و هخليه يدفع التمن و،جعك ده غالى أوى
إيلا ٠٠٠ لاء يا عمر انا خلاص مش عايزه حاجة منه غير كريم و كارما و بس
عمر ٠٠٠ متخافيش انا قولتلك كريم و كارما هيكونوا معاكى خلال الأسبوع ده
◇◇◇◇◇◇◇◇◇◇◇◇□□□□□□□□□
أول ما وصلوا الفيلا سألت إيلا عن نفين لكن شيرى قالت
شيرى ٠٠٠ لسه ماجتش . ولا هى ولا بابا
إيلا ٠٠٠ ازاى المفروض كانت وصلت من بدرى
عمر٠٠٠ استنى اتصل بابا أشوف اتأخروا ليه
رن عمر على عزت لكن عزت كنسل على المكالمة لذلك قال عمر بأستغراب
عمر ٠٠٠ غريبة بابا كنسل عليا
إيلا ٠٠٠ عمر ابوك اخد امى فين
عمر ٠٠٠ يعنى هياخدها فين
شيرى ٠٠٠ بصراحه انا ملاحظه ان بابا معجب بطنط نفين
عمر٠٠٠ يعنى ايه اخدها و هرب ولا خطفها
شيرى ٠٠٠ صح ممكن بابا يعملها
إيلا ٠٠٠ ما تهدى انت و أختك فى ايه انا هتصل بماما
( بداية المكالمة )
نفين ٠٠٠ الووو
إيلا ٠٠٠ أيوه يا ماما انتى فين
نفين ٠٠٠ أنا مع عمك عزت .
إيلا ٠٠٠ فين يعنى
نفين ٠٠٠ فى كافيه عزت بيه . صمم يعزمنى على قهوة . فى حاجة
إيلا ٠٠٠ لاء ابدآ بس قلقت عليكى لما اتأخرتى
نفين ٠٠٠ لاء متقلقيش كلها نص ساعة و اكون عندك…يالا سلام
إيلا ٠٠٠ سلام يا ماما
( إنتهت المكالمه )
شيرى٠٠٠ ايه راحوا فين
إيلا ٠٠٠ عمو عزت عزمها على فنجان قهوة
عمر ٠٠٠ مش سهل ابدآ بابا ده
إيلا ٠٠٠طبعآ طالع لأبنه
عمر٠٠٠( نظر بخبث وقال) أيه مش عجبك ابنه
إيلا ٠٠٠ هو انا قولت حاجة
◇◇◇◇◇◇◇◇◇◇◇◇□□□□□□□□□
إحدى الكافيهات
يجلس عزت و نفين يحتسون القهوة فى إحدى الكافيهات
نفين ٠٠٠ قولى بقى فى ايه صممت اننا نيجى هنا نتكلم
عزت ٠٠٠ كان بيقولك ايه
نفين ٠٠٠ مين ده
عزت ٠٠٠ طاليقك كان عايزك فى ايه
نفين ٠٠٠ حضرتك مش شايف السؤال ده خاص شويه
عزت ٠٠٠ عارف .بس من ساعة ما طلب يتكلم معاكى و آنا حاسس انى مخنوق
.و مدايقك
نفين٠٠٠ ( بأستغراب قالت) طيب دى حاجة تدايقك فى ايه
عزت ٠٠٠ نفين انتى ست ذكية وأكيد انتى فاهمه انى معجب بيك
نفين ٠٠٠ أسمعنى يا عزت بيه
قطع كلامها و قال
عزت ٠٠٠ عزت بس . زى ما انا بقول نفين بس
نفين ٠٠٠ تمام يا عزت بس .ممكن تسمعنى بقى
عزت٠٠٠ اتفضلى
نفين ٠٠٠ أنا من يوم ما أطلقت من جلال و انا قفلت الصفحة الرجاله خالص من حياتى تقدر تقول انا خلاص اخدت نصيبى من الحب والرجاله و الارتباط. و كلام ده كله
انا عايشه بس عشان بنتى
عزت ٠٠٠ وانا كمان كنت زيك .بس جيتى انتى و غيرتنى قلبتى حياتى . الشعور إللى انا بحسو اتجاهك انا عمرى ما حسيتو فى حياتى كلها تعرفى انا عمرى ما حبيت
نفين ٠٠٠ ازاى يعنى آمال أم عمر و شيرى
عزت ٠٠٠ لاء دى كانت اكبر غلطه فى حياتى
إنى اتجوزتها و آنا كنت لسه مكملتش الواحد و عشرين سنه كنت صغير مش فاهمه.. و هى كانت بنت خالتى . كانت بنت كامله مال و جمال و حسب و نسب يعنى من كانت من الخارج ست كامله
نفين ٠٠٠ طيب كويس ليه بقى بتقول انها أكبر غلطه فى حياتك
عزت ٠٠٠ لانى نسيت ان فيه كمان الأخلاق و الدين .. كنت حياتها كلها خروجات و فسح و سهر و صحاب بنت و ولاد .. لم أعترض علىى إللى بتعملو ابقى راجل رجعى و متخلف.. حتى لبسها كله مكشوف كانت بتقول ده حريه شخصية . بس انا فى الاخر راجل شرقى كان فى حاجات افوتها
و عديها و فى حاجات ماينفعش افوتها ولا اعديها. استحملتها كتير و حاولت أفهمها إللى بتعملو غلط بس لا حياه لمن تنادى
نفين ٠٠٠ عشان كده اطلقتوا
عزت ٠٠٠ انا فاكر بالظبط يوم إللى طلقتها فيه . يومها كنت عندى شغل . و كانت شيرى تعبان أوى . يومها سابت البنت مع الداده و راحت تسهر مع صحابها .ساعتها عمر اتصل بيا و قالى ان شيرى تعبان أوى هو حاول يتصل على أمه لكنها كنسلت عليه . عشان كده اخد اخته بنفسه و راح بيها المستشفى لوحده مع أنه كان عنده ١٣ سنه .لحد دلوقتي عمر مش قادر ينسى لأمه الموقف ده
نفين ٠٠٠ و مفكرتش تتجوز تانى بعدها
عزت ٠٠٠ اكيد حاولت . بس المردى قولت مش هفكر بعقلى تانى . انا هتجوز بس الست إللى يدق ليها قلبى
نفين ٠٠٠ و سنين دى كلها قلبك مدقش
عزت ٠٠٠ مدقش غير ليكى انتى
نفين ٠٠٠ ( بخجل قالت) عزت انت بتقول
عزت ٠٠٠ نفين تتجوزينى
بلعت نفين ريقها و بأرتباك قالت
نفين ٠٠٠عزت احنا كبرنا على الكلام ده
عزت ٠٠٠ طيب بذمتك ده شكل واحده كبيرة ده انا بفكر اخلف منك
نفين ٠٠٠ ( بتوتر قالت) انت اتجننت ايه إللى بتقولو ده
عزت ٠٠٠ أتجننت لأنى عايز اتجوزك
نفين ٠٠٠ عزت احنا عندنا حفيد
عزت٠٠٠ و ايه يعنى هو انا بطلب حاجة عيب ولا حرام .. بعدين حرام تدفنى شبابك جمالك ده عشان خاطر تجربه فاشله فى حياتك
نفين ٠٠٠ لاء بس . انا مقدرش اعمل……..
قطع عبارتها و قال
عزت ٠٠٠ بلاش تردى عليا دلوقتى ياريت تفكرى الأول
نفين ٠٠٠ طيب يالا نمشى
عزت ٠٠٠ اتفضلى
◇◇◇◇♡♡♡♡♡♡♡□□□□□□□□□
فى المساء
فيلا عزت القاضى
غرفة المكتب
~~~~~~~~~~
عمر … يعنى المفروض انا اعمل ايه دلوقتى اروح اتكلم معاه
عزت ٠٠٠ اوعى عمك من غير حاجة متعصب منك . لو روحت هتحصل مشكله .انا إللى هروح اتكلم معاه
عمر ٠٠٠ يبقى اجى معاك .. انا عارف عمى محسن مش هيسكت و هيدايقك بالكلام
عزت ٠٠٠ أه عشان تعمل معاه مشكله . عمر اوعى تنسا ان محسن أخويا الكبير
عمر ٠٠٠ يا بابا انا مش عارف انت مكبر الموضوع ليه
عزت ٠٠٠ لان الموضوع كبير فعلآ . انا لازم اتكلم معاه و افسخ الخطوبه.. قبل مع عمك يعرف من بره انك اتجوزت و خلفت كمان . ساعتها محسن مش هيسكت
عمر ٠٠٠ هو انا أول واحد يخطب واحده
و مايكملش معاها
عزت ٠٠٠ يا عمر اوعى تنسا انتو خلاص كنتوا هتتجوزوا و عملتوا الفرح لولا الحا،دثه إللى حصلت كان زمان بشرى مراتك .. كنت بقيت جوز الاتنين
عمر٠٠٠ الحمدالله محصلش
عزت ٠٠٠ أدعى بقى للحا،دثه إللى حصلت هى إللى نجاتك من جوازك من بشرى
عمر ٠٠٠ تخطيطى هو إللى نجانى
قال عمر بدون مايفكر
عزت ٠٠٠ انت قولت ايه
عمر ٠٠٠ لاء ولا حاجة
عزت ٠٠٠ عمر إللى انا فهمتو صح .. انت معملتش حا،دثة..موضوع الحا،دثه ده كان من تأليفك. و إخراجك و تمثيلك صح
عمر ٠٠٠( بتوتر قال ) انا أسفه يا بابا
عزت ٠٠٠ انت متأكد أن مو،تى هيكون على ايدك
عمر ٠٠٠ يعنى انت كنت عايزنى اتجوز بشرى وانا قلبى مع إيلا
عزت ٠٠٠ و،جع فى قلبك انت و ست إيلا بتاعتك
عمر ٠٠٠ تمام انا بقى هقول ل نفين هانم انك حضرتك بتدعى على قلب بنتها
عزت ٠٠٠ انت بتهددنى يا ابن الكل،ب
هنا ضحكه عمر على تغير ملامح عزت عندما ذكر اسم نفين أمامه لذلك قال عمر
عمر ٠٠٠ ( بمكر قال) ممكن أعرف ايه النظام قولى انا بردوا زى ابنك .
عزت ٠٠٠ ( بتوتر قال) انا طلبت منها نتجوز
عمر ٠٠٠ تتجوز مين حماتى. بابا انت بتتكلم بجد
عزت ٠٠٠ أه طبعآ بجد .مستغرب ليه
عمر ٠٠٠ أنا كنت فاكر ان الحوار كله هزار
عزت ٠٠٠ لاء مش هزار انا بحبها بجد
عمر ٠٠٠ أيه ده يا عزت يا جامد حب مره واحده
عزت ٠٠٠ واطى صوتك يا كل،ب هتفضحنا
عمر ٠٠٠ سورى بس و اللهى انا مش مصدق
يعنى هنتجوز. بس أوعى تتشاقة
و الشيطان يلعب فى دماغك و تخلف لينا ولد . ساعتها ادخل الجيش. رسمى
عزت ٠٠٠ تصدق انا غلطان ان اتكلمت معاك
و صحيح انت محتاج تدخل الجيش عشان تتربى من أول و جديد… يالا قوم من وشى
هنا قال عمر وهو يداعب عزت بالكلام
عمر ٠٠٠ تمام .انا ماشى عايزه حاجه منى يا عريس ..
◇◇◇◇◇◇◇◇◇◇◇□□□□□□□□□
اليوم التالى
إيلا ٠٠٠ أنا مش متخيله ان في حد عنده جنينة زى دى . و يفطر جوه
عمر ٠٠٠ خلاص لو حبه كل يوم نفطر هنا
عشان يبقى الخضره و الوجه الحسن
قالت إيلا بمكر وهى تلعب فى زراير قميصه
إيلا ٠٠٠ طيب الخضره و عرفنها فين بقى الوجه الحسن
هنا رفعها عمر من خصرها ليجلسها على الطاولة التى امامه بينما إيلا حاوطت عنقه بذرعيها
عمر ٠٠٠ الوجه الحسن ابو أجمل و أطعم شفايف إللى عامله زى الكريز دى إللى عايزه تتاكل أكل
عندما كان على وشك تقبلها سمع صوت عزت وهو يقول
عزت ٠٠٠ يابنى ما تحترم نفسك أعمل حساب ان فى ناس معاك فى البيت
نزلت إيلا من على الطاولة بسرعة لتبتعد عن عمر لذا قال عمر
عمر ٠٠٠ بابا هو فى حد مسلطك عليا .. تعالى يا بنتى نقول الكلمتين إللى كنا بنقولهم فى أوضتنا
عزت ٠٠٠ متخلى عندك د،م و راعى ان فى واحد عاذب واقف قدامك
عمر ٠٠٠ يعنى اعمل ايه بلاش اتكلم معاها خلاص
كانت نفين واقفه تتابع كل ما يحدث لذلك تدخلت بعد ما رأت أيلا وجهها أصبح أحمر من شدة الخجل
نفين ٠٠٠ إيلا ممكن تنادى شيرى عشان تفطر معانا هنا
إيلا ٠٠٠ حاضر
بعد ما أيلا راحت تجيب شيرى لذلك قالت
نفين ٠٠٠ بطلوا تكسفوها انت وهو
عزت ٠٠٠ هو انا عملت حاجة
عمر ٠٠٠ لاء واللهى .. بريئ أوى يا عزت بيه
نفين ٠٠٠ أنا مش عارفه انتو ازاى أب و أبنه
عزت ٠٠٠ مين قالك ان الشحت ده ابنى أنا بس ربيته لوجه الله
عمر ٠٠٠ يا نهار أسود انت بعتنى فى ثانيه كده قدام المزه
نفين ٠٠٠ مين المزه دى
عزت ٠٠٠ ولا حاجة ده عمر بس بيستظرف
شيرى ٠٠٠ أيه الفطار الحلو ده . طنط نفين اكيد حضرتك إللى عاملتى الفطار
نفين ٠٠٠ لاء دى إيلا
عمر قبل يد إيلا و قال
عمر ٠٠٠ تسلم أيدك يا حبيبتى
بعد ما انتهوا من تناول الفطار جلسوا يحتسون القهوة يتبادلون أطراف الحديث
هنا قالت شيرى بحماس
شيرى ٠٠٠ بابا احنا مش نروح النادى النهاردة
عزت ٠٠٠ لو عايزة تروحى تمام يلا
شيرى٠٠٠اوكى يبقى نروح كلنا مع بعضها كمان عشان اعرف إيلا على كل معارفنا و صحابنا و قرايبنا
عزت ٠٠٠ ماينفعش يا شيرى انا لسه متكلمتش مع عمك محسن . هو لسه مايعرفش ان عمر اتجوز
إيلا ٠٠٠ مش مهم روح انتو
شيرى ٠٠٠ خلاص لو حد سألنى عن إيلا هقول انها صاحبتى مش مرات عمر .. ايه رايك يا عمر
عمر ٠٠٠ لو إيلا تحب تروح ان معنديش مانع
إيلا ٠٠٠ ليه هو انت مش هتروح
عمر ٠٠٠ لو هتروحى. يبقى هروح
عزت ٠٠٠ نفين انتى كمان معانا
نفين ٠٠٠ لأ انا هفضل مع أدم
عزت ٠٠٠ لأ استاذ أدم هيروح معانا
شيرى٠٠٠ يالا يا طنط خلينا نروح كلنا عايله واحده
عزت ٠٠٠( بفرحه قال) واللهى شيرى بنتى دى بتفهم .احنا فعلآ عايله واحده
عمر ٠٠٠ جات على مزاجك الكلمة دى صح
عزت ٠٠٠ اتلم
هنا قالت آيلا ل عمر بصوت غير مسموع
إيلا ٠٠٠ هو فى ايه. هو ليه عمو عزت فرح اوى لم شيرى قالت لماما اننا كلنا عايلة واحده
عمر ٠٠٠ عادى يا حبيبتى هو احنا مش عايله واحده فعلآ
إيلا ٠٠٠ طيب ليه عمو عزت بيقول لماما نفين كده من غير مدام
عمر ٠٠٠ عادى يا إيلا هو لازم يعنى يقولها مدام نفين
إيلا ٠٠٠ هو ايه. كله حاجة عندك عادى … عمر هو انت مخبى عليا حاجة
عمر ٠٠٠ لا حاجة ولا محتاجه
◇◇◇◇◇◇◇◇◇◇◇◇□□□□□□□□□
فى إحدى النوادى الخاصة والعائلات الأغنياء
جلسوا جميعآ على إحدى الطاولات
شيرى ٠٠٠ أيه يا عمر مش هتروح تركب خيل زى عادتك. ولا هتفضل تحرس المدام
عمر ٠٠٠ أه هروح يا لميضه .. إيلا ياريت المردى ما لاقيش واحد جاى يخطبك منى
عزت ٠٠٠ ما خلاص هو مافيش حد اتجوز واحده حلوه غيرك
عمر ٠٠٠ قلبى مش مطاوعنى .. إيلا تيجى معايا
عزت ٠٠٠ عمر ماحدتش هنا يعرف ان ايلا مراتك ياريت تتعامل على الأساس ده
عمر ٠٠٠ عادى يا بابا .. هو يعنى كل إللى ماشين مع بعض دول متجوزين
شيرى ٠٠٠ لا سيب ليا إيلا تقعد معايا
انصرف عمر . ثم قال عزت
عزت ٠٠٠ شيرى خدى إيلا فرجيها على النادى
فهمت شيرى ان عزت يريد أن يجلس مع نفين على لوحدهم
لذلك قامت شيرى و اخذت إيلا معاه لكى يتمشوا فى النادى
شيرى٠٠٠ تعرفى يا إيلا احنا كل جمعة بنقضى اليوم كله هنا فى النادى
هنا فجأة سمعت آيلا صوت طالما كر،هتو وهو يقول
ميار ٠٠٠ أيه ده هو فتحوا فرع للروم سيرفس فى النادى