رواية الهروب إلى المجهول الفصل الثاني والثلاثون 32 بقلم أروى عادل
رواية الهروب إلى المجهول الجزء الثاني والثلاثون
رواية الهروب إلى المجهول البارت الثاني والثلاثون
رواية الهروب إلى المجهول الحلقة الثانية والثلاثون
دخلت الخادمة وقالت بتوتر
الخادمة ٠٠٠ عزت بيه البوليس بره
استغرب عزت و ذهب ليعرف ما الأمر. و الجميع خرجوا خلفه
عزت ٠٠ فى ايه
الظابط ٠٠٠ أحنا اسفين يافندم. انا معايا أمر ضبط وإحضار للمدعوة إيلا جلال الصاوى
شهق الجميع بصدمة لم يصدقوا ما يسمعون
عزت ٠٠٠ انت بتقول أيه. مش ممكن . اكيد فى حاجة غلط
الظابط ٠٠٠ لا يا فندم انا متاكد ان مافيش غلط
. انا كمان معايا أمر بتسليم الطفلين كريم و كارما عمار سعيد زكريا
هنا ظهر عمار أمامهم
صرخت إيلا بخوف و زادت رهبتها عندما رأت عمار يقف أمامها و يبتسم لها بشر و خبث
إيلا ٠٠٠ لأ محدتش هياخد ولادى منى٠٠٠ انتم فاهمين
الظابط ٠٠٠ ياريت من غير شوشره تسلموا الولاد . و إيلا جلال الصاوى تفضل معانا
نفين ٠٠٠ بنتى مش رايحه معاكم فى حته هى معملتش حاجة
عزت ٠٠٠ استنوا بس افهم.. ممكن أعرف هى متهمه بأيه
الظابط ٠٠٠ أنا جهة تنفيذية يعنى بنفذ الأوامر بس .حضرتك لما تروح القسم الشرطه هتعرف كل حاجة..
ثم نظره الظابط العساكر وقال
الظابط ٠٠٠ هاتوها.
نفين مسكت فى إيلا وقال
نفين ٠٠٠ لاء سيبوها محدتش هياخدها . شيل ايدك انت وهو عنها.
الظابط ٠٠٠ لو سمحتم ..ماينفعش إللى بيحصل ده . انا مش عايز استعمل القو،ة
عمار ٠٠٠ حضرت الظابط ممكن تسلملى ولادى
إيلا ٠٠٠ لاء ابعدو عنى ولادى لا ..عمار ابعد عن الولاد . انا بحذرك
دون أن يلاحظ أحد انحنى عمار و همس لأيلا وقال
عمار ٠٠٠ لو عايزه الولاد انتى عارفه مكانى
.هستناكى
هنا العساكر جابوا الطفلين كان مشهد محزن
و لحظات عصبيه عاشها الطفلين وهم يصروخون يمسكون بأيلا و نفين
بينما ظلت إيلا تصراخ بحر،قه على أطفالها حتى كاد أن يقف قلبها .. كانت منهاره و كادت تفقد واعيها لذلك أسرع عزت و مسكها و يجذبها و يحتضنها ويقول
عزت ٠٠٠ أنا هاخدها بنفسى للقسم الشرطة
الظابط ٠٠٠ ماينفعش يا فندم
عزت ٠٠٠ ماينفعش ازاى انت مش شايف حالتها بعدين انا مستحيل أقبل انها تركب عربية البوكس
الظابط ٠٠٠ بس انا ماقدرش اوف…..
قطع عزت عبارته وقال
عزت ٠٠٠ أنا خلاص قولت كلمتى مستحيل تركب البوكس انا هاخدها معايا فى عربيتى .. ممكن تيجى انت معانا لو خايف
الظابط ٠٠٠ حاضر يا فندم اتفضل
نفين ٠٠٠ أنا جاية معاكم
عزت ٠٠٠ خليكى هنا عشان أدم .. وانتى يا شيرى اتصلى على عمر ..
◇◇◇◇◇◇◇◇◇◇◇◇◇□□□□□□□□
قسم الشرطة
مكتب التحقيقات
~~~~~~~~~~~~~~
ذهبت أيلا للقسم الشرطة فى سيارة عزت معاهم إحدى الظباط
.فى ذلك الوقت اتصل عزت بالمحامى
الظابط ٠٠٠ ما هو أقوالك فى انك قومتى يسر،قت مبلغ وقدره ١٥٠٠٠٠ الف جنيه من كوثر رشاد عبد العاطي بعد ما قومتى بتخديرها و سر،قت المبلغ من خزنت ملابسها و هربتى من المنزل منذه ثلاثة سنوات
إيلا ٠٠٠ ( بأستغراب و ألم) محصلش انا مأخدتش المبلغ ده كله
الظابط ٠٠٠مدام آيلا الإنكار مش هيفيدك
تنكرى انك هربتى بعد ما أخدتى المبلغ
إيلا ٠٠٠ حتى لو كنت هر،بت ده مش معناه انى حرا،ميه انا صح اخدت الفلوس من الدولاب بس دى كانت فلوس بابا كان بايع بيها دهب ماما يعنى دى مش فلوس كوثر خالص بعدين دول كانوا ١٥٠٠٠ الف بس مش المبلغ ده كله
الظابط ٠٠٠ اسمعى شكلك مش وش بهدله. عشان كده ياريت تشوفي ليكى محامى
هنا سمعوا صوت زعيق قو،ى و دخل العسكرى وقال
العسكرى ٠٠٠ يا باشا فى واحد بره مصمم انه يدخلك بيقول انه جوز المتهمه
الظابط خليه يدخل
أول ما عمر دخل معاه مروان ركضت إيلا إليه حضنته وهى تبكى لذلك قال بخوف عليها
عمر ٠٠٠ اهدى متخافيش انا معاكى
إيلا ٠٠٠ عمر انا ما أخدتش الفلوس دى كلها
عمر ٠٠٠ خلاص اهدى
هنا قال عمر بغضب عارم
عمر ٠٠٠ ممكن أعرف مراتى بتعمل ايه هنا
الظابط ٠٠٠ المدام متهمه فى قضية سرقه
عمر ٠٠٠ايه دليلك انها سرقت
الظابط ٠٠٠ المدام متقدم ضدها بلاغ من كوثر رشاد عبدالعاطي انها سر،قت منها مبلغ ١٥٠٠٠٠ ألف جنيه
عمر ٠٠٠ واللهى انتم اى حد يجى و يتهم حد انه سا،رق بتقبضوا عليه على طول.. من غير حتى دليل
الظابط ٠٠٠ القضية دى قديمة من تالت سنين كان صادر ضد المدام أمر ضبط و إحضار بس المدام كانت هربانه . لسه هنحقق فيها القضية
مروان ٠٠٠ و حضرتك عرفت منين انها كانت هربانه .او انها سر،قت . حضرتك اخدت كلام المدعية ثقة …و بنائآ عليه قومت بأصدار قرر القبض على موكلتى دون التحقق من صحة البلاغ المدعية
الظابط ٠٠٠ المتهمه ماكنتش موجوده عشان تدافع عن نفسها
عمر ٠٠٠( بغضب قال) مراتى من متهمه ..
انا إللى دلوقتى إللى بقدم بلاغ بتهم إللى اسمها كوثر انها قدمت بلاغ كيدى ضد مراتى
مروان ٠٠٠ ياريت تثبت ده فى محضر رسمى
ان كوثر قامت بتلفيق قضية سر،قه بغرض ابتزاز موكلتى و تشويه سمعتها و التشهير بها
و الاسائه لعائلة القاضى كما اطالب بتعويض مالى و رد أعتبار قدره ٥ مليون جنيه
نظره الظابط للكاتب وقال
الظابط ٠٠٠ أثبت يابنى الكلام ده فى المحضر
دلوقتى ممكن نبدء التحقيق
مروان ٠٠٠ بعد أذنك انا عايز اتكلم مع موكلتى على انفراد
الظابط ٠٠٠ تمام معاك ١٠ دقايق بس
خرج الظابط ثم قال عمر
عمر ٠٠٠ إيلا انا مش عايزك تخافى خالص . انتى هتروحى معايا دلوقتى مهما حصل
مروان ٠٠٠ مش وقت الكلام ده دلوقتى .. إيلا قوليلى انتى قولتى ايه فى التحقيق قبل ما ندخل
إيلا ٠٠٠ قولت الحقيقه انا اخدت ١٥٠٠٠ الف
بس دى فلوس بابا مش فلوس كوثر
عمر ٠٠٠ كده هيعمل إستدعاء باباكى.. ساعتها هيقول الحقيقة
إيلا ٠٠٠ ( بقهر قالت) انت متعرفش بابا ممكن يبعنى عشان خاطر كيفه و دماغه . هو اساسآ مش حاسس أى حاجة . عمار ممكن يلعب فى دماغه بسهوله عشان يجيب له مخد،رات
مروان ٠٠٠ اسمعى يا إيلا انتى هتقولى انك متعرفيش حاجة عن ١٥٠٠٠٠ ألف هتقولى ان كوثر بتفترى عليكى عشان رافضتى تتجوزى ابنها . مش عايزك تقولى اكتر من كده
كمان هتقولى انك مش كنتى هربانه .انتى كنتى عايشة مع ولدتك فى اسكندريه
قال مروان لعمر
مروان ٠٠٠ عمر خليك بره انت لحد ما ينتهى التحقيق
عمر ٠٠٠ انت عايزنى أسيبها
مروان ٠٠٠ عمر ده تحقيق رسمى واحنا مش عايزين تتعصب و تبوظ الدنيا
إيلا ٠٠٠ طيب و الولاد . انا خايفه عليهم من عمار
مروان ٠٠٠ الولاد أمرهم سهل . هنرفع قضية حضانه للولاد بأسم مدام نفين و اكيد هنكسبها
عاد الظابط مره أخرى و ثم حرج عمر
و بدء التحقيق
و بعد كثيرة من أسئلة و إجابات
ثم قال مروان
مروان ٠٠٠ أنا بطلب بأفراج عن موكلتى بضمان
محل إقامتها فيلا عزت القاضى . لان موكلتى فى فترة النفاس بعد الولادة لابد أن تكون لها رعاية صحية خاصه
ثم أعطى مروان ورقة تثبت صحت كلامه
لذلك قال الظابط للكاتب
الظابط٠٠٠ اكتب يابنى إمرنا نحن اكتب أسمى
فى قضية رقم ٥٤٦٦. الصادرة بتاريخ .اكتب تاريخ اليوم. بأستدعاء كل من جلال محمود الصاوى و كوثر رشاد عبدالعاطي بعد غدآ.. كما أمرنا بأخلاء سبيل إيلا جلال محمود الصاوى على ذمة القضية بضمان محل الإقامة .اكتب العنوان
◇◇◇◇◇◇◇◇◇◇◇◇□□□□□□□□□
امام قسم الشرطة
مروان ٠٠٠ هى خرجت إخلاء سبيل . بس لسه القضية شغاله
عزت ٠٠٠ يعنى لسه الموضوع مخلصش
مروان ٠٠٠ متخافش بعد الكلام إللى قالتو إيلا موقفنا بقى احسن . بس لسه الموضوع متعلق فى شهادت أبو إيلا
إيلا ٠٠٠ انسى بابا عمرو ما هيقف معايا
عزت٠٠٠ انت ساكت ليه يا عمر
عمر ٠٠٠ لاء ولا حاجة بابا معلش خد إيلا معاك انا رايح مشوار ضرورى بعد كده هرجع على الفيلا
آيلا ٠٠٠ رايح فين
عمر ٠٠٠ بعدين ابقى أقولك
توجه عمر بسيارته. هنا قال عزت
عزت ٠٠٠ مروان روح معاه ليعمل حاجة احنا مش ناقصين مصيبة جديده
مروان ٠٠٠ حاضر يا عمى
◇◇◇◇◇◇◇◇◇◇◇◇□□□□□□□□□
فى سيارة عمر
صعده مروان السيارة لذلك قال عمر
عمر ٠٠٠ انت رايح فين
مروان ٠٠٠ معاكى يا صاحبى . بس قولى رايح فين
عمر ٠٠٠ مروان ان مش فايق . لأى كلام من أى حد. ياريت تنزل من العربية
مروان ٠٠٠ انت عارف انى مش هنزل . و مش هسيبك
عمر ٠٠٠ خلاص يبقى متفتحش بوقك و تمشى معايا وانت ساكت
◇◇◇◇◇◇◇◇◇◇◇◇□□□□□□□□□
مستودع أدوات صحية
~~~~~~~~~~~~
عمار يصرخ فى المحامى بغضب و يقول
عمار ٠٠٠ ازاى خرجت . انت مش قولتلى هتاخد فيها أربع ايام مع الأستمرار
محامى ٠٠٠ موضوع انها لسه فى فترة النفاس ماكنش فى حسابنا .. كمان فى حاجة تانى
عمار ٠٠٠ فى ايه تانى أنجز قول
محامى ٠٠٠ جوزها اتهم الست كوثر فى محضر رسمى انها قدمت بلاغ كيدى ضد إيلا كمان طلب تعويض ٥ مليون
عمار ٠٠٠ انت بتخرف بتقول أيه..
المحامى ٠٠٠ أنا قولتلك من الأول انت مش أد الناس دى . ده ممكن بحبس الست كوثر
عمار ٠٠٠ بس هى سرقت فلوس قبل ما تهرب
المحامى ٠٠٠ هى قالت انها اخدت ١٥٠٠٠ الف من فلوس أبوها مش من الست كوثر .. الموضوع كده بقى فى ايد جلال..
عمار ٠٠٠( ضحكه بخبث و قال) كده خلاص إنتهت جلال يبيع نفسه عشان شمه
المحامى ٠٠٠ بفضل موضوع العيال .
عمار ٠٠٠ ماله ده كمان العيال عيالى و انا ابوهم محدتش يقدر يخدهم منى . و دول إللى هيجيبوا منخير إيلا الأرض
المحامى ٠٠٠ بس نفين رفعت قضية بحضانة العيال
عمار ٠٠٠ اكيد هتخسر . هو فى قانون ياخد العيال من أبوهم و عشان يهديهم لى ستهم
محامى ٠٠٠ اه ممكن لو ثبتوا سوء سمعة الاب
أوعى تنسى ان انت كان عندك قضية مخد،رات قبل كده ده غير قضية التعاطى
قضية المشاجرة الأخيرة
عمار ٠٠٠ و طلعت براءه منهم كلهم
المحامى٠٠٠ بس فى قضية الحضانة بيفرق فيها كل الكلام ده.. لانها قضية بتكون متعلقه بأمان الاطفال
عمار ٠٠٠ إللى بتقول ده أنت معايا ولا معاهم
المحامى ٠٠٠ أنا بس بعرفك القانون
عمار ٠٠٠ أنا عايز بس تأخر قضية الحضانة دى شويه
المحامى ٠٠٠ طيب قولى انت ناوى على ايه عشان اكون فى الصوره
عمار ٠٠٠ أذل إيلا هى اكتر حاجة ممكن تكسرها هى العيال ممكن تعمل اي حاجة اقولها عليها . بس أوافق تاخد العيال ساعتها ممكن اخد منها إللى انا عايزو
المحامى ٠٠٠ طيب ليه خلتنى احرك قضية السر،قة لما انتى عايزها فى الاخر
عمار ٠٠٠ لاء قضية السر،قة دى عشان أذل بيها ابن القاضى.. ماهو لازم يتأدب عشان مد ايده عليا … اهو كمان اطلعلى بقرشين حلوين
هنا سمع عمار أحد رجالته وهو يقول
الرجل ٠٠٠ انت ياعم رايح فين تعالى هنا هو وكالة من غير بواب استنا عندك هنا
أول ما دخل عمر و مروان
هنا ابتسم عمار بخبث عندما رأه عمر يقف أمامه وقال
عمار ٠٠٠ أيه ده اتأخرت ليه ٠٠ده انا مستنيك من بدرى .
نظره للرجل وقال
عمار ٠٠٠ هات لمون لأستاذ عشان يهدى أعصابه
عمر٠٠٠ أنجز و هات من الاخر… عايز أيه
عمار ٠٠٠ مراتك تلزمنى
بسرعة ه،جم عمر علية لكمه بقو،ة ثم قبضه يده بقو،ة على لياقة قميصه و عينية تبث نار الغضب
عمر ٠٠٠ اياك تفكر تستفزنى .. انى ساعتها مش هقدر اسيطر على غضبى. اظن انت جربت غضبى قبل كده.
هنا تذكر عمار ضر،ب عمر له
هنا قال المحامى عمار
محامى ٠٠٠ انت جاي هنا تته،جم على موكلى و تهددو
عمر ٠٠٠ انت تخرس فاهم . .
المحامى ٠٠٠ أنا هتطلب البوليس
مروان ٠٠٠ بوليس ليه هو حصل حاجة .
محامى ٠٠٠ موكلك اته،جم على المعلم عمار
مروان ٠٠٠ حصل امتى الكلام ده .
محامى ٠٠٠ حصل قدام عينك دلوقتى
مروان ٠٠٠ بس انا ماشوفتش حاجة زى دى حصلت.. مافيش حاجة تثبت أن عمر اته،جم عليه .
حاول المحامى يقول اى كذبه حتى يخاف عمر و مروان لذلك قال
المحامى ٠٠٠ على فكره فى كاميرات فى المستودع و طبعآ سجلت كل إللى حصل
عمر ٠٠٠ طيب كويس و الكاميرات دى كمان كانت بتسجل بردوا صفقات المخد،رات إللى بتم هنا
نظرت عمار لعمر بذهول ثم قال
عمار ٠٠٠ مخد،رات ايه دى انا الشغل بتاعى كله فى السليم
عمر ٠٠٠ ( بسخريه قال) السليم ايه بس
يا راجل .سليم ما،ت و اخدنا عزاه من زمان
عمار ٠٠٠ على فكرة انتى جاى نقول ايه كلام على فاضى
عمر ٠٠٠ تحب تعرف معلومات عن آخر صفقة مخد،رات عملتها كانت من أسبوعين تقريبآ صح يا مروان
مروان ٠٠٠ بالظبط من ١٧ يوم
عمار ٠٠٠ واضح اوى انك جمعت معلومات عنى و عرفت كل حاجة
عمر٠٠٠ بصراحة أه. ممكن تليفون صغير منى لداخليه. البسك تأبيدة
عمار ٠٠٠ بس اوعى تنسى ان فى ايدى احبسلك مراتك
عمر ٠٠٠ وانا بردوا فى ايدى هسجنلك أمك
المحامى ٠٠٠ يا جماعة ممكن نوصل لحل يرضى جميع الأطراف
عمر ٠٠٠ أنا جيت عشان كده بس بعد متكلمت مع الاستاذ عمار غيرت رأيه خليها تمشى قانونى احسن.. عشان يحرم يلعب مع اللى الأكبر منه …يلا يا مروان
عمار ٠٠٠ مع السلامه والقلب داعيلك
انصرف عمر و مروان
المحامى ٠٠٠ ليه بس استفزيته.. الراجل كان جاى و مستعد يدفع اى فلوس تطلبها. دلوقتى قولى هتعمل ايه
عمار ٠٠٠ متخافش .هيجى تانى زاحف تحت رجلى . اول ما جلال يشهد أن إيلا هى إللى سر،قت
◇◇◇◇◇◇◇◇◇◇◇◇◇□□□□□□□□
فى سيارة عمر
مروان ٠٠٠ هتعمل ايه دلوقتى .. جلال شهادته مش مضمونه
عمر ٠٠٠ متخافش فى سكه تانيه انا ماشى فيها .
مروان ٠٠٠ سكة ايه دى
عمر ٠٠٠ هتعرف بعدين لم تتم
مروان ٠٠٠ بس تعرف كويس اننا كنا مجمعين
معلومات عن عمار
عمر ٠٠٠ أنا من ساعة ماشوفته و عرفت انه شغله مشبوه .. بس انت جبت المعلومات دى منين
مروان ٠٠٠ اشتريت واحد من صحابه . ما هو كله بالفلوس يا صاحبى
◇◇◇◇◇◇◇◇◇◇◇◇◇◇□□□□□□
فى المساء
فيلا عزت القاضى
~~~~~~~~~~~~~~~•
نفين ٠٠٠ كفاية بقى يا إيلا بطلى عياط أعصابى تعبت
إيلا٠٠٠ قلبى و،جعنى على كريم و كارما
شيرى ٠٠٠ ما عمر قالك كلها يومين و هيرجعوا
إيلا ٠٠٠ و آنا هفضل يومين معرفش عنهم حاجة
نفين ٠٠٠خلاص بقى ارحمى نفسك و ارحمينا معاكى
شيرى ٠٠٠ أه يا إيلا عشان خاطر عمر إللى هيتجنن وهو شايفك فى الحاله دى
عزت ٠٠٠ كمان عشان خاطر أدم
إيلا ٠٠٠ صح هو فين انا رايحه أشوفه
ركضت لغرفتها لترى أدم
نفين٠٠٠ استغفر الله العظيم . ربنا يصبرنا
عزت ٠٠٠ أنتى شكلك تعبانه
نفين ٠٠٠ لازم اتعب هو إللى بيحصل ده شويه
◇◇◇◇◇◇◇◇◇◇◇□□□□□□□□□□
غرفة إيلا
كانت تحمل طفلها هى تبكى عندنا دخل عمر
عمر ٠٠٠ هو مش كفايه دموع النهاردة
مسحت دموعها وقالت
إيلا٠٠٠ معلش انا عارفه انى زوتها معاك حملتك فى طاقتك بمشاكلى
قطع عبارتها و هو يضع يده على فمها وقال
عمر ٠٠٠ أوعى تقولى كده تانى تمام . مشاكلك هى مشاكلى لأننا .احنا الاتنين واحد..
و ان شاء الله بكرة كل حاجة هتتحل
ثم قبلها من رأسها و دخل الحمام
هنا طرقت الخادمة الباب عندما فتحت إيلا قالت
الخادمة ٠٠٠ فى حد عايزك على التليفون الأرضى
إيلا ٠٠٠ ( بأستغراب قالت) عايزنى انا مين ده
ذهبت إيلا لتجيب على التليفون عندما رفعت السماعة قالت
( بداية المكالمة)
إيلا ٠٠٠ الوو
كريم ٠٠٠ ماما انتى فين
إيلا ٠٠٠( بلهفه قالت) كريم حبيبى انت عامل ايه
كريم ٠٠٠ماما تعالى خدينى من هنا
آيلا ٠٠٠ كريم حاضر يا حبيبى . بس قولى كارما عامله ايه
كريم ٠٠٠ بتعيط .. وفى واحده أسمها كوثر بتزعق لينا
إيلا ٠٠٠( بدموع قالت) كريم اسمعنى انت راجل متخافش من حاجة وخليك جانب أختك. انا هاجى اخدكم من عندكم. أول ما هقدر فاهم.. كريم .. كريم انت مش بترد ليه
عمار ٠٠٠ كريم غير متاح حاليآ ينفع ابو كريم
إيلا ٠٠٠ عمار .
عمار ٠٠٠ ايوه عمار .. شوفتى انا حنين ازاى مقدرتش اسيبك تنامى من غير ما تسمعى صوت العيال..
إيلا ٠٠٠ عمار انا عايزه اكلم كارما بالله عليك
عمار ٠٠٠ واللهى كان نفسى بس البت مو،ته نفسها من العياط مش راضيه تسكت .عشان كده مش هتعرف تكلمك
إيلا ٠٠٠ عمار انا عارفه انك مش فارق معاك الولاد. كل إللى بتعملو ده انا المقصوده بيه
بلاش تدخل الولاد فى مشاكلنا و سيبهم
عمار ٠٠٠(بخبث قال) أنا ماعنديش مانع اسيبهم ليكى
إيلا ٠٠٠( بفرحه قالت) بجد هتسيبهم ليا
عمار ٠٠٠ طبعآ.. انا ممكن أعمل أي حاجة عشان خاطرك انتى عارفه.. بس قدر تتقدر
إيلا ٠٠٠ يعنى ايه
عمارا ٠٠٠ انتى عارفه البيت بكره الصبح تكونى عندى لوحدك . نتفاهم و نتراضا و كل واحد ياخد من التانى إللى عايزه
إيلا ٠٠٠ حاضر انا هاجى و لوحدى
ثم انتبهت ماذا قال عمار لذلك كملت كلامها وقالت
إيلا ٠٠٠ تقصد ايه بكل واحد ياخد إللى عايزه
عمار ٠٠٠ أنا ذكية و فاهمه انا اقصد ايه. بكرة الصبح الساعة ١٠ تكون عندى . لان الساعة لو جات ١١ وماجتيش انا هخفى العيال مش هتشوفيهم تانى طول حياتك
إيلا ٠٠٠ ( بخوف قالت ) لاء هاجى عمار استنا عمار رد عليا
لم يسمعها عمار لانه أغلق الخط بعد ما قال جملته
( إنتهت المكالمة )
وضعت السماعة
دارت إيلا وجهها بعد ما وضعت السماعة بحزن هنا شهقت عندما رأت الواقف امامها بعيون بالون الد،م تكاد تشتعل و عروق بارزه من شدت الغضب
كيف ستكون رد فعل عمر من مكالمة عمار لآيلا
ماذا سيحدث فى سير القضية
هل إيلا أما كوثر سوف تنحبس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الهروب إلى المجهول)
