رواية النصيب الفصل الخامس 5 بقلم ساندرا الطرابلسي
رواية النصيب الجزء الخامس
رواية النصيب البارت الخامس
رواية النصيب الحلقة الخامسة
كـان خبر اصابه وليـد عليـا واعررررر واجـد واااااعـر حسيت روحي قزونـه ويتيمـه من وقت عـرفت …..مسحت أدموعـي وضغطت ع بطنـي زيييييين ; ياربي متحرمنيـش منه لا انا ولا عيالـه “فطنت لكلمتـي و شهقـت عارفه ان هضوما مش عيالـه بس هو حسسني بـ انهم عيالـه “………
خشو عليـا هلي وهله يحاولو يهدو فيـا وانا حالفه منسكتـش و نار والعه فيـا ….ثلاث رصاصـات مش شويـا 2في صدره و 3قريبه من قلبه واجـد. …ياروحي عليـه قداش تالم شن حس وقتهـااا ماشي يدافع عليـا اني مظلومه وهو مظلوم كيفي كيفـه لكن ياويل للظالـم. ……طلعت من داري بنمشي لغرفةة عمليـات خوتي مخلونيش قالولي كلهم رجاله. ….
اني : الرجاااله شن بيديرولـه انا مراتتتته انا ام عياااله وليد مش محتاج حد غيـري انا تواااا. ..
خويا فنص فيـا وطلع غاب نص ساعه وجا جابلي خمـار لبسه ليـا و شالنـي عند وليـد كان كيف طالع من عمليـات …..قعدت نشوف فيه من بـرا قزاز. ..وجه متورم وكدمـات ضـرب وكله اجهزه. …سامحني سامحنـي كلا منـي نااا وقتهـا خديت عهد ع روحـي لو معاش يبيني بعد عرف كل شي نلم روحي ونرجع لحوش هلي واللي يصيرلي يصيرلي
ساد ما جاه منـي قداش عاش بعيد ع حوشـه وهله ع خـاطري عارفته مش شغل عارفته ان سافـر باش يهرب منـي. …اطمن بنخليها لك واسعـه ……
مشيت للحمـام”يكرم القارئ” غسلت وجـي مره ومرتيـن وخشت عليـا ممرضـه : غزل
انا عقدت حواجبي واستغربت توقعت وليد ناض وطلبنـي : ايووه
ممرضه عطتني ظـرف وطلعت. …وانا قعدت نرعش ومجاش في بالي شخص اخر غير فيصـل …..قعدت نرعش ونفتح فيـها وكانت منـه يرجا فيـا في غرفه معينـه …تنـهدت واسحبت شويا شويا من خويـا ومشيتله اول ماخشيت لغرفه كـان مقعمز حاط كراع ع كراع ومبتسـم لما شافنـي استغرب شاف نظرتي ليه كلها استحقار وكـره من وراء الخمـار
انا قدمت عليـه وطول قعدت ناخد ف حاجات الي ع مكتب نحذف فيه بيهم : حسبي الله ونعم الوكيب فيك يا فيصل يا ولد الله يحرق قلبك زي ماحرقت قلبـي ومازال تحرقلي فيه الله يكسرك ويهلكك يااااربي يااارب نشوفك فيككك يوم لا تشيلك وطا ولا ترفعـك سما اتمنئ الموت ومتلقاااش الله ياخدك حقي وحق صغـاري منـك وحق وليـد …
فيصـل منزل راسـه وساكت وانا بعد كملت كلامي دهشت
قعمزت ع كرسي ناخد في نفس
فيصل ; هو هجم عليـا ومكنش في ايدي شي غير ندافع ع روحي….انا وليد وين جاني هو اللي بدي جاي ياخد في حقك ونشهد بالله خداه …واني اللي درت روحي راجل عليه وضربته بسلاح. ….غزل انا جاي بنقولك انسيني ..كلام اللي قلته ع التليفون انسيـه اني ولله ماني واخدك ولا نبي الولد منـك …..
اني نشبحلـه وساكتـه وقررت نحرقـه : بس هـدوما مش عيالـك
فيصل استك; كيف مش عيالـي ؟؟؟ واي عيال غزل انتي حامل بتؤام !!
انا هزيت راسـي وقربت منـه : اهـا و هضومـا عيااالي وعياال وليـد انت ولاحاجـه حيكبرو ويعرفو ان وليـد بوهم. …هو حيعيش معاهم كل خطوه حيحضر اول خطوه لهم وكلمةة بابا حتكون لوليد مش لكك لان الاب هو اللي يربي ويراعي ويطبطب ويداري مش اللي يجيب. ….وليـد حيكونلهم كل شي حياخد مكانك لانك متستحقش تكون بوهم ولا تستحق تكون انسـان. ..عيالي وقت يشوفوك حيشوفو انسان غريب عليهـم ….
فيصل يبكي من كلامـي ويشبحلي : بس اللي متعرفيشي ان وليـد عقيم يا غزل عقيييييييم
اني ضحكـت : نعرف راااهه. …عمتي الي هي امه حكتلـي وهذا شي ميحشمـش. ..الرجوليه يا راجل افعااال وانت. ..ذكر علاش نشرحلك فهالكلام. ..واني وقفتي معاك غلط واني ع ذمةة شخص ثاني. ..تطمن مش حنجيب سيرتـك لعيالي ولاعمرك حيكون لك مكان عندهـم…
فيصـل قرب وحطلي شيك بمبلغ مالـي كبيـر وااجد : هضا حقهم عليـا رزقهـم. …خوديه واصرفي عليهـم بيه …استحقيتي شي تعالي للمكتب و
اني نضت وقفت وضربته كف بكل غلـي ….وخديت الشيك رميتـه عليـه وطلعـت. …القيت هلي و عربي كلهم واقفين ع دار وليد ويبكـو ….انجمطـت وايديـا سقعن طول مشيت نجـري ندف فيهم ونخش ندف ندف لين وصلت للقزاز وكـان وليد فاتح عيونـه والدكاتره معااه…..وانا نبكي ونبكي …..وليد رفع راسـه شبحلي من وراء خمار عرفنـي. …وانـا نحسابه معرفنيش رفعت خمـار،شويا وهو فنصص فيا عرفته رقتله نزلته من جديد وعيوني عليـه وبعد ساعتين سمحولنـا نخشولا وكل مره حد لين قعدت بروحي نا وياه …
وليد حاط يده ع جرح ; قربي كنك بعيده …
انا بحتت فيـه وقربت شويـا : الحمدلله ع سلامتـك…
وليد هز راسـه : كنت عاطي روحي عهـد وقت نروح
انا تذكرت كلامه ; ان تقتلني واتريح منـي
وليد تنهد : وقتلك ادعي منروحش. ..شكلك دعيتي صح
انا بحركه عفويـا قربت منه وحطيت يدي ع فمه ; لا ولله لا
وفطنت لروحي جيت بنوخر بس هوا مسك يدي بالقوه وباسهـااا وتنـهد : سامحيني
انا وجعلي قلبـي وقعمزت وقعدت نبكي ونمسك ف ايديه ونبوس فيهم ; انت سامحني وليد سامحنـي كل شي مش بايدي مظلومه ولله
وليـد غمض عيونـه وفتحهـم : غزل انا منبيش نطلقك. .بنكمل معاك غزل انا غاوي فيك
انا بحتت فيه وهزيت راسي ونمسح ف دموعـي ; وانا غااااويه….
وليد بحت فيـا ; بس انا في شي لازم تعرفيـه انا عق
انا حطيت يدي ع فمه مره اخـره : انت مش عقيـم. …انت بالعلاج والنفسيه الكويسـه تقدر تجيب صغـار
وليد ; انتي من وين تعرفي ؟؟؟
انا تشجعـت وقربت منه بستـه و وخرت بسرعه ; خلاص بنروح ..باش اصحابك يخشو
وليد ; للشقه باهي روحي
انا ابتسمت : حاضـر ……….
و روحت للشقه بروح جديد وانسانه جديـده …….و وليد يهتم بيا وانا نهتم بيه ..بطني كل يوم تكبـررررر ويكبر معايا حب وليد اكثر واكثر ولا مره حسسني بنقص ولا عاود فتح هضك الموضـوع. …..يقول يمكن هالصغار هضوما عوض ليـااا اني عقيم ربك كاتب هكـي وانا راضـي بحكمةة الله …..وانا حاسه روحي اسعد انسانـه اكثر من ان متزوجه راجل عرفت نخـتار بات لعيالي…..من خشيت للشهر الثامن خدالهم دار قسمها لونين ازرق و وردي لان ولد وبنت ….وهو بيسمي الولـد و اني البنت ….و ولدت
سمي الولد الهاشمي ع عمي ….واني سميت البنـت عهد 🤍
وعهـدي ليك ي بو الهاشمـي مايوم ينقص حبك ولا يخطر في بالي غيـرك …….وفي يوم ولادتـي كنت راقده وهـو جايني زياره ….بندير حاجـه بس باذنك حبيبي
انا بحتت فيه وعرفتـه ; بس هو ميستحقش وليد
وليد : من حقه يعرف ان عياله عالدنيـا
انا نبحت فيه لان واعره عليه ; بس وليد انت بوهم وليد رد بالك وليد انت تبيهم يسجلو ع اسمه صح
وليد تنـهد وانا شديت يده و قررت نحكيله في يوم من الايـام ان وصصلي مع مراته ان ماليش اي علاقـه بالصغار وعرض عليا مبلغ
وليد هز راسـه ومن اليوم الثاني تسجلو العيال باسم وليـد 🤍
و مـررن الايـااااام وفي يوم من الايام ويا سبحانك ي الله ….
كان عندنا تطعيم العيـال …طعمنـاهم وكان الجو مطـر
وليذ : خليك هنا لين نقرب السياره باهي
انا ; باهي ورذيت غطيتهم وهما في الكروسـه ونضحك ونلعب معاهـم ….ورفعت راسـي لفيصل كان شاد بنت .وجنبه مراه. …وهو كاااب الدنيـااااا كبراتـه جت عينه في عينـي …..ودموعه طاحو قعد ايبحث في العيـااال ………وليد وقتها جا شافني كيف متجاهله ولاهيه بالعيال زاد تاكد اني نسيت هالموضوع ….وطلعنا وفالسيـاره ; مراته جابت بنيه
انا ; شن ليا علاقه حبيبي
وليد ; بس متلازمةة داون ربي يلطف بيهـا سمعتها من ايـام من خوك يحكي قال فيصل صاحبي جاتـه متلازمةة داون ومرته معاش تصلح للجيـاب ولا يقدر يتزوج عليهـا ولا يخليها من تهديدات عمه وقاعد يعاني ….ومراته مش مزبوطـه واعراض ناس منحبش نحكي عليهـم بس قلت اللي سمعته
انـا ابتسمـت وشديت يده : ربي يخليـك ليا 🤍
و مـرت الشهـور وسافرنـا للمصر وللتونس والاردن للعلاج وللان ربي مش مسـخر حمل والحمدلله ع كل حـال عيالي توا عمرهم سنـه وشهر ……..و وليد يقولي حتئ لو ربي مكتبليش صغار راضي بيهـم وهـادي نعمة من ربي ليـا وحكمه والحمدلله ديمـا وابـدا …..
لقراءة الرواية كاملة اضغط على : (رواية النصيب)
