رواية الم الرحيق الفصل العاشر 10 بقلم سمية عبدالسلام
رواية الم الرحيق البارت العاشر
رواية الم الرحيق الجزء العاشر
رواية الم الرحيق الحلقة العاشرة
في الصباح في الشركة
الباب خبط
آدم=ادخل
عمر _اي ياعريس جاي الشركة ليه؟ ده حتي كان كتب كتابك امبارح
آدم بهدوء مخيف=وشك عجبني لدرجة اني عايز اقوم ادرب عليه بدل كيس الملاكمة
عمر بضحك_ياعم انت ناقص عضلات انت مبتشوفش نفسك في المراية؟
آدم بجدية=في مشكلة في الفرع التاني مش الشركة عايزك تروح وتشوف اي ال هناك.
عمر_انت تؤمر وانا انفذ عايزني اروح امته؟
آدم=مش دلوقت كمان كام……ولسه هيكمل سمعو صوت زعيق برا
نورا فتحت الباب وقالت_في واحدة برا مصممة تقابل حضرتك ومش واخدة معاد
آدم=مين دي؟
_انا
آدم بصلها وقال لنورا =اخرجي انتي برا دلوقت
عمر_طب انا همشي انا
آدم=لأ خليك اما نشوف اي حكايتها
_انا مس منى بشتغل ممرضة في مستشفي….ال بنت عم حضرتك جتلنا في حادثة.
آدم بجدية = ايوة وبعدين؟
منى_عايزة اقول لحضرتك علي حاجة مهمة
_________________~_______________~
في القصر
نسرين كانت نازلة من علي السلم ومش واخدة بالها من الزيت ال علي السلم،رجلها اتزحلقت وفضلت تدحرج من علي السلم لحد ما وقعت علي الارض،
فاطمة واية كانو قاعدين يتفرجو علي التلفزيون وايمان بتتكلم في الفون،سمعو الصوت كلهم جريو شافو نسرين واقعة علي الارض وسايحة في دمها.
اية خافت من الدم وتقريبا افتكرت حاجة مكنتش عايزة تفتكرها،ايمان بتبص عليها ومش بتعمل حاجة،دادة فاطمة جريت عليها وطلعت الفون واتصلت علي آدم
_______________~_________________~
في الشركة
آدم بعصبية=ازاي حاجة زي دي تحصل دنا هطربق المستشفي كلها علي دماغكم
منى بخوف _والله ياباشا ده ال حصل وعشان انا كنت في اجازة اول ما عرفت جيت ابلغ حضرتك
آدم بنفس العصبية=تبلغيني بأيه دنا…….والتلفون رن
آدم حاول يداري عصبيته =ايوة يادادة
فاطمة بعياط=الحقني يا آدم يابني نسرين وقعت من علي السلم واغمى غليها ومش عارفة اعمل ايه؟
آدم بخوف علي نسرين= اندهي حد من الخدامين يساعدك وانا هتصل بالدكتورة، وانا جاي حالا
آدم قفل الفون وبص علي عمر ال عايز يعرف في ايه=بعدين، بعدين، شوف حكايتها واعرف مين ورا ال حصل
عمر_تمام
_____________~___________________~
في القصر
آدم كان وصل ودخل لاقي الدكتورة خارجة من اوضتها والكل واقف خايف، فاطمة واية وايمان وام ايمان ال كانت نايمة وصحيت علي الدوشة، معادا الجد وفوزي لانهم كانو بيزور واحد صاحب جد آدم قبل ما يمشو
آدم بقلق=خير يادكتورة
الدكتورة _الحمدلله النزيف وقف، بس هيا وقعت قبل كده؟
آدم =ايوة كانت عاملة حادثة وعندها فقدان في الذاكرة
الدكتورة_اعتقد ان الخبطة دي اثرت علي خلايا الذاكرة عندها واحتمال تكون رجعتلها، انا هكتبلها علي شوية ادوية ومسكنات عشان الصداع هيبقا شديد عندها شوية وكمان لازم ترتاح
آدم =تمام
فاطمة_تعبناك معانا
الدكتورة_ولا تعب ولا حاجة، انا تحت امركم في اي وقت
آدم =الحرس برا هيوصلو حضرتك المكان ال انتي عايزاه
الدكتورة_شكراً
الكل كان عايز يدخل يطمن عليها بس آدم رفض وقال هيدخل هوا
~~~~~~~~~~~~~~~~~~~~~~~~
عند نسرين
كانت قاعدة علي السرير وساكتة مفيش غير دموع نازلة علي وشها
الباب خبط
نسرين مسحت دموعها وقالت=ادخل
آدم فتح الباب ودخل وقال بتوتر=نسرين انتي كويسة؟
نسرين بصتله وقالت =انا مش بنت عمك ولا اسمي نسرين حتى.
…. لسه الحكاية مخلصتش….
مين ممكن يكون حط الزيت علي السلم؟
واية ليه خافت من الدم وايه ال افتكرته هل ده له علاقة بفقدانها النطق؟
منى قالت ايه ل آدم ؟
ايه ال هيحصل لما الكل يعرف ان دي مش نسرين؟ وفعلا ممكن تكون نسرين الحقيقية ماتت؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
