رواية الم الرحيق الفصل السادس عشر 16 بقلم سمية عبدالسلام
رواية الم الرحيق البارت السادس عشر
رواية الم الرحيق الجزء السادس عشر
رواية الم الرحيق الحلقة السادسة عشر
الباب خبط
ايمان مسحت دموعها وقالت_ادخل
دخل آدم =ايه يا ايمي؟ كده متحضريش كتب كتاب اخوك.
ايمان بعصبية_انت مش اخويا، حرام عليك ليه بتعمل فيا كده؟
آدم بستغراب=بعمل ايه؟
ايمان_ليه مصمم تجرحني، طب اول مرة وجدك كان عايز الجوازة دي، طب ودلوقت؟ آدم انا ال بحبك مش هيا.
آدم بعصبية=ايمان انتي اتجننتي انتي عارفة انتي بتقولي ايه؟
ايمان بهدوء_انت ليه مش بتحبني ليه متجوزتنيش انا منا قدامك؟!
آدم =عشان انتي اختي.
ايمان بصوت عالي _انا مش اختك، وكملت برجاء اتجوزني يا آدم.
آدم بيحاول يسيطر علي غضبه= مينفعش، انتي شكلك حصلك حاجه؟
ايمان_لييه؟!
آدم =انتي اختي انتي واية وصفا راضعين مع بعض يعني متحرمة عليا.
ايمان بصدمة_مستحيل انت بتقول ايه؟
آدم =انا عرفت من سنة لما جدك جابك تعيشي معانا هنا وقلي كده والا مكنتش هخليك تقعدي معانا عشان الحرمانية وكنت فاكر انك تعرفي ده.
ايمان بدموع_لأ معرفش حاجه.
آدم بهدوء=حتي من قبل معرف انا كنت بعاملك كأخت ليا وعمر نظرتي ليك كأخت اتغيرت وصدقيني ال انتي فيه ده مش حب، اتمنى انك تركزي في دراستك احسن.
وسابها وخرج.
ام ايمان دخلت وقالت بفرحة_آدم سايب عروسته وجه هنا بيعمل ايه؟
ايمان وهيا مصدومة_انتي كنتي تعرفي ان انا و آدم اخوات ومننفعش لبعض؟!
ام ايمان بتوتر_ها…. مين قلك كده؟
ايمان_يعني صح، حرام عليكي شيفاني وانا بتعلق بيه يوم عن يوم وساكتة، كنتي عايزة نتجوز بعض واحنا اصلا اخوات!! انتي مش بتفكري في حاجة غير الفلوس انتي مش ام لأ انتي مش بني ادمة أصلا.
وسابتها وخرجت.
~~~~~~~~~~~~~~~~~~~~~~~~
عند رحيق
رحيق بأنبهار=هوا انا دخلت قصر جوا القصر ولا ايه؟!!
الجناح كان عبارة عن اوضة نوم كبيرة وحمام واوضة لرياضة واوضة تانية للملابس، الجناح كله كان باللونين الاسود والرمادي.
=هتفضلي واقفة كده كتير؟
رحيق بخضة=بسم الله الرحمن الرحيم!!
آدم بتريقة=ايه اتخضيتي؟
رحيق=ابقا كح او اعطس حتى.
آدم =والله!! وانا بقا المفروض يبقا عندي دور برد عشان اعرف ادخل الجناح بتاعي.
وسابها ودخل الحمام.
رحيق بتريقة=دمه عسل.
شوية و آدم خرج من الحمام مش لابس غير بنلطون بس وكان بينشف شعره بالفوطة.
رحيق شافته صرخت=اعااااا، انت يا كابتن انت مش هتعيش هنا لوحدك مينفعش تخرج كده.
آدم =كده ازاي يعني؟ وبعدين انتي مراتي يعني عادي وقومي يلا غيري هدومك ومش عايز اسمع صوت، عايز انام.
آدم نام علي السرير وباصص للسقف.
شوية ورحيق خرجت من الحمام كانت لابسة اسدال ابيض.
آدم بتريقة=حج مبرور وذنب مغفور ياحجة رحيق.
رحيق=بص بقا انا مش زي البنات ال في الروايات وهنام علي الارض انا بقلك اهوا.
آدم بهدوء=ومين قال انك هتنامي علي الارض السرير عندك اهوا عايزة تنامي براحتك مش عايزة خليك واقفة زي التمثال كده.
وبعدين غمض عنيه عشان ينام.
رحيق بصوت منخفض=ربنا علي الظالم والمفتري.
آدم بستفزاز=متدعيش علي نفسك يارحيق الجنة.
رحيق بعصبية=متقليش كده مفيش حد يقلي كده غير بابا.
آدم قام من علي السرير وراح نحيتها.
رحيق بخوف=دانت تقول ال يعجبك، محدش يقدر يفتح بقه.
هوبا آدم شالها.
رحيق بصراخ=ااااااا، نزلني نزلني هصوت والم عليك الدبان.
آدم مقدرش يمسك نفسه من الضحك وسابها وقعت علي الارض.
رحيق بوجع=ااه ياعيني علي الحلو انا تبهدله الايام، منك لله ضهري اتكسر.
آدم وهوا نايم علي السرير=مش عايز صوت.
رحيق بتبرطم وراحت نامت جمبه علي السرير قصدي علي حافة السرير بس آدم شدها وحضنها، معطهاش فرصة تتحرك.
رحيق=انت ياعم، ابعد عني.
آدم بخبث=لو مبطلتيش حركة هعمل حاجات هتندمي عليها وانا بصراحة نفسي في ده اوي.
رحيق اتكسفت وقالت بصوت شبه مسموع=سافل
آدم =مش عايز اوريك الس.. فالة ال بجد، نامي.
رحيق بسرعة=انا نايمة من زمان يامعلم دنا بحلم اهوا.
~~~~~~~~~~~~~~~~~~~~~~~~
في الفجر.
آدم كان بيبص عليها كانت شبه الملاك وشعرها مفرود حوليها.
آدم بهدوء=رحيق….. رحيق.
رحيق بنوم=صحيني بعد المحاضرة ماتخلص.
آدم بضحك=محاضرة ايه؟ رحيق اصحي.
رحيق فتحت عنيها واتكسفت لانها تقريبا في حضنه، وقالت بصوت ناعم=نعم.
آدم في نفسه=انا هقوم قبل ما اعمل حاجة.
آدم وقف وقال=قومي عشان هنصلي الفجر سوا.
وسابها ودخل الحمام.
رحيق=هوا ملبوس!! يعني امبارح مكنش طيقني ودلوقت بيصحيني عشان نصلي الفجر، وكملت بضحك=اقوم انا كمان بدل مييجي ويتحول.
بعد شوية آدم كان واقف علي سجادة الصلاة ورحيق جمبه بس ورا شوية وبدأ يقرأ قرآن.
رحيق اتصدمت من الصوت لانه نفس الصوت ال كانت بتسمعه لما كانت عايشة معاهم علي اساس انها نسرين، صوته كان جميل اوي ولاحظت انه بيقول بالاحكام معني كده انه حافظ القرآن كويس.
خلصو صلاة ورحيق قالت=انت صوتك جميل اوي في القرآن.
آدم اكتفى ببتسامة
رحيق بفضول=انت حافظ سورة البقرة كلها؟
آدم ببتسامة=انا مش حافظ سورة البقرة بس انا حافظ القران كله، الحمدلله
رحيق=ماشاء الله تبارك الرحمن.
آدم =لو عايزة احفظك القران انا معنديش مشكلة.
رحيق بفرحة=بجد!!
آدم وهوا بيشلها=بجد
وبعدين حطها علي السرير ونامو.
________________~________________~
في الصباح في بيت عم إبراهيم
وردة _يلا يا ابراهيم الفطار جاهز.
ابراهيم_وندى فين؟
وردة_لأ الغيبوبة لسه مصحيتش اما تصحى تبقا تقوم تاكل.
ابراهيم_لأ افطري انتي مليش نفس.
وردة_مالك يا ابراهيم من امبارح واحنا في كتب كتاب رحيق شيفاك مش مظبوط كده وسرحان.
ابراهيم_كنت بتخيل ندى مكان رحيق وانها هتبني حياتها مع الانسان ال المفروض يعيشو مع بعض طول العمر بكدبة.
وردة بقلق_قصدك ايه يا ابراهيم؟
ابراهيم_قصدي اني زهقت وخايف اموت وندى تعرف الحقيقة وتكرهني.
وردة بعياط_لأ لأ ندى مش لازم تعرف حاجة.
إبراهيم _ندى لازم تعرف السر ال احنا مخبينه عليها وتعرف ان……..
ندى بصدمة_…………….
…لسه الحكاية مخلصتش…..
يوسف هيكون ليه حكاية احنا لسه منعرفهاش؟
ايمان هتعمل ايه بعد كده بعد ما عرفت انها و آدم اخوات؟
ايه السر ال اهل ندى مخبينه عليها ورد فعلها لما تعرف؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
