رواية الم الرحيق الفصل الخامس 5 بقلم سمية عبدالسلام

رواية الم الرحيق البارت الخامس

رواية الم الرحيق الجزء الخامس

رواية الم الرحيق الحلقة الخامسة

نسرين =طب سلام انا بقا احسن شكلي عطلتك عن مذكرتك لان علي حسب معلوماتي من المفتش كرمبو( آدم) انك في تالتة ثانوي انتي وايمان
اية هزت راسها بمعني اه
نسرين=طي يلا سلام ولو احتاجتي حاجة انا في العنبر قصدي الاوضة اللي جمبك.
نسرين خرجت من الاوضة ومخدتش بالها من اللي واقف وعنيه بطق شرار
آدم بغضب=انتي ايه دخلك هنا؟
نسرين بتوتر =انا كنت بس…. عايزة اشرب ومعرفش حاجة في القصر.
آدم =طب بصي بقا هنا في شوية قواعد لازم تمشي عليها
نسرين بهزار =طب مينفعش اجري عليها.
آدم بصوت عالي =انا مش بهزر
نسرين بضيق=ومين بقا اللي عمل القواعد دي
آدم بحدة =انا…… وبعدين كمل =رقم واحد متهوبيش نحية الاوضة دي ولا ليك دعوة بأختي، تاني حاجة لما تحتاجي حاجة نادي الخدامة تجبهالك، رقم تلاتة مبحبش اقول حاجة ومتتنفذش ورابع…..
نسرين بزهق=خلاص خلاص هوا مسلسل خلصنا.
آدم اتفاجأ من كلامها ازاي تتكلم معاه كده ده محدش يقدر يقف قصاده مابالك بقا اللي يقاطعه في الكلام.
آدم بعصبية=مينفعش……. كان لسه هيكمل نسرين قاطعته تاني
نسرين =تصبح علي خير احسن تعبانة اوي
وجريت من قدامه
نسرين اول ما دخلت الاوضة خدت نفسها =يالهوي دنا كنت حاسة اني هموت هوا عامل كده ليه هنعيش مع بعض في نفس البيت ازاي؟
**بعد شوية**
آدم =دادة فاطمة، يا دادة
فاطمة_ايوة يا آدم يابني.
آدم =جدي صاحي ولا نايم؟
فاطمة_لأ صاحي كنت لسه عنده من شوية بعمله القهوة
آدم بحنية=يادادة فيه خدامين كتير خليهم يعملو بدالك متتعبيش نفسك.
فاطمة _انت عارف ان جدك مبيحبش غير القهوة بتاعتي وانت كمان
آدم =ياحببتي انا مش عايزك تتعبي نفسك
فاطمة_ربنا يخليك ليا
آدم ببتسامة=احنا قلنا ايه؟ بلاش يخليك ليا دي عشان معناها جي من التخلية يعني ربنا يتخلى عني، ولما ربنا يسبني انا اعيش ازاي انتي كده بتدعي عليا مش ليا
فاطمة بضحك_ماشي ياشيخ آدم
~~~~~~~~~~~~~~~~~~~~~~~~
الباب خبط
الجد من الداخل _ادخل
دخلت نسرين=ايوة ياجدي حضرتك بعتلي عايز حاجة؟
الجد _تعالي يابنتي
نسرين راحت نحيته وقعدت جمبه علي الكرسي
الجد _انا عارف انك لسه متعودتيش علي الجعدة (القعدة) هنا وكمان موضوع فقدان الذاكرة ده صعب عليك فعشان كده انا خدت قرار.
نسرين=خير ياجدي؟
الجد كتب كتابك علي آدم الاسبوع الجاي
نسرين=انت بتقول ايه ياجدي ازاي ده…. مينفعش
الجد_مينفعش ليه؟ ده واد عمك وهيحافظ عليك ولما ادلى الصعيد هبجا (هبقا) مطمن عليك معاه
نسرين=ايوة بس اللي اسمه آدم ده صعب اوي وبيقفلي علي الواحدة
الجد بضحك_وانا رحت فين؟ مفيش حد يقدر يزعلك وانا موجود
نسرين =ربنا ما يحرمني منك، بس…
الجد_مابسش وبعدين آدم بشمهندس اد الدنيا وراجل ليه هيبته والكل بيسمع كلامه….. وكمل بخبث_ومتنكريش انه عجبك ولا ايه؟
نسرين كانت بتشرب ميه في الوقت ده شرقت جامد وفضلت تكح
نسرين =كح…. انا…. انا
والباب خبط
الجد_ادخل
كان آدم بعد ما غير هدومه كان لابس بنطلون قطن وتي شيرت لونهم اسود
نسرين في نفسها =حتي في لبس البيت قمر
آدم =كنت عايز اتكلم معاك ياجدي
نسرين=طب استأذن انا ياجدي، عايز حاجة؟
الجد_اجعدي(اقعدي) يابنتي، متكلم يا آدم نسرين مش غريبة دي بت عمك…… وكمل بخبث_وهتبجا مرتك
نسرين انصدمت من كلام جدها ووشها احمر وطلعت جري علي اوضتها
و آدم اتأكد ان جده مصمم علي ال في دماغه، بس قرر يسمع كلام عمر يمكن يجيب نتيجة
آدم بهدوء=جدي انا معنديش مانع اتجوز نسرين بس مش نستنى لما الذاكرة ترجعلها لا يكون في حد في حياتها؟
الجد _وانا مجوزهالك مش عشان الحرمانية وانها مش هينفع تفضل جاعدة معاك اكده وبعدين ملكش صالح هيا مش مخطوبة ولا حتي في حد في حياتها زي ما بتجول
آدم =وحضرتك عرفت منين؟!
الجد _اظاهر نسيت انا مين ياولد سيف؟ صوح نسرين اتربت بعيد عني بس اخبارها كانت بتجيلي اول باول وعارف عنها كل حاجة انا ليا رجالة في كل حتة مش انت بس
آدم =يعني ايه ياجدي؟
الجد_يعني كتب كتابك الاسبوع الجاي….. وكمل بخبث _انا مستحيل كنت اغصبك علي حاجة انت مش عاوزها بس انت موافق اهو
آدم =!!!!!
الجد ببتسامة_تصبح علي خير
آدم في نفسه=وربنا لاوريك ياعمر الكلب منك لله انت وافكارك الهباب
~~~~~~~~~~~~~~~~~~~~~~~~
الساعة 3:40 في الفجر
صحيت نسرين من النوم علي صوت حد بيقرأ قرآن، الصوت كان جميل اوي خمنت انه ممكن يكون المسجد، بس هيا مشفتش اي مسجد قريب من القصر، مفكرتش كتير وقامت دخلت الحمام ال في اوضتها عشان تتوضى، وتصلي الفجر، كانت حابة الصوت ده اوي حست براحة غريبة وحست بتشويش في راسها زي ما يكون هتفتكر حاجة،
صلت الفجر ورجعت نامت تاني
________________~________________~
في الصباح
في بيت عم مصطفي
سنية_خير يادكتور
الدكتور_لازم يعمل عملية قلب مفتوح في اسرع وقت
سنية_ودي هتكلف كام يادكتور؟
الدكتور_حوالي 100 الف جنيه
سنية_يالهوي… احم قصدي شكرا لحضرتك تعبناك معانا
الدكتور_لا تعب ولا حاجة ده واجبي بس اهم حاجة ياخد العلاج وياريت تستعجلو ميعاد العملية لان التأخير مش في صالحه
**بعد شوية**
في اوضة شهد
شهد بتتكلم في الفون
شهد بحزن_بابا تعبان اوي يااسلام، الدكتور بيقول لازم يعمل عملية
اسلام_امممم لأ الف سلامة عليه
شهد_اسلام ممكن اطلب منك طلب
اسلام نفخ بضيق _دانتي تؤمري
شهد_مش انا كنت باخد فلوس من بابا ومش برضى. اروح الدروس عشان اديك الفلوس عشان تعرف تبني شقتنا؟
اسلام_ايوة وبعدين
شهد_ممكن ترجع الفلوس وتكمل باللي تقدر عليه عشان نعمل العملية لبابا؟
إسلام بعصبية_…………….
… لسه الحكاية مخلصتش…
آدم هيعمل ايه في عمر اما يشوفه؟
نسرين ممكن الذاكرة ترجعلها قبل كتب الكتاب ويبقا في جديد؟
رد فعل ايمان لما تعرف بجواز آدم؟
اسلام هيقول ايه لشهد؟
وهل في علاقة بين اسم الرواية والاحداث ال بتحصل؟