رواية الم الرحيق الفصل الثامن عشر 18 بقلم سمية عبدالسلام
رواية الم الرحيق البارت الثامن عشر
رواية الم الرحيق الجزء الثامن عشر
رواية الم الرحيق الحلقة الثامنة عشر
تاني يوم في الشركة.
آدم ببتسامة=چو!!! ادخل.
يوسف بأحراج _احم…. كنت عايز اتكلم معاك في موضوع.
آدم =ومالك متخشب كده؟ علي العموم انا موافق.
يوسف وهوا فرحان ومصدوم في نفس الوقت _موافق!!! انت عارف انا عايز ايه؟!
آدم =طبعا، وبعدين انا مش هلاقي لايمان حد في اخلاقك وتربيتك، انت ال هتعرف تحافظ عليها.
يوسف بصدمة_ايمان؟!!!!
آدم =اوعى تقول انك اتعرفت علي واحدة في روسيا وعايز تتجوزها؟
يوسف_لأ…. انا عايز اتجوز اية اختك.
آدم =انت بتقول ايه؟
يوسف بشجاعة_بقول اني بطلب ايد اختك اية علي سنة الله ورسوله، انا بحبها وعندي استعداد احارب الدنيا دي كلها عشانها.
آدم بضحك=ههههههههه، لأ عجبتني شجاعتك، دخلت عليك؟
يوسف _انا مش فاهم حاجة.
آدم بجدية=انا عارف كل حاجة عم حسن قلي وعارف كمان انك بتحب اية ومن زمان بس كنت بعمل نفسي مش واخد بالي، وقلت اعمل فيك مقلب.
يوسف بفرحة_بتتكلم جد، يعني انت كنت بتهزر، وكمل وهوا بيحط رجل علي رجل_حرام عليك يا آدم قطعتلي الخلف.
آدم =نزل رجلك يلا.
يوسف_تسلم ياغالي.
آدم =انا موافق علي جوازك من اية لانك اخويا وراجل هتعرف تصون اختي اية.
يوسف_حبيبي، قلي بقا الفرح امته؟
آدم =فرح ايه؟ انا لسه هقول ل اية انت ناسي انها في تالتة ثانوي ولو قالت لأ يبقا الموضوع انتهى
يوسف بسرعة_لأ هتوافق…. احم قصدي عندك حق لازم تقلها.
آدم =شكلك واقع علي الاخر.
يوسف بتوهان_واقع بس، دنا مدلوق
آدم بحدة=متحترم نفسك ياروح امك دي اختي.
يوسف بضحك_حقك ياعم.
الباب خبط وعمر دخل
آدم =انت مرحتش الكلية النهاردة؟
عمر_لأ رحت بس مليش مزاج اشرح قلت اجاي الشركة احسن.
آدم بخبث=ملكش مزاج ولا عشان الدكتور مرحش الكلية؟
(آدم قصده علي ندى لانها من وقت ما عرفت مش بتروح الكلية)
يوسف_انتو بتتكلمو علي ايه؟
عمر_شوف صحبك، معرفش اصلا هوا بيتكلم علي ايه؟
آدم =الايام بيننا ياعمر يامهدي.
عمر بخبث_آدم ممكن تلفونك دقيقة؟
آدم وهوا بيديه الفون=ليه؟
عمر_في بس شوية ارقام اتمسحت من عندي وهخدها.
آدم =تمام.
عمر_طب انا كلمت الزفت ال اسمه ياسر وحددنا معاد الصفقة بعد يومين وكلمت حمزه وعرفته بكل حاجة.
آدم وملامحه اتحولت=تمام، نهايتك قربت يا ابن الدسوقي.
يوسف_لأ انتو تفهموني كل حاجة.
_______________~_________________~
في القصر
رحيق=صباح الخير يادادة.
فاطمة_صباح الورد والياسمين عليكي.
رحيق=اساعدك يادادة؟
فاطمة_ده آدم لو عرف اني بعمل حاجة هييجي يرفد كل الخدامين ال هنا، ما بالك بقا لو خليتك انتي تعملي حاجة؟
رحيق=وايه يعني، هما مش بشر زينا يعني عادي لو سعدناهم.
فاطمة_باين كده دماغك ناشفة بس نصيحة مني ليك متخلاهاش ناشفة كده مع آدم، انتي يمكن لسه مشفتهوش وهو متعصب.
رحيق بهزار=ايه؟ بيطلعله قرون يعني ولا ايه؟
فاطمة بضحك_الله يحظك يارحيق يابنتي.
رحيق =تعرفي يادادة، انتي بتفكريني بامي بالرغم اني ملحقتش اعيش معاها بس انتي طيبة وحنينة زيها، ده حتى اسمك علي اسمها فاطمة،
تحسي كل ال اسمهم فاطمة قلبهم ابيض وبيدخلو القلب بسرعه واطيب خلق الله.
فاطمة _والله انتي ال دخلتي قلبي بسرعة، ده كفاية انك رجعتي الفرحة للبيت ده من بعد موت صفا الله يرحمها.
رحيق=داده، هيا ايمان فين انا مش بشوفها؟
فاطمة_في اوضتها مش بتخرج منها.
~~~~~~~~~~~~~~~~~~~~~~~~
عند ايمان
الباب خبط
ايمان_ادخلي يادادة.
رحيق بهزار=هوا ايه الناس دي؟ ال كل مخبط يقولو ادخلي يادادة مفي رحيق برضو.
ايمان_انتي؟!
رحيق=ممكن ادخل؟
ايمان _وانا مين عشان امنعك انتي بقيتي صحبة البيت خلاص.
رحيق=ايمان انا عايزة اتكلم معاك.
ايمان_تتكلمي معايا في ايه؟
رحيق=انتي بتحبي آدم؟
ايمان بتوتر_لأ….. لأ مبحوش.
رحيق=بس تصرفاتك اول مرة جيت فيها هنا بتقول غير كده.
ايمان بدموع_ايوة بحبه، كان غصب عني والله، كبرت وفتحت عيني لقيته هوا كان بيخاف عليا وبيهتم بيا وانا فسرت ده علي انه حب وهوا فعلاً حب بس حب اخ ل اخته، حتى امي كانت عارفة ان انا و آدم متحرمين علي بعض ومقلتش كانت عايزة نتجوز بس…. عشان خاطر الفلوس.
وفضلت تعيط.
رحيق خدتها في حضنها، بعد شوية
رحيق=خلاص هديتي ممكن تسمعيني بقا؟
ايمان بصتلها وسكتت.
رحيق ببتسامة=بصي يا ايمي انتي غلطتي، اه غلطتي لما فتحتي قلبك لحد مش حلالك، انتي لازم تحافظي علي قلبك ومشاعرك لحد ما الشخص الصح ييجي، قلبك ده غالي اوي انتي مش كسباه في كيس شبسي عشان ال رايح وال جيا يدخل وتربع فيه!!
طب اعمل ايه، خلاص غلطت ومقدرتش اتحكم في مشاعري كده انا وحشة وربنا هيعاقبني؟!
لأ انتي بس توبي، انك تتوبي وترجعي لربنا ده اول خطوة علي الطريق الصح، وبتوبتك معناها انك مش مصرة علي الذنب يعني لو كنتي فعلا صادقة في توبتك ورجوعك لربنا، ربنا هيغفرلك ويسامحك، بس انتي توبي،
ولازم تعرفي ان آدم بغض النظر عن انكم طلعتو اخوات نصيبك والله ولا انا ولا جدك يقدر يمنع ده ولو مش نصيبك حتي لو كنتو بتموتو في بعض مش هتاخديه، ال عايزة اقلهولك ارجعي لربنا وادعي انه يشيل حب آدم من قلبك وادعي ربنا يرزقك الزوج الصالح.
في آية في القرآن بتقول بسم الله الرحمن الرحيم {ويخلق من انفسكم ازواجا} عارفة معني الاية دي ايه؟
ايمان هزت راسها بمعني لأ.
رحيق=معناها ان الشخص ال هتتجوزيه هيكون زيك مش قصدي في الشكل او التفكير، يعني مثلاً لو بتكلمي شباب هوا في نفس الوقت هيكون بيكلم بنات، لو انتي فتحتي قلبك لاي حد هوا هيكون قلبه زي الميكروباص 14راكب انما لو حافظتي علي قلبك هوا كمان هيحافظ علي قلبه لحد ما تبقي نصيبه وتكوني مراته.
ايمان_انتي طلعتي طيبة اوي يارحيق، يارتني اتعرفت عليك من زمان.
رحيق=كل حاجة بتحصل في وقتها.
ايمان_رحيق والله العظيم مش انا ال حطيت الزيت علي السلم لما وقعتي.
رحيق=هوا كان فيه زيت علي السلم اصلا؟!
ايمان_اية هيا ال بتقول ومخصماني لانها شاكة فيا اني وقعتك من علي السلم ومش راضية تكلمني وانا والله ما ليا دعوة.
رحيق=مصدقاك يا ايمي من غير حلفان يلا تعالي معايا.
ايمان _فين؟
رحيق =تعالي بس.
~~~~~~~~~~~~~~~~~~~~~~~~
آدم كان رجع من الشركة وداخل القصر بس سمع صوت ضحك في الجنينة، راح نحية الصوت كانت ايمان ورحيق واية بيجرو ورا بعض وماسكين بلاللين مليانة ميه وبيرموها علي بعض.
اية_مش قلتلكم محدش هيعرف يجبها فيا.
رحيق رمت البلونة علي اية، بس اية ميلت والبلونة جت في آدم.
ايمان بصوت منخفض جمب رحيق_والله هتوحشيني يارحيق.
اية بعد ما راحت عندهم_ربنا يرحمها كانت طيبة
رحيق بخوف من نظرات آدم =والله العظيم مكنش قصدي.
آدم بحدة=اطلعي فوق وانا جاي وراك وانتي كمان يا ايمان وسبولي اية.
رحيق ببتسامة لاية=ربنا يرحمها كانت طيبة.
وسبتها ومشيت هيا وايمان.
آدم قعد علي الكرسي وقال=تعالي يا اية اقعدي هنا جمبي.
اية_حاضر يا ابيه.
آدم =بصي في عريس متقدملك وانا وافقت.
اية بعصبية خفيفة_وازاي توافق من غير ما تاخد رأي اسفة انا مش موافقة يا ابيه.
آدم بخبث=مش تعرفي مين الاول.
اية_مش عايزة اعرف….. لسه مكملتش الجملة
و آدم قال=خسارة يوسف ابن عم حسن هيزعل.
اية_ايه انت قولت مين؟
آدم =لأ خلاص مش مهم طالما مش موافقة.
اية بسرعة_لأ موافقة…. احم قصدي ال تشوفه يا ابيه
آدم ببتسامة=ال اشوفه اني عايز سعادتك ومش هطمن عليك مع حد اد يوسف، بس انتي صلي استخارة وقليلي رأيك النهائي.
اية بفرحة_فريرة.
~~~~~~~~~~~~~~~~~~~~~~~~
في جناح آدم
آدم دخل لقاها واقفة في نص الاوضة وخايفة.
آدم بحده=ممكن اعرف ايه ال انتي عملتيه ده؟
رحيق بخوف=والله كنا بنلعب ومكنش قصدي اجبها فيك.
آدم =قصدك مش قصدك لازم تتعاقبي.
رحيق بعصبية=…….
…لسه الحكاية مخلصتش….
عمر خد فون آدم عشان ياخد ارقام اتمسحت من عنده ولا عشان حاجة تانية؟
ايه ال هيحصل يوم الصفقة؟
مين ال هيكون حط الزيت علي السلم لو مكنتش ايمان؟
ايه نوع العقاب ال آدم بيتكلم عنه وياترى رحيق هتعمل ايه؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
