رواية المنضبطه والمهمل الفصل الخامس 5 بقلم إسراء ابراهيم
رواية المنضبطه والمهمل الجزء الخامس
رواية المنضبطه والمهمل البارت الخامس
رواية المنضبطه والمهمل الحلقة الخامسة
فجاءة ادهم شاف رنا وهي بتركب مع ولد في العربيه ومشيوا
ادهم: ده انتي ليلتك سوده يا رنا
في عربيه خالد
رنا: يا بيبي الجو حر اوي متفتح التكيف
خالد بخبث: للاسف يا حبيبتي التكيف بايظ خدي اشربي العصير ده هيرطب عليكي شويه
رنا: بجد ميرسي اوي وبدات تشرب
بعد شويه
وقف خالد عند بيته
رنا بدوخه: ايه ده انت وقفت هنا ليه
خالد: يا حبيبتي حاسك دايخه فتطلعي تغسلي وشك بس وهننزل علطول وبالمره تشوفي شقتنا
رنا وبدات تحس بصداع قوي : اه ماشي تمام
واول ما نزل من العربيه لقي ادهم في وشه
ادهم وبيديله بالبوكس: انت ازاي تفكر انك تقرب من بنت من عيله البنهاوي
خالد: انت مين
ادهم: لا انا هعرفك عليا بطريقتي وفضل يضرب فيه لحد ما وقعه علي الارض
وبص لرنا
وكان لسه هيديها بالقلم لكن فريده مسكته
فريده: اياك تفكر تمد ايدك عليها انت مش من حقك اصلا
ادهم: يا سلام وانتي شايفه اللي عملته صح
فريده: تقريبا انت بتشوف صح وشايف حاله اختك عامله ازاي
وفجأه وقعت رنا من طولها فاشلها ادهم لحد العربيه وروحوا
في البيت بعد ما دخلوها الاوضه
في الصاله
ادهم كان رايح جاي
فريده بعد ما اطمنت علي رنا: مبدايا كده انت لازم تبطل اسلوبك الهمجي اللي بتتعامل بيه ده ولازم تتحكم في اعصابك
ادهم: شوف مين اللي بينصح
فريده: ادهم انت عارف لو اتكلمت مع رنا بهدوء هتفهم احسن مية مره من انك تضربها صدقني البنات بتبقي عايزة الهدوء وانك تقنعها بكلامك
ادهم بعصبيه: وانتي اشعرفك بالبنات هو انت تعتبري منهم اصلا
فريده: انت عمرك ما هتعتبر بني ادم انت بجد مش طبيعي قاعده بتكلم معاك لمصلحتك ومصلحة اختك وانت مصمم تجرحني ومفكر ان انك نجحت بس للاسف احب اقولك انك فشلت انك تقعد تتكلم معايا كده فاكيد كده انت عندك نقص وبتطلعه عليا
ادهم بعصبيه: اه انتي عقده حياتي يا فريده رغم ان احنا سن بعض انا لسه في الجامعه وانتي بقيتي دكتوره جامعيه وكمان بتدرسيلي طول عمري بيعايروني بيكي وانتهت انهم جوزونا انا بجد مكرهتش حد في حياتي زيك
فريده: مش ذنبي انك مش بتجتهد وتتعب علي نفسك يابني انت عارف اللي بتحسدني عليه وبتقول عليه مش من حقي ده انا تعبت عليه قد ايه عارف سهرت واتعذبت قد ايه وانت جاي تقولي اني عقدتك هو انت فاكر ان كان المفروض ابقي فاشله زيك علشان بس ارضيك لو فاكر كده فانت عايز تتعالج يا ادهم وسابته ودخلت اوضتها
تاني يوم
فريده صحيت علي صوت ادهم ورنا وطلعت تجري علي اوضه رنا
في اوضه رنا
ادهم كان ماسك رنا من شعرها: بقي بتمرمطي شرفنا في الارض حد قالك عني قبل كده اني بقرون
فريده عرفت تاخد رنا من ايده واخدتها لحضنها
ادهم بعصبيه: من النهارده لا انتي اختي ولا اعرفك ومشي وسابها
فريده طلعت رنا من حضنها وقعدتها علي السرير:مبدايا كده انا مش هقولك اللي انتي عملتي صح ولا هقول ان الاسلوب اللي ادهم بيتكلم بيه هيحل المشكله انتو الاتنين غلط بس غلطك اكبر يا رنا انك ترخصي نفسك قدام واحد زي ده غلط انك تتقابلي معاه من ورا ابوكي واخوكي ده غلط انتي اكيد عارفة ان الكذب ملوش رجليين فدلوقتي انتي تروحي تعتذري لادهم كده براحه وهو اصلا روحو فيكي هيسامحك ومسكت وشها مسحت دموعها
رنا دخلت في حضن فريده اللي اكتشفت انها شخصيه جميله جدا وبتحب كل اللي حواليها وان تفكيرها سليم وبتعرف تحل المشاكل خاصتا انها فاكره ازاي هي دافعت عنها امبارح
فريده: يلا روحي انا هقعد هنا علشان اسيبكم تتكلموا براحتكم
وفعلا رنا طلعت واعتذرت من ادهم وهو سامحها
ادهم: رنا غلطتك المرادي كبيره بس هعديها المرادي وحتي مش هقول لابويا انا قولتله امبارح انك هتباتي عندي بس يا رنا لو حسيت بس والله اعلم احساسي هيبقي صح ولا غلط انك بتفكري تعملي كده تاني هتشوفي مني وش تاني
وفتح ليها حضنه ودخلت جواه
رنا: ادهم انا اسفه
ادهم: ما خلاص يا بت سامحتك انتي هتغنيها
رنا: لا في حاجه تانيه
ادهم: استر يارب ها قولي
رنا: فاكر في الخطوبه لما فريده اتهمتني اني كنت بحتلها حاجه في العصير
ادهم: ايوه دي بجد فظيعه في الكذب
رنا: هو هو….
ادهم: ها قولي
رنا: هو انا فعلا كنت حطيت ليها حبوب هلوسه
ادهم في دماغه: يعني مش كفايه اني امبارح قولتلها كلام ملوش لازمه طلعتي انتي كمان يا رنا
ادهم: كويس انك قولتيلي
تاني يوم الساعه سته الصبح
كانت فريده بتفتح الستاير اللي في اوضه ادهم علشان يصحي
ادهم: ايه ده اقفلي اقفلي
فريده: اه ده انت شكلك ناسي يا حلو
ادهم: مش فاهم
فريده: التمارين
ادهم: نعم
فريده: هقولك البرنامج بتاعك النهارده علي السريع اول حاجه هتقوم تروق سريرك وهتعمل 100ضغط و100 بطن وبعد كده هتقوم تاخد شور بعد كده لما تطلع هتعمل لنفسك فطار صحي
ادهم: نعم ياختي فطار ايه
فريده: لازم تبقي عارف اني قبل ما اجي اقولك كده انا عملت كده فاخلص ولخص
فعلا ادهم قام لانه زعلها بما فيه الكفايه وعمل كل اللي قالت عليه
في الجامعه
تحديدا في محاضره فريده كان كلوا في وضع اندماج مع شرحها
فريده: اللي قاعد ورا انت مفكر علشان قاعدلي وراء مش هشوفك تبقي بتحلم اتفضل اطلع بره
حازم طلع وكان بيبرطم
بعد المحاضره
ادهم كان خارج فسمع حازم بيقول لاصحابه
حازم: والله هي تبقي ايه دي بتعلي صوتها عليا
هي مفكره نفسها مين
ادهم مسكه وفضل يضرب فيه بس ولد منهم جاب طوبه وضرب ادهم بيها علي دماغه وفي الوقت ده فريده كانت خارجه من المحاضره فغمزت لرؤوف انه يجيبه علي عربيتها
وفعلا رؤوف فهم واخده علي عربيه فريده
بعد شويه
في بيت ادهم وفريده
فريده وهي بتطهرله جرحه: مية مره قلتلك بلاش مشاكل يا ادهم وفي وسط كلامها
ادهم البتادين حرقه: اه
فريده في وسط كلامها: بس يالا بطل فرفره واجمد كده
وقامت تغسل ايديها وفي الوقت ده رؤوف اتصل
رؤوف: ايه يا بني ليه اتخانقت مع الواد
ادهم: يا عم كان بيتكلم علي فريده وبيقول انها ازاي متعرفش هو ابن مين وانه هيوريها
وكل ده وكانت فريده سامعه
عند عمر وندي كانوا بيتمشوا
عمر: بقولك ثانيه هروح اجيب ازازه ميه
ندي: اشطا
بعد شويه كانت ندي واقفه جه واحد
ماجد: ياقمر
ندي مردتش
فقرب منها زياده وقال: هو الحلو واقف لوحدوا بيعمل ايه
ندي: وانت مالك
فقرب اكتر: ما القمر بيعرف يتكلم اهو
ندي: اه وبيعرف يضرب كمان وضربته بالقلم
ولسه كان هيمد ايده عليها لكن عمر مسكوا وضربوا بالبوكس
عمر: انت ازاي تفكر تمد ايدك عليها مجرد تفكير كده
ماجد: وهي بتقربلك ايه علشان كل ده
عمر: تبقي خطيبتي يا حيوان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المنضبطه والمهمل)
