رواية المنحوسة .com الفصل الثالث عشر 13 بقلم عبير شوقي
رواية المنحوسة .com الجزء الثالث عشر
رواية المنحوسة .com البارت الثالث عشر
رواية المنحوسة .com الحلقة الثالثة عشر
ـ اي وانا اروح بيتكم لي ان شاء الله لااانا عايزة اروح بيتنا لو سمحت وصلني بيتنا الاول وبعدين امشو انتو
_عزيز………….. لارد
_مصطفي. متقلقيش يا انسة رنا احنا اتصلنا بوالدك وهو هييجي علي فيلا الهواري
_رناا. امم… ماشي تب هو هيطول لحد ميوصل ولا هستني كتير
_عزيز. ع حسب
_سارة. متقلقيش انا هفضل معاكي
_رناا. انتِ عارفة ان انا خلاص حبيتك
_سارة. ههه اومال يابنتي دانا اتحب😹
_رنا. 😑دا ثقة بالنفس ولا غرور
_سارة. معاذا لله اننا قد غُررنا بأنفسنها، انها ثقة بالنفس 😹☺️
_رناا. 😒😒وش ذي فصاحة اللغة العربية الي نزلت عليكي🙄
_سارة. هههههههه احم احم محبش اكلم عن نفسي كتشيرر
_رنا. تباً لتواضعك يافتاة
_مصطفي وقف العربية وقال.. وصلنا الفيلا انزلو وانا هركن العربية فالچراج
_سارة. واخيراااً ومسكت رنا لتكمل.. تعالي يابت يارنا هعرفك علي البت اسماء والبت سها والبت مريم
_رنا.. تمام ونزلت من العربية لتكمل.. بس مين اسماء، سها، مريم
_سارة. انا هقولك عشان شكلنا هنبقي صحبة ههههه اسماء سلفتي مرات عصام اخو عزيز بس احزر احزر احزر مرة كمان انك تقوليلها يا بطوطة او يا قلبوظة او اي حاجة توحي انها تخينة تمام
_رنا.. هخوفيني لي انا مش هكلم خاالص تمام
_سارة. و البت سها ومريم دول اخوات عزيز بصي كلهم عسل بس البت سهاا صحبتة الحية الي بتلف علي عزيز
_رنا. حية مين الحية
_سارة. يابت اصتبري جياكي اهو بالكلام.. الحية دي تبقا بنت خالة عزيز وهي ميرا ودي بنت سمجة ورخمة رخامة ييييييِ دمها سم
_رنا. رخامة ولا سيراميكا ههههه
_سارة.. ههههه لا حلوة.. وفتحة باب الفيلا ودخلت ومعاها رناا
_رنا.. انا خايفة ومحروجة وحاسة رقبتي قد السمسمة
_سارة.. يلا يابت بلا مياعة بلاسمسم بلاسداني تلقاهم قاعدين فالصالون يلا دخلو الاتنين لصالون واول مادخلو الكل استغرب مجية سارة واستغرب مين الي معاها وبدءو يبصولهم بنظرة الاستفهاام
_مريم. مين دي يا سارة ولا يكونش اخويا مصطفي قرر يكمل دينة مرة تانية ههههههه
_ساارة. اسكوتي يابت قطع لسانك يجوز عليا ليي مش مالية عينه ولا اي
_اسماء.. لا يحبيبتي مالية عينة ونص كمان برضة في حد يبقي عندة الجمال دة كله ويبص لبراا… بس مين دي صح
_سارة. تسلملي يا سمسيمو 😘.. اعرفكم بقاا دي رنا سكرتيرة عزيز بس مش اي سكرتيرة وانهت كلامها بغمزة ذي مانتو عارفين هاا😉
_ناهد ام عزيز.. تعالي تعالي يا حببتي دانتي من ريحة الغالي هههه
_رنا.. لسارة انا مش فاهمة حاجة 🥲
_سارة.. هههههههعه وده المطلوب يالا يابت روحي اتلحلحي كدة ياختي 😹
_ميرا.. ويامة هي حتت سكرتيرة مش اكتر اي الي جيبها بيتنا واي هدومها المتبهدلة دي يييياي انتي متعرفيش حاجة تخص
👈🏻الفاشون(👉🏻الموضة)
_رنااحرجت جداً من كلام ميرا وللحظة كانت هتبكي🥲🥲
ليأتي البطل الخارق وينقذ الموقف اووه. 😹😹
_عزيز.. ميرا الزمي حدودك اولا ده بيتي وانا اقول مين ييجي ومين الي يمشي متدخليش فـ أمور عيلتنا
_لتقاطعه ناهد.. يرضيك كدة يا عزيز تقلق امك عليك و يومين متدخلش البيت.. وبعدين مال هدومك متقطعة كدة يابني اي جرالك
_عزيز.. عشان كنا مخطوفين
الكل اصبح في حالة دهشة.. ايي
_حكي عزيز كل الي حصل معاه للكل وبعد منتهي قال.. طيب انا هروح اغير هدومي دلوقتي وانتي يا مريم خدي رنا وانتي عارفة هتعملي اي
_مريم فهمت.. حاضر تعالي يارنا
_سارة. خدوني معاكم يابنات
_اسماء. وانا
_ناهد. جت عليا هههه وطلعو لاوضة مريم كلهم
_مريم اخرجة هدوم عبارة عن فستان بيج ديق شوية(فستان بيج = فستان لونه شاي بلبن ذي مبنقول غالباً) وطرحة بيضة بس قصيرةمن دولابها وادتها لرنا
_رنا محروجة لان الكل قاعدين وبيبصو عليها وبيرجعو يتكلمو فسرهم..احم ممكن طرحة اطول عشان مش بحب القصيرة ذي الي لبساها لو ينفع وفستان اوسع حبتين معلش
_مريم.. حاضر …. اتفضلي……. وسابتهم رنا ودخلت للحمام
_اسماء. اه منك يا مريم بقا دا فستان تدي للبنت
_مريم.. مرات اخويا وبختبرها
_ناهد. متستنو يا بنات نسألها مرتبطة ولا لا الاول
_سارة.. حماتي عندها حق تصدقو فاتت فيا اني اسئلها
_اسماء. بس البنت قمورة وكتكوتة فنفسها كدة وانا حاسة انها هتبقي من نصيب عزيز وابقو شوفو اساسن عزيز اول مرة يدخل بنت للفيلا يبقي اكيد في حاجة😑
_ سارة. لا واسكتو مشفتوش عزيز كان بيعاملها ازاي وكان عايز يكلم معاها وهي مكنتش راضية انهم يبقو لوحدهم تاني وكانت مرتبكة كدة ومش ع بعضها
_مريم. ومتعرفيش مكنتش راضية لي
_سارة. حاولت اتكلم معاها بس لاهتني فالكلام
_ناهد. معقولة الولد يكون عملها حاجة.. عزيز ابني شهم وفي حنية الدنيا وميئزيش بنت بس وقت مبيتعصب ممكن يعمل اي حاجة يا يالهوي خسارة تربيتي فيك يا عزيز
_اسماء. انتو مشفتوش البت هدومها متبهدلها ازاي وبعدين البنت كتكوتة يا مراري
_مريم. يا جماعة استنو متظلموش الولد احنا نفهم منها الاول في اي
خرجة رنا من الحمام
_ناهد. حمام الهنا يا مرات ابني المستقبلية
_رنا.. ايي🙂
_اسماء. ههييهيهيهيه هي حماتي كدة بتحب تهزر ولا اي يا حمااتيي
_ناهد. اه اه صحح
_رنا. انتي مامة مستر عزيز
_ناهد. اه يحببتي
_رنا. ماشاء الله مش باين عليكي خالص.. سارة ومريم عرفتهم اكيد انتي اسماء
_اسماء. صح عرفتيني ازاي
_رنا. لان سارة قالتلي.. لتنظر اليها سارة بنظرة تحزيرية😑.. لتكمل قالتلي انك جميله اوي وانك حامل
_اسماء. تسلملي يا سارة انتي ورنا بجد.. وتنظر للجميع موجهة حديثها اليهم لاا وكمان نبيهه😉
_مريم. المهم سبونا من ده كله تعالي اقعدي جمبنا يا رنا لتذهب رنا وتجلس بجانبهم.. وتكمل مريم.. هو انتي في حد قايل عليكي
_رنا. ازاي
_ناهد. اقولك انا يعني مخطوبة مثلا في حد متقدملك وانتو مدينلة كلمة ولا حاجة يعني وكدة
_رنا.. ااهه فهمت قصدكم مخطوبة او لا… لا مش مخطوبة
_اسماء.. ليي
_رناا.. احم لان ملقتش الشخص المناسب وكدة كنت بستخير ومحسش براحة او يكون مثلا شخص مش ملتزم مش بيصلي وكدة
_لتقاطعها ناهد. ابني عزيز بيصلي وبيصوم وبيصلي الفجر حاضر
كمان
_لتنغزها سارة
_لتضحك رناا بصوت مكتومة لانها شافت عزيز بيتسمع عليهم… ماشاء الله اللهم بارك
_ناهد. زوزا ابني ده سكر اوي بس عصبي وعنيد حبتين تلاتة
وليه صور وهو صغير كتكوتة امه يا ناس ولا اقولكم انا هروح اجيب البوم الصور ونتسلي كلنا مع بعض
_عزيز واقف برا وبيلطم… حبكت يا ماما ولازم زوزا قدام البت.. احترامي وهيبتي اهه بينهارو قدامي عيني عليك ياود يا عزيز البت هطير وحياتك يامي محد هيطيرها غيرك
_رنا حطت ايدها ع بقها لتكتم ضحكتها ع عزيز الي واقف بيلطم برا ده
الكل فاكرينها مكسوفة انهم بيكلمو عن عزيز وبيهمسو لبعض
ومشيت ناهد لتحضر الالبوم
_مريم لمحت عزيز هي كمان وقالت.. المهم يا رنا ما تكلمينا عن فتى احلامك
_رنا.. هههههههه حاضر مش مهم عندي الفلوس والشكليات ولا المهنة بالتحديد بس يهمني انه يكون بيعرف ربنا وبيئدي حقة وبيحترمة اهل بيتة و يكون طموح وانه يكون راجل شهم وبينظر للبنات علي انهم ذي اخواتة ومش عشان بيعاملهم ذي اخواتة يسوق فيها فاهمين اعتقد ان ده الرجل المثالي الي قدوتة نبينا محمدﷺ
_مريم.. تفكيرك جميل جداً بجد
عزيز واقف برا بيشوف الصفات دي تمشي عليه ولا لا بس شاف ناهد جية عليه فا جري اتخبى
_ناهد. ها اتئخرت عليكم يا بنات
_رنا. لا لا خالص
_ناهد. اوكي نبدء بأول صورة كل صورة هقولكم حكايتها وفتحت الالبوم
_رنا.. اول مشافت الصورة انفجرة فالضحك لان عزيز فالصورة كان حاول عيونة ومطلع لسانة وعامل بأدية قرون لولد تاني جمبة
_ناهد. الصورة دي زوزا فيها عنده عشر سنين و الي جمبة ده مصطفي عندة ١٢ سنة وهو ومصطفي ناقر ونقير لحد دلوق و زوزا عايز يبوظ شكل مصطفي
_رنا. بس شكلو هو الي باظ ههههههه قلبت ناهد الالبوم ورنا انفجرت فالضحك من تاني وحطت اديها ع وشها ومن الكسوف
لان عزيز كان قالع ملط🙂😹😹
_ناهد.. هههههه مكسوفاا ههههه دا عزيز و هو عندة سنة ونص بس هو فالصورة ابيض يا ورد 🥲😹 لا واستني في صورة وهو عندة ١١سنة لما جة فيوم عيد ميلادة جة يطفي الشمع والنور كان مطفي طبعا فا اتكعبل و وقع جوه التورته و ورتها الصورة عزيز مكنش باين غير سنانة وهو ضاحك لانه وشه كلة متغطي تورتا رنا طول القعدة وهي بتضحك وعزيز برا بيطق غيظ بس رن علية ومصطفي وقالة ان والد رنا وصل
عزيز.. الحمد لك يا رب والشكر لك 🥹 ودق علي الباب ودخل اخد رنا ومشي رنا مفارقتش الضحكة وشها وخاصتاً انها ماشية جمب عزيز
رنا شافت باباها وحضنتة واخدها ومشي ع البيت وطول الطريق وهو بيسئلها اي الي حصل معاهم وهي قالتلة ع كل الي حصل
………
وبعدها وصلو للبيت وسلمت ع اختها وامها واحضان وتكات وحركات يا جدع احنا عارفينها بعد كدة استئذنت رنا منهم ودخلت اوضتها وكانت عمالة تروح وتيجي وهي متوترة دخلت اختها هدي
هدي.. في اي يارنا مالك متوترة كدة لي
_رنا.. هو مش احنا اخوات وعادي نحكي مع بعض وندردش
_هدي.. انجزي ماحنا طول عمرنا بنحكي وبندرتش هاا عملتي اي ومخبية اي
_رنا. سو سو سو سو سو سو سو😹😹(الكاتبة:مش هقولكم دلوقت البارت الجي هتعرفو لوحدكم 🫣😑😋)
_هدي.. سو سو سو سو، برضو😹😹
ــــــــــــــــــــــــــــــــــــــــ في الصباح
_رنا.. صحيت ومسكت تلفونها لقت في اخبار عنها وعن عزيز في عنوان جريدة الوطن
شاهد قبل الحذف(لا دي من عندي يا جدعان🥲😹)
[ الخبر: عبدالعزيز عادل الهواري يتغزل بسكرتيرتة]
[خبر اخر:عبدالعزيز عادل الهواري ابن صاحب شركات الادوية المشهورة يحضر سكرتيرتة الي المنزل ويتغزل بها ]
العناوين الفرعية الخاصة بالموضوع: هل بينهم علاقة سرية
هل هي معشوقتة
…. والخ
_رنا. يااالهواي هو مينفعش يوم يعدي من غير نكد حظي طب تباً لذاك الحظ يا جدع
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المنحوسة .com)
