رواية الملك ام الحب الفصل الرابع 4 بقلم روان خالد

رواية الملك ام الحب الجزء الرابع

رواية الملك ام الحب البارت الرابع

رواية الملك ام الحب الحلقة الرابعة

وصلو القاعة و كانو ماشيين مرعوبين من جلالة الملك ما عدا طبعا الأمير الوريث بتاعتا((حاروت)) و اول ما فتحوا الباب و شافوا الملك
الملك معطاهومش فرصة علطول شاور للحرس بالانصراف و بالهم بصات كلها تهديد ووعيد لاختراقهم القانون
الملك بهدوء ممتزج بغضب: طبعا انتو عارفين انا جايبكم هنا لى مش كدة يا سمو الأمراء يا قدوة الجن
سمرائيل و هو يبتلع ريقه: م.م.مولاى صدقنى الموضع بسيط خالص غير منت فاهم
نظر له الملك نظرة غضب و بصوت هادئ : انت بالذات تسكت يا غلطة
سمرائيل بتصنع: انا غلطة ؟!
الملك : ايوة غلطة و ندمان عليها يا اخر همى
سمرائيل: بابا صدقنى انا…
الملك: سمو الأمير انت دلوقتى فالمحكمة و بتتكلم مع جلالة الملك مش ابوك مفهوم
سمرائيل بصوت منخفض بنفسه: ياعم روح اتشطر على امى اللى بتنكد عليك و مبتقولهاش تلت التلاتة كم مش فالح غير عليا انا
الملك بصوت عالى: بتبرطم بتقول ايي يا سمو الامير.
سمرائيل: مبقولش يا مولاى بس انا شايف
قاطعه الملك شامل : انت كمان ليك عين تقولى رايك انت هتقول كنت رايح تعمل ايي ف ارض البشر ولا تحب تشرف فالانفرادى
سمرائيل: لالا جلالتك انفرادي ايي بس انا انا انا يعنى اصل انا
الملك بعصبية: ما تنطق
سمرائيل : كنت بجيب بطيخ اه بطيخ.
الملك: بطيخ؟!
سمرائيل: اه بطيخ اصل البطيخ هناك حلو اوى يا مولاى احمر كدة و ملظلظ و لبن و مهلبية و حاجة فمنتهى الرقى يعنى
الملك: البطيخ ملظلظ و فمنتهى الرقى ها
سمرائيل: اه جميل جدا تحب اجيبلك معايا المرة الجاية
الملك : اه يا حبيبي اوى اوى اصل انا نفسي جابتني عليه اوى
سمرائيل : بجد فخامتك ؟!يعنى خلاص صدقتنى
الملك : طبعا يا ابنى صدقتك ثوانى بس
يا حرس يا حرس
سمرائيل: اكيد هتجيبلى مفاجأة مش كدة
الملك؛ و أنهى مفاجأة دى هتعجبك خالص اكتر م البطيخ غمض عينيك بس
اغمض سمرائيل عينيه و إذ به يشعر بالاصفاد فيده: ايي دة انت بتكلبشنى يابا🥲بتكلبش ابنك يا حج
الملك: اخرس يا غلطة اخرس ماشي انا هحرمك تروح ارض البشر تانى يا حرس حبس انفرادي للامير لمدة تلاتة ايام و يتذاع الخبر فى المملكة عشان يمون عبرة لغيره
نظر له سمرائيل ثم رفع راسه لأعلى قائلا فنفسه: منك لله يا أميرة
خرج الحرس ممسكين بسمرائيل إلى الزنزانة
و بعدها مشى الملك ببطء ناحية شمروش ثم نظر له : و انت يا شمروش مش عايز تقول حاجة
نظر شمروش ليمينه و يساره و أشار باصبعه لنفسه قائلا: انا؟!
الملك بسخرية: و هو فى حد اسمه شمروش غيرك هنا
شمروش و هو يبتلع ريقه: انا انا انا كنت رايح اجيب خوخ بقا
الملك بضحكة سخرية: خوخ؟و طبعا هتقولى ان الخوخ هناك حلو و ملظلظ زيي الاستاذ مش كدة
شمروش: لا نهائي جلالتك دة مر و طعمه يقرف اللى فالمملكة احسن بكتير… عارف انا اصلا مش هروح هناك تانى اصل حاجتهم وحشة
الملك: يعنى مش هتقول كنتم هناك لى؟!
شمروش ؛ صدقنى يا مولاى الفاكهة هناك خطيرة ابقا تعالى معانا مرة
االملك: يا حرس
شمروش : لا ونبى الحرس لا
الملك: خدوا شمروش مع سمرائيل فالزنزانة يلا حبس تلاتة ايام و ميخرجش و بردو الخبر يتذاع فى المملكة
أخذوا الحرس شمروش للزنزانة
الملك بياس: و انت بقا يا وريث العرش يا ترى كنت رايح للخوخ ولا للبطيخ
حاروت بخيبة: مولاى انا عارف انى غلطت بس انا مكنش ينفع اسيبهم يروحو لوحدهم خصوصا انهم معروفين و اخاف حد يختالهم
الملك: دة بدل ما تمنعهم يا سمو الأمير يا ملك يا منتظر يعنى بدل ما تقولهم غلط و ضد القانون تقوم انت خارق معاهم القانون يا فرحتي بيك
حاروت: جلالتك انت عارف انى مبحبش ارض البشر بحس ببرود ناحيتهم و مش بطيقهم انا روحت معاهم عشان خايف عليهم بس
الملك: انا عارف انك مبتحبهومش و انك عملت كدة عشان خايف على اخواتك لكن القانون مفيهوش مشاعر و لازم القانون ياخد مجراه
حاروت: معنديش مانع اتحبس فالانفرادى يا مولاى
الملك: لا يا حاروت انت هتتنفى لمدة شهرين فى المكان اللى انت مش بتحبه ارض البشر
حاروت: لا مولاى ارجوك انفينى ف اى حتة الا المكان دة
الملك : دة حكم يا سمو الأمير نفذ و انت ساكت
خاروت بياس: امرك يا مولاى.
ذهب حاروت لتجهيز ملابسه و اعداد نفسه للسفر لارض البشر و العيش هناك لمدة شهرين و من شروط الحكم هو أن يتعايش كالبشر و ممنوع منعا باتا استخدام القوى السحرية او القوى المسموح له بها فى ارض الجان و ممنوع ان يظهر بهيئته الحقيقة و عليه أن يظهر بهيئة بشرى
اعد حاروت امتعته و ودع ابيه و أمه و خرج لارض البشر و من اول هنا احب اقولكم بدأت الحكاية❤️
فى ارض البشر
كانت حور فمكتبها بتخلص شوية أوراق و ملفات خاصة بالمشروع الجديد بتاعها .
و بينما هى مندمجة فعلها إذ بالباب يدق
حور: ادخل
أميرة: حور فى خبر مهم جدا
حور : امممم قولى فى ايي
اميرة: فى عميل مهم جدا نازل يوم الخميس و لازم احنا الناخده و لازم يتعاقد معانا احنا
حور: مين العميل دة
اميرة: عميل كورى اسمه شوان من أكبر المستوردين للعربيات من مصر و و من أكبر المصدرين للأجهزة الكهربائية لكل فروعه فالعالم لازم نتعاقد معاه يا حور مش لازم يضيع من ايدينا
حور بثقة: و احنا من امتى عميل بيروح مننا يا أميرة عمتا احنا هنبقى متواجدين فالمؤتمر اللى هيتعمب يوم الخميس متقلقيش كل واحد هيعرض المشروع بتاعه و بعدين متقلقيش انا عارفة كل المشاركين هما ٦ بس و آخر الأخبار بتاعتهم وصلتني و مشاريعهم معايا و باين اوى ان مكسبهم ضعيف جدا
اميرة: طب مش ممكن يكونو هما كمان عارفين مشروعنا
حور: لا ميعرفوش انا حاطة مشروع ايي كلام كدة قودامهم عشان الهيهم عن المشروع الاصلى
أميرة: اه يا قردة بقى انتى يا شبر و نص يطبع منك كل دة
حور: جرا ايي يا بت دة انا بنت الباش مهندس أحمد أكبر مهندس ميكانيكا فالشارع الاوسط
اميرة: طب يا واد يا واثق هروح انا اشوف شغلى بقا
حور : اشطا يا عسل روحى
و بينما كانت حور و أميرة فالعمل كان حاروت قد وصل إلى ارض البشر و لكن المفاجأة الكبرى هى ان حاروت درس هندسة الميكانيكا بجانب اصول الملك
يعنى مهندس زي بنتنا حور
اتشكل حاروت فشكل بشرى جميل فائق الجمال ولد شيك فنفسه عضلات و عيون زرقاء شعر اسود سواد الليل لحية متحددة و خيفية و ملامح رجولية
ذهب حاروت اولا و اشترى قطعة من الأرض و فى لمح البصر استخدم قواه السحرية من دون أن يلحظ احد كان لديه أكبر شركة تصدير و استيراد سيارات و أكبر شركة هندسة ميكانيكا
يبدو كدة ان بطلنا بادئ بداية كبيرة هو اينعم خلف بالقوانين شوية لكن لازم ينجز
بعد ما أنهى حاروت بناء الشركة بسرعة كان قد استنفذ الكثير من الطاقة لانه ليس بارضه و كان يمشي كالسكران لا يقوى على حمل نفسه من الأرض
و بينما كان يعبر الطريق إذ بسيارة تأتى و تصدم به
وقع حاروت ملقا به فالارض لا يقوى على الوقوف لانه أنهى الطاقة المصرح بها له و فى ذات اللحظة نزلت فتاة من السيارة بسرعة من السيارة قائلة : انت كويس؟!
******************************