رواية المتمردة والثعلب الفصل السادس 6 بقلم كتابات ولائيات
رواية المتمردة والثعلب البارت السادس
رواية المتمردة والثعلب الجزء السادس
رواية المتمردة والثعلب الحلقة السادسة
رامي :روح يا مهند من وشي وخلي الهانم تنزل عاوزين نشتغل
مهند : تمام اهي نازله اهي
رامي : يا نهار منيل بستين نيله علي دماغها
ايه الي هي لابساه دا
مهند بيحاول يخبي ضحكته
مهند: مالها هي قمر اهي
رامي : قمر دي الي بنقول تبقي انثي لابسالي بنطلون واسع وتيشيرت ابوها وكاب وايه الزفت دا الي علي وشها
مهند : اسمه بنطلون كارجو بانتس وتيشيرت اوفر سايز ودا ماسك
رامي : دا الي هو ايه دول امراض دي ولا ادويه ولا ايه
مهند : متشغلش بالك بس اهدي
رامي اهدي ايه دا انا لسه بقول يا هادي
سيف ومحمود دخلو : باشا احنا وصلنا ممكن نعرف فين اوضنا
رامي : بره في الجنينه في جناح مستقل هتقعدو فيه انتو ومهند
وانا هقعد هنا في الفيلا تحت في اوضه الضيوف
سيف بهمس ل محمود : شايف الي انا شايفه
محمود: هتجيب له جلطه من الي بتعمله دا
من علي بعد
ريناد: مسا الفل يا رجاله ايه الاخبار طلبتو غدا ولا اعملكم اوردر معايا واهو اعمل معاكم اجدع واجب ايكش يطمر فيكم
رامي : ينظر لها واسلوبها سيف محمود روحو علي اوضتكم رتبو نفسكم
مهند اطلب اكل للاخ علشان ياكل بدل ما يبلعنا وشوف مين فيكم عاوز اطلب معاه
متعملش حسابي انا مش هطفح شبعان
انا نازل للفرقه تحت اتمم عليهم
ونظر لها من فوق ل تحت وانصرف
مهند وانفجر في الضحك
ريناد: ماله دا متعفرت ليه
مهند: متشغليش بالك قوليلي تحبي تاكلي ايه
ريناد : لاء خلاص سد نفسي انا هطلع اتخمد
مهند: لاء ودي تيجي انا اعرف محل حلو اوي بيعمل كوارع وكرشه ولحمة راس تحبي تجربي
ريناد بقرف : زوقك زباله يا مهند افتكرت هتقول كريب وبيتزا
مهند: والله علي الي انتي بتعمليه فينا قولت انقي
ريناد: مهند هقلب عليك
مهند: ريناد احنا في شغل وبطلي عند من فضلك عندنا اجتماع كمان ساعتين هنتكلم في في شغل
وكمان رامي جايب مدربه اتيكيت ليكي ومدرسه فرنش اجنبيه علشان مفروض تتكلمي فرنش هيوصلو كمان نص ساعه
ريناد : اممم طيب بقولك ايه يا مهند انا هدخل اعمل عصير تشرب عصير
مهند: مش قولتي جعانه
ريناد مفيش مشكله هكتفي بعصير ومعاه كرواسون اعتقد في في المطبخ
مهند: لاء اتفضلي انتي وانا هروح اشوف الشباب
ريناد : تمام ممكن تكونو موجودين معايا في الدروس دي
مهند : رامي قال مفيش تعامل بينك انتي وسيف ومحمود منعا للمشاكل
ريناد: لاء خلاص هما اعتذرو وانا قبلت اعتذارهم ومفيش مشكله . علي الاقل القائد بتاعنا يكون حاضر بنفسه التدريب مفروض انه مير اعمالي ومسؤل عن شغلي وامني ومش بيفارقني
مهند: عندك حق فعلا انا هروح اول ما يوصلو انا هتصل عليكي عن اذنك
ريناد : اتفضل
…………………….
عبير: يعني ايه بنتك مسافره شغل دي مهما كان بنت
كريمان : والله انا مش بتدخل في شغلها ابدا
عبير : معتز كان نفسه يسلم عليها قبل ما يسافر بس كانت مشغوله
كريمان : عبير معتز مزودها اوي البنت مش شيفاه هو صعبان عليا
عبير : انا معاكي في دا بس نعمل ايه القلب له احكام
كريمان : مهاب كمن قايل مش هيجوز قرايب علشان امراض وراثيه فمتخليهوش يتعشم يا عبير ابنك هو ابني
عبير : كدا دا اخر كلام
كريمان : يا عبير انا مفيش في ايدي حاجه انتي عارفه البنت قويه وابوها وعمها مجمدين قلبها
عبير: خلاص يا كريمان متشغليش بالك انا هفهم ابني
كريمان : المهم سيبك اخبار العريس الي متقدم لبنت اخوكي
عبير : رفضاه قال ايه عاوزة اتجوز زي الروايات
كريمان: عائشه دي سكره بجد ورومانسيه يارب تلاقي الي يقدرها اهي دي الي كانت تنفع معتز مش ابني المتخفي
عبير: اه والله بس نصيب
كريمان : واحنا فيها احنا نخليهم يشوفو بعض بطريقه مختلفة
عبير : بجد ازاي
………………………..
ريناد بضيق لنفسها في غرفتها ماشي يا رامي الزفت بقي انا يتقالي اخ ومهند يقولي كرشه اما وريتكم
بقي انا ريناد يتقالي اكلهم ماشي يا حثاله الشرطة اما وريتكم
الو ايوة يا فندم معلش مسمعتش التليفون
عبد الناصر: ايه الاخبار
ريناد : كله تمام يا فندم
عبد الناصر : ريناد احنا دخلنا في الجد واي عدم طاعه للاوامر بتعرضك وتعرض الخطه للفشل اتمني تنجحي في مهمتك دي هتفرق في ملفك كتير
ريناد: اطمن يا فندم
عبد النصر : اي حاجة معاكي رامي والرجاله انتي مش لوحدك
ريناد: ايوة يا فندم تمام
عبد الناصر : مش هنعرف نتواصل معاكي كتير رامي هو رئيسك المباشر
ريناد بغيظ : عارفه يا فندم سلام علشان هجهز عندي اجتماع
عبد الناصر : ربنا معاكي يا بنتي
……………………………….
رامي : ابعت للهانم تنزل المدربه والمدرسه الفرنسيه وصلو بره الفيلا وداخلين اهي
و هنعمل معاهم اجتماع علشان نحدد مواعيد التدريب
مهند: هتصل بيها حاضر
رامي : ياريت تخليها تضبط خلقتها شويه
مهند: ايوه داخلين بس
ريناد : مقاطعه معلش دقائق ونازله واغلقت الخط
مهند: نازله حالا وفي سره ربنا يستر انا حاسس انهم هيولعو فينا وفيهم وفي الكمبوند كله
رامي قاعد بيلعب في تليفونه وبينفخ بزهق
مهند : صلاة النبي احسن
يرفع رامي نظره وكانت الصدمه
……………………..
سيف : محمود انت خلاص شيلت ريناد من دماغك
محمود: يا ابني انا كنت بضايقها بس وبعدين دي اكبر منك
سيف : لاء مقصدش انا اصلا مبفكرش حاليا انا بس مش عاوز مشاكل
محمود: متقلقش انا عارف انها كانت غلطه اني اضايقها بس هي طلعت بميت راجل
سيف : بجد مشفتش حرمه زيها
محمود: حرمه انسي بلدكم يا سيف
سيف : بنساها في الشغل بس معاكم بتكلم بطريقتها علشان لما ارجع مبقاش غريب
…………………………
ريناد دخلت وهي في قمة التالق حيث ترتدي فستان من اللون البينك الغامق بناتي وشديد الجمال عليها
وترتدي حذاء بكعب رفيع وعالي وتضع القليل من مساحيق التجميل وبعض الاكسيسوارات البسيطه التي تجعلها اكثر رقة ونعومه
مهند : مدام اولجا مدرسة الفرنش
ريناد اتجهت اليها تسلم عليها وبدات تتحدث
ريناد :Bonsoir, je suis désolé du retard dans votre attente.
اولجا:Bienvenue, nous sommes honorés, mademoiselle.
ريناد :Renad est policière, pouvons-nous commencer la réunion ?
اولجا: Olga enseigne le français, mais votre prononciation est
(ملحوظة :اعذروني لو في خطأ في الفرنسيه )excellente
مدربة الاتيكيت كانت في الخارج تجهز بعض الطلبات الي هتحتاجها ودخلت
مدربة الاتيكيت : ريناد اهلا وسهلا
ريناد : طنط صفيه اهلا ب حضرتك
مدربة الاتيكيت : اخبار ماما ايه وحشاني بقالك كتير مش بتيجي معاها اليوجا
ريناد: والله عندي شغل يا طنط حضرتك هنا ليه
مدربة الاتيكيت : والله استاذ رامي جابني اعلم واحده مسترجلة معاهم ازاي تتعامل وتاكل وتشرب وتتكلم وتمشي
قولت له ابعت له اي مدربة من هناك بس قالي دي حالة مستعصيه محتجاني انا شخصيا
ريناد: اهلا يا طنط اتفضلي
رامي ينظر لها بذهول وبدون اي كلام ومهند قاعد بيحاول ميضحكش
صفيه مدربة الاتيكيت : مش يلا نبدا شغل فين الي هنتعامل معاه يا استاذ رامي
رامي مش مستوعب الي بيحصل
ريناد: اصلهم غيروها يا طنط وانا الي هكون مكانها
صفيه : ايوه كدا طبعا بنت جمال ورقه وشياكة وزوق طول عمرنا بنحلف بيكي وبمامتك
ريناد : ربنا يخليكي يا طنط
رامي: مدام صفيه انا محتاج تشوفي لو الرائد ريناد محتاجة حاجة
صفيه : ريناد لاء متقلقش دي تربيه كريمان البرنسيسه زي ما بنقول دي مامتها الي معلمانا كلنا الاتكيت اطمن يا استاذ رامي اختيار مثالي بجد
استاذن انا بقي علشان ورايا شغل
اولجا مدربة الفرنسيه : Je suppose que tu n’as pas besoin d’elle maintenant parce qu’elle parle comme si elle était née en France
ريناد :
Merci beaucoup, Mme Olga
رامي : Ravi de vous rencontrer, Mme Olga
بعد ان انصرفو نظرت له ريناد نظرة انتصار وغضب
والتفتت لتنصرف
رامي : حضرتك راحة فين
ريناد نظرت له بسخرية : راحة البس لبس الرجاله لاني حالة مستعصية
رامي : انا معرفش
ريناد: لان حضرتك الي يهمك الاوامر والشخط وانك بتفهم واحنا او انا تحديدا الغي مخي ومعرفش جبت ثقة دي منين اني محتاجة اتعلم
المفروض انك كنت تمسك ملفي تقراه وتتكلم وتتناقش معايا ولكن ازاي غرور سيادتك يمنعك من كدا
رامي : من اسلوبك والي شوفته في المدرية و
ريناد : وحضرتك عاوزني البس كدا وامشي كدا واتكلم لغات مع العساكر
اكيد طبعا معاهم لازم احكمهم علشان شغلي يمشي
يا باشا انا معايا 4 لغات بتكلمهم بطلاقه ولاني كنت في مدارس اجنبيه وليها رولز مش اي مدارس وكنت متفوقه في دراستي جدا وطلعت سفريات وبعثات معاهم بره
رامي: حقيقي انا معرفش فلو سمحتي ممكن نتكلم
ريناد : انت عاوزني اقعد معاكم ومع رجالتك بالشكل دا ازاي هيعتبروني زميلهم طبيعه الرجل الي درساها في الدبلومه من الدبلومات اليلو فتحت ملفي هتلاقيها ان مينفعش
مهند: حصل خير يا جماعه وانا اسف بالنيابه عن رامي
رامي: وانا مش اسف اصلا من حقي اتاكد ان شغي مضبوط واتكلم معاكي ازاي وانتي معرفانا انك همجيه ومتعجرفه واسلوبك اسلوب اطفال
ريناد: انا مش هسمح ل حضرتك تكلمني كدا
رامي: ليه يا سيادة الرائد هو في رائد شرطة ولا انسه كبيره تبوظ عربيه زميلها علشان متضايقة منه
هنا ريناد وشها جاب الوان
رامي بيكمل انا عديتها بس لما تكوني بتتعاملي معايا تعرفي اني اقدر اعرف ايه تم وايه حصل وايه مكنتش ابقي رامي منصور
ولا حضرتك واسلوبك معايا في مكتب اللواء عبد الناصر لولا انه عرفني انك بنت اخوه وتهميه وانه كان صديق والدي الله يرحمه
لاء يا استاذه انتي مش ملاك وبتركبينا الغلط لو في سوء تفاهم ف انتي الي بداتي بيه انتي الي مدتيش لنفسك تعرفي ان المهمات مش نشاط فردي دي مجموعه لازم كلنا نتعاون علشان ننجح
اتفضلي مواعيد وجدول الاجتماعات هتجهز انهارده وكل واحد هيكون مسؤل يحضر في معاده
ريناد: الاجتماع الساعه كام
رامي : بعد ساعتين والغداء بعد نص ساعه كله يكون موجود في الاتنين وتركها وانصرف
مهند: رامي استني بس رامي
ريناد : بضيق لنفسها ايه دا عرف منين اني يوووه بقي انا هطلع اغير وانزل انا جعانه اوي
…………………………..
محمود : كويس اننا مدخلناش سامع الزعيق
سيف : ايه زعيق ايه بس استني
محمود: انت بتعمل ايه
سيف : قبل الاجتماع لازم اكون خلصت تاكيد علي كل انظمة المراقبة والتامين علشان لو في نقط مش متغطيه اقدر اضبطها
محمود: انتو مغطيين كل الاماكن
سيف : اه ماعدا غرف النوم وجناح ريناد بالكامل ممنوع يتغطي بس هنستبدله بحديد علي المنافذ وحمام السباحة اغلبه ممنوع يتغطي
محمود : طيب انا هلف كدا لفه اشوف ايه ممكن يتعمل تاني
……………………..
رامي دخل غرفه المجهزة للتدريب
مهند: استني بس يا رامي في ايه
رامي : في انها زودتها
مهند : متزعلش مني اسلوبكم انتو الاتنين غلط قولت لك اتكلم بهدوء
رامي : اتفضل اخرج اتاكد من التامين مع محمود وسيف وهنتقابل علي الغدا
مهند: رامي انت زودتها
رامي : اتفضل نفذ االاوامر والنقاش اتقفل
مهند يعلم انه طالما قال كدا يبقي فعلا النقاش انتهي لحين عودته من تدريباته التي يفرغ فيها غضبه
جلست ريناد في الصالون لكن
وهي تتفحص المكان قبل ان تصعد تجري الي شئ ما
ريناد : ايه دا مش معقول
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
