رواية المتمردة والثعلب الفصل السابع 7 بقلم كتابات ولائيات
رواية المتمردة والثعلب البارت السابع
رواية المتمردة والثعلب الجزء السابع
رواية المتمردة والثعلب الحلقة السابعة
جلست ريناد في الصالون لكن
وهي تتفحص المكان قبل ان تصعد تجري الي شئ ما
ريناد : ايه دا مش معقول
بيانو انا بحبه اوي ومن زمان مقعدتش عليه
وسحبته كرسي لتجلس لتعذف عليه بكل سلاسه وعشق
يدخل رامي علي صوت العزف
محمود: نهار اسود مين اتجرا دا هينفخنا كلنا
سيف : والله مش عارف الدوشه دي عجباه في ايه
مهند : بس يا جاهل دي معزوفه المقطوعة الحالمة لشوبان
سيف :ومين شوكمان دا
محمود : بس يا سيف احسن انا حاسس انك لما بتتكلم هتتنفخ اكتر
سيف : انا احب الربابة والريس متقال
رامي : ممكن تخرسو وانت يا زفت ايه جاب متقال ل شوبان انا بتقارن ايه ب ايه اقولك خليك في الالكترونيات وانت ساكت
سيف : يا مشاء الله مين الحوريه الي بتعزف ي
محمود: دا بينها مهمة لوز
مهند : اتلمو واخرسو دي ريناد
سيف : والنيعمه صحيح
محمود: لاء كدا بقي دي عندها انفصام في الشخصيه حد يبقي قمر كدا ويروح يبقي راجل
مهند: تحبوها من عمر مكرم ولا مسجد الشرطة
الاتنين: ايه دي
مهند : جنازتكم
رامي : ايه اخرسو عاوز اسمع
محمود: ما تقرب هناك يا قيادة وتسمع براحتك
سيف : اسكت احسن يبلعك
رامي مغمض عينيه ومستمتع بلعزف
لم تتوقف ريناد عن العزف وهي تضحك يقترب منها رامي يجلس في صمت ويبدا العزف بمهاره وكل منهم يلتقط من الاخر اللحن
وبعد مباراه من العزف
مهند بيسقف : ممتاز يلا انا جعان
سيف : اه والله انا كلاب بطني بتهوهو
محمود: يا ابني انت بتودي الاكل دا فين دا كلك علي بعض اد كدا
سيف : دا نق ولا قر
محمود :ك لا يا حبيبي دا حسد
رامي : علي ما تطلعي تغيري هدومك هيكون الغدا جاهز وهنقعد اجتماع وبعدها تدريب
ريناد: واغير ليه ماله لبسي
رامي: انتي هتقعدي بالفستان دا
ريناد: مش عارضه ازياء هقعد بجلابيه مثلا ولا البس ملس
رامي : لاء وانا مالي اقعدي اياكش تقعدي بخيش حتي بس توضيح احنا قولنا مصممة واحيانا عارضه واعتقد نركز علي مصممة احسن لان شكلك ميديش
ريناد: ايوة شاطر كدا لبسي ملكش تدخل فيه و برضه اسطوانة شكلك ميديش دي تحتفظ بيها لنفسك لاني عارفه نفسي كويس اوي
ولا تحب اعرفك
رامي : بضحكة بسخريه انتي تعرفيني انا ههههههههه حد يحطلها مرايات في كل مكان علشان تشوف نفسها
ريناد : هنشوف يا واقتربت منه وهمست مغرور وانا اوعدك هكسرلك غرورك
ليهمس لها بكل تحدي : وانا مستني اشوف مين فينا هيكسر غرور التاني
ريناد : بصوت عالي : اعتبر دا وعد
رامي بنبره حاده : وانا مبرجعش في كلمتي
ووقف كل منهم ينظر للاخر بتحدي بالغ وكانه سيطلق عليه الرصاص للقضاء عليه
محمود: ايه يا جماعه مش يلا بينا
انصرف رامي ومهند وخلفهم سيف
محمود : بلاش رامي بجد انتي مش اده انتي زي ما وعدتك زي اختي وهو بارد بس عصبيته قاتله
ريناد: دا تهديد من صحبك
محمود: دا تحذير لاختي لو تعتبري اننا اخوات
ريناد: اكيد يا محمود اخوات يلا بينا هنتاخر
وتصرفو وهي تفكر كيف تكسب الرهان
…………………..
ديفيد : ها جاهزين كدا هنبدا بقي كل واحد يحط تصوره ونفلتر التصاميم علشان المسابقه ونجهز الفيلا الي المتسابقات هيعيشو فيها وطبعا هتكون مراقبه ماعدا الحمامات وهما عارفين كدا
ميار : بس يا فندم غرف النوم
ديفيد : ميار الي داخلين المسابقة دي عارفين كويس ايه النظام مش هنخبي حاجة عليهم غير ان كاميرات غرف النوم هتتقفل بليل
ميار: طيب يا فندم انا بلغت الاستاف بالتعليمات وهيكون في اجتماع مع الصحافة الساعه 8 علشان الاتفاق علي حملات الدعايا
منسقي الحملات الاجتماع الساعه 6
التليفزيون طلبنا عروض الاسعار الاعلانيه
اما بخصوص مكان الاقامة فكان في اقتراح اننا نحجز فندق صغير بدل الفيلا ومقدمه لسيادتك عرض بالتفاصيل
ديقيد بيشوف تليفونه
ديفيد: طيب اطلعي انتي ومحدش يدخل عليا
مارك: ها يا ديفيد
ديفيد كله تمام يا بوص
مارك: متنساش ان الهدف نغطي علي العمليه
ديفيد: اكيد وعلشان كدا بفكر انقل المسابقه تكون في حته اهدي ومفيهاش قلق الغردقة وشرم تاميناتهم جامده
مارك : المهم تخلي بالك اوي مش عاوزين غلطة العمليه مهمة جدا
ديفيد: اطمن مش اول مرة يا بوص
مارك: بس دي اكبر مره والخاين هيتصفي هو وكل دايرته
ديفيد: المهم النسبه
مارك: زي ما اتفقنا انت عارف كلمتنا واحده
…………………………..
عبد الناصر : اطمن يا فندم احنا في ناس زرعناهم بالفعل في الشركة
اللواء : المهم احترافيه
عبد الناصر : من ناحية دي متقلقش ناس عارديه بس تحت ادينا بالفعل
اللواء : يا ناصر العمليه دي مخدرات وسلاح
عبد الناصر : اه يا فندم عارف
اللواء : في تخمينات ان فيها يورانيوم
عبد الناصر : ايه معقول للدرجة دي
اللواء : ايوة علشان كدا لازم تبلغ الثعلب لان كدا معناه انها المافيا نفسها مش بس مجرد مهربين
عبد الناصر : انا عارف ان المافيا ليها دخل بس كدا الكلام خطير
اللواء: هنتاكد كل دي تكهنات لسه رامي هيعرف يتاكد
…………………….
رامي: ايوة يا فندم تمام
ناصر : كدا عرفتالمطلوب
رامي: ايوة يا فندم كل حاجة هتكون تمام
ناصر : ربنا معاك الا اخبار ريناد ايه
رامي : كل حاجة تمام يا فندم متقلقش
ناصر : مش قلقان يا رامي انا واثق فيكم وعارف انها شاطره بس عنيده
انا مبلغها ان الاوامر مباشر منك
رامي: تمام يا فندم انا عندي اجتماع معاهم هنتكلم في الوضع والخطة بس استاذنك الي هيتبلغو بيه يخصني انا
ناصر : اكيد انت قائد العمليه وحقك
رامي: اشكرك يا فندم
…………………….
ريناد بكل برود قاعده بتاكل ومهند ومحمود وسيف بيبصلوها بضحك
ريناد: ما تاكلو بدل ما عنيكم في طبقي
سيف : هناكل من غير القيادة ازاي يعني
ريناد: هو الاكل كمان محتاج اوامر دا معاد اكل وكونه بيرغي في التليفون دي مشكلته
محمود: ياريت نقدر نعمل زيك بس هنتشلوح كلنا
مهند: اكيد تليفون شغل مش بيحب في التليفون
ريناد: وحتي لو بيحب احنا مالنا الجعان ياكل هي مش حكم قرقوش هنا
عموما الكفته تجنن ولا الكوردون بلو ملوش حل وبتكمل اكل بتغيظ فيهم
رامي : معلش يا رجاله عطلتكم علي الاكل بس دي التعليمات الجديده
الرجاله : ولا يهمك يا قيادة احنا منقدرش ناكل من غيرك
ريناد بتكمل اكل بكل برود و لا بترد عليه
رامي : رائد ريناد بالهنا والشفا
ريناد: الله يخليك تعالي اتفضل كل
رامي: وايه يا رجاله مكلتوش ليه دا لو التليفون طول كانت مشاء الله خلصت التربيزة كلها لوحدها
ريناد: اظن الاكل له معاد واعذرني يعني مش باكل من جيبك علشان تحسبه عليا
عموما اتغضل محدش ماسكك يعني
رامي: اتفضل ولازمتها ايه اتفضل يلا يا شباب ربع ساعه تكونو مخلصين
ريناد: طيب انا هروح اخد قهوتي علي ما تخلصو اصل نفسي اتسدت
رامي : ليه ما تتكملي اكل عادي يعني المهم انتي واحنا مش لازم
ريناد: عارف لولا ان سيادة اللوا موصيني عليكم
محمود: اكيد كنتي اكلتينا
سيف : الغريبه ان ميبانش علي سيادتك يا سيادة الرائد
مهند : بيضحك وبيقول الربع ساعه هتخلص يلا
ريناد ماشية
رامي: ياريت تغيري لبسك دا وتجهزي هنطلع من الاجتماع علي التمرين
ريناد: تمام وذهبت وهي تتوعد لهم وطلعت غرفتها
مهند: زودوتها معاها علي فكرة
سيف : بس بصراحة الي يشوفها وهي زي العصاية كدا ميشوفش بتاكل ازاي
محمود: يا غشيم هي مش بتاكل اي اكل هي عارفه الانواع الي بتاكلها
رامي: مش عاوز كلام علي الاكل وحسيكم عنيكم ترفعو عنيكم فيها مفهوم
الرجاله : مفهوم
رامي : تركهم وذهب
محمود:رامي مش هتكمل اكل
رامي لاء انا في المكتب جوا خلصو وتعالو وانت يا مهند تتصل بيها تيجي
………………………………
ريناد: الو يا ماما انتي كويسه
كريمان: انا كويسه يا قلبي اخبارك ايه بتاكلي بشربي واخده بالك من نفسك
ريناد: انا بخير متقلقيش عليا انا بس بطمنك عليا ومضطره اقفل عندي شغل
كريمان : ما تسيبك يا قلبي من الشغلانه المهببه دي وتقعدي في حضني وحشاني
ريناد: وبعدين يا كوكي ما تنشفي كدا بنتك بخير وناجحه اهي يلا انا هقفل
كريمان: ربنا معاكي يا قلب ماما
ريناد ترتدي شورت وبدي رياضي اسود وكوتشي ابيض وترفع شعرها ديل حصان وترتدي ساعتها الالكترونيه وتاخذ معها زجاجة المياه وتنزل وتبدو كالاطفال فهي قليله الحجم
في غرفة المكتب
رامي : مهند رنيت عليها
محمود: انا كلمتها وقالت نازله حالات لان مهند كان معاه تليفون وغمز ل مهند
رامي : طيب دلوقتي المفروض اننا هنتدرب هنا الفترة دي اي اجهزة او ادوات محتاجينها بلغوني
سيف : انا محتاج يا باشا بعد اذنك ازود الكاميرات علي الاسوار الخارجيه وحمام السباحة
رامي: اكتب طلباتك وهبعت اخج بيها موافقه
ريناد: انتو بداتو من غيري دا لسه 3 دقائق علي المعاد
ليتجه انظار الجميع اليها
وينظر لها رامي بضيق
رامي : ايه الي حضرتك لابساه دا
ريناد: خير يا فندم مش قولت في تدريب مباشرة بعد الاجتماع دا لبس التدريب
رامي: ياريت حضرتك تراعي انك بتدربي وسط رجاله
ريناد: وانتو كلكم لابسين شورت وحمالات اهو يعني انا مش عامله حاجة مختلفة
محمود : الفكرة اننا رجاله ومعانا كمان عساكر
ريناد: الشغل بتاعنا مفيهوش فرق وانا اعرف اوقت اي حد عند حده هنخلص الاجتماع ولا كالعاده انا غريبه بينكم ومش قادرين تبلعوني
رامي: كنت بقول اي حد ناقصه اجهزه يبلغني بيها او ادوات يبلغني بيها علشان هنفضل هنا فترة
ريناد: نشوف الاول المتاح ونشوف هنحتاج حاجة تانيه ولا لاء
السؤال بقي فين جواز السفر بتاعي وهنسافر امتي
رامي: كل حاجه ليها معاد حاليا احنا في معسكر تدريب واعداد والبرنامج علي اجهزتكم افتحو وتابعو محدش هيفكر حد بالمعاد
الي هيتاخر هيتكدر
مفيش عندي فرق بين جديد وقديم في الفريق
في متابعه طبيه يوميه هتم للجميع علشان يكون في تحديد خطه لكل واحد غير الخطه الجماعيه
اي حد مش هيلتزم بالتعليمات يتفضل من دلوقتي يقول لان من اول ما هنبدا تدريب مفيش تراجع
كلنا هنا ايدواحده بنحمي بعض وندافع عن بعض هدفنا ان العمليه تنجح ولو علي اروحنا ولكن دا مش معناه اننا نتهور
ارواحكم وارواح الي معاكم كلها مسؤليتكم ومسؤليتي
علشان كدا حذاري حد يتصرف من نفسه لان دا هيخلي الكل بيتعرض لخطر
مفهوم كدا ولا ايه
محمود: طيب انا بصيت علي البرنامج فين الترفيه الي فيه
رامي: لو هتلاح هتلاقي اوقات حرة للترفيه
موبايلاتكم هتتسلم وهتستلمو تابات علي الشبكة الداخليه سيف مسؤل برمجتها وهنتواصل مع بعض من خللها
اي حد يلاحظ اي تغيير في التاب بتاعه يبلغ
الشبكه بتتامن يوميا مع الفطار بتاخدو كلمة السر الجديده تدخلوها وتشتغلو بيها
كل المكان مراقب بالكاميرات ماعدا غرفه رائد ريناد حفاظا علي خصوصيتها علشان كدا في بليل تامين انذار ليذر علي تراس وشبابيك الغرفه
ارجو من حضرتك متخرجيش بليل التراس لوحدك
ريناد: طيب هنتواصل ازاي مع الخارج
رامي: اي تليفونات تخلصيها انهارده لان الموبايلات هتروح الادارة ودي اجراءات تامين
الساعات الي في اديكم دي هتتبدل بساعات تانيه ياريت تتسلم مش عاوز اي هوية ليكم هنا
مهند: دي ساعات التتبع
رامي : كل حاجه في وقتها
حاليا اقدر اقولكم يلا علي التدريب
مهند استني عاوزك
ونظر اليهم انصراف ربع ساعه وهكون معاكم تكونو سخنتو
………………………..
محمو: ريناد رامي بيخاف علينا كلنا وانتي قولتي انك زي اختي
وانا مقلبش ان اختي تلبس كدا
ريناد: سيبك من لبسي لان دا لبسي الطبيعي في تدريب ومحدش له يفرض عليا حاجة انا كنت عاوزة منك خدمه
محمود: اتفضلي
ريناد: اانا عاوزة …………………….
محمود: يا نهار مش فايت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
