رواية المتمردة والثعلب الفصل الرابع والعشرون 24 بقلم كتابات ولائيات
رواية المتمردة والثعلب البارت الرابع والعشرون
رواية المتمردة والثعلب الجزء الرابع والعشرون
رواية المتمردة والثعلب الحلقة الرابعة والعشرون
سيف: ناصر باشا مصيبه
ناصر : الو يا سيف قول
سيف : الاتصال انقطع والرائد ريناد مع المافيا
ناصر يحاول ان يتماسك وقلبه يرتجف علي صغيرته ولكنه الواجب
بص يا سيف بهدوء حاول ترجع الاتصال وتابع معايا
سيف : والرائد ريناد يا باشا
ناصر : اسمع التعليمات يا سيف ونفذ الاوامر
لازم لكل عمليه خساير وان شاء الله ربنا معاها ومع الجميع
ويغلق وقلبه يتمزق فهي ابنته التي لم ينجبها ولكنه يتضرع بقلبه وعينيه لله ان يكون معين لها
…………………….
سمر: مالك يا ماما
ملوك وتنهار في البكاء : ابني بيه حاجه ابني
سمر : يا ماما هي اول ماموريه له ادعيله
ملوك: لاء قلبي مش مطمن المره دي اخوكي فيه حاجه يا سمر
سمر : استعيذي بالله من الشيطان الرجيم وقومي صلي ركعتين يا ماما وادعيله
ملوك: رجلي مش شيلاني رامي اه يا ضنايا يا تري بيك ايه يا نن عين امك
سمر: يا ماما بلاش جو امينه رزق دا وقومي يا ستي انا غلطانه اني عملت لكم محشي مالها البانيه والمكرونه
مي : مالكم في ايه مالك يا ماما
سمر تعالي شوفي امك يا ستي خايفه علي رامي وبتعيط
مي : منك لله يا مراد انت السبب
ملوك : وماله مراد بقي يا مي ان شاء الله
مي: هو الي طلب محشي كرنب اهو كتم علي نفسنا كلنا
ملوك: والله الواد دا برقابتك وكفايه انه متحملك مش انتي بنتي صحيح بس له الجنه
سمر : اهي قلبت عليكي الحق نفسي انا قبل ما تقلب عليا
ملوك : اوعي منك لها ويقولو خلفه البنات فرفشه وضحك الا انا خلفه نكد
تضحك مي وسمر وتقول مش مهم المهم انها نسيت خوفها علي رامي
مي : اروح اشوف مراد بقي الحق انكد عليه قبل ما انزل النباطشيه
سمر : والله ماما عندها حق في الي بتقولهولك يا مي يلا اروح اعملها قهوتها وانتي خلي مراد يعدي عليها علشان هو الي بينسيها
مي: طيب اهو نفد ابن صفاء من نكدي
سمر : صفاء الي هي حماتك وخالتك روحي يا مي الله يخليكي
………………………..
ادهم : رامي ركز معايا انت لازم تدخل عمليات فورا
رامي : وتملك منه الالم : ادهم انا لازم اكمل العمليه اتصرف
ادهم : انت جسمك هيوصل انه يحاربك انت شخصيا خلاص بقي رافض اي جسم غريب
مهند: رامي مفيش وقت عربيه الاسعاف هتوديك المستشفي وانا هروح اكمل المداهمة
رامي: ادهم اتصرف وسكن الالم دا كدا كدا هروح
مهند: ادهم مينفعش حالته وحشه اتصرف وانا هكلم اللواء اشوف التعليمات
ادهم : رامي بلاش عند كدا خطر علي رجلك مش هنضحي بيك
رامي: العمليه لازم تكمل انجز يا ادهم اوعدك بعدها هروح المستشفي بنفسي ارجوك يا ادهم مش هقدر اضحي بنجاح المهمة دي
مهند: علي التليفون وبعدين يا فندم هنعمل ايه ممكن ياذوها تمام يا فندم انا هكون جاهز
مع السلامه
رامي بالم شديد : ايه يا مهند في ايه
ادهم دي حقنه لو خلال بع ساعه محستش بمفعولها هنضطر نطلع علي العمليات
رامي تمام يلا وانت يا مهند انطق
مهند: ريناد مخطوفه ومع المافيا والاجهزة حصلها تشويش
رامي : عربيه بسرعه لازم ننضم ليهم
ادهم بنفاذ صبر : انت حالتك متتحملش يا رامي
رامي : مش هضحي بنجاح المهمة ومش هضحي بحد من فريقي
مهند: اطلع بسرعه يا ادهم
ادهم : تمام السلاح عندكم ورا كل واحد يمسك سلاحه
مهند: ادهم احنا هننضم للواء ناصر واعتقد انت في العربيه تغطينا
ومعاك رامي
رامي : بتعب اطلع يا ادهم وفتح الصندوق واخرج سلاح ابيض يضعه في حذاءه ومسدس في الاخر وذخيره
مهند: فين قنبلة الغاز
ادهم : عندك تحت الكرسي بس خلي بالك نحاول منستعملهاش اوي لان دورين الحساسيه الي عند ريناد ممكن اغاز يعملها اختناق دا لو هي معاهم
رامي : هما مش بالغباء الي يخليهم ياخدوها
………………………..
عائشه : ايوة يا كوكي
كاريمان : هو الواد خطيبك مكلمكيش
عائشه : ويكلمني ليه هو لسه مش خطيبي
كاريمان : ريناد عاوزة اطمن عليها بقالي يومين قلبي بيوجعني عليها
عائشه : ما تسالي اونك مهاب ولا اونكل ناصر
كاريمان الاتنين مش بيردو قال ايه عندهم شغل انا حاسه ان بنتي فيها حاجه
……………………….
تركلها في وجهها وهي تردد فاكرانا هندلعك لاء فوقي انتي ولا تسوي انتي بس كارت ممكن نلعب بيه
ريناد: فكيني وانا هوريكي مين الي ولا يسوي
رؤؤؤل : اه ما كنتي مفكوكه عملتي ايه بتسرقي مسدس يا زباله وعاوزه تقتلينا
ريناد: انا مش محتاجه مسدس انا كفيله بيكي بادي بس اقول ايه طول عمركم خونه ومبتضربوش حد سايب او من وشه بتضربو من الضهر
بضحكه عاليه المهم مين يضحك في الاخر انتي بقي لعبتي الي هلعب بيها وتقبض عليها من شعرها بحكام وتسحبها خلفها وهي تركلها
ريناد تخطف منها سلاح ابيض ويدها مربوطه وبسرعه تقطع شعرها لتصبح ريناد بلا شعر وتنظر رؤؤول بذهول لتلك المجنونه
وتقف ريناد تهددها بالسلاح وهي مربوطه ومنهكه من الضرب
ريناد: معندناش حاجه عزيزه نتمسك بيها وتكون نقطه ضعف وانا اهو مربوطه وهوريكي
رؤؤل : انتي مجنونه بقي شكله مشوه وانتي من غير شعر كدا
ريناد : ولو كانت ايدي الي معاكي كنت قطعتها انتي واضح انك متعرفيش بتلعبي مع مين وتحاول ريناد ان تقفز عليها وتضربها بالسلاح ولكن تتفادي رؤؤل الضربه بمهاره
وتركل يد ريناد بقدمها ليطير السلاح
وهي تضحك انتي بجد مسليه اوي ومش ايدك الي هنقطعها لالا يا حلوة رقابتك ولو انك خساره الجمال دا يموت بس عزاءك انهم هيكرموكي وانتي ميته
ريناد : رقبتك هتكون قبل رقابتي يا عاهرة المافيا
رؤل : تضحك انتي بتحلمي يا اكيد مش سينا بس مش مهم اي كان اسمك مش هيفرق والافضل ليكي تترجيني ارحمك
ريناد: بس انا عرفت انك يهوديه وهنستني ايه من الي زيكم غير الخسه
رؤل : واضح ان الزوق مش نافع معاكي وانا هربيكي وتركلها بقدمها في ضهرها لتتالم ريناد ولكن دون ان تظهر
……………………………….
رامي : ايوة يا سيف اديني ملخص الي حصل
سيف : ………………
رامي : حدد لي اخر نقطه قبل قطع الارسال كانت فين
سيف …………………….
تمام يا سيف حاول وواثق انك هتنجح تترقهم تاني المهمة امانه معانا يا سيف وارواح زمايلنا امانه
سيف : تمام يا فندم
رامي بالتليفون : ناصر باشا عاوز انا هاخد العربيه ومحتاج معايا مهند وفرقه وهطلع علي اخر نقطه سيف وصلها
ناصر: والتسليم يا رامي
رامي : ثق فيا يا فندم وعاوز اقول لسيادتك ان مكان التسليم دا هيتغيير طالما كشفو اختراقنا فهيغيرو كل حاجه
ناصر : عندك حق بس مفيش في ادينا غير كدا
رامي : يا فندم وعدتك اني يا روحي يا المهمه والتعلب مبيخلفش وعده
ناصر : العربيه اتحركت ليك
رامي: شكرا يا فندم
…………………..
ديفيد: مارك هنفضل كتير منتظرين
مارك: التعليمات اننا ننتظر
ديفيد: واميره
مارك: تقصد رؤل لاء دي طلعت من الناس الي فوق اعتقد تنسي
ميار: اتعليمات وصلت التسليم هيتم قبل خليج العقبه
اجهزو
ديفيد: ورؤل فين
رؤؤل : انا هنا وكل واحد يفهم دوره كويس لازم منعملش غلطه
مارك: والبوليس
رؤل : هنبعت حاجه بسيطه كدا المغاره طعم ليهم نلهيهم عن العمليه الكبيره
مارك: والبنت الي معانا
رؤل : دي بقي تسليتي لو محتجنهاش حلال علي القروش
ميار: انا راي نخلص عليها
رؤل : غباء تخيلي لو اتزنقنا هناوم بايه اكيد ببيها ونقدر ندخل مياه دوليه وهناك السلطه المصريه ملهاش حكم علينا ونرميهالهم بقي لو قدرو ينقذوها
ديفيد: اميره انتي طلعتي
رؤل : رؤل يا ديفيد وشكرا علي اليومين الحلوين الي شفتهم معاك حقيقي غيرت مودي بس نصيحه المشاعر ملهاش مكان عندنا والا هنفشل
يلا كل واحد معاه خريطه وورقه بتعليمات والرئيس بقي منتظركم في الغواصه
……………………
رامي : مش هسيبهم يا مهند مش هسيبهم
مهند: رامي باراحه احنا مكشوفين ليهم
رامي : مهند انا ممكن تتبعوني عن طريق برنامج الشريحه انما الباقي لاء
مهند: رامي فكر كويس
رامي : مهند العمليه هتبوظ وريناد في خطر تخيل دي لو سمر ولا مي اخواتي مع عصابه احساسي هيكون ايه
تخيل دي لو رنا انت هتحس بايه
مش هسيب فرصه ياذوها انت عرفت دول مين يا مهند مش هيرحموها
مهند: عندك حق بس انت بتضحي برجلك كدا
رامي : احسن ما نضحي بكرامتنا يا مهند في حاجات اهم من حاجات
ادهم : مهند ميقصدش يقصد اننا هنكون بدالك يا رامي
رامي : وانا لسه اقدر اتحرك واتصرف لما تقطعو رجلي وابقي عاجز نتكلم
………………………………
مهاب : انا بموت يا ناصر
ناصر : متقلقش يا مهاب انا مش هرجع من غيرها ان شاء الله
مهاب : انا مش قادر اسيب المكتب ولا اكلم كاريمان
ناصر: دا واجب ودي اوامر يا سيادة اللواء وانت ادري حد بيها
مهاب : تمام يا ناصر بس اي معلومات بلغني حتي لو .. يعني لو كانت
ناصر: متكملش ادعي بس تعدي علي خير
واغلق معه الخط
محمود: وبعدين يا باشا
ناصر: مقدرش اقوله اننا منعرفش عنها حاجه وانها في خطر
محمود: انا راي يا باشا اننا نعمل ان العمليه في الجبل حقيقيه واانا صدقنا ونعلن عن نجاحها علطول وبكدا يطمنو ونفضل ممشطين البر والبحر
ناصر : نخلص الاول ونشوف يا محمود
…………………………..
تؤتؤتؤ بقي الجميله الرقيقه بقت كدا مش مصدق نفسي
ريناد: انت
مروان : ايوه انا الي كنت فعلا مهوس بجمالك بس حاليا بصي شكلك وشك كله جروح شعرك كله متقطع ايه دا الدم دا يا حرام دا ايدك بتنزف
ريناد: عاوز ايه
مروان : ولا حاجه كنت جاي ارسمك بس ملقتش حاجه ارسمها
ريناد: مش عيب عربي زيك تكون معاهم
مروان : مين قالك اني عربي
ريناد: انت
مروان : انا وطني الفلوس والجنسيات دي شكليات تعالي شوفي كل الدول تتقاس بالفلوس تعرفي اننا عاملين معاهم تطبيع ومعاهدات هاجي انا واعترض استسلمي وفكري مصلحتنا معاهم
ريناد : انا عطشانه هفكر ازاي وانا عطشانه
مروان : انا هشربك واقعد معاكي انا كنت زيك في يوم من الايام بس خفيت صدقيني العروبه دي وهم شعارات
ريناد : شكرا علي المياه
مروان : انا هسيبك تفكري وراجع لك تاني صدقيني مصلحتك معاهم
……………………..
رامي : المكان متامن كويس لازم ندرسه
لياتي صوت رصاص من كل جانب
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
