رواية المتمردة والثعلب الفصل الثاني عشر 12 بقلم كتابات ولائيات
رواية المتمردة والثعلب البارت الثاني عشر
رواية المتمردة والثعلب الجزء الثاني عشر
رواية المتمردة والثعلب الحلقة الثانية عشر
رامي : انا هعتذر عن المهمة
مهند: ايه
رامي : انا كنت هقتلها يا مهند
مهند: رامي انت كنت عارف
رامي : ايوة
ليسمع صوت بالخارج
مهند : ايه الصوت دا
رامي وهو يخرج مسرعا وهو يتحدث : مش عارف تعالي نشوف
ليقف انتباه اهلا يا فندم
مهاب : رامي منصور شبه ابوك الله يرحمه
ناصر : وقلبه حديد زيه واكتر
رامي : شرف ليا يا فندم
الجميع يقف انتباه
مهاب : انا مش جاي رسمي كله يروح يشوف شغله
رامي: اكيد حضرتك جاي بخصوص مرض الرائد ريناد يا فندم
مهاب : فعلا جاي اطمن عليها عائشه بلغتني انت مش عارف الدور دا بيكون قاسي عليها ازاي
رامي: انا بعتذر يا فندم اني قصرت في حمايتها بس الحمد لله معانا المقدم ادهم دكتور الفريق هو هيدي حضرتك تقرير عنها
ناصر: لاء يا رامي دا مرض مش تقصير
عائشه : ممكن اشوف ريناد
نظر لها محمود : بعد اذنكم ممكن اوصل الانسه عائشه
رامي : اه طبعا اهلا يا فندم
مهاب : عائشه مش عاوزها تعرف اننا هنا غير لما نقعد شويه مع رامي
رامي: تعالي يا ادهم
ادهم : تمام يا فندم انا احب اطمنكم علي الرائد ريناد هي بفضل الله بخير الي حصل ان الطباخة حبت تجود وحطت بحريات في الاكل
مهاب : شكرا يا ادهم علي انقاذ حياة بنتي
ادهم : يا فندم دا واجبي عموما وخصوصا نحو فريقي وخصوصا لو حد عنيد من افراد الفريق ومش بيدقق في الي يضره
ناصر : عندك حق كان مفروض هي تاكد بكل وضوح بس خير
رامي : اتفضلو يا فندم نقعد في المكتب جوا
دخلو المكتب وواغلقه رامي
ناصر : افضل برضه لان عاوز اعرف الدنيا عامله فيك ايه معاها والمهمة
مهاب : اقعد يا رامي
رامي : والله يا فندم الدنيا تمام بدات علاقتها تكون طيبه باغلب الفريق بس واضح انها مش متقبله وجودي انا وعلشان كدا كنت بفكر اقدم لسيادتك اعتذار عن المهمة
ناصر : اعتذار ايه دا علي حد علمي انتو خلاص قدمتو
رامي: دي حطت لي طريشه في جناحي يا فندم
غير انها حطت ادوية في قهوتي
ناصر : انت متاكد من كلامك يا رامي
رامي: للاسف ايوه لكن انا اخدت بالي والحمد لله كل حاجه تحت سيطرة
مهاب : ارفع تقرير وتديها جزا ويتحقق معاها
رامي: لاء يا سيادة اللواء بعد اذنك دا مش اسلوبي مع الفريق بتاعي انا ليا طريقتي الخاصة في التعامل معاهم
انا بحكي بشكل غير رسمي يمكن تنصحوني ازاي اعرف اوقف دا ولكن انا قادر عليه هي ملتزمه في تدريباتها وشغلها وتعاملاتها حتي مع الرتب الاقل
ناصر: رامي عنده حق يا مهاب ريناد فعلا مميزه بس عنيده
مهاب : عنيده مش في الداخليه يا ناصر وانت عارف احنا مش بنلعب
رامي: في الشغل الدنيا معاها تمام يا فندم ودا الاهم
مهاب : مفيش اعتذار عن المهمة وانا هتصرف معاها
رامي : سيادة اللواء من فضلك مش عاوز حضرتك تكلمها بخصوصي
مهاب : تمام يا رامي انا هطلع لها ونظر الي ناصر جاي معايا يا ناصر
ناصر : .ايوة طبعا جاي بس بستاذن رامي عائشه تقعد يومين مع ريناد تساعدها
رامي: اه طبعا يا فندم مفيش اي مشكله
مهاب: تعالي يا رامي ورينا جناحها
رامي: تمام يا فندم اتفضلو فوق
…………………..
ديفيد: الو يا ميار في بنت انتو مشتوها اسمها اميره
ميار : ايوة يا فندم دي لخمة خالص ومعندهاش اي خبره
ديفيد : ابعتيلي ملفها علي الميل
ميار : حاضر يا فندم
واغلقت وارسلت الملف
ديفيد: ايوه يا كريم في ملف هبعتهولك علي الميل عاوز كل تفاصيل عن صاحبته
كريم : اعتبره تم يومين بالكتير
ديفيد: ساعتين يا كريم
كريم : سمير باشا صعب
ديفيد: بس مش مستحيل قبل ما انام عاوز اعرف كل حاجة ومصاريفك محفوظه وذيادة
كريم : تمام يا باشا
…………………….
ريناد : بابي وحشتني
مهاب : خليكي يا ريناد مرتاحه انا كنت قريب جيت اطمن عليكي و بالصدفه عرفت انك تعبانه
ناصر : الف سلامه يا رينو
ريناد : الله يسلم حضرتك انا خفيت لما شوفتكم
ادهم : علي كدا بقي انا دكتور اي كلام علاجي مش نافع
ريناد: ازاي كدا دا انت انقذت حياتي
مهاب : وانتي مدققتيش في اكلك ليه بدل ما تتعبي
ريناد: كان مخي مشغول ومكنتش واخده بالي
ناصر : ياتري مشغول خير ولا شر
ريناد: لاء المهمة كنت بفكر فيها انا بقيت كويسه
مهاب : انا اطمنت عليكي ولو عاوزة عائشه معاكي يومين احنا استاذنا رامي
رامي: دي حضرتك تؤمر يا سيادة اللواء
مهاب : لاء في شغلك انت الي تؤمر يا رامي وكله يلتزم بالتعليمات
دا شغلك يا ابني
ناصر : رامي احنا هنمشي وابقي تواصل معانا دايما
رامي تمام يا فندم
ادهم :متقلقش يا فندم كلنا هنا اسره واتعودنا مع رامي علي كدا
مهاب : يلا يا ناصر انا هرجع ورايا اجتماع
ناصر : يلا شدو حيلكم يا شباب قربنا ندخل في الجد
رينادالتعليمات تتنفذ شدي حيلك
ريناد: تمام يا فندم
…………………..
في اليوم التالي حضرت اميره للشركة
اميرة : ممكن اقابل مستر سمير
الامن : ايوة هو مدي تعليمات اول ما توصلي تروحي له اتفضلي
وصعدت الي اعلي في الشركة ووصلت لمكتبه
السكرتيره: انسة اميرة اقعدي مستر سمير عنده اجتماع هيخلص وتدخلي
اميره : اشكرك
بعد دقائق
السكرتيره : انسه اميره اتفضلي مستر سمير في انتظارك
ميار : مش دي اميرة يا نيرمين
نيرمين السكرتيره : ايوة يا ستي مستر سمير مهتم بيها ومنتظرها من بدريدا قطع الاجتماع علشانها
ميار: وامبارح طلب ملفها واضح كدا ان في حاجة منعرفهاش
نيرمين : الله اعلم بس مستر سمير جد اول مرة يهتم بحد
ميار : اول ما يهتم هيهتم بالخيبه دي دي لخمة وملهاش في حاجه
نيرمين : علمي علمك
بكره نعرف
ميار : طيب هاتي بقي الاسماء الي قدمت والصور
خلينا نشوف شغلنا
…………….
انسه عائشه نورتي
تلتفت لتجده يقف
عائشه : مستر محمد
محمود: لاء انا محمود وياريت من غير مستر
عائشه : اسفه نسيت الاسم
محمود: لاء حضرتك تنسي وتنقي واحنا نوافق ولو عاوزة اغيره معنديش مشاكل
عائشه نظرت له وصعدت لاعلي بخجل
دخلت غرفه ريناد وهي تبتسم
ريناد: مالك يا بنتي بتجري ليه كدا
ذي الي بتجري من عقربه
عائشه : لاء دا دي دا اصل
ريناد: بت يا عيشه اوعي يكون حد زعلك انزل اولع فيهم
عائشه : يا اختي اتنيلي وانتي قادرة تقفي وكمان قولت عائش عائش عااااااائش
ريناد: طيب يا زفت عائش مالك بتقطعي ليه اتنيلي اقعدي وقولي
عائشه : هو محمود دا يعني اصل
ريناد: ماله محمود بصلك والنبي اطخه
عائشه : لاء تطخي مين دا اصله لطيف
ريناد: محمود ؟ لطيف؟ محمود زميلي الي زي سد النهضه دا طول بعرض
طب ازاي اعقليها كدا
عائشه : ريناد انتي الي في وشك دي عنين بجد بتشوفي بيها ولا ديكور
ريناد : لاء خرزه زرقه علشان الحسد يا عين امك
عائشه : كدا انتي خفيتي
ريناد: وكدا تروحي تقعدي جنب عبير وكاريمان عماتك ايكش ياكلوكي
عائشه : هو انا مقولتلكيش مش خالتك عبير كانت عاوزة تلبسني في معتز
ريناد: والله عبير لو تسيب معتز في حاله هيلبس في حيطه لوحده مش عارفه هي مصره تجوزة ليه
عائشه : ما انا بقي استغليت الفرصه وقومت امك علي ابوكي
ريناد: يخربيتك هببتي ايه واتاري لما جيت لقيت عامله رنساج وميك اب قولت يمكن راحه حفله تنكريه
عائشه : لاء اهي تتشغل حبه وتحل عننا ما انتي هنا وسايباهم عليا لوحدي
ريناد: الله يعينك يا مهاب زمانها بتمارس هوايتها في روحت فين جيت منين و نكد اكيد هتتجوز عليا علشان تجيب الواد يلا هما برضه يستاهلو حد يقولهم يحبو بعض
عائشه : طيب ياريت الاقي حد يحبني زي اونكل مهاب كدا ياااه يا ريناد دا بحسه بيتعامل مع عمتو انها بنته
ريناد: اه فقعه مراره هي قولي بقي زفت محمود قالك ايه
عائشه : قالي قوليلي محمود
ريناد: وانتي تقولي له محمود ليه ان شاء الله ز اااه بت يا عائش الواد امه عاوزة تجوزة وماشي يدور علي عروسه ينوبك فيها ثواب تتجوزيه وتريحي قلبها
عائشه : هتشحتي عليا يا رينو ماشي بس قوليلي اخبار رامي ايه
ريناد: يا اختي ربنا ياخده هو السبب اني كنت هموت بس وحياة كاريمان ل هوريه
عائشه : يالهوي يموت ايه بعد الشر الواد قمر حرام عليكي
ريناد : قلبتي عليه مش كان محمود
عائشه : لاء انتي فهمتي غلط قصدي اكيد عنده بيت واولاد حرام
ريناد: ودا اصلا مين المغفله الي هتبص في وشه العكر دا
عائشه : يا بنتي انتي اخر مره كشفتي نظر امتي
ريناد : عائشه اتلمي واتخمدي انا تعبانه الا صحيح فين العصير
عائشه : يا خبر نسيته تحت هنزل اجيبه
ريناد : لاء يا عين اهلك اتنيلي اقعدي وانا هكلم صفيه تجيبه
……………………….
رامي : ادهم اخبار ريناد ايه
ادهم : بقت افضل كتير اعتقد يوم كمان وتنزل تدريب بس لازم تقوي مناعتها وتشتغل سباحه يوميا
رامي: طيب تمام
ادهم : بس ايه يا رامي بالراحه عليها دي رقيقه ومتتحملش اسلوبك
رامي: ادهم قولت لك لم نفسك
ادهم : الله مش انت الي سالت بصراحة هي مكنش ينفع تبقي ضابط كان لازم تبقي نجمه فنانه تشكيليه رسامه الرقه دي متشتغلش مع الاشكال دي
رامي : غور يا ادهم بدل ما افتح دماغك
………………………………..
حضرت ثلاث فتيات للمهمة ضابطات برتبه ملازم وسيف المسؤل عن تدريبهم
لم تقابلهم ريناد ل مرضها
ادهم مازال يعامل ريناد ك ملكة متوجه اتت من الفضاء الخارجي خصوصا في وجود رامي
هو بصراحة اوفر اوي
وفي يوم ريناد تجلس في الحديقه و جلس ادهم يتحدث مع ريناد
ريناد : قولي بقي ايه موضوع ان كل ما رامي يتعب عاوزك انت
ادهم : بصي يا ستي رامي بيثق فيا احنا مع بعض من سنين وانا الي عملت له اخر عمليه الي ركب فيها الشريحة
ريناد: شريحة ايه
ادهم : دي اسرار بس هقولك ادهم علشان يعمل عمليه لازم يدرس الموضوع اخر مره كانو بيستبدلوه مكان جاسوس خطير والجاسوس دا مركب شريحه ومسمار في جسمه كان لازم ادهم يركب برضه زيه وعلشان هو مش سهل اتصمم له شريحة الكترونيه تقدر ب برنامج معين يتعمل لها تتبع وتسجل الداتا الي عاوزها ومش هتتكشف لانها جوا جسمه
ريناد: ايوة الموضوع دا ليه دا خطر وعمليات
ادهم : رامي اجدع واشجع حد في المخابرات بجد انا بكون فخور اني صاحبه تخيلي رافض يرتبط او يتجوز لانه حاسس انه هيموت في اي وقت واهب روحه للبلد
ريناد : كلنا واهبين روحنا لخدمة البلد بس مش كل مهمة هنركب ونفتح عمليات ونشيل ونحط
ادهم : مع رامي لاء لازم يعمل اقصي مجهود دا غير انه اهم حاجه سلامه فريقه اخر واحد بينسحب هو بعد اخر اصغر عسكري معاه
ونظر اليها بس الا قوليلي هما ليه بيقولو ان ليكي وش تاني ما الوش دا قمر اهو
ريناد : ادهم بص الكلام بتاعك دا مش عاوزة اسمعه تاني الاول قولت بتجامل بس انت مزودها بصراحة اوي
ادهم : ريناد انا مبقصدش حاجه انا بس اتعودت مش اكتر ولو بتضايقي احاول ابطل
ريناد : الجو برد في الجنينه عن اذنك هطلع اوضتي وشكرا علي تعبك معايا
…………………
سيف: ملازم روان ملازم ريم ملازم سارة كدا كل واحده عرفت شغلها واتدربت عليه
البنات: تمام يا فندم
سيف : طيب يلا انصراف
روان : مين دي يا سيف باشا
سيف : دي رائد ريناد بكره في التدريب هتتعرفو عليها
كانت تعبانه بقالها كام يوم علشان كدا متعرفتوش عليها
ريم: انا اول مهمة ليا اطلعها ومبسوطه ان حضرتك بتدربنا
سارة : معلش يا باشا اصل ريم مستجده يلا يا ريم
سيف : متنسوش المواعيد مش عاوز اي تاخير
_: تمام يا فندم
وفي يوم ادهم قاعد وسمع صوت بص عليه وهو بيقول يا نهار ابوكي اسود
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
