رواية الماضي الاسود الفصل الثالث عشر 13 بقلم إيمان
رواية الماضي الاسود الجزء الثالث عشر
رواية الماضي الاسود البارت الثالث عشر
رواية الماضي الاسود الحلقة الثالثة عشر
الطاف مكمله : فاليلة اللى خد فيها سليم مراته وابنه وساب البيت جدتك بعتت جابتنى
فى ايه يا حاجة بعتى الغفير بتاعكم يجبنى على ملى وشى ليه
الجدة بغ ل : البت السهتانه قوت قلب ابنى عليا وخلته يسبنى ويمشى قال ايه حيعيشوا لوحدهم
الطاف : بت مين ويعيشوا لوحدهم ايه هى ايه الحكاية
سليم خد بيت يعيش فيه هو ومراته لوحدهم بت يا الطاف انا عرفه انك عينيك من سليم
الطاف بارتباك : انى لا لا
الجدة : ما تكدبيش انا عرفه ولو ساعدتينى حخليكى تنولى مرادك وسليم يكون من نصيبك
الطاف بفرح لم تستطع اخفاءه : اساعدك اساعدك ازاى وفايه
البت اللى معاه دى لازم يط لقها
معقول دا بيمو ت فيها مو ت ولا ممكن يسبها
انا بقه حخليه يسبها
طب ازاى
احنا حنشككه فيها هى مش البت دى كان حسين ابن عمها عينه منها
ايوة بس حسين خلاص اتجوز عديلة بنت خاله
وعامل ايه يا بت فجوازة مبسوط ولا
قاطعتها الطاف : لا هو مبسوط ولا حتى عديلة اللى كان يت قلع لها عين ويبصلها بس مش يتجوزها كده مرة وحدة
ليه يابت
حسين اصله مكنش عاوز يتجوز خالص بعد ما بنت عمه اتجوزت غيره ومفكرش يتجوز الا لما لاقها مبسوطه مع جوزها وخلفت منه كمان فتجوز عديلة كده زى ما بيقولوا سد خانه وخلاص دى بتقولى انه لحد انهاردة اوقات بيغلط فى اسمها ويندهها باسم بنت عمه لما نفسها تغمض عنيها وتفتحها تلقاها خفي ت من على وش الارض
يعنى انتى اللى مش عوزة كده يا الطاف بعد ما سابك سليم وتجوز صحبة عمرك
الطاف بغ ل : معرفش فيها ايه زيادة عننا عشان الرجاله تمو ت روحها عليها ومش وخدين بالهم منا خالص
الجدة : انا بقه حخليهم يخدوا بالهم منكم بقولك ايه روحى هاتى عديلة وتعالى
اجبها ليه
لما تيجى حتعرفى كل حاجة
طب ولو جوزها مرضيش يخرجها اعمل ايه
معرفش اتصرفى وهاتيها
ولا صحيح دا انهاردة جوزها مسافر يجيب بضاعة للمحل بتاعه
طب يلا روحى جبيها بسرعة
سالخير يا حاجة الطاف قالتلى انك عوزانى
تعالى يا عديلة اقعدى
ادينى قعدت ايه بقه الموضوع
الموضوع ان احنا التلاته متفقين على حاجة وحدة وهى ان بنت عم جوزك تختفى من على وش الارض
ياله وى انتوا حتق تلوها ولا ايه
ق تل ايه مين جاب سيرة الق تل احنا حنعمل فيها اللى اشد الف مرة
ما تفهمونى ايه الحكاية هو فى ايه يا الطاف
الطاف : انا زى زيك مش عارفة حاجة
الجدة : حفهمكم احنا حنشكك سليم ان فى علاقة بين مراته وحسين يقوم يطل قها
عديلة بغضب : اه هو يطل قها ويرجعلك وهى ترجع دار عمها قصاد جوزى تانى وخده منى
الجدة : دا مش حيحصل ولا حتقدر تهوب ناحية جوزك بعد الفضي حة اللى حنعملهلها عشان ما تثبتش الته مه عليها دا مش بعيد تسيب البلد وتطفش وتبقه ريحت الكل
عديلة : طب انا ايه المطلوب منى دلوقت
حقولك هو مش جوزك بيسافر مرة كل اسبوع يجيب بضاعة للمحل بتاعة
ايوة
خلاص انتى تقولى هو حيسافر امتى الاسبوع الجاى
اه وبعدين
سليم كل يوم بيروح يسهر فالاسمه ايه ده النادى الثقافى اللى عملوه جديد فالبلد بعد ما يخرج هو الطاف تروح على انها بتزور صحبتها وهى بتشرب معاها الشاى او اى حاجة تخليها تقوم باى شكل وتقوم حطلها منوم فى كوبايتها
الطاف مقاطعة : منوم ايه وحجيبه منين
الجدة شارحه : انا اللى حدهولك من عندى بعد لما تنام تدخليها اوضتها وتنيميها فى سريرها لا بس استنوا ناقصنا حاجة
عديلة والطاف معا : ناقصنا ايه
عوزين راجل يشبه حسين من ضهره
عديلة : يشبه حسين ليه
الجدة : امال حنشكك سليم ازاى
الطاف : طب هو الراجل ده حيعمل ايه بس انا مش فهمه
الجدة : بعد ما تنيميها فى سريرها حتفتحى للراجل ده وتدخليه واول ما يحس بسليم داخل البيت يجرى ينط من شباك اوضه النوم وكانه كان معاها بس لازم الراجل ده يكون سريع جدا عشان ما يلحقش سليم يمسكه ويتعرف عليه وعديلة كمان تجيب لنا جلبيه من بتوع جوزها
عديلة برعب : دى حكاية كبيرة اوى وانا اخاف على جوزى
الجدة : تخافى عليه من ايه وهو حيكون برا البلد اساسا
الطاف : بجد خطة جهنم يه وما تخرش الميه وان كان على اللى يشبه حسين من ضهره عندى
الجدة : عندك بجد طب مين
الطاف : الواد عوضين جارنا وهو ابوه وامه القرش لو حطينا فايده اى فلوس حيعملنا كل اللى احنا عوزينه دا غير انه سريع ولا الطيارة
الجدة بنظرة رضا : كده يبقه كله تمام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الماضي الاسود)
