رواية الماستي الفصل السادس عشر 16 بقلم أسيل عمران
رواية الماستي الجزء السادس عشر
رواية الماستي البارت السادس عشر
رواية الماستي الحلقة السادسة عشر
الماس… جدوووو
حسام… اندريدوو
زاك.. ج جدي
الماس كانت واقفة لسه بتحاول تستوعب اللى بيحصل اما زاك وحسام جريو على اندريدو وحاولو يفوقوه وهو مش راضي يفوق وعمالين يندهو على الماس والماس كل اللى شيفاه منظر الدم اللى نازل من بوء اندريدو ومشهد يوسف رجع في ذاكرتها تاني
زاك… الماااااااس افيقي جدي سيموت وكان صوتو عاالى اوووى الماس انتفضت من الخضة وبصت لاندريدو وجريت عليه
وبعد ساعات من المحاولات وتركيب الاجهزة الطبيه لاندريدو فاق واخيرا ومكنش راضي يتكلم بس كان بيبصلهم وبس
اما الماس خرجت من الاوضة ومن البيت كله وميعرفوش هي راحت فين لان كان كل اهتمامهم هو صحة اندريدو
زاك… جدي ارجوك انت بهذة الطريقة لا تحقق لي امنيتي بل تجبرها على التحقق ويا جدي صدقني ان كان لنا نصيب ببعض لتزوجنا منذ زمن لا تجبرها يا جدي
حسام… اندريدو الماس اتخذت قرارها لا تجبرها
اندريدو… الماس لا تحبني قد ظهرت على حقيقتها فعلا
مرة واحدة لاقو الماس بتدفع الباب وبتقول بقوه وبصرامة
الماس… اذا انت تظن ان ما تفعله صحيح ان تجبرني على الزواج يا جدي فقط لكي اكمل حياتي من قال لك هذا انا حياتي انتهت منذ رحيل يوسف لا تجبرني وانحنت على ركبتيها وعينها دمعت وقالت
الماس… ارجوك لا ياجدي اي طلب اخر الا هذا
اندريدو ومسد على حجاب الماس وقال بحنان
اندريدو… حسنا سأعقد معكي اتفاق
الماس وزاك وحسام بصوا كلهم لاندريدو بستغراب
اندريدو… ستتزوجين زاك حسنا وتعالجيني واذا شفيت اعدك واقسم لكي ان اتنفصلا فورا وان لم اشفى وذهبت لخالقي اريدك ان تقسمي لي وتعديني ان تكملى في هذا الزواج يا صغيرتي ما رأيك
الماس اترددت وبعدين قالت اناهتوكل على الله في علاج جدو وهنسى تماما امر الزواج دة وانشاء الله جدو هيتشفي
الماس… موافقة
زاك… ولكني اعترض
اندريدو… سأتبرى منك واقسم بالله اني سأتبرى منك اذا لم تفعل ما اقول لك
زاك… حسنا جدي عاجلا ام اجلا ستتعافى وسانفصل عنها
اندريدو…. فقط ادعي ان يقدم الله ما فيه الخير
الماس… سنبدأ علاجك بعد اسبوع
اندريدو… وفرحكما قبل بدأ اول جلسة في جلاسات علاجي
زاك والماس… ماذاا؟!
اندريدو… من احدى طرق العلاج السريع النفسية الحسنه وانا اريد ان ادخل الجلسات وانا نفسيتي غير تعبه
الماس… حسنا جدي
زاك… حسنا الان لنتركك لتستريح
الماس وزاك وحسام قامو مشيو واول ما خرجوا من الباب الماس بصت لزاك نظرة تحدي وغضب اما زاك كما هو بنظرتة الامبالاة التي تشعل غضب الماس
الماس بغضب… حساام لنذهب للبيت قبل ان انفجر وكانت بتقول الكلام دة وهي بتجز على سنانها لدرجة انها خلت زاك يضحك بصوت عالى بس دة اشعل غضب الماس اكتر واقتربت من تكة وتضربو وزاك واقف ثابت
زاك… ايتها المتدينه يا ذات الخمار اقترابك مني بهذا الحد وهذة الطريقة يعتبر حراما ما دمت لم اتزوجك بعد
الماس فاقت لنفسها وقالت… سأرحل يا بغيض
ومشيت وحسام بص لزاك وغمزلو وضحك وزاك فهم معني الغمزة دي واتكسف واكتفى انو يبتسم
زاك… لم اكن اريد ان يحدث هذا بهذة الطريقة الماس انا وانتي مجبران الان
ومع الماس وحسام الماس كانت قاعدة سرحانة ومش بتتكلم خالص
حسام… الماس
الماس… نعم
حسام… لو مش عاوزة تكملى في الطريق دة متكمليش خالينا نوقف هنا قبل ما نغوط اكتر ونتورط
الماس… لا يا حسام عاوزة اشوف بعيني اخرة الطريق دة اي لاني مراهنة حياتي قصاد حياة جدو وانشاء الله هتتحل وربنا يقدم اللى فيه الخير
حسام ابتسم… اكتر حاجه بحبها فيكي انك لما بتدي كلمة مبترجعيش فيها وبتتوكلى على الله
الماس ابتسمت وقالت في نفسها… اللهم اني توكلت عليك
وبعد يومين
كانت التحضيرات لفرح الماس وزاك كانت بتتحضر على قدم وساق حرفيا وكانت أية مشغولة بلبوفيه لحد الزينه وكانت الماس مش مدية الامر ااهتمام وعاشت حياتها الطبيعية وجات في يوم كانت مخنوقة شوية لانها راجعت الاشعة بتاعت اندريدو لاقيت ان المرض بدا يتسلل لخلايا تانية واندريدو رافض تماما انو يعمل اي جلاسات علاج قبل الفرح
ومرة واحدة افتكرت بسنت وجورى راحت اخدة ماسة وراحت لبسنت وجورى تقعد معاهم شوية
الماس.. بسنت وكانت بتخبط على الباب
جالها صوت من جوا الفيلا الكبيرة دي بيقول بلفرنسية
… من هنااك
الماس… هذة انا الماس
الخادمة فتحت الباب لالماس وندهت لبسنت بسنت اول ما شافت الماس جريت عليها وحضنتها وكأنها صاحبتها من زمان مش من كام يوم بس
بسنت…. الموووستي عاملة ولله وحشتيني جدا وكنت لسه بفكر اجيلك
الماس… هههه اديني جيتلك اهو القلوب عند بعضيشها يا اوختشي بسنت ضحكت على طريقة الماس المرحه ولاحظت وجود ماسه اللى عمالة تبص للبيت وكأنها بتدور على حد معين
بسنت… ماستي الجميلة بتدور على مين على جوري
ماسه… ايوة هي فين جورى يا طنط
بسنت…. جورى قاعدةفي اوضتها تعالى هطلعك ليها
ماسه… ماثي
بسنت طلعت لجورى هي والماس وماسه واول ما جورى شافت الماس وماسه حضنت الماس بسرعة وحضنت ماسه
جوري… ماااستيي وحشتيني اوى يا طنط ماااسه وحشتيني اوى ولله تعالى نلعب بلعب بتاعتي يلا واعرفك كمان رعد اخويا الكبير يلا
جورى وماسه جريو على اوضت جورى وفضلو يلعبو
اما الماس وبسنت قعدو في الصالة وفضلو يحكو في حاجات كتير وكأنهم يعرفوا بعض من زمان
الماس… الا قوليلي يا بسنت لو مفيهاش تطفل هو انا ليه مش بشوف جوزك
بسنت…. مشغول في شغله شوية اليومين دول ادعيلو عشان هو داخل صفقة كبيرة
الماس… ربنا يوفقة انتي بتحبيه
بسنت… ازاي محبهوش بعد كل اللى مرينا بيه سوا دة احكيلك حكايتي انا وهو استني بس هروح احضر لنا حاجه ناكلها ونشربها ومتقوليش لا احنا خلاص بقينا اهل
الماس معلقتش لانها اولا حبت بسنت اوى واعتبرتها اخت ليها ثانيا عشان الماس ميته من الجوع 😂
بسنت اتأخرت شوية راحت الماس تشوف جورى وماسه بيعملو اول ما راحت الاوضة بصت لاقت ماسه منسجمه اوى في اللعب مع جورى وفي ولد تاني معاهم
ماسه… جووورى العروثة جاعت عاوزين نأكلها رعد حضر الاكل
رعد… حاضر يا ابله ماسه تؤمرى بحاجه تاني
ماسه بتكبر طفولى… لا كفاية عليك بس متنساش تعمل لالماس عروستي عصير
رعد… حاضر يا انستي وكانو بيمثلو الدور كويس اوى خالو الماس بتكتم الضحك بلعافية وافتكرت الماس لما كانت بتلعب مع أية وحسام ويوسف الالعاب دي وعلطول يوسف كان بيبقى هيموت ويبقى العريس عشان يجوز الماس في اللعبة في وسط ذكريات الماس دي افتكرت منظر يوسف وهو على الشط وافتكرت ابتسامتو الاخيرة ونزلت منها دمعة مسحتها بسرعة اول ما حست بأيد بسنت عليها
بسنت… يلا يابنتي بقالى كتير بدور عليكي وبتبص على اوضة جورى لاقتهم منسجمين اوى في اللعب
بسنت ببتسامة… عارفة يا الماس جورى عمرها ما كان ليها صحاب وعلطول كانت حزينه ومبتتكلمش كتير وحابسة نفسها مع الكتب وحتى الالعاب مبتلعبش بيهم بس من ساعت ما صاحبت ماسه وبقت بتروح توديها الحضانة وتجري هيا على مدرستها ونا علطول بشوفها بتتكلم معانا وفرحانة بوجود صديقة وبتلعب زي بقيت الاطفال حتى وان كان رعد معاها بس رعد عندو صحابو اللى بيحبو اذا كان بنات او ولاد بيحبو رعد اوى على عكس جورى علطول بيتنمرو عليها ورعد هو اللى بيدافع عنها ومع ذلك. رعد اول مرة ينسجم مع بنت في اللعب دة لان رعد مبيبقبلش ابدا يلعب الالعاب دي لانها العاب اطفال وبيقول على نفسه انو كبر وبقى راجل ومينفعش يلعب الالعاب دي بس ماسه تحسيها نسخة مصغرة عنك اول ما بتيجي بتحط البهجه في البيت برغم سنها الصغير دة بس ليها قبول مش طبيعي
الماس ببتسامة… ربنا ما يحرمهم من بعض ولا يحرمني منك يا بسبس
بسنت ببتسامة… تلاء تلاتة اختي مش صحبتشي لا 😂
الماس… طب يلا ياختي عشان تحكيلي حكاية جوزك
وبعد نصف ساعة
بسنت… بصي ياستي انا وفهد جوزي كنت انا تحسيني في عالم وهو في عالم موازي ليا خالص ولما اتقبلنا اول مرة كنت انا في تالته ثانوي وجبت مجموع عالى اوى واخدت منحه لهنا بس كان في عائق قدامي كان في شابكدة كان بيحبني اوى وانا كنت بحبو بس لا هو اعترف ولا انا اعترفت لانو حرام فلما جاتلى المنحة عمرى مكنت هضيع الفرصة دي من ايدي وبعدين مكنتش ضامنه اذا كان الشاب دة بيحبني ولا لاء وفي المطار ونا بودع اهلى لاقيتو جاي ومعا شنط سافرو وتخيلي انو كمان كان معايا في نفس الطيارة بس ولا بصلي ولا تف في وشي حتى 😂ولا انا حاولت حتى اجر معا كلام لحد ما وصلنا كانت اول مرة اشوف فيها فهد جوزي كان واقف وكان بيستقبل ااطلاب اللى جايين المنحه دي لانو هو اللى كان مقدمها لينا في اليوم دة شديت انا وفهد في الكلام واتخانقت معا وفهد اساسا مكنش مسلم وكان علطول بيناديلي يا مسلمه ولا كأنها شتيمة وهنا بقى الماس افتكرت زاك ولما كان علطول بيقولها يا مسلمه
بسنت… الماااس روحتي فييين
الماس… هه لا ابدا بس افتكرت حاجه كدة كملى سماعكي لا استني لحظة في حد من العيال بيعيط
بسنت والماس جريو على فوق لاقو رعد متصاب في ركبتو ودماغو وماسه وجورى بيعيطو عليه
الماس…. رعد مالك في اي
رعد… مفيش حاجه حصلت انا كويس
جورى… لا حصل ماسه كانت بتلعب معانا ورعد حب انو يبدل الادوار ويبقى هو العريس بدال الخدام وماسه رفضت وزقت رعد ووقعتو على الترابيزة دي فتجرح في دماغو ورجلو
ماسه… بث انا مكنث قصدي يا جورى(بس.. مكنش)
جورى… ماسه اخرسي انتي خليتي اخويا دماغو ورجلو تجيب دم
ماسه عيطت وراحت استخبت في حضن الماس
ماسه…. عمتو يلا نمثي مث عاوزة اجي هنا تاني روحيني ونبي ياعمتو(نمشي… مش)
الماس…. هششش اهدي ياقلب عمتو حاضر هنمشي اهو وكمان الجو اتأخر ولازم امشي قبل ما جوزك يابسنت يجي معلش بقى هجيلك المرة الجاية واكون لوحدي
بسنت… جووورى اعتذري لماسه فورا
جورى بصت للناحية التانية بكبرياء… لاء
رعد… جورى انا مسامح ماسه هي مكنش قصدها انتي لية مكبرة الموضوع اوى كدة
جورى… اسكت انت ومش هعتذر لحد
رعد بغضب… تتكلمي بأذب ولما اقول تعتذري يعني تعتذري
ماسه بدموع وغضب طفولى… متزعقلهاث ياض ملكث دعوة بيها (متزعقلهاش… ملكش)
جورى بصت لماسه ورعد وجريت على الاوضة التانية وسابتهم
رعد جي يقرب من ماسه لقى ماسه بتقولو
ماسه… مث تكلمني انت ثرير (مش… شرير)
رعد…. ماسه دة انا بدافع عنك
ماسه…. لا انت وحث. وبتزعل جورى
الماس….. خلاص يا ماسه متبقيش عنادية ونتي يابسنت متقسيش على جورى هي لسه صغيرة متفهمش حاجة
بسنت… لا يا الماس لو اتعودت على كدة هتفضل تعيد نفس الغلطة دي تاني
الماس… نبقى نتناقش في الموضوع ده بعدين بس لازم امشي حسام اتصل مليون مرة دة هينفخني بسببك يا ماسه يلا مع السلامة يا بسنت مع السلامة يا رعد سلام يا جووووورى
واخدت ماسه وجريت وهي طالعة من الفيلا لاقت زاك وقفلها على العربية وبيبصلها بغضب
الماس حاولت تستجمع كل قوتها وراحت نحيتو واتكلمت بقوه زائفة
الماس… اي اللى جابك هنا في اي
زاك… اخرسيي وكان صوتة عالى اوى خلا الماس تخاف وماسه عيطت من كتر الرعب
الماس… انت بتكلمني كده ليه انت اتجننت
زاك…الهانم لية مبتردش على التلفون
الماس…. مكنتش سامعاه فيها اي بعني
زاك… جدي يا هانم تعب فجأة تاني ومكناش عارفين نفوقو بس لو الهانم مهتمة كانت حتى ادت بصة للفون بس ازاي
الماس… انت بتقول اي جدو وجريت على العربية ولسه هتسوق لاقت زاك بيبعدها عن كرسي السواقة وساق هو
طويل الطريق كانت الماس في عالم تاني مش في العالم دة وكانت بتقول في نفسها
الماس… انا استحملت خسارة يوسف بس مش هستحمل خسارة جدي كمان يارب استر يارب ونزلت منها دمعة مسحتها بسرعة بس زاك شافها وقال في نفسه
زاك…. لما تكلمت معها بهذة الطريقة يالى من احمق كنت اخطط ان اتقرب منها ان اجعلها تحبني لا ان تكرهني
لقد افسدت كل شيئ
ولما روحو لاقو اندريدو في السرير ومعا أية وحسام ودكتور تاني
الماس… جدو ماله حصلو اي
حسام… اهدي الحمدلله عديت على خير بس كنا عاوزينك. انتي اللى تكشفي عليه عشان انتي عارفه ان اعداء جدو كتير في السوق ولو عرفو بمرضو هيقلبو الدنيا عشان يغلبوه ومش بعيد يقتلوه انتي عارفة الفرانسيين
الماس… جدو هل انت بخير الان
اندريدو… نعم يا صغيرتي انا بخير
الماس… انا اسفة لاني لم اكن موجوده انا اعتزر لك جدي لن اتركك من الان فصاعدا وعيطت الماس
اندريدو…. اريدك فقط ان تهدأي انا بخير يا صغيرتي صدقيني
وبعد الكلام دة كله كل واحد راح عشان ينام اما اندريدو وزاك فضلو في شقتهم دي اما الماس وحسام وأية راحو على فيلتهم
وبعد ايام جيه اليوم المنتظر يوم فرح الماس والماس وزاك حبو انهم ميشهروش الفرح دة اوى اللى هو كتب كتاب وفرح بينهم هما وعزمت الماس بسنت وجوزها وماريا وامها وحتى اخوها اما الباقي كان بينهم هما اية وحسام والاطفال واندريدو طبعا مكنش في حد غريب غير المؤذون
وعقد قرأن زاك والماس وزغرطت أية حتة زغروطة انما اية بنت بلد بصحيح😂وجات وراها زغروطت بسنت وهما الاتنين قامو بلواجب اما الماس كانت شبه الحورية بلظبط بفستنها الاوف وايت وخمارها الرقيق اللى من نفس لون الفستان اما زاك كان جنتل مان بجد بعيونو الزرقا وجالو الفرنساوي دة وكان لابس بدلة سودا وأية اللى كانت قمر بفستنها الاحمر اللى علية ورود بيضا وخمارها الابيض وحسام كان اخر شياكة خاصتا انو واخد نفس عيون مامته عيونو خضرا واندريدو كانت الفرحة م سيعاه اما ماريا بعيونها الزيتوني وخدودها الحمرا الجميلة وفستانها السماوي الرقيق مع خمارها الابيض كانت ملكة جمال حقيقية
واخيرا جيه وقت توديع العروسين الماس مشيت هي وزاك وزاك استغل الفرصة ومسك ايد الماس الماس بصتلو وقال
الماس… لم نفسك يا زاك عشان مقلبش اليوم. عليك بنكد
زاك… جدي بيبصلنا يا هبلة حاولى تتظاهرى ان كل حاجه طبيعي واننا ساعدين عشان نفسيتو
الماس بصت لاندريدو ولاقت الفرحة في عنيه والابتسامة ماليه وشو راحت مسكت في دراع زاك بأكملو وحطت راسها على دراعو ومن كتر الكسوف مكنتش قادرة حتى تبصلووزاك كان مصدوم جدا من تصرفها دة بس فرح انها واخيرا قربت منو ومشيو وهما ماشيين بلعربية لاقت الماس ان زاك واخدها في طريق تاني غير طريق بيتو
الماس… احنا رايحين على فين مش المفروض البيت من هنا
زاك… هخطفك
الماس بخوف… زاك في اي صباح الفل
زاك… ههههههههههههه يبنت الهبلة انتي صدقتي انا بنكشك بس في حد هيخطف مراتو يا هبلة احنا رايحين على فيلتنا اومال انتي فاكرة ان زاك سويراس يعيش في بيت زي دة
الماس… من تواضع لله رفعه
زاك… دة مش تكبر يا الماس دي ثقة وبعدين انا مسلم وعارف في الدين كويس
الماس… زاك
زاك… نعم
الماس… خاليك عارف ان جوزنا دة مجرد صفقة وانشاء الله لما جدو يتشفي هنطلق يعني انت حاليا متتدخلش في شؤني ونا مش هدخل في شؤنك ولا كأنك اجوزتني ولا وكملت بخجل ولا ليك حق عليا انك تلمسني
زاك سمع الكلام دة وكان بيحاول يستوعب الصدمة بس زاك عمرو ما بين ابدا حقيقة مشاعرو زاك بس بصلها ولاول مرة زاك يبقى حزين بلشكل دة وقال
زاك… انا كنت لسه هقولك كدة اساسا كويس انك قولتي
الماس بصتلو وابتسمت وسكتت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الماستي)
